ஆயிஷா இரா.நடராசன் எழுதிய “இந்திய அறிவியல் வானின் 75 நம்பிக்கை நட்சத்திரங்கள்” – நூல் அறிமுகம்

“இந்திய அறிவியலின் தியாகச் சுடர்கள்”

இந்திய நாடு சுதந்திரம் அடைந்து 75 ஆண்டுகள் ஆனதை ஒட்டி, இந்திய அறிவியலின் வளர்ச்சிக்குத் தங்கள் பங்களிப்பை வழங்கிய 75 முக்கிய ஆளுமைகளின் வாழ்க்கை, அவர்களின் கண்டுபிடிப்புகள், மற்றும் சாதனைகளைச் சுருக்கமாகவும், எழுச்சியூட்டும் வகையிலும் அறிமுகப்படுத்தியுள்ளது இந்த நூலின் முதன்மை நோக்கம் ஆகும்.

கோவிட் 19 எனும் கொடிய நோய் தாக்குதல் காரணமாக, பொது முடக்கம் அறிவிக்கப்பட்டிருந்த சூழலில், தமிழ்நாடு அறிவியல் தொழில்நுட்ப மையம் மற்றும் அறிவியல் பலகை இரண்டு அமைப்புகளும் இணைந்து 2020 ஆம் ஆண்டில் Zoom இணைய தொடர் மூலமாக ஒவ்வொரு வாரமும் ஒரு அறிவியல் அறிஞரை விரிவாக அறிமுகம் செய்து அறிவியல் அறிஞர் ஆயிஷா நடராஜன் பேசிய உரையின் தொகுப்பே இந்த நூல்.

வெறும் அறிவியல் தகவல்களின் தொகுப்பாக இல்லாமல், அந்தச் சாதனையாளர்களின் கடும் உழைப்பை வெளிப்படுத்துகிறது இந்த நூல்.

சர். சி.வி. இராமன், சத்யேந்திர நாத் போஸ், ஹோமி பாபா, சதீஷ் தவான், அப்துல் கலாம் போன்ற உலகப் புகழ்பெற்ற முன்னோடிகள் முதல், சுபாஷ் சந்திர பாண்டா, ஷியாம் சுந்தர் குப்தா போன்ற பிற்கால அறிஞர்கள் வரை பல்வேறு துறைகளைச் (இயற்பியல், வேதியியல், மருத்துவம், விண்வெளி, கணிதம், தொழில்நுட்பம்) சேர்ந்தவர்களின் பங்களிப்புகள் இந்த நூலில் அடங்கியுள்ளன.

ஒவ்வொரு விஞ்ஞானியின் வாழ்க்கைப் போராட்டங்கள், சவால்கள், மற்றும் அதிலிருந்து மீண்டெழுந்து அவர்கள் அடைந்த வெற்றிகள் ஆகியவை இளம் தலைமுறையினருக்குப் பெரும் உந்துசக்தியாக அமைகின்றன.

அறிவியல் உண்மைகள் மற்றும் சிக்கலான கருத்துகள் கூட, ஆயிஷா நடராஜனின் எழுத்து நடையில் எளிமையாகவும், கவித்துவமாகவும் வெளிப்படுகின்றன. எந்தத் துறையைச் சாராதவரும் புரிந்துகொள்ளும் வண்ணம் தகவல்கள் வழங்கப்பட்டுள்ளன.

சுதந்திர இந்தியாவின் அறிவியல் பயணத்தை ஒரே இடத்தில் சுருக்கமாகவும், நம்பகத்தன்மையுடனும் ஆவணப்படுத்தியிருப்பது பாராட்டத்தக்கது.

ஒரே துறையில் கவனம் செலுத்தாமல், ஒட்டுமொத்த இந்திய அறிவியல் வளர்ச்சிக்கும் பங்களித்தவர்களை படம் பிடித்து காட்டுகிறது இந்த நூல்.

பெண்களின் அறிவியலாளர்களின் பங்களிப்பு குறித்தும் பதிவிட்டுள்ளது பாராட்டுக்குரியது. தாவரவியல் அறிஞர் ஜானகியம்மாள், வானிலை தட்பவெட்பம் போன்றவற்றை துல்லியமாக அறிவிக்கும் கருவிகளை கண்டுபிடித்த அண்ணா மணி, மலேரியா நோய்க்கு மருந்து கண்டுபிடித்த அசிமா சாட்டர்ஜி, மின்சார அடுப்பை கண்டுபிடித்த பொறியாளர் ராஜேஸ்வரி சாட்டர்ஜி, ஆசியாவின் முதல் மூளை நரம்பியல் பெண் அறுவை சிகிச்சை நிபுணர் டி எஸ் கனகா, மின்சார ரயிலை இந்தியாவில் ஓட வைத்த ஏ லலிதா, போன்ற பெண் விஞ்ஞானிகளின் சாதனைகளைத் தனிக் கவனத்துடன் எடுத்துக்காட்டியிருப்பது குறிப்பிடத்தக்கது.

“இந்திய அறிவியல் வானில் 75 நம்பிக்கை நட்சத்திரங்கள்” என்ற இந்த நூல், இந்தியாவின் அறிவியல் வரலாற்றைத் தெரிந்துகொள்ள விரும்பும் அனைவருக்கும், குறிப்பாகப் பள்ளி மற்றும் கல்லூரி மாணவர்களுக்கு, ஒரு மிக முக்கியமான கையேடு ஆகும். இது வெறும் தகவல்களை வழங்குவது மட்டுமல்லாமல், அறிவியல் மனப்பான்மையையும், நாட்டிற்குப் பங்களிக்க வேண்டும் என்ற உத்வேகத்தையும் விதைக்கும் ஒரு படைப்பு என்பதில் சந்தேகமில்லை.

📚 நூலின் விவரங்கள்:

******************************************************************************

Click to Join Telegram Group Link : https://t.me/+lyAFK8ZE0iczZjE1

Click to Join WhatsApp Channel Link : https://whatsapp.com/channel/0029VanQNeO4NVioUBbXer3q

Click to Join Facebook: https://www.facebook.com/Book Day – Bharathi Puthakalayam

இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.

புக் டே இணையதளத்திற்கு தங்களது நூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து  படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.