ஹோமர் ஹோய்ட்(Homer Hoyt) ஜூன் 14, 1895இல் பிறந்து நவம்பர் 29, 1984இல் மறைந்த நிலப் பயன்பாட்டு திட்டமிடல், மண்டலப்படுத்தல் மற்றும் மனைப் (ரியல் எஸ்டேட்) பொருளாதாரத்தில் முன்னோடிப் பணிகளுக்காக அறியப்பட்ட புகழ் பெற்ற அமெரிக்கப் பொருளாதார அறிஞர் ஆவார். 1929ஆம் ஆண்டு பங்குச் சந்தை வீழ்ச்சி மற்றும் அதைத் தொடர்ந்து ஏற்பட்ட பெரும் மந்தநிலையைத் தொடர்ந்து ரியல் எஸ்டேட் இழப்புகளுடன் ஹோய்ட்டின் தனிப்பட்ட அனுபவம், ரியல் எஸ்டேட் மதிப்புகள் பொருளாதார சுழற்சிகளுடன் எவ்வாறு தொடர்புடையவை என்பதில் அவருக்கு ஆர்வத்தை ஏற்படுத்தியது.
1939ஆம் ஆண்டு நகர்ப்புற நிலப் பயன்பாட்டின் துறை மாதிரியை ஹோய்ட் உருவாக்கினார். பிராந்திய பொருளாதார வளர்ச்சி என்பது பிராந்திய மக்கள்தொகையின் உற்பத்தி செய்யும் திறனைப் பொறுத்தது, இது அம்மக்களின் நுகர்வைக் காட்டிலும் அதிகமாக இருக்கும். பிராந்திய வளர்ச்சி அதன் உற்பத்தியை ஏற்றுமதி சார்ந்த தொழில்களின் வளத்தினைப் பொறுத்தது என்று குறிப்பிடுகிறார். நிலத்திற்கான தேவை ஒரு பிராந்திய பொருளாதாரத்தின் பொருளாதார வலிமை மற்றும் நிலைத்தன்மையைப் பொறுத்தது என்பதை ஹோய்ட் உணர்ந்தார்.
ஹோய்ட் மாடல்
1939ஆம் ஆண்டு ஹோமர் ஹோய்ட், ஹோய்ட் மாதிரி என்றும் அழைக்கப்படும் துறை மாதிரியை அறிமுகப்படுத்தினார், இது நகரங்கள் எவ்வாறு வளர்கின்றன மற்றும் செயல்பாடுகள் செறிவான மண்டலங்களில் ஒழுங்கமைக்கப்படுகின்றன என்பதை விளக்குகிறது. மக்கள்தொகை வளர்ச்சியை நாம் காணும்போது, நகரங்கள் எவ்வாறு செயல்படுகின்றன என்பதைப் புரிந்துகொள்வது அவசியமாகி வருகிறது. நகர்ப்புற வளர்ச்சியின் வடிவங்கள், இடஞ்சார்ந்த வடிவங்கள், குடியேற்ற புவியியல் மற்றும் நிலப் பயன்பாடு பற்றிய ஆய்வுகள் சம்பந்தப்பட்ட மக்களுக்கு மிகுந்த பயனுடையதாக உள்ளது.
ஹோய்ட் மாதிரியின் கூறுகள்
CBD – மத்திய வணிக மாவட்டம் நகர மையமாகும், இது நகரின் புவியியல் மையத்தில் அமைந்துள்ளது. நிலப் பயன்பாடு/செயல்பாடுகளின் துறைகள் மற்றும் பகுதி வளையங்கள் நடைபெறுவதுடன் தொடர்புடையது. இந்த பகுதி பெரும்பாலும் நகர மையம் என்று குறிப்பிடப்படுகிறது மற்றும் உயரமான கட்டிடங்களால் வகைப்படுத்தப்படுகிறது. உள் நகரப் பகுதி அல்லது நகர மையம் ஒரு சிக்கலான மற்றும் மாறும் நிகழ்வாகும். தொழில் – தொழில்கள் மையத்திலிருந்து தொடர்புடைய ஒரு துறையின் வடிவத்தில் குறிப்பிடப்படுகின்றன. செயல்பாடுகள் வளர்ந்த போக்குவரத்து இணைப்பு (சாலை மற்றும் ரயில்வே இரண்டும்) இருப்பதால் இவை துறையை உருவாக்குகின்றன.
குடியிருப்பு வகுப்பு – குறைந்த வருமானம் கொண்ட குழுக்கள், குறுகிய சாலைகள், அதிக மக்கள் தொகை அடர்த்தி, காற்றோட்டம் குறைவாக உள்ள சிறிய வீடுகள் காணப்படும் பகுதியில் வசிக்கின்றனர். அதிக பயணச் செலவுகளைச் சமாளிக்கக்கூடிய மற்றும் சிறந்த வாழ்க்கை நிலைமைகளை விரும்பும் நடுத்தர வருமானக் குழுக்கள் காணப்படுகின்றன. உயர் வகுப்பு குடியிருப்பு என்பது நகர மையத்திலிருந்து மிகவும் வெளிப்புறமாகவும் தொலைதூரமாகவும் உள்ள பகுதி வாழ்பவர்கள், செல்வந்தர்கள் மற்றும் வசதி படைத்தவர்கள் இந்தப் பகுதியில் வசிக்கின்றனர். வருமான நிலைகளின் அடிப்படையில் மக்கள் வெவ்வேறு பகுதியில் வாழ்வார்கள் என்று ஹோய்ட்டின் மாதிரி அறிவுறுத்துகிறது. ஹோய்ட் மாதிரியின் பலம் என்னவென்றால், குடியிருப்புகள் வெளிப்புறமாக வளர இது அனுமதிக்கிறது; முதன்மை பலவீனம் என்னவென்றால், போக்குவரத்துக்கான முதன்மை வடிவமாகத் தனியார் வாகனங்கள் மற்றும் சாலைகள் இல்லாதது.
Wedge sector theory – வடிவியல் கோட்பாடு
ஒரு மைய வணிக மாவட்டத்திலிருந்து வெளிப்படும் ஒவ்வொரு வடிவமும் ஒரு குறிப்பிட்ட நிலப் பயன்பாட்டையும், அதன் விளைவாக, நில மதிப்புகளின் தனித்துவமான பகுதியையும் குறிக்கிறது. நிலப் பயன்பாடுகள் பல்வேறு வணிக நிலைகள் முதல் குடியிருப்பு நிலைகள் வரை உள்ளன. நகர்ப்புற மேம்பாட்டுத் துறை மாதிரியில் உள்ள வடிவ நிலைகள் ஒரு நிலப் பயன்பாட்டை மற்றொன்றிலிருந்து பிரிக்கின்றன. திட்டமிடல் அறிவாற்றலில் ஹோய்ட்டின் பங்களிப்புகள் தற்போதைய பொருளாதார மேம்பாட்டுத் திட்டமிடல் பணிகளில் பெரும்பகுதிக்குக் குறிப்பிடத்தக்க அடித்தளத்தை உருவாக்குகின்றன.
தொடர்புடைய விதிமுறைகள்
நகர்ப்புற உருவவியல்: இந்த சொல் நகர்ப்புற இடங்களின் இயற்பியல் வடிவம் மற்றும் அமைப்பு பற்றிய ஆய்வைக் குறிக்கிறது.
மாற்ற மண்டலம்: CBD-யைச் சுற்றியுள்ள கலப்பு வணிக மற்றும் குடியிருப்பு நிலப் பயன்பாடுகளைக் கொண்ட பகுதி.
புறநகர் மயமாக்கல்: இது மத்திய நகர்ப்புறங்களிலிருந்து புறநகர்ப் பகுதிகளுக்கு மக்கள்தொகை மாற்றம் ஆகும், இதன் விளைவாக (துணை) நகர்ப்புற விரிவாக்கம் உருவாகிறது.
ஆதாரம்
www.hoytgroup.org; www.deepdyve.com; www.studysmarter.co.uk
📚 எழுதியவர்:
******************************************************************************
Click to Join Telegram Group Link : https://t.me/+lyAFK8ZE0iczZjE1
Click to Join Facebook: https://www.facebook.com/Book Day – Bharathi Puthakalayam
இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.
புக் டே இணையதளத்திற்கு தங்களது நூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.
