பெர்டில் ஓலின் (Bertil Ohlin) ஏப்ரல் 23, 1899இல் பிறந்து ஆகஸ்ட் 3, 1979இல் மறைந்த ஸ்வீடிஷ் பொருளாதார அறிஞர் மற்றும் அரசியல் தலைவர் ஆவார், அவர் வர்த்தக இயக்கவியல் பற்றிய நவீன கோட்பாட்டின் நிறுவனர் என்று அறியப்படுகிறார். 1977ஆம் ஆண்டில், அவர் ஜேம்ஸ் மீட் உடன் சேர்ந்து பொருளாதாரத்திற்கான நோபல் பரிசை பெற்றார். 1933ஆம் ஆண்டில், ஓலின், பிராந்தியங்களுக்கு இடையேயான மற்றும் பன்னாட்டு வர்த்தகம் பற்றிய புகழ்பெற்ற கட்டுரையினை வெளியிட்டார், இது அவருக்கு உலகளாவிய அளவில் புகழைப் பெற்றுத் தந்தது.
ஓலின் தனது முனைவர் பட்ட ஆய்வறிக்கையில் உருவாக்கப்பட்ட அணுகுமுறைகளுடன் ஹெக்ஷரின் படைப்புகளை இணைத்தார். இது பின்னால் ஹெக்ஷர்-ஓலின் கோட்பாடு என்று அழைக்கப்படுகிறது. உழைப்பு, மூலதனம் மற்றும் அவற்றை உற்பத்தி செய்யும் நிலத்தை விடப் பொருட்கள் எளிதாக நகர முடியும் என்பதால், பிராந்தியங்களுக்கு இடையேயான வர்த்தகம் நிகழ்கின்றன என்று கோட்பாடு கூறுகிறது. ஒப்பீட்டளவில் ஏராளமான உற்பத்தி காரணியைக் கொண்ட ஒரு நாடு அதன் அதீத காரணியைப் பயன்படுத்தும் பொருட்களை ஏற்றுமதி செய்ய வேண்டும், மேலும் ஒப்பீட்டளவில் பற்றாக்குறை காரணியை விடுபடாமல் பயன்படுத்தும் பொருட்களை இறக்குமதி செய்ய வேண்டும்.
நுகர்விற்கான நாட்டம், பணப்புழக்க விருப்பம் மற்றும் பெருக்கி போன்ற கருத்துகளைப் பயன்படுத்தி, பேரியல் பொருளாதாரத்தில் அவரது பணி, அவரை கீன்ஸிற்கு அடிப்படையில் ஒரு முன்னோடியாக மாற்றியது. ஓலின் 1944 முதல் 1967 வரை ஸ்வீடனில் லிபரல் கட்சியின் தலைவராகப் பணியாற்றினார். 1938 முதல் 1970 வரை நாடாளுமன்ற உறுப்பினராக இருந்தார், மேலும் ஸ்வீடனின் போர்க்கால அரசாங்கத்தில் வர்த்தக அமைச்சராக (1944–45) பணியாற்றினார்.
ஆதாரம்: www.britannica.com ; www.nobelprize.org ; www.econlib.org
📚 எழுதியவர்:
******************************************************************************
Click to Join Telegram Group Link : https://t.me/+lyAFK8ZE0iczZjE1
Click to Join Facebook: https://www.facebook.com/Book Day – Bharathi Puthakalayam
இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.
புக் டே இணையதளத்திற்கு தங்களதுநூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.
