இன்றிலிருந்து கவிதை – சே.கார்கவி




ஒரு சொடுக்கிடும்
நேரத்தில்தான்
காலம்
கண்கள் விரிய விரியக்
காரணங்களைக் காட்சிகளாக
உருவகப்படுத்தி நமக்குக்
கன்னங்களில்
கண்ணீராகவும்
கன்னம் வீங்கும் நிலைக்குப்
புன்னகையாகவும்
மின்னச் செய்துவிடுகிறது…

ஒன்றுக்குப் பின் ஒன்றாக
வரும் அனைத்தும்
சில
வேண்டியவைகளாகவும்
பல
வேதனைகளாகவும் உருமாறியபொழுது
மீண்டும் விரிகிறது
வேண்டுதலின் கண்கள்….

சரி போகட்டும்
கையைப்பிடித்த படியே
நகரும் நிழலின்
குணமும்
இருளோடும்
தலைமேல் குவியும் சூரியக்கதிரோடும் நம்மை
சிரமமிழ்த்திச் சற்று நகர்த்துகிறது…

இன்றாவது முடியட்டும்
இல்லையில்லை
இன்றிலிருந்தாவது
குறையட்டும்
குறியீட்டில் காட்டி விளக்கிடும்
அய்யகோ எனும் விரக்தி…….

– கவிஞர் சே கார்கவி

இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.

புக் டே இணையதளத்திற்கு தங்களது புத்தக விமர்சனம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து  படைப்புகளையும், எங்களது [email protected] மெயில் அனுப்பிட வேண்டுகிறோம்.