ஜார்ஜ் ஏ. அகெர்லோஃப் (George A. Akerlof) ஜூன் 17, 1940இல் பிறந்த அமெரிக்கப் புதிய கீனீஸிய பொருளாதார அறிஞர், இவர் ஏ. மைக்கேல் ஸ்பென்ஸ் மற்றும் ஜோசப் இ. ஸ்டிக்லிட்ஸுடன் சேர்ந்து, சமச்சீரற்ற தகவல்களுடன் சந்தைகளின் கோட்பாட்டிற்கான அடித்தளத்தை அமைத்ததற்காக 2001ஆம் ஆண்டில் பொருளாதாரத்திற்கான நோபல் பரிசைப் பெற்றார்.
The Market for Lemons (எலுமிச்சை சந்தை)
ஜார்ஜ் ஏ. அகெர்லோஃப் 1970ஆம் ஆண்டு தனது “The Market for Lemons, Quality Uncertainty and the Market Mechanism” என்ற ஆய்வறிக்கையில் சமச்சீரற்ற தகவல்களின் கீழ் தனது சந்தைக் கோட்பாட்டை அறிமுகப்படுத்தினார். சமச்சீரற்ற தகவல்களுடன் கூடிய சந்தைகள் பற்றிய அகெர்லோஃபின் ஆய்வானது, ஒரு பொருளின் விற்பனையாளர்கள் வாங்குபவர்களை விடத் தயாரிப்பின் தரம் குறித்து அதிக தகவல்களைக் கொண்ட சந்தைகளில் கவனம் பெற்றதை விளக்குகிறது. ஒரு பயன்படுத்தப்பட்ட கார் சந்தையின் உதாரணத்தைப் பயன்படுத்தி, குறைபாடுள்ள, தரமற்ற காரின் பாதகமான தேர்வுக்கு வழிவகுக்கும் என்பதை அவர் நிரூபித்தார் இதற்கு “எலுமிச்சை” என்ற சொல்லாடலை பயன்படுத்தினார். ஜார்ஜ் அகெர்லோஃப் தனது 2011ஆம் ஆண்டு வெளியிடப்பட்ட அவரது புத்தகமான Identity Economics இல், மக்கள் பண ஊக்கத்தொகை மற்றும் அவர்களின் அடையாளம் இரண்டின் அடிப்படையில் பொருளாதாரத் தேர்வுகளைச் செய்கிறார்கள், மேலும் அவர்கள் தங்கள் சுயக் கருத்துடன் முரண்படும் செயல்களைத் தவிர்க்கிறார்கள் என்ற கருத்தை முன்வைக்கிறார்.
Fair Wage-Effort Hypothesis (நியாயமான ஊதிய-முயற்சி அனுமானம்)
1990ஆம் ஆண்டில், ஜார்ஜ் ஏ. அகெர்லோஃப் மற்றும் அவரது மனைவி ஜேனட் யெல்லன், பெடரல் ரிசர்வின் முன்னாள் தலைவர், சேர்ந்து Fair Wage-Effort Hypothesis என்ற கோட்பாட்டை உருவாக்கினர். “தங்கள் உண்மையான ஊதியம் அவர்களின் நியாயமான ஊதியத்திற்குக் குறைவாக இருப்பதால், தொழிலாளர்கள் குறிப்பிட்ட அளவிற்கு அவர்களின் உழைப்பு முயற்சியைக் குறைத்துக்கொள்கிறார்கள்” என்று அகெர்லோஃப் குறிப்பிடுகிறார். இத்தகைய நிலை வேலையின்மையை ஏற்படுத்துகிறது இது ஊதிய வேறுபாடுகள் மற்றும் வேறுபட்ட வேலையின்மையினை கொண்டுவருகிறது என்றார்.
அகெர்லோஃப் மற்றும் இந்தியா
1967 முதல் 1968 வரை புது தில்லியில் உள்ள இந்தியப் புள்ளிவிவர நிறுவனத்தில் அகெர்லோஃப் பணியாற்றினார். வடக்கு பஞ்சாபில் உள்ள பக்ரா-நங்கல் அணையின் நீரைப் பகிர்ந்தளிக்கும் திட்டத்தை உருவாக்க உதவினார். இந்தியாவில் கூட்டாட்சி-மாநில நிதிக் கொள்கை குறித்து அவர் ஒரு கட்டுரையை எழுதினார். இந்தியாவில், சாதி அமைப்பு பல நூற்றாண்டுகளாக, அளிப்பிற்கும் தேவைக்கும் இடையில் தன்னை இணைத்துக் கொண்டுள்ளது என்று குறிப்பிட்டார். இந்தியச் சாதி அமைப்பில் அளிப்பிற்கும் தேவைக்கும் இடையிலான இடைவெளிகள், மேற்கத்திய நாடுகளில் தொழிலாளர் சந்தைகளில் இதேபோன்ற இடைவெளிகள் எவ்வாறு இருக்கக்கூடும் என்பதற்கான தகவல்களாக இருந்தன என்கிறார். இந்தியாவுக்கான பயணம் தனது அறிவுசார் வளர்ச்சிக்கு, குறிப்பாக பல்வேறு பொருளாதார பரிவர்த்தனைகளைப் புரிந்துகொள்வதில் முக்கியமானது என்று அவர் கருதினார்.
ஆதாரம்
www.britannica.com; www.nobelprize.org; www.investopedia.com
📚 எழுதியவர்:
******************************************************************************
Click to Join Telegram Group Link : https://t.me/+lyAFK8ZE0iczZjE1
Click to Join Facebook: https://www.facebook.com/Book Day – Bharathi Puthakalayam
இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.
புக் டே இணையதளத்திற்கு தங்களது நூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.
