பால் அலெக்சாண்டர் பரன் (Paul Alexander Baran) ஆகஸ்ட் 25, 1909இல் பிறந்து மார்ச் 26, 1964இல் மறைந்த அமெரிக்க மார்க்சிய பொருளாதார அறிஞர் ஆவார். அவரது கருத்துக்கள் மற்றும் அரசியல் இரண்டும் 1920களின் பிற்பகுதியில் கம்யூனிஸ்ட் கட்சிக்குள் நடந்த தீவிர விவாதங்கள் மற்றும் போராட்டங்களால் ஆழமாகவும் நிரந்தரமாகவும் பிரதிபலித்தது. 1949 முதல் ஸ்டான்போர்ட் பல்கலைக்கழகத்தில் பொருளாதாரப் பேராசிரியராக இருந்த பரன் பற்றி, புத்தக வெளியீட்டாளர்கள் “ஒரு பெரிய அமெரிக்கப் பல்கலைக்கழகத்தில் கற்பிக்கும் ஒரே மார்க்சிய சமூக விஞ்ஞானி” என்று குறிப்பிட்டனர்.
அவரது புத்தகம் பால் எம். ஸ்வீசியின் புத்தகமான The Theory of Capitalist Development இல் வழங்கப்பட்ட முக்கிய கருத்துக்களை அடிப்படையாகக் கொண்டது, இது முதலாளித்துவத்தின் ஏகாதிபத்திய கட்டத்தில் நீண்டகால நெருக்கடியை ஆராய்கிறது. மரபுவழி மார்க்சிய பொருளாதாரத்தினை விளக்க ஸ்வீசியின் புத்தகம் முக்கியமானதாகக் கருதப்படுகிறது. இப் புத்தகமானது ஒவ்வொரு மாணவரின் நூலகத்திலும் இருப்பது ஒரு மதிப்புமிக்க கூடுதலாகும். பரனின் புத்தகம் இதேபோன்ற இடத்திற்குத் தகுதியானது என்பது குறிப்பிடத்தக்கது.
சாத்தியமான உபரியை எவ்வாறு பெறுவது மற்றும் சிறப்பாகப் பயன்படுத்துவது என்பது குறித்த பாரம்பரிய பொருளாதார வல்லுநர்களின் கருத்துக்களை பரன் சுருக்கமாகக் கூறினார். ஆடம் ஸ்மித், ரிக்கார்டோ மற்றும் பலர் நிலப்பிரபுத்துவ முறைகளுடன் ஒப்பிடும்போது அதிக பொருளாதார உபரியைப் பிரித்தெடுப்பதற்கான முதலாளித்துவ முறைகளின் நன்மைகளைப் பாதுகாத்தனர். ஏகபோக மூலதனத்தின் ஆதிக்கத்தால் எழுப்பப்படும் புதிய சிக்கல்களைச் சமாளிக்கப் பரன் Economic Surplus (பொருளாதார உபரி) என்ற கருத்தை அறிமுகப்படுத்தினார்.
பரனின் வகைகளின்படி, Actual Economic Surplus (உண்மையான பொருளாதார உபரி) என்பது சமூகத்தின் உண்மையான தற்போதைய உற்பத்திக்கும் அதன் உண்மையான தற்போதைய நுகர்வுக்கும் இடையிலான வேறுபாடாகும், எனவே தற்போதைய சேமிப்பு அல்லது குவிப்புக்குச் சமம் என்பதாகும். பரான் Planned Surplus (திட்டமிடப்பட்ட உபரி) என்ற கருத்தையும் அறிமுகப்படுத்தினார் – இது ஒரு பகுத்தறிவுடன் திட்டமிடப்பட்ட சோசலிச சமூகத்தில் மட்டுமே செயல்படுத்தப்படக்கூடிய ஒரு வகை. வளர்ச்சியடையாத பொருளாதாரங்களைப் பகுப்பாய்வு செய்யப் பரன் தனது தி The Political Economy of Growth என்ற புத்தகத்தில் உபரி கருத்தைப் பயன்படுத்தினார்.
ஆதாரம்: www.marxists.org; www.alchetron.com; www.hetwebsite.net; www.elgaronline.com
📚 எழுதியவர்:
******************************************************************************
Click to Join Telegram Group Link : https://t.me/+lyAFK8ZE0iczZjE1
Click to Join Facebook: https://www.facebook.com/Book Day – Bharathi Puthakalayam
இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.
புக் டே இணையதளத்திற்கு தங்களது நூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.
