முத்திரைக் கவிதைகள் 4 – இந்திரன்

Famous Tamil Poet Indran Rajendran (இந்திரன்) in Muthirai Kavithaigal. Book day website is Branch of Bharathi Puthakalayam



முகமூடிகளின் யுகம் / இந்திரன்

————————————

புதையுண்ட நகரங்கள் போல்
புன்னகைகள் முகமூடிகளின் கீழே.

வாயால் பேச முடியாமல்
கண்ணீரால் பேசிக் கொள்கிறார்கள் துயரத்தை.

முகமூடிகளுடன்
வெளியே போய் விட்டு வரும் மனிதர்களை
யாருடையதோ போலவோ வரவேற்கிறது வீடு.

இரவில் தூங்கப் போவதற்கு முன்னால்
முகமூடி இல்லாமல் கண்ணாடியில் பார்க்கையில்
யார் முகம்போலவோ தெரிகிறது சொந்த முகம்.

முகமூடி அணியாதபோது
ஏதோ நிர்வாணமாய் இருப்பதுபோல்
பதறுகிறது மனம்.

தங்கத்திலும், வெள்ளியிலும்
தயாரிக்கப்பட்ட முகமூடிகள்
கோயம்புத்தூர் நகைக்கடைகளில்
விற்பனைக்குக் காத்திருக்கின்றன.

வாஷிங்டன், சாவ் பாவ்லோ , டெல்லி
உலகின் எல்லா தெருக்களிலும்
முகமூடி அணியாமல் திரிவது
மரணம் மட்டுமே.

முந்தைய கவிதைகள் படிக்க:

முத்திரைக் கவிதைகள் 1: வாக்குமூலம் – இந்திரன்

முத்திரைக் கவிதைகள் 2: ராப்பிச்சைக்காரன்– இந்திரன்

முத்திரைக் கவிதைகள் 3: கேள்வி, சிரிப்பொலி, உனது புகைப்படம் – இந்திரன்



இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.

புக் டே இணையதளத்திற்கு தங்களது புத்தக விமர்சனம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து  படைப்புகளையும், எங்களது [email protected] மெயில் அனுப்பிட வேண்டுகிறோம்.