ஜோசப் சார்லியர் (Joseph Charlier) ஜூன் 20, 1816இல் பிறந்து டிசம்பர் 6, 1896இல் மறைந்த பெல்ஜிய பொருளாதார அறிஞர். State-bonus திட்டத்திற்கு முன்பே, குடிமகனின் வருமானம் அல்லது உத்தரவாதமான குறைந்தபட்ச வருமானத்தின் தொடக்கக்கால ஆதரவாளர்களில் ஒருவராக அவர் அறியப்படுகிறார். Basic Income (அடிப்படையான வருமானம்) என்ற கருத்து ஐரோப்பாவில் பணத்துடன் தொடர்புடைய சிந்தனையில் உருவானது, அடிப்படை வருமானம் என்பது நிபந்தனையின்றியும், எந்த ஆதாரங்களின் வருமான அளவினையும் கணக்கில் கொள்ளாமலும், எந்த வேலையையும் அடிப்படையாக்க கொள்ளாமல் அனைவருக்கும் தனிப்பட்ட அடிப்படையில் வழங்கப்படும் பணம் ஆகும்.
மார்க்ஸ் மற்றும் ஏங்கெல்ஸ் Utopian Socialists (கற்பனாவாத சோசலிஸ்டுகள்) என்று முத்திரை குத்திய தீவிரமான தொலைநோக்கு பார்வையாளர்களில் ஒருவரான சார்லஸ் ஃபோரியர், பூமிக்கும் அதன் வளங்களுக்கும் சமமான உரிமை என்பது ஒருவித வருமான உத்தரவாதத்தை நியாயப்படுத்துகிறது என்று வாதிட்டார். நிபந்தனையற்ற அடிப்படை வருமானம் என்ற யோசனை 1796முதல் தாமஸ் ஸ்பென்ஸின் மனதில் தோன்றியது. இருப்பினும், 1848ஆம் ஆண்டில் தான் ஒரு நிபந்தனையற்ற அடிப்படை வருமானம் முதன்முதலில் ஒரு நாட்டின் மட்டத்திலும் சந்தேகத்திற்கு இடமின்றி முன்மொழியப்பட்டது.
“குறைந்தபட்சம்” அல்லது “வருவாய் உத்தரவாதம்” மற்றும் “பிராந்திய ஈவுத்தொகை” என்ற அடையாளத்தின் கீழ், அனைத்து ரியல் எஸ்டேட்டின் வாடகை மதிப்பின் அடிப்படையில், பிரதிநிதித்துவ தேசிய கழகத்தால் ஆண்டுதோறும் நிர்ணயிக்கப்பட்ட தொகையைக் காலாண்டுக்கு (பின்னர், மாதாந்திர) செலுத்துவதற்கு ஒவ்வொரு குடிமகனுக்கும் நிபந்தனையற்ற உரிமையை வழங்க ஜோசப் சார்லியர் முன்மொழிந்தார். உத்தரவாதமான குறைந்தபட்ச வருமானத்தைச் செயல்படுத்துவது அவர்களின் தொழில்களைத் தேர்ந்தெடுப்பதில் அவர்களை மேலும் தேர்ந்தெடுக்கும்; இருப்பினும், உழைப்பின் விலை பொதுவாக இந்தத் தேர்வைத் தீர்மானிப்பதால், சம்பந்தப்பட்ட தொழில்கள் தங்கள் தொழிலாளர்களுக்கு ஏற்படும் சிரமங்களை ஈடுசெய்ய போதுமான அளவு சம்பளத்தை வழங்க வேண்டும் என்பதாகும்.
ஆதாரம்:
www.repository.uantwerpen.be; www.basicincome.org
📚 எழுதியவர்:
******************************************************************************
Click to Join Telegram Group Link : https://t.me/+lyAFK8ZE0iczZjE1
Click to Join Facebook: https://www.facebook.com/Book Day – Bharathi Puthakalayam
இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.
புக் டே இணையதளத்திற்கு தங்களது நூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.
