1. டேவிட் ரிக்கார்டோ (David Ricardo) ஏப்ரல் 18, 1772இல் பிறந்து செப்டம்பர் 11, 1823இல் மறைந்த புகழ்பெற்ற பிரித்தானிய அரசியல் பொருளாதார அறிஞர், அரசியல்வாதி மற்றும் பிரித்தானிய மற்றும் அயர்லாந்து நாடாளுமன்ற உறுப்பினர் ஆவார். தாமஸ் மால்தஸ், ஆடம் ஸ்மித் மற்றும் ஜேம்ஸ் மில் போன்ற பொருளாதார அறிஞர்களுடன் சேர்ந்து, டேவிட் ரிக்கார்டோ மிகவும் செல்வாக்கு மிக்க தொன்மைப் பொருளாதார நிபுணர்களில் ஒருவராக அங்கீகரிக்கப்படுகிறார். ஊதியம் மற்றும் லாபம் குறித்த கோட்பாடு, தொழிலாளர் மதிப்பு கோட்பாடு, ஒப்பீட்டு நன்மை கோட்பாடு மற்றும் வாடகை கோட்பாடு ஆகியவற்றை வழங்கியதில் அவர் மிகவும் புகழ்மிக்கப் பொருளாதார அறிஞர் ஆவார்.
ஒப்பீட்டு நன்மை கோட்பாடு
ரிக்கார்டோ அறிமுகப்படுத்திய குறிப்பிடத்தக்கக் கருத்துக்களில் ஒப்பீட்டு நன்மை கோட்பாடும் ஒன்றாகும். எந்தவொரு குறிப்பிட்ட பொருளின் உற்பத்தியிலும் முழுமையான நன்மை இல்லாவிட்டாலும், உற்பத்தியில் ஒப்பீட்டளவில் குறைந்த வாய்ப்புச் செலவைக் கொண்ட பொருட்களின் உற்பத்தியில் நாடுகள் நிபுணத்துவம் பெறுவதன் மூலம் சர்வதேச வர்த்தகத்திலிருந்து பயனடைய முடியும் என்று இது வாதிட்டது.
தொழிலாளர் மதிப்பு கோட்பாடு
பொருளாதாரத்திற்கு ரிக்கார்டோவின் மிகவும் குறிப்பிடத்தக்க பங்களிப்புகளில் ஒன்று உழைப்பு மதிப்பு கோட்பாடு ஆகும். உழைப்பு மதிப்பு கோட்பாடு, ஒரு பொருளின் மதிப்பை அது உற்பத்தி செய்ய எடுக்கும் உழைப்பால் அளவிட முடியும் என்று கூறுகிறது. உழைப்புக்கு வழங்கப்படும் இழப்பீட்டின் அடிப்படையில் செலவு இருக்கக்கூடாது, மாறாக மொத்த உற்பத்தி செலவின் அடிப்படையில் இருக்க வேண்டும் என்று இக் கோட்பாடு கூறுகிறது.
வாடகை கோட்பாடு
ரிக்கார்டோ, வாடகைகள் அல்லது சொத்துக்களின் உரிமையாளர்களுக்கு, எந்தவொரு உண்மையான உற்பத்தி நடவடிக்கைக்கும் அவர்களின் பங்களிப்பை விட, அவர்களின் உரிமையின் காரணமாக மட்டுமே கிடைக்கும் நன்மைகள் பற்றிய கருத்தை விவாதித்த முதல் பொருளாதார அறிஞர் ஆவார். அதன் உண்மையான பயன்பாடான வேளாண் பொருளாதாரத்தில், வாடகை கோட்பாடு, தானிய விலை உயர்வின் நன்மைகள், வேளாண்- குத்தகைதாரர்களால் செலுத்தப்படும் வாடகை வடிவத்தில் நில உரிமையாளர்களுக்குச் சேரும் என்பதைக் காட்டுகிறது.
ரிக்கார்டியன் சமானம்
பொது நிதியத்தில், ஒரு அரசாங்கம் உடனடி வரிவிதிப்பு அல்லது கடன் வாங்குதல் மற்றும் பற்றாக்குறை செலவினம் மூலம் அதன் செலவினங்களுக்கு நிதி ஆதாரத்தைத் தேர்வுசெய்தாலும், பொருளாதாரத்திற்கான பலனானது சமமாக இருக்கும் என்று ரிக்கார்டோ விளக்கினார். வரி செலுத்துவோர் தெளிவானவர்களாக இருந்தால், தற்போதைய பற்றாக்குறை செலவினத்திற்குச் சமமான தொகையைச் சேமிப்பதன் மூலம் தற்போதைய பற்றாக்குறையை நிதியளிக்க எதிர்கால வரிவிதிப்புகளில் எதிர்பார்க்கப்படும் அதிகரிப்புக்கு அவர்கள் கணக்குக் கொடுப்பார்கள், எனவே மொத்த செலவினத்தில் நிகர மாற்றம் பூஜ்ஜியமாக இருக்கும் என்கிறார்.
ரிக்கார்டோ 1810இல் The High Price of Bullion, a Proof of the Depreciation of Bank Notes என்ற புத்தகத்தினை முதன் முதலில் வெளியிட்டார் என்பது குறிப்பிடத்தக்கது.
ஆதாரம்: www.tutor2u.net ; www.spureeconomics.com ; www.econlib.org
******************************************************************************
2. ஆர்தர் சிசில் பிகு (ஏ.சி பிகு – Arthur Cecil Pigou) நவம்பர் 18, 1877இல் பிறந்து மார்ச் 7, 1959இல் மறைந்த பிரித்தானிய நாட்டினைச் சார்ந்த தொன்மைப் பொருளாதார அறிஞர் ஆவார். கேம்பிரிட்ஜ் பல்கலைக்கழகத்தில் பொருளாதாரப் பள்ளியின் ஆசிரியராகவும், புகழ்பெற்ற பல கேம்பிரிட்ஜ் பொருளாதார வல்லுநர்களுக்குப் பயிற்சி அளித்து தனது செல்வாக்கினைச் செலுத்தினார்.
நலப் பொருளாதாரம், வணிக சுழற்சி கோட்பாடு, வேலையின்மை, பொது நிதி, குறியீட்டு எண்கள் மற்றும் தேசிய உற்பத்தியின் அளவீடு உள்ளிட்ட பொருளாதாரத்தின் பல்வேறு துறைகளில் அவரது பங்களிப்பானது காணப்பட்டது. ஆல்ஃபிரட் மார்ஷலின் சிறந்த மாணவர்களில் ஒருவராக பிகு கருதப்பட்டார்.
பிகு புறவிளைவு பற்றிய கருத்தை உருவாக்கினார் அதில் வரி விதிப்பதன் மூலம் புறவிளைவு சிக்கல்களைச் சரிசெய்ய முடியும் என்ற கருத்தையும் வலியுறுத்தினார். புறவிளைவுக் கருத்தானது நவீன நலப் பொருளாதாரத்திற்கும், குறிப்பாகச் சுற்றுச்சூழல் பொருளாதாரத்திற்கும் மையமானதாக விளங்குகிறது என்பது குறிப்பிடத்தக்கது.
ஆதாரம்: www.britannica.com; www.hetwebsite.net
📚 எழுதியவர்:
******************************************************************************
நூல் அறிமுகம் செய்வோம் ரூ.10000 பரிசு வெல்வோம்! போட்டி
2025 வெளியான புத்தகத்தை வாசிக்க அவகாசம் கேட்ட வாசகர்களின் வேண்டுகொளுக்கு இணங்க இப்போட்டியானது ஏப்ரல் 15 ஆம் தேதியுடன் நிறைவடைந்தது. வரும் உலகப் புத்தக தினத்தன்று (ஏப்ரல் 23, 2026) சென்னையில் நடைபெறும் விழாவில் பரிசு மற்றும் பாராட்டுச் சான்றிதழ் வழங்கப்படும். இந்நிகழ்வில் பங்கேற்க விரும்பும் தோழர்கள் அனைவரும் தங்கள் விருப்பத்தை https://forms.gle/XJodwyZc42PRv93Y8 இந்த கூகுள் பார்ம்-ல் நிரப்பி தெரிவித்தால் நன்றாக இருக்கும்.
கூகுள் பார்ம்: https://forms.gle/XJodwyZc42PRv93Y8
தோழமையுடன்
புக் டே இணையதளம்
பாரதி புத்தகாலயம்
9444567935
******************************************************************************
Click to Join Telegram Group Link : https://t.me/+lyAFK8ZE0iczZjE1
Click to Join Facebook: https://www.facebook.com/Book Day – Bharathi Puthakalayam
இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.
புக் டே இணையதளத்திற்கு தங்களதுநூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.
