நூல்: டுஜக் டுஜக் ஒரு அப்பாவின் டைரி
ஆசிரியர்: தேனி சுந்தர்
வெளியீடு: பாரதி புத்தகாலயம்
விலை: 100
புத்தகம் வாங்க இங்கு க்ளிக் செய்யவும்: thamizhbook.com
மழலை மொழி பேசும் முத்துக்கள்.முன்னுரையில் “அய் சூப்பரு”னு தொடங்கிய ஐயா மாடசாமியின் எழுத்துகளை அடி ஒற்றி, ஒத்தி எடுத்தாற் போல விரிகிறது மழலை பிரவாகம்.
தோட்டத்துல ஒளிந்து இருக்கும் கொரானாவை கண்டுபிடிக்க முடியல புகழால்.வெளி ஆட்களை பார்த்தால் வெட்கி மறையும் குட்டியா இவ்வளவு பேசுகிறாள்?
திண்டுக்கல் மீட்டிங் போய் தாமதமா
வரும் அப்பா, டார்வினை தூங்க வைத்து விடுகிறார். நம்ம அப்பாவும் நினைவுக்கு வந்து போறாரு.
விஜய் ஸ்டிக்கர சுவத்துல ஒட்டவா? விஜய்யே வாத்தியாரு தான். இதுல கூட பாரு மாஸ்டருன்னு தான் எழுதி இருக்கு.
இதுக்கு பதில் இருக்கா??
ஏ !அழகான அம்மாவே
பார்கக மாட்டியா?
ஏ !மீசைக்கார அப்பாவே என்னைய
பார்க்க மாட்டியா?
செமல்ல.
வட்டமா உக்காந்து இருக்கோமுன்னு சொல்ல தெரியாமல்
அப்பா இங்க!
அண்ணன் இங்க!
அம்மா இங்க!
நானு இங்க.!
வட்டம் வரவில்லை என்றால் என்ன?
வார்த்தை வட்டம் அடிக்கிறதே!
அப்பா அண்ணணுக்கு
புண்ணு வந்திருச்சு.
அண்ணனை பார்த்துக்க சொன்னேன்ல.
ஆமாம்பா
அண்ணன் சைக்கிள்ல இருந்து
விழும் போது பார்த்துக்கு தான்பா
இருந்தேன்.
ஹா.ஹா.ஹா.
என்னா ஒரு வில்லத்தனம்.
அப்பா ஒரு எறும்பு கதை சொல்ல போறேன்.
இங்க உக்காந்து சொல்லவா?
அங்க உக்காந்து சொல்லவா?
அங்க. சொல்லவா?
கடைசி வரை சொல்லாத கதை அழகு.
புகழ், டார்வின் கீர்த்தி என எல்லாருமே
கதாசிரியர்கள்.மழலை நம் வகுப்பறையில் நிறைந்து இருக்கிறது.
முன் பருவ மழலை வகுப்புகளில் ஏராளம் உலவுகிறது.திருத்த. முயற்சிக்காதீர்கள்
என்பதை திட்டவட்டமாக கூறி இருப்பது அழகு.
மழை சாரலாய் மனதை சாளரத்தில்
சாய்த்துக் கொள்ள செய்கிறது மழலை மொழி.
மிக துல்லியமாக ஆய்வு நடத்திய ஆய்வாளர் சுந்தருக்கு வாழ்த்துகள்.
இதோ இன்று மாணவர்களிடம் அறிமுகம் செய்தேன்.
அவர்கள் மொழி அல்லவா. ?
பல நூல்களுக்கான முன்னுரை.
டுஜக் டுஜக்.
நம் அனைவரின் மனதில் பசக் பசக்..
பேரன்பும் வாழ்த்துகளும் சுந்தர்.
இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.
புக் டே இணையதளத்திற்கு தங்களது புத்தக விமர்சனம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.
