எட்வர்ட் ஜே. நெல் (Edward J. Nell) ஜூலை 16, 1935இல் பிறந்த அமெரிக்கப் பொருளாதார அறிஞர். பேரியல் பொருளாதாரக் கோட்பாடு, பணவியல் பகுப்பாய்வு மற்றும் நிதி, பொருளாதார முறை மற்றும் தத்துவம், மாற்ற வளர்ச்சி மற்றும் மேம்பாடு ஆகிய துறைகளில் நெல் முக்கிய பங்களிப்பினை செய்துள்ளார். நெல், மார்ட்டின் ஹோலிஸுடன் இணைந்து எழுதிய புகழ்பெற்ற புத்தகமான Rational Economic Man என்பதில் புதிய தொன்மைப் பொருளாதாரத்தின் வழிமுறை மற்றும் தத்துவ அடித்தளங்கள் குறித்த அவரது விமர்சனத்தை முன்வைத்துள்ளார்.
நெல், பொது மாற்ற வளர்ச்சிக் கோட்பாட்டினை அறிமுகப்படுத்தினார். 1990களில் காணப்பட்டட முழுமையான வளர்ச்சியான பதிவாகியது, இதைப் பற்றி 1998இல் வெளியிடப்பட்ட The General Theory of Transformational Growth என்ற புத்தகத்தில் குறிப்பிட்டுள்ளார். அடிப்படையிலான வழிமுறை/தத்துவம் என்பது ஒரு வகையான யதார்த்தவாதமாகும், இது களப்பணி மூலம் கருத்து உண்மைகளை நிரப்புவதையும், பின்னர் உறுதியான அடித்தளத்தில் உள்ள, நிறுவன அடிப்படையிலான உறவுகளின் மாதிரிகளை உருவாக்குவதையும் அடிப்படையாகக் கொண்டது என்கிறார்.
நெல்லின் கூற்றுப்படி, வளர்ச்சி அடிப்படையில் மற்றும் எப்போதும் மாற்றத்தை ஏற்படுத்தும்; அதாவது, வளர்ச்சி பொருளாதாரத்தின் தன்மையை மாற்றுகிறது, துறைகளின் விகிதாச்சாரங்களையும் அதனுள் உள்ள முகவர்களின் பாத்திரங்களையும் கடமைகளையும் மாற்றுகிறது. வளர்ச்சி அதன் பின்னணியில் தொழில்நுட்ப மாற்றத்தைக் கொண்டுவருகிறது. புதிய தயாரிப்புகள் மற்றும் புதிய செயல்முறைகளானது மேலும் அதிகமான தொழில்நுட்ப மாற்றங்களைத் தூண்டுகிறது. தொழில்நுட்ப மாற்றம் தவிர்க்க முடியாதது, ஏனெனில் செலவுகளைக் கட்டுப்படுத்தவும் குறைக்கவும் உதவுகிறது என்கிறார்.
ஆதாரம்: www.gresham.ac.uk; www.graphsearch.epfl.ch; www.hetwebsite.net
📚 எழுதியவர்:
******************************************************************************
Click to Join Telegram Group Link : https://t.me/+lyAFK8ZE0iczZjE1
Click to Join Facebook: https://www.facebook.com/Book Day – Bharathi Puthakalayam
இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.
புக் டே இணையதளத்திற்கு தங்களது நூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.
