ஹெர்மன் எட்வர்ட் டேலி (Herman Edward Daly) ஜூலை 21, 1938இல் பிறந்து அக்டோபர் 28, 2022இல் மறைந்த அமெரிக்கச் சுற்றுச்சூழல் மற்றும் ஜார்ஜிய பொருளாதார அறிஞர் ஆவார். வளர்ச்சியின் செலவுகள் அதன் நன்மைகளை விட அதிகமாக இருக்கும்போது அது Uneconomical (பொருளாதாரமற்றது) என்பதே டேலியின் முக்கிய கருத்தாகும். இக் கருத்தானது ஒரு காலத்தில் வெட்டவெளியாக இருந்த பூமி, இப்போது மக்களாலும் அவர்கள் உற்பத்தி செய்வதாலும் நிரம்பியுள்ளது, மேலும் நிலையான பாதையை வரைவதற்குக் குறைவான இயற்கை வளங்களைப் பயன்படுத்துவதும், குறைந்த கழிவுகளை உருவாக்குவதும் தேவைப்படுகிறது என்பதாகும்.
1968இல் வெளியிடப்பட்ட ஹெர்மனின் முதல் கட்டுரையான, On economics as a life science என்பதில், உயிரியல் உயிரினங்களுக்கும் பொருளாதார அமைப்புகளுக்கும் இடையில் ஒரு சக்திவாய்ந்த ஒப்புமையை உருவாக்கியது. மனித வாழ்க்கையை ஆதரிப்பதற்கும் சுற்றுச்சூழலைப் பாதுகாப்பதற்கும் இடையில் ஒரு நிலையான சமநிலையை அடையும் நிலையான-நிலை பொருளாதாரத்திற்கு ஆதரவாக வளர்ச்சியின் இடைவிடாத முயற்சியைக் கைவிடுமாறு அவர் அரசியல்வாதிகள், அரசாங்கங்கள் மற்றும் பிற பொருளாதார வல்லுநர்களை வலியுறுத்தினார்.
எட்வர்ட் டேலி, மொத்த உள்நாட்டு உற்பத்தியை index of substainable economic welfare (நீடித்த பொருளாதார நலக் குறியீடு) போன்ற அளவீடுகளால் மாற்ற வேண்டும் என்று அவர் முன்மொழிந்தார், இது உற்பத்தி செய்யப்படும் பொருட்கள் மற்றும் சேவைகளின் மதிப்பை மட்டுமல்ல, செயல்பாட்டில் ஏற்படும் சுற்றுச்சூழல் தீங்கையும் கணக்கிடுவதாக இருக்கும் என்கிறார். எட்வர்ட் டேலி, “நிலையான வளர்ச்சி” என்பது குறிக்கோள் என்கிறார்.
டேலியின் பொருளாதார நம்பிக்கைகள் வெப்ப இயக்கவியலின் விதிகள் போன்ற அறியல்களிலும், செல்வத்தின் நியாயமான விநியோகம் உள்ளிட்ட நெறிமுறை இலட்சியங்களிலும், பூமியை ஒரு சர்வவல்லமையுள்ளது என்று குறிப்பிடுகிறார். வீடுகளுக்கும் வணிகங்களுக்கும் இடையிலான பணத்தின் வட்ட ஓட்டத்தில் கவனம் செலுத்தும் பிரதான பொருளாதாரம், இயற்கை உலகத்தை முற்றிலுமாகத் தவிர்க்கிறது என்பதை ஹெர்மன் கவனித்தார். உண்மையில், பொருளாதாரம் என்பது பிரதான பொருளாதாரத்தில் கருதப்படுவது போல் ஒரு தனிமைப்படுத்தப்பட்ட அமைப்பு அல்ல, மாறாக உயிர்க்கோளத்தின் துணை அமைப்பு என்று குறிப்பிடுகிறார்.
ஆதாரம்; www.nature.com; www.nytimes.com
📚 எழுதியவர்:
******************************************************************************
Click to Join Telegram Group Link : https://t.me/+lyAFK8ZE0iczZjE1
Click to Join Facebook: https://www.facebook.com/Book Day – Bharathi Puthakalayam
இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.
புக் டே இணையதளத்திற்கு தங்களது நூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.
