1. ஓய்.வி. ரெட்டி (Yaga Venugopal Reddy) ஆகஸ்ட் 17, 1941இல் இந்தியாவில் பிறந்த புகழ்பெற்ற பொருளாதார அறிஞர் ஆவார், இவர் 2003 முதல் 2008 வரை இந்திய ரிசர்வ் வங்கியின் 21வது ஆளுநராகவும், பிப்ரவரி 1, 2013 முதல் டிசம்பர் 31, 2014 வரை இந்தியாவின் பதினான்காவது நிதி ஆணையத்தின் தலைவராகவும் இருந்தார். 2008 மற்றும் 2013க்கு இடையில், ரெட்டி ஹைதராபாத் பல்கலைக்கழகம், சென்னை இந்தியத் தொழில்நுட்ப நிறுவனம் மற்றும் நியூயார்க்கில் உள்ள கொலம்பியா பல்கலைக்கழகத்துடன் இணைக்கப்பட்ட கல்வித்துறையில் பணியாற்றினார். பன்னாட்டு பணவியல் மற்றும் நிதி அமைப்பின் சீர்திருத்தங்கள் குறித்த ஐக்கிய நாடுகளின் நிபுணர்கள் ஆணையத்தின் உறுப்பினராகவும் அவர் பணியாற்றியுள்ளார். கடன் சந்தைகளில் சீர்திருத்தச் செயல்முறையினை செயல்படுத்தியதில் ரெட்டி முக்கிய பங்கு வகித்தார். இந்தியாவின் பணவியல் அமைப்பிற்கு அவரது மிகப்பெரிய பங்களிப்பாகக் கருதுவது பணப்புழக்க சரிசெய்தல் வசதியின் கருத்தியல் உருவாக்கம் மற்றும் அறிமுகம் ஆகும். ரெட்டியைப் பொறுத்தவரை, மத்திய வங்கி மிகவும் கவனமாக இருக்கும் மூன்று செய்திகளாகச் சந்தையின் நிலைமைகள், நிதித் தொற்று மற்றும் வைப்புத்தொகையாளர்களின் நலன்கள் ஆகும்.
நிதிக் கொள்கை, மைய வங்கி மற்றும் உலகளாவிய நெருக்கடி தொடர்பான பொருளாதாரப் பிரச்சினைகள் குறித்து அவர் விரிவாக எழுதியுள்ளார். அவரது முக்கிய புத்தகங்கள், 2014இல் ஆக்ஸ்போர்டு பல்கலைக்கழக அச்சகத்தால் Financial and Fiscal Policies (இணை ஆசிரியர்), 2013இல் ஓரியண்ட் பிளாக் ஸ்வானால் Economic Policies and India’s Reform Agenda: New Thinking, Public, 2012இல் ஆக்ஸ்போர்டு பல்கலைக்கழக அச்சகத்தால் ஐஜி படேலின் Of Economics, Policy and Development – An Intellectual Journey, 2010இல் ஓரியண்ட் பிளாக் ஸ்வானால் Global Crisis, Recession and Uneven Recovery, 2009ஆம் ஆண்டு ஓரியண்ட் பிளாக் ஸ்வானால், India and the Global Financial Crisis – Managing Money and Finance வெளியிடப்பட்டது.
ஆதாரம்: www.cess.ac.in; www.rediff.com
*********************************
2. பிமல் ஜலான் (Bimal Jalan – பிறப்பு ஆகஸ்ட் 17 , 1941) இந்தியாவின் மிகவும் புகழ்வாய்ந்த பொருளாதார நிபுணர்களில் ஒருவராவார். ஜலான் இந்திய அரசாங்கத்தில் பல நிர்வாக மற்றும் ஆலோசனை பதவிகளை வகித்துள்ளார். அவர் மத்திய அரசின் தலைமை பொருளாதார ஆலோசகர், நிதி செயலாளர், பிரதமரின் பொருளாதார ஆலோசனைக் குழுவின் தலைவர், பன்னாட்டுப் பண நிதியம் மற்றும் உலக வங்கியின் வாரியங்களில் இந்தியாவைப் பிரதிநிதித்துவப்படுத்தும் நிர்வாக இயக்குநர், ரிசர்வ் வங்கியின் ஆளுநர் மற்றும் திட்டக் குழுவின் உறுப்பினர்-செயலாளர் போன்ற பதவிகளை வகித்துள்ளார்.
ஜலான் India’s Economic Crisis: The Way Ahead (ஆக்ஸ்போர்டு யுனிவர்சிட்டி பிரஸ், 1991) என்ற புத்தகத்தை எழுதியுள்ளார் மற்றும் The Indian Economy: Problems and Prospects (பெங்குயின், 1993) என்ற புத்தகத்தைத் தொகுத்துள்ளார். அவரது முக்கியப் புத்தகமான, India’s Economic Policy: Preparing for the Twenty-First Century (வைக்கிங், 1996), தற்போதைய சூழ்நிலையில் இந்தியாவிற்கான சில முக்கியமான கொள்கைத் தேர்வுகளை ஆராய்கிறது.
ஆதாரம்: www.rupapublications.co.in; www.bankersdaily.in
📚 எழுதியவர்:
******************************************************************************
Click to Join Telegram Group Link : https://t.me/+lyAFK8ZE0iczZjE1
Click to Join Facebook: https://www.facebook.com/Book Day – Bharathi Puthakalayam
இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.
புக் டே இணையதளத்திற்கு தங்களது நூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.
