நூல் அறிமுகம் : ஒளிவிளக்கு – பெரணமல்லூர் சேகரன்

விவசாயிகள் இயக்கத்தில் காஜிப்பூர் எல்லை, அதன் முக்கியத்துவமும் பங்களிப்பும் என்ற கட்டுரையில் அகில இந்திய விவசாயிகள் சங்க மத்திய கவுன்சில் உறுப்பினர் டி.பி.சிங் காஜிப்பூர் எல்லையில் தங்கள் இருப்பப் பதிவு செய்வதில் இடதுசாரி விவசாய அமைப்புகள் வெற்றி பெற்றதைக் குறிப்பிடுகிறார். 5000 தலித் பெண்கள் குழுவும் 25 மாவட்டங்களிலிருந்து மண்ணைச் சேகரித்துக் கொண்டு உணர்வுப் பூர்வமாக திரண்டதைக் குறிப்பிட்டு மெய்சிலிர்க்க வைக்கிறார்.

பஞ்சாப் விவசாயிகள் சங்கத்தின் சார்பில் மேஜர் சிங் எழுதியுள்ள கட்டுரையில், போராட்டப் பரப்புரையில் மேற்கொண்ட உத்தி ஒன்றைக் குறிப்பிடுகிறார். “அரசு மற்றும் தனியார் பணியில் இருக்கும் மணமகன்களஇடம் கூட நிலம் இருக்கிறதா என கேட்கப்படுகிறது. இந்நிலையில் மூன்று சட்டங்களும் அமுலானால் சொந்த வயலில் விவசாயிகள் அடிமைகளாகத் தள்ளபபடும் அபாயம் உள்ளது” எனப்பேசியபோது இயல்பாகவே ஆவேசமும் கோபமும் எழத்தானே செய்யும்.

காஜிப்பூர், மேவாட், வழியாகப் பல்லால் முதல் ஷாஜஹான்பூர் வரை ஒற்றுமைக்கான கொண்டாட்டமும் மன உறுதிக்காகவம்  எனும் கட்டுரையில்,போராட்டக் காலத்தில் போராட்டக் களத்தில் மத்தியப்பிரதேசம் ரேவாவில் நடைபெற்ற விவசாயிகள் மகாபஞ்சாயத்தைக் குறிப்பிட்டு அதில் சச்சின்-அஸ்மா இளஞ்சோடி காதல் திருமணம் எளிய முறையில் நடத்தப்பட்டதையும் குறிப்பிடுகிறார்.

விவசாயிகள் இயக்கம்:எதிர்காலப் போராட்டங்களுக்குப் பாடம், உத்வேகம் மற்றும் வழிகாட்டி எனும் தமது கட்டுரையில் விக்ரம் சிங் குறிப்பிடுகிறார்.

களத்தில் போராடும் விவசாயிகளுள் பெண் விவசாயயைப் பார்த்து ஊடகவியலாளர் ” ஏனிந்தப் போராட்டம்? விவசாய விளைபொருட்களை அரசு கொள்முதல் செய்வதில் தோல்வி கண்ட நிலையில் தனியார் கொள்முதல் நல்லதுதானே? எனக் கேட்கிறார். அதற்குப் பெண் விவசாயி,
” மகனே, எங்களுக்குத் தனியார்மய அனுபவம் உள்ளது. அம்பானி ஜஇயஓவஉடன் சந்தையில் நுழைந்தபோது அனைத்தும் இலவசமாக வழங்கப்பட்டது. அதனால் அனைவரும் ஜியோவிற்கு மாறினர். ஓர் ஆண்டுக்குப் பின் பெரும்பாலான கைபேசி நிறுவனங்களைச் சந்தையிலிருந்து துடைத்தெறிந்தபின் ஜியோ பெருந்தொகையை வாடிக்கையாளர்களிடம் இன்றளவும் வசூலித்து வருகிறது. விவசாயமும் அப்படித்தான் ஆகும். கைபேசி இல்லாமல் வாழ்ந்துவிடலாம்; உணவு இல்லாமல் வாழவே முடியாது.” என்றதும் வாயடைத்துப் போனார் ஊடகவியலாளர்.

2021ஆம் ஆண்டு ஜனவரி 26 அன்று சுதந்திர இந்திய வரலாற்றில் முதன்முறையாக இந்தியக் குடியரசை நாடு முழுவதும் உள்ள விவசாயிகள் கொண்டாடினார்கள். தேசியக் கொடியுடன் செங்கோட்டையை நோக்கி நடைபெற்ற டிராக்டர் பேரணியைச் சீர்குலைவு செய்வதற்கு பகீரதப் பிரயத்தனம் செய்தது. அக்களத்தில் சில தவறுகளை ஆளும் வர்க்கமே தமது ஆட்கள் மூலம் செய்து அவற்றை விவசாயிகள் மீது போட்டது‌. அதில் ஒன்றுதான் தில்லி செங்கோட்டையில் தேசியக் கொடியை இறக்கிவிட்டு மத சம்பந்தமான கொடியை ஏற்றியது. அனைத்து நடவடிக்கைகளையும் எஸ்.கே.எம். முறியடித்தது. எல்லாவற்றுக்கும் மேலாக விவசாயிகள் மட்டுமில்லாமல் தொழிலாளர்களும் அங்கு முழக்கமிட்டு வர்க்க ஒற்றுமையைப் பறைசாற்றியதைக் குறிப்பிடுகிறார் கட்டுரையாளர்.

பெண்கள் பங்குபெறாத போராட்டம் எதுவும் வெற்றி பெற்றதாக வரலாற்றில்லை. இப்போராட்டத்தில் பெண்களின் பங்களிப்பை விவரிக்கிறார் அனைத்திந்திய ஜனநாயக மாதர் சங்கத்தின் துணைத்தலைவர் ஜக்மதி சங்வான். பெண்கள் இனி வெறும் பார்வையாளர்கள் அவல். அவர்கள் செயல்வீரர்கள். சட்டம், சுகாதாரம், விளையாட்டுக் குழுக்களின் ஒரு பகுதியாகவும் இருந்தனர் எனக்கூறும் சங்வான், போலீஸ் மோதலில் ஹரியானா பெண் விவசாயி உயிர்த்தியாகம் செய்ததைப் பதிவு செய்துள்ளது உணர்வுப்பூர்வமானது.