அத்தியாயம் : 5 பாப்பா கரு.. கருவாக உருவாகி.. 13 மற்றும் 14 வாரங்களில்- பேரா.சோ.மோகனா

பாப்பாக்கருவின் 13வது வாரம்

• உங்கள் குழந்தை அல்லது பாப்பாக் கரு, 13 வது வாரத்தில், சுமார் 5 செமீ நீளம் உள்ளதாக இருக்கும். இப்போது கருவின் எடை என்பது 3௦ கிராம். இது சுமாராக ஒரு பீச் பழம் சைசில் இருக்கும். இப்போதே உங்கள் குழந்தையின் கருப்பைகள் அல்லது விந்தணுக்கள் உள்ளே முழுமையாக வளர்ச்சியடைந்து விட்டன என்றால் உங்களுக்கு வியப்பாக இருக்கும். நம்பவே முடியாது. ஆனால் அதுதான் உண்மை. பின்னர்  வெளிப்புறத்தில் அவை இறுதி மாற்றங்கள் செய்யப்படுகின்றன. கல்லீரல், கணையம் போன்ற உறுப்புகள் செயல்படத் தொடங்கியுள்ளன. இப்போது  குரல் நாண்கள் உருவாகின்றன. கண்கள் அவை இருக்கவேண்டிய  இடத்திற்கு நகர்கின்றன . கணுக்கால் மற்றும் மணிக்கட்டுகள் தெளிவாக உருவாகின்றன, மேலும் தலை இன்னும் பெரியதாகவே உள்ளது. ஆனாலும் உடலின் மற்ற பகுதிகளில் சதை பிடிக்கத் தொடங்குகின்றன. இந்த வாரம், உங்கள் குழந்தையின் குடல்கள் அவை உள்ள இடத்திற்குத் திரும்பும்.
• கருத்தரித்த 11 வாரங்களுக்குப் பிறகு, உங்கள் குழந்தை/பாப்பாக்கரு சிறுநீரை உற்பத்தி செய்து, அதைச் சுற்றியுள்ள அம்னோடிக் திரவத்தில் வெளியிடத் தொடங்குகிறது. உங்கள் குழந்தை சில சமயம் அம்னியோடிக்(Amniotic Fluid) திரவத்தையும் விழுங்குகிறது. உங்கள் குழந்தையின்/கருவின்  எலும்புக்கூட்டில், குறிப்பாக மண்டை ஓடு மற்றும் நீண்ட எலும்புகளில் எலும்புகள் கடினமாகத் தொடங்குகின்றன. குழந்தையின் முதுகெலும்பு வளைந்து, உடலின் பெரிய அசைவுகளை எளிதாக்குகிறது.

உங்கள் குழந்தையின்/பாப்பாக் கருவின் மேல்தோல் இன்னும் மெல்லியதாகவும், பார்த்தால் உள்ளுறுப்புகள் எல்லாம் வெளிப்படையாகத் தெரியும் வண்ணம் இருக்கும். ஆனால்  தோல் விரைவில் கெட்டியாகத் தொடங்கும். உங்கள் கருவின் புருவம் மற்றும் தலையில் மென்மையான, தெளிவற்ற முடி வளரும். இப்போது அவரின்  உறுப்புகள், நரம்புகள் மற்றும் தசைகள் செயல்படுகின்றன.

13 வார கரு தூங்குமா? 

புதிதாகப் பிறந்த குழந்தைகளைப் போலவே, கருக்களும் தங்கள் பெரும்பாலான நேரத்தை தூங்குவதில் செலவிடுகின்றன. உண்மையில், கருக்காலத்தின் பெரும்பகுதி முழுவதும், உங்கள் குழந்தை நாளின் 90 முதல் 95% வரை தூங்கியே கழிக்கிறது.

, உங்களுக்கு இரட்டை குழந்தைகள் இருக்கலாம் என நீங்கள் நினைத்தால், இந்த வாரம் அல்ட்ராசவுண்ட் செய்து அதை உறுதிப்படுத்தலாம்

பாப்பாக் கரு 13வது வாரத்தில் வெகுவேகமாக வளர்ந்து வருகிறது, கருவின் உறுப்புகள் முழுமையாக உருவாகின்றன. பாப்பாக் கரு தனது கைகளையும் கால்களையும் அசைக்கவும் வளைக்கவும் தொடங்குகிறது.

அம்மாவின் உடல் மாற்றங்கள் : 

13 வார கர்ப்பிணியின் அறிகுறிகள்:

ஒவ்வொரு கர்ப்பமும் தனித்துவமானது. 13 வார கர்ப்பகாலத்தில் என்ன எதிர்பார்க்கலாம் என்று கணிப்பது கடினம்.  ஆனால் இப்போது அல்லது வரவிருக்கும் வாரங்களில் அம்மா அனுபவிக்கும் சில அறிகுறிகள்:13 வாரங்களில் அம்மாவுக்கு காலை சுகவீனம் மற்றும் சோர்வு போன்ற கருக்கால அறிகுறிகள் குறைய ஆரம்பிக்கும். அடுத்த இரண்டு மாதங்களில் அம்மா அதிக ஆற்றலைப் பெறலாம் மற்றும் சிறந்ததை உணரலாம். அம்மாவின் கருப்பை இப்போது மிகவும் வளர்ந்துள்ளது. கரு இப்போது அம்மாவின் இடுப்பை நிரப்பி, , பின்னர் கருவறைக்குள் மேல்நோக்கி வளரத் தொடங்குகிறது. இது ஒரு மென்மையான, மென்மையான பந்து போல் இருக்கும்  காலை சுகவீனம் காரணமாக நீங்கள் இன்னும் எடை அதிகரிக்கவில்லை என்றால், நீங்கள் நன்றாக உணரத் தொடங்கும் போது உங்களுக்குத் தெரிய ஆரம்பிக்கும். உங்கள் வட்டமான தசைநார்கள் நீட்டும்போது உங்கள் வயிற்றில் ஒரு நீட்சியை நீங்கள் உணருவீர்கள். உங்கள் 2வது trimester எனப்படும் மூன்று மாதங்களை நீங்கள் தொடங்கும் போது, ​​கருச்சிதைவு ஏற்படும் அபாயம் குறைகிறது. உங்கள் ஈறுகள் வீங்கி, ஹார்மோன்களால் இரத்தம் கசிந்தால், மென்மையான பல் துலக்கவும்.

பிறப்புறுப்பிலிருந்து இப்போது லுகோரியா எனப்படும் தெளிவான பால் நிற திரவம் வெளியேறலாம். அல்லது இந்நிலை கருக் காலத்தில் இந்த கட்டத்தில் அதிகரிக்கலாம். இந்த வெளியேற்றம் ஒரு தனித்துவமான நோக்கத்தைக் கொண்டுள்ளது என்றால் நீங்கள் ஆச்சரியப்படுவீர்கள்,ஆம்.  இது அம்மாவை பிறப்புறுப்பில் ஏற்படும் தொற்று மற்றும் எரிச்சலில் இருந்து காப்பாற்ற உதவுகிறது. வெளியேறும் திரவம் பழுப்பு நிறமாகவோ அல்லது துர்நாற்றமாகவோ இருந்தால் மருத்துவரை அணுகவும்.  அல்லது 13 வார கருக்காலத்தில்  இரத்தப்போக்கு இருப்பதை கவனித்தால், ஆலோசனைக்கு மருத்துவரை தொடர்பு கொள்ளவும்.

 தாய்க்கு நெஞ்செரிச்சல். 

நெஞ்செரிச்சல் மற்றும் அஜீரணம் உங்கள் கருக்காலம்  முழுவதும் கூட இருக்கலாம்,  உங்கள் குழந்தை ஒரு நிலையில் இருந்து அடுத்த நிலைக்கு நகரும் போது, ​​உங்கள் வளரும் கருப்பை உங்கள் வயிற்றில் அழுத்தம் கொடுக்கிறது. கருக்கால ஹார்மோன்கள் உங்கள் வயிற்றின் மேற்பகுதியில் உள்ள தசையை தளர்வடையச் செய்து, வயிற்று அமிலம் உணவுக்குழாய் வரை பயணிக்க அனுமதிக்கிறது.  இது நெஞ்செரிச்சலை ஏற்படுத்துகிறது; அதிக உணவை சாப்பிட்ட பிறகு நீங்கள் படுத்துக் கொண்டால் இது நடக்கும். சாப்பிட்ட பிறகு நிமிர்ந்து உட்கார்ந்து, சாக்லேட், சிட்ரஸ் பழங்கள் மற்றும் வறுத்த அல்லது காரமான உணவுகள் போன்ற தூண்டுதல்களைத் தவிர்ப்பதன் மூலம் நீங்கள் அசௌகரியத்தைக் குறைக்கலாம்.

 மலச்சிக்கல் 

ஹார்மோன்கள் தாக்கத்தால் மலச்சிக்கல். வரலாம். கருக்காலத்தில்   புரோஜெஸ்ட்டிரோன் மற்றும் ஈஸ்ட்ரோஜன்(ஹார்மோன்கள்) இதில் முக்கிய பங்கு வகிக்கின்றன, ஆனால் இப்போது அவையேதான் அம்மாவின்  செரிமான மண்டலம் வழக்கத்தை விட மெதுவாக வேலை செய்ய காரணமாக இருக்கலாம். அதாவது 13 வார கருக்காலத்தில் அம்மாவுக்கு சில தசைப்பிடிப்பு வரலாம். அம்மா தனது  உணவில் அதிக பழங்கள், காய்கறிகள் மற்றும் முழு தானிய உணவுகளைச் சேர்ப்பது நல்லது. நார்ச்சத்து உட்கொள்ளலை அதிகரிப்பது, பழ  ஜூஸ் குடிப்பதும் நிறைய தண்ணீர் குடிப்பது மற்றும் வழக்கமான உடற்பயிற்சி செய்வது போன்றவையும் இந்த காலகட்டத்தில் நல்லது.

• 13வது வாரத்திலேயே அம்மாவின் மார்பில் கொலஸ்ட்ரம் (Colostrum) என்ற கசிவு உருவாகும். இது அம்மாவின் மார்பகங்களில் இருந்து தடிமனான மஞ்சள் திரவமாக  கசியும். அம்மா இப்போது தனது மாற்றத்தை கவனிக்க ஆரம்பிக்கலாம். குழந்தை பிறந்த உடன் அம்மாவின் மார்பிலிருந்து வரும் மஞ்சள் நிற பாலை சீம்பால் என்பார்கள். இது குழந்தை பிறந்த முதல்  சில நாட்களுக்கு மட்டுமே  இருக்கும்,  இது முற்றிலும் இயல்பானது. ஆனால் கசியும் திரவத்தை உறிஞ்ச மார்பக பட்டைகளை பயன்படுத்தலாம். நெகிழித் துணி வேண்டாம்.

 13 வாரங்களில் கருவுற்ற தாயின் வயிறு எவ்வளவு பெரியது?

13 வார கர்ப்பத்தில், உங்கள் குழந்தை வேகமாக வளர்ந்து வருகிறது.  மேலும் உங்கள் உடலில் ஏற்படும் மாற்றங்கள் துரிதப்படுத்தப்படலாம். நீங்கள் கருவுற்று, கரு வளர்வதால், வயிறு லேசாக பெரிதாகும்.  அதாவது உங்கள் கருப்பை வளர்ச்சியின் புடைப்பு இந்த நேரத்தில் மற்றவர்களுக்குத் தெரிய ஆரம்பிக்கலாம். கர்ப்பமாக இருக்கும் 13 வாரங்களில், உங்கள் கருப்பை அதிகமாகவும் முன்னோக்கியும் நகரும். அதே போல் கருப்பையின் அளவும், கரு வளர்வதற்கு ஏற்றாற்போல அதன் அளவு அதிகரிக்கும். உங்கள் கருப்பை விரிவடைவதால் அதைச் சுற்றியுள்ள தசைகள் மற்றும் தசைநார்கள் சில வலிகள் மற்றும் வேறு இடங்களில் வலிகள் ஏற்படலாம். கர்ப்பமாக இருக்கும் 13 வாரங்களில் குழந்தை அசைவதை நீங்கள் உணர முடியுமா என்று நீங்கள் யோசிக்கலாம். உங்கள் குழந்தை உங்கள் கருப்பைக்குள் சுற்றிக்கொண்டிருந்தாலும், கைகளையும் கால்களையும் வளைக்கத் தொடங்கினாலும், அந்த அசைவுகளை நீங்கள் உணர முடியாத அளவுக்கு அவை மிகவும் சிறியதாக இருக்கும். இது ஆச்சரியம்தான்.

பாப்பாக்கருவின் 14வது வாரம் 

பாப்பாக்கரு, 14 வது வாரத்தில் கிட்டத்தட்ட முழு மனிதனின் மினியேச்சர் சைஸ் போல இருக்கும்.  அதாவது குழந்தை பிறக்கும் போது எப்படி பார்க்கிறோமோ, அதேபோல மிகச் சிறிய உருவத்தில் இருக்கும்.

14 வது வாரத்தில், கரு வேகமாக வளரும் மற்றும் கருவின் உடல் எடையை 50%க்கும் அதிகமாக அதிகரிக்கிறது. பாப்பாக்கருவின் உடல் இறுதியாக அவரது தலையை விட வேகமாக வளரத் தொடங்குகிறது. மேலும்  அவரது கைகள் அவரது உடலின் மற்ற பகுதிகளுடன் விகிதாசார அளவில் உருவெடுத்து வளரும். அடுத்த சில வாரங்களில் தொடங்கி, கருவறையில் உள்ள குழந்தைகள்/கருக்கள்  வெவ்வேறு வேகத்தில் வளரத் தொடங்குகின்றன.  சில கருக்கள்  மற்றவைகளை  விட வேகமாக வளரும்.

பாப்பாக்கு 14வது வாரம் என்பது அம்மாவுக்கு சாதகமான சந்தோஷமான வாரம் தான். 14 வது வாரம் துவங்கியதும் கருவை சுமந்த அம்மாக்களுக்கு பசி ஏற்படும்; அவர்கள் மிகுந்த ஆற்றல் உள்ளவர்களாக மாறிவிடுவார்கள்.: வாந்தி மயக்கம் போன்ற சிறு சிறு பிரச்சனைகள் நின்றுவிடும். இந்த காலகட்டத்தில் பாப்பாக்கரு ஒவ்வொரு நாளும் லேசாக உப்பிக் கொண்டே வரும். அதோடு மட்டுமல்ல உடலின் மேல் இருக்கக்கூடிய சிறு சிறு முடியும் எல்லா இடங்களிலும் வளரும்.

பாப்பாக்கரு 14வது வாரத்தில் மிக மிக வேகமாக வளரும். அபரிதமான வளர்ச்சி காணப்படும். பாப்பா கருவின் எடை 45 கிராம் இருக்கும்; அதன் உயரம் 11 செ,மீ இருக்கும்.. துள்ளிக்குதித்தல் உதைத்தல் மூலம் கரு மிக வேகமாக வளர்கிறது. கரு கருவறைக்குள் எப்போதும் துள்ளிக் கொண்டே இருக்கிறது. அதனுடைய சைஸ் என்பது உங்களுடைய கை முஷ்டி  அளவுதான் இருக்கும். ஆனால் கரு தொடர்ந்து நகர்ந்து கொண்டே இருக்கும்.

மூன்று மாதத்தில், அதாவது 12வது வாரத்தில்  jerkyயாக   குதித்தது போல இல்லாமல் இப்போது மிக மெதுவாக நடந்து கொண்டே இருக்கிறார்.

உருண்டையாக பந்து போல் இருந்த பாப்பாக்கரு கொஞ்சம் கொஞ்சமாக வளர்ந்து நீளவாக்கில் உருவாகிறது. நம்பவே முடியாமல் இவரின் ஒலிகள் இருக்கின்றன பாப்பாக்கரு  நீளமாகிவிட்டது. தலையை நிமிர்த்தி வைத்திருக்கிறார். இதனால் கரு நீள வாக்கில் இருக்கக்கூடிய தோற்றத்தை பெறுகிறது. ஆச்சரியமான அதிசயமான மாற்றங்கள் அவருக்குள் நிகழ்கிறது.

உடல் மேல் முடி..லாங்குவா  

14 வது வார கருக்காலம் தொடங்கியதும் உங்கள் குழந்தையின் உடல் மேல் சின்ன சின்ன முடிகள் உடலுக்கு கீழிருந்து உடலின் மேல்  நெல் வயலில் நாற்று முளைப்பது போல எல்லா இடங்களிலும் கண் புருவம் உட்பட அனைத்து இடங்களிலும் முளைத்து துளிர்த்துவிடுகின்றன. தலை முழுவதும் கூட முடி வளர்ந்து விட்டது அந்த முடியின் பெயர் லாங்குவா (Lanugo)என்பதாகும்,  இந்த முடி உடலை வெதுவெதுப்பாக வைத்திருக்க பெரிதும் உதவுகிறது.

ஆனால் இந்த லாங்குவா முடி என்பது நிரந்தரமாக கருவின் மேல் இருக்காது. அம்மாவுடைய  கருக்காலத்தின் பிற்பகுதியில் கருவுக்குள் கொழுப்பு சேரும்போது அது அந்த சின்ன லாங்குவா முடிகளை கொட்டி விடும். சில குழந்தைகள் சீக்கிரமாகவே குறைக்காலத்தில் பிறந்து விடுவார்கள் அப்போது இந்த லாங்குவா முடி இருக்கும்; பின்னர  அந்த  முடியும் உதிர்ந்து விடும்.

கருமலம் உருவாக்கம்

இந்த வாரத்தில்  மற்ற வளர்ச்சிகளும் கூட நடக்கின்றன. அவருடைய தலை உட்பட அனைத்து இடங்களிலும் நடக்கின்றன; உடலுக்குள்ளும் நடக்கின்றன.  அடுத்து சீரணமண்டல உறுப்புகளிலும் நடக்கிறது. இதன் விளைவாக பாப்பா கருவின் உடல் மெக்கானியம் (meconium) என்னும் குழந்தை மலத்தை /கருப்பு மலத்தை உற்பத்தி செய்கிறது. இது பாப்பாவின் உடலில் இருந்து. உடலில் இருந்து வெளியேற்றி, சேமித்து வைக்கப்பட்டு குழந்தை பிறந்தவுடன் முதல் மலமாக கருமலமாக வெளியேறுகிறது.

மனிதக் கருவுக்கு 14 வாரம் ஆனது ஏராளமான வியத்தகு மாற்றங்கள் உருவாகின்றன இந்த காலகட்டத்தில் மனிதக்கரு அம்மாவுடைய குரலை கருவறைக்குள்ளே இருந்து நன்கு கேட்க முடியும் என்று ஆய்வுகள் தெரிவிக்கின்றன உங்கள் பாப்பாவோட குட்டிக் கண்கள் 20 வாரம் ஆன பின்னர் முழுமையாக வளர்ச்சி அடைகின்றன 26 வாரம் ஆனதும்தான்  அவை கண்களை திறந்து மூடப் பழகுகின்றன. ஆனால் பார்வை மிகத் தெளிவாகத் தெரியாது. இருப்பினும் கூட இப்போது வெளிச்சத்திற்கு அவை எதிர்வினை புரிகின்றன.அம்மா திடீரென ஒளிமிகுந்த ஓர் அறைக்குள் நுழைந்தால், கருவின் கண்ணில் ஒளி  பட்டு, அதனால் கண் கூச்சம் ஏற்பட்டு, தன்னிச்சையாக கையை எடுத்து கண்களை மூடிக்கொள்ளும். வியப்பான விஷயம்தானே.

பாப்பாக்கருவின் பாலினம்

பாப்பா கருவுக்கு 16 வாரம் ஆனதும்தான்  அல்ட்ரா சவுண்ட் மூலம் பாப்பாவின் பாலினத்தை கண்டறிய முடியும்.  ஆனாலும் கூட 20 வாரம் ஆனால்தான் துல்லியமாக அதனை கூற முடியும். ஒன்பதாவது வாரத்திலேயே பாப்பா கருவின் பாலினம் நிர்ணயிக்கப்பட்டு விடுகிறது. 14 வாரம் வரை அதை நீங்கள் முழுமையாக கண்டறிய முடியாது. ஆனால் இப்போது  பாப்பா கருவின் அனைத்து பாகங்களும் உருவாகிவிட்டன. ஒரு சின்ன மனிதனைப் போல ஒரு தோற்றத்தில் பாப்பாக்கரு இருக்கிறார். 14 வது வாரம் முடிந்ததும். பாப்பாக்கரு  கிட்டத்தட்ட ஒரு பெரிய எலுமிச்சை சைஸில், அனைத்து உறுப்புகளும், சினையகம் மற்றும் விந்தகம் உட்பட முழுமையாக உருவாகி விட்டன.

முகச்சாயல்

கருவின்  முகம் நீங்கள் அடையாளம் காணக்கூடிய வகையில் உருவாகி இருக்கிறது. கழுத்து உருவாகி நீளமாக வந்துவிட்ட.து. கண்கள் முழுமையாக விட்டன; உருவாகி விட்டன. ஆனால் கண் இமையின் மூலம் மூடப்பட்டிருக்கிறது.

கை கால் நகங்கள்

பாப்பாக்கு 9 -12 வது வாரத்தில் அதனுடைய முன்னங்கை உச்சம் கைகள் விரல்கள், கால் விரல்கள் அனைத்தும் முழுமையாக உருவாகிவிட்டன. கால் விரல்கள், கால் விரல் நகங்களும், கைவிரல் நகங்களும் கூட உருவாகி விட்டன. நீங்கள் உங்கள் குழந்தையின் அம்மா தன் குழந்தையின்/ கருவின்  உதையை   16வது வாரத்தில் இருந்து 22 வாரம் வரை அறிய முடியும்.

உணர்வுகளை வெளிப்படுத்தும் முகம்

உங்கள் குழந்தையின் தலை மற்றும் உடலில் லாங்குவா எனப்படும் முடி அதிகமாக வளரும். அதில் பெரும்பாலானவை பிறப்பதற்கு முன்பே விழுந்துவிடும், ஆனால் சில அவர் பிறக்கும் போது கூட இருக்கலாம். இந்த வாரம் உங்கள் குழந்தையின் முகத்தில் உள்ள தசைகள் கருவின் உணர்ச்சிகேற்ப சுருங்கி விரியத் தொடங்கும். இது அவரை கண் சிமிட்டவோ, முகம் சுளிக்கவோ அல்லது சிரிக்கவோ செய்யலாம்.

 சுற்றி வர ஆசை

பாப்பாக்கரு கருவறைக்கு உள்ளேயே சுற்றி சுற்றி வருகிறது. முதலில் கருவின் அசைவுகள் மிகவும் குதித்து குதித்து  பதட்டமாகவும் சீரற்றதாகவும் இருக்கும். ஆனால் பின்னர் அவை மிகவும் வேண்டுமென்றே இவ்வாறு செய்யத் தொடங்குகின்றன. 17வது வாரம் வரை அம்மாவுக்கு பாப்பாக்கருவின் எந்த அசைவையும் உணராமல் இருக்கலாம்.

விரல் சூப்பும் கரு

சில குழந்தைகள்/பாப்பாக்கருக்கள்  கருப்பையில் தங்கள் கட்டைவிரலை உறிஞ்சும். உங்களுக்கு இது அதிசயமாகத் தெரிந்தாலும் கூட,  இது உண்மையில் ஒரு நோக்கத்திற்காக இது போல் செய்கிறது. இதுவே பின்னர் அக்கரு குழந்தையாக வெளியில் வந்தபின் உதவுகிறது, ஏனெனில் இது அவர்களின் உறிஞ்சும் அனிச்சை செயலை உருவாக்க உதவுகிறது. அவர்கள் பின்னர் அம்மாவிடம் பாலருந்தும்போது, இந்த செயல்பாடு அவர்களுக்கு இது உதவுகிறது.

அம்மையின் குரலுக்கு எதிர்வினை

கருவறையில்  இருக்கும் போது குழந்தைகள்/பாப்பாக்கரு  தாயின் குரலுக்கு உண்மையில் எதிர்வினையாற்றுவதாக ஆராய்ச்சிகள் தெரிவிக்கின்றன. ஆனால் அது அம்மாவுக்குத் தெரியாது.  உங்கள் குழந்தைக்கு இசை மிகவும் அமைதியானதாக இருக்கும் என்பதைக் காட்டும் ஆய்வுகளும் செய்யப்பட்டுள்ளன. உங்கள் குழந்தையின் சிறிய கண்கள் 20 வாரங்களில் முழுமையாக வளர்ச்சியடைந்து 26-28 வாரங்களில் திறக்கும். அவர்களின் பார்வை சற்று மங்கலாக இருந்தாலும், அவை வெளிச்சத்திற்கு எதிர்வினையாற்றுகின்றன.

உங்கள் குழந்தையின் அசைவை நீங்கள் எப்போது உணர முடியும்?,

இது 16 முதல் 20 வாரங்களில்தான்  நடக்கும் மற்றும் இது விரைவானது என்று அழைக்கப்படுகிறது.

14வது வாரத்தில்,கருவுற்ற தாயின் அறிகுறிகள்

இனி நீங்கள் கவலையே படவேண்டாம். போயே போச்சு. காலை நோய் ஓடியே போச்சு. இனி இருக்காது. ஆனால் ஒரு சிலருக்கு மட்டும் காலை நோய்,அதாவது மயக்கமும் வாந்தியும் கூட  தொடர்ந்து குழந்தை பிறக்கும் வரை கூட இருக்கும். உங்களின் ஆற்றல் திரும்ப வந்துவிடும். கருவுற்ற பெண்ணின் குழப்பமும் எளிதாக முடிந்துவிடும். . உங்கள் ஆற்றல் நிலைகள் திரும்பும்போது, ​​உங்கள் பசியும் கூடும்.

இந்த நேரத்தில் உங்கள் குழந்தைக்கு கூடுதல் கலோரிகள் தேவையில்லை என்பதை குறிப்பாக நினைவில் கொள்ளுங்கள். கருக்காலத்தில் அதிக எடை அதிகரிப்பது என்பது உங்களுக்கும் உங்கள் குழந்தைக்கும் நல்லதல்ல ; உணவுக்கு இடையில் பசி எடுத்தால், ஆரோக்கியமான தின்பண்டங்களை உண்ணவும்.

இப்போது கருவறையில் என்ன நடக்கும் தெரியுமா? அதன் மேல்பகுதி உங்களின் இடுப்பு எலும்புக்கு மேலே வருவதால், உங்களின் வயிற்றுப் பகுதி சிறிது மேடாகத் தெரியும். இப்போது துவக்கத்தில் கொஞ்சம் கூச்சமாகவும் இருக்கும். உங்களின் இணையரும் நீங்களும் எப்படா பாப்பா பிறக்கும் என்று காத்துக்கொண்டு இருப்பீர்கள்.

குருதி கசியும் ஈறுகள்:

கருவுற்ற பெண்களில் பாதிப்பேருக்கு மேல், அவர்களின் ஈறு வீங்கி சிவந்து காணப்படும்; நீங்கள் பல் தேய்த்தாலோ அல்லது வாய் கொப்பளித்தாலோ, அதிலிருந்து இரத்தம் கசியும். ஈறு அழற்சியுடன் காணப்படும். இதன் பெயர் கருக்கால ஜிஞ்சிவிட்டிஸ் (pregnancy gingivitis)  என்பதாகும். இதன் முக்கிய காரணியே கருக்கால ஹார்மோன்கள்தான். இவைகள் ஈறுகளை பாக்டீரியா தாக்கி பற்காறையை உருவாகும். இதனால் நீங்கள் தினம் இருமுறை பல் துலக்குவது நல்லது.

வட்ட தசைநார் வலி

உங்கள் கருப்பையின் இருபுறமும், உங்கள் வளர்ந்து வரும் மேல்வயிறுக்கு இடமளிக்கும் வகையில், அதனைத் தாங்கும் வகையில்,  இரண்டு தசைநார்கள் நீண்டு தடிமனாகின்றன. இந்த மாற்றங்களால் அம்மாவுக்கு /உங்களுக்கு வட்டமான தசைநார் வலியை ஏற்படுத்தும். இதன் இயக்கத்திற்குத் தகுந்தவிதமாக ஒரு குறுகிய, குத்தல் வலி அல்லது குறிப்பாக சுறுசுறுப்பான நாளுக்குப் பிறகு மந்தமான வலி போன்றவற்றை உணர முடியும். வட்டமான தசைநார் வலி ஏற்பட்டால், நிறுத்தி ஓய்வெடுக்க முயற்சி செய்யுங்கள். உங்கள் செயல்பாட்டில் கவனம் செலுத்துங்கள்;  நிலைகளை மாற்றவும், மெதுவாக மசாஜ் செய்யவும் அல்லது சூடான நீரில் குளியல் எடுக்கவும். சில பெண்கள் கூடுதல் ஆதரவிற்காக மகப்பேறு பெல்ட்டை அணிவது வலியைப் போக்க உதவுகிறது.

அதிகரிக்கும்  பசி

கருக்காலத்தின் போது பசியானது இரண்டாவது மூன்று மாதங்களில் (12 வது வாரம்) தொடங்கி உச்சத்தை அடைகிறது. உங்கள் குழந்தையை ஆதரிக்க உங்கள் உடல் கடினமாக உழைக்கிறது.  அதற்கு நிறைய ஆற்றல் தேவைப்படுகிறது. உங்கள் உணவு உங்கள் உடலின் கருக்கால மாற்றங்களை தூண்டுகிறது. இதில் முக்கியமாக உடலின் அதிக இரத்த அளவு ஏற்படுகிறது.  உங்கள் மார்பகங்கள் பாப்பாவுக்கு பாலூட்ட மெல்ல மெல்ல வளருகின்றன.  கருப்பையும் வளருகிறது பாப்பா வளர இடம் கொடுக்க. இதற்காக கொழுப்பு சேர்ப்புகள் இந்த இடங்களிலும் மற்ற இடங்களிலும் அதிகரிக்கின்றன.  இரண்டாவது மூன்று மாதங்களில்அம்மாவுக்கு  ஒரு நாளைக்கு கூடுதலாக 300 முதல் 350 கலோரிகள் தேவை.

தசைப் பிடிப்பு

கருவுற்ற சில பெண்களுக்கு, 2 & 3 வது மாதங்களில்,   இரவில் அடிக்கடி காலில் தசைப்பிடிப்பு ஏற்படும்.  கீழ் கால் பிடிப்புகளை அனுபவிக்கிறார்கள். 14 வார கர்ப்பத்தில் பிடிப்புகள் ஏற்பட்டால், படுக்கைக்கு செல்லுமுன், கால்களை நன்கு நீட்டி பயிற்சி செய்யவும்.  காலில் உப்பு போட்ட சுடுநீர் ஊற்றி நடப்பது /ஒத்தடம் கொடுப்பதால் தசைப்பிடிப்பை தடுக்கலாம். உங்கள் கால்களில் உள்ள ஆடுதசையில் கூர்மையான வலியை நீங்கள் உணர்ந்தால், தசையை மசாஜ் செய்யவும்.  சூடான நீரில் குளிக்கவும்/ ஷவரில் குளிக்கவும்

உங்கள் அறிகுறிகளில் சுவையான தகவல் ..
அழகிய கூந்தல். இது யாருடைய கற்பனையும் அல்ல ! கருக்காலத்தில், பல பெண்கள் அடர்த்தியான முடிவளர்வதை அனுபவிக்கிறார்கள்.  இது வழக்கத்தை விட சற்று வேகமாக வளரக்கூடும். கருவுற்ற 3 மாதங்களில் நீங்கள் அனுபவித்து மகிழக்கூடிய உடல் மாற்றங்களில் இதுவும் ஒன்று!

(அடுத்த வாரம் இன்னும் வளர்ந்து பாப்பா சந்திக்கும் )