ஆர்தர் லாஃபர் (Arthur Laffer) ஆகஸ்ட் 14, 1940இல் பிறந்த அமெரிக்கப் பொருளாதார அறிஞர், அவர் வரி விகிதங்களைக் குறைப்பது அதிக வருவாயை விளைவிக்கும் என்ற கருத்தை முன்வைத்தார். வரிகள் குறித்த அவரது கோட்பாடு 1980களில் அமெரிக்கப் பொருளாதாரக் கொள்கையைப் பாதித்தது. வணிகங்கள் மற்றும் தனிநபர்கள் மீதான கூட்டாட்சி வரிகளைக் குறைப்பது பொருளாதார வளர்ச்சியை அதிகரிக்கும் என்றும், நீண்ட காலத்திற்கு அரசாங்க வருவாயை அதிகரிக்கும் என்றும் அவர் முன்வைத்த விநியோகப் பக்க பொருளாதாரக் கோட்பாடுகளுக்காக அவர் கவனத்தை ஈர்த்தார்.
Laffer curve (லாஃபர் வளைவு)
லாஃபர் பிரபலமான லாஃபர் வளைவை வரைந்தார், (ஆர்தர் லாஃபர் 1974இல் அரசாங்க வரி விகிதத்தில் ஏற்படும் மாற்றங்களுக்கும் வரி ரசீதுகளுக்கும் இடையிலான உறவைச் சித்தரிக்கும் வளைவு பகுப்பாய்வை உருவாக்கினார். இந்த பகுப்பாய்வு லாஃபர் வளைவு என்று அழைக்கப்படுகிறது) இது பூஜ்ஜிய வரி விகிதத்திலிருந்து தொடங்கி, வரி விகிதங்களில் அதிகரிப்பு அரசாங்கத்தின் வரி வருவாயை அதிகரிக்கும், ஆனால் ஒரு கட்டத்தில், விகிதங்கள் போதுமான அளவு அதிகமாகும்போது, வரி விகிதங்களில் மேலும் அதிகரிப்பு வருவாயைக் குறைக்கும் என்பதைக் காட்டுகிறது.
ஏனெனில் அதிக வரி விகிதங்கள் வரி விதிக்கக்கூடிய வருமானத்தை ஈட்டுவதற்கு எதிராக வலுவான ஊக்கமளிக்கும் காரணிகளாக மாறும். விளிம்பு வரி விகிதங்களில் குறைப்புகள் எனவே வரி வருவாயை அதிகரிக்கக்கூடும். லாஃபரின் கண்டுபிடிப்புகள் ஜனாதிபதி ரொனால்ட் ரீகனின் ரீகனோமிக்ஸ் எனப்படும் பொருளாதாரக் கொள்கையைப் பாதித்தன, இது அளிப்பு-பக்க மற்றும் டிரிக்கிள்-டவுன் பொருளாதாரத்தை (கீழ்நோக்கிய பொருளாதாரம் – இது பொருளாதாரத்தின் மேல் அடுக்கில் உள்ள செல்வந்தர்களுக்கு சாதகமாக இருக்கும் அரசாங்கத்தின் பொருளாதாரக் கொள்கைகளை விவரிக்கப் பயன்படுத்தப்படும் ஒரு சொல்) அடிப்படையாகக் கொண்டது.
ஆதாரம்: www.britannica.com; www.investopedia.com
📚 எழுதியவர்:
******************************************************************************
Click to Join Telegram Group Link : https://t.me/+lyAFK8ZE0iczZjE1
Click to Join Facebook: https://www.facebook.com/Book Day – Bharathi Puthakalayam
இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.
புக் டே இணையதளத்திற்கு தங்களது நூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.
