ஜான் டின்பெர்கன் (Jan Tinbergen) ஏப்ரல் 12, 1903இல் பிறந்து ஜூன் 9, 1994இல் மறைந்த டச்சு நாட்டினைச் சார்ந்த பொருளாதார அறிஞரான இவர் பொருளாதார அளவீட்டு மாதிரிகளின் வளர்ச்சிக்காக (Development of Econometric Models) நன்கு அறியப்பட்டார். ஜான் டின்பெர்கன் மற்றும் நார்வே பொருளாதார அறிஞரான ராக்னர் ஃபிரிஷ் ஆகியோர் பொருளாதாரத்திற்கான நோபல் குழுவினால் நிறுவிய முதல் நோபல் பரிசை “பொருளாதார செயல்முறைகளின் பகுப்பாய்விற்கான மாறும் மாதிரிகளை உருவாக்கிப் பயன்படுத்தியதற்காக” கூட்டாகப் பெற்றனர்.
டின்பெர்கன் 1930களின் பிற்பகுதியில் பொருளாதார அளவீட்டில் (Econometrics) முன்னோடியாக இருந்தார், புதிய புள்ளிவிவர நுட்பங்களை முதன்மையாக புதிய-கீனீஸியன் பேரியல் பொருளாதார மாதிரிகளுக்குப் பயன்படுத்தினார், அளவுருக்களை மதிப்பிடினார் மற்றும் பொருளாதாரக் கொள்கைகளின் தாக்கத்தைக் கணக்கிட அவற்றைப் பயன்படுத்தினார். பொருளாதாரங்களின் பல-சமன்பாட்டு மாதிரிகளை உருவாக்கிய முதல் பொருளாதார நிபுணர்களில் டின்பெர்கனும் ஒருவர். அவர் இருபத்தேழு-சமன்பாட்டுப் பொருளாதார அளவீட்டு மாதிரிகளை உருவாக்கினார்.
பொருளாதாரத்தில் கணித வழிமுறைகளைப் பயன்படுத்தத் தொடங்கினார், அந்த நேரத்தில் அது ஒப்பீட்டளவிலும் சொல் அளவிலும் மற்றும் கணிதம் அல்லாத துறையாகவும் இருந்தது. 1930களில், முழுமையாகப் பொருளாதாரத்திலிருந்தும் மாறிகளை விரிவாக விளக்கும் முதல் பொருளாதார மாதிரியை அவர் உருவாக்கினார், மேலும் அவற்றை ஒன்றுக்கொன்று கணித தொடர்புடையதாக வடிவமைத்தார். முழு வேலைவாய்ப்பு மற்றும் விலை நிலைப்பு போன்ற பல கொள்கை நோக்கங்களைக் கொண்ட ஒரு அரசு, விரும்பிய முடிவுகளை அடைய பணவியல் கொள்கை மற்றும் நிதிக் கொள்கை போன்ற பல பொருளாதாரக் கொள்கை கருவிகளைப் பயன்படுத்த முடியும் என்பதை நிரூபித்த முதல் நபர்களில் டின்பெர்கனும் ஒருவர்.
1919 முதல் 1932 வரை அமெரிக்காவில் பொருளாதார வளர்ச்சியை டின்பெர்கன் பகுப்பாய்வு செய்தார். இந்த முன்னோடி பொருளாதார அளவீட்டு ஆய்வு அவரது வணிகச் சுழற்சி கோட்பாடு மற்றும் பொருளாதார நிலைப்படுத்தலுக்கான வழிகாட்டுதல்களுக்கு ஒரு அடித்தளத்தை வழங்கியது. நெதர்லாந்தில் குறுகிய கால மற்றும் பரந்த அரசியல்-பொருளாதார திட்டமிடல் இரண்டையும் வடிவமைக்க உதவிய ஒரு பொருளாதார அளவீட்டு மாதிரியையும் அவர் உருவாக்கினார்.
வேலையின்மை விகிதம் மற்றும் பணவீக்கம் உட்பட ஒரு அரசாங்கம் பல பொருளாதார இலக்குகளைக் கொண்டிருக்க முடியும் என்பதை நிரூபிப்பதே டின்பெர்கனின் குறிப்பிடத்தக்கப் பங்களிப்புகளாகும். Tinbergen Norm (டின்பெர்கன் நார்ம்) என்பது அவரது ஒரு கோட்பாடாகும், இது குறைந்த வருமானத்திற்கும் அதிக வருமானத்திற்கும் இடையில் ஐந்து முதல் ஒன்று வரையிலான இடைவெளி கடுமையான சமூக மோதலுக்கு வழிவகுக்கும் என்று கூறுகிறது. Tinbergen Rule (டின்பெர்கன் விதி) என்பது பல கொள்கை நோக்கங்களை அடைய அரசாங்கங்கள் பல கொள்கை கருவிகளைப் பயன்படுத்த வேண்டும் என்பதாகும். தொழில்நுட்பம், வளங்கள் மற்றும் அரசியல் சாத்தியக்கூறுகளின் கட்டுப்பாடுகளுக்கு உட்பட்டு சமூக நலனை அதிகப்படுத்துவதாகப் பேரியல் பொருளாதாரக் கொள்கையின் இலக்காக இருக்கும் என்று டின்பெர்கன் கருதினார்.
ஆதாரம்: www.britannica.com; www.nobelprize.org; www.econlib.org; www.hetwebsite.net; www.investopedia.com
📚 எழுதியவர்:
******************************************************************************
நூல் அறிமுகம் செய்வோம் ரூ.10000 பரிசு வெல்வோம்! போட்டி
2025 வெளியான புத்தகத்தை வாசிக்க அவகாசம் கேட்ட வாசகர்களின் வேண்டுகொளுக்கு இணங்க இப்போட்டியானது ஏப்ரல் 15 வரை நீட்டிக்கப்பட்டுள்ளது. வரும் உலகப் புத்தக தினத்தன்று (ஏப்ரல் 23, 2026) சென்னையில் நடைபெறும் விழாவில் பரிசு மற்றும் பாராட்டுச் சான்றிதழ் வழங்கப்படும். தாங்கள் எழுதும் நூல் அறிமுக கட்டுரையை bookday24@gmail.com மின்னஞ்சல் முகவரிக்கு அனுப்பி வைக்கவும். இதில் பங்கேற்க விரும்பும் தோழர்கள் அனைவரும் தங்கள் விருப்பத்தை https://forms.gle/XJodwyZc42PRv93Y8 இந்த கூகுள் பார்ம்-ல் நிரப்பி தெரிவித்தால் நன்றாக இருக்கும்.
கூகுள் பார்ம்: https://forms.gle/XJodwyZc42PRv93Y8
தோழமையுடன்
புக் டே இணையதளம்
பாரதி புத்தகாலயம்
9444567935
******************************************************************************
Click to Join Telegram Group Link : https://t.me/+lyAFK8ZE0iczZjE1
Click to Join Facebook: https://www.facebook.com/Book Day – Bharathi Puthakalayam
இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.
புக் டே இணையதளத்திற்கு தங்களதுநூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.
