ஜான் அட்கின்சன் ஹாப்சன் (John Atkinson Hobson) ஜூலை 6, 1858இல் பிறந்து ஏப்ரல் 1, 1940இல் மறைந்த பிரித்தானியப் பொருளாதார அறிஞர் மற்றும் சமூக விஞ்ஞானி ஆவார். விளாடிமிர் லெனினை பாதித்த ஏகாதிபத்தியம் மற்றும் நுகர்வுக் குறைவு கோட்பாட்டைப் பற்றிய எழுதியதற்காக ஹாப்சன் மிகவும் பிரபலமானார். ஹாப்சன் தாராள நிலையினை ஆதரித்தவர், சுதந்திரமாகச் செயல்படும் சந்தைகளில் மீது நம்பிக்கை கொண்டவர், சுதந்திர வர்த்தகத்தின் ஆதரவாளர் மற்றும் அரசாங்கத் தலையீட்டினை முழுவதும் ஏற்றுக் கொள்ளாதவர் ஆனால் வறுமை, கல்வி மற்றும் பொதுவான மிகை உற்பத்தி போன்ற பிரச்சினைகளைச் சந்தைகளால் தீர்க்க முடியாது என்பதை உணர்ந்தார், இதனை அரசுதான் சரிசெய்ய முடியும் என்று நம்பினார். ஹாப்சன் சமூகத்தின் மீது இயல்பான இயற்கையுடனான பார்வையை வெளிப்படுத்தினார், இது சுதந்திரமான மற்றும் உணரப்பட்ட தனிநபர்களை ஆரோக்கியமான சமூக உயிரினத்திற்கு அவசியமானதாகக் கண்டறிந்தார்.
சேயின் சந்தை விதியினை ஹாப்சன் நிராகரித்தார், ஓரளவுக்குச் சேமிப்பு முதலீடாக மாற்றப்படுவதை அவர் உணர்ந்தார், ஆனால் முதலீட்டுச் செலவு எதிர்கால அதிகப்படியான உற்பத்திக்கு பங்களித்தது என்று குறிப்பிட்டார், இதனால் முதலாளித்துவம் அதிகப்படியான உற்பத்தியை உருவாக்கும் என்கிறார். மால்தஸுக்குப் பிறகு வணிகச் சுழற்சியின் குறைந்த நுகர்வு கோட்பாட்டை வெளிப்படுத்திய முதல் பொருளாதார வல்லுநர்களில் ஹாப்சனும் ஒருவர். இந்தப் பிரச்சினையைத் தீர்க்க மறுபகிர்வு வரிவிதிப்பு, நலன்சார் செலவுகள் மற்றும் தொழில்துறையின் தேசியமயமாக்கல் போன்ற நடைமுறைத் திட்டங்களை ஹாப்சன் ஆதரித்தார். அவரது புத்தகமான The Physiology of Industry (ஏ.எஃப். மம்மெரியுடன் இணைந்து, 1889இல் எழுதப்பட்டது)இல் தொன்மை பொருளாதாரத்தை விமர்சிப்பதில் கவனம் செலுத்தியது, அவரது The Evolution of Modern Capitalism (1894) மற்றும் வறுமை மற்றும் வேலையின்மை பற்றிய பிற ஆய்வுகளை வெளியிட வழிவகுத்தது. இந்தப் படைப்பில், செல்வந்தர்களின் உபரி சேமிப்பு மற்றும் ஏழைகளின் குறைந்த நுகர்வு ஆகியவற்றால் ஏற்படும் செல்வத்தின் தவறான பகிர்வு குறித்த விளக்கினார்.
ஆதாரம்: www.liberalhistory.org.uk; www.hetwebsite.net; www.elgaronline.com
📚 எழுதியவர்:
******************************************************************************
Click to Join Telegram Group Link : https://t.me/+lyAFK8ZE0iczZjE1
Click to Join Facebook: https://www.facebook.com/Book Day – Bharathi Puthakalayam
இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.
புக் டே இணையதளத்திற்கு தங்களது நூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.
