என்னோடு வாழ்கிறாள்
என்றென்றும் உதிரமாய்
உயிராய் அம்மா.
*******
மரணப் பூராகக்
காட்சியளிக்கிறது
மணிப்பூர்.
*******
திக்கு முக்காடும் மனசு
ஆசையாய் வாங்கிய பொருட்கள்
சின்ன பையில் அடக்கம்.
*******
அவமானப் படுத்துவோர்
வேறு யாரிடமேனும்
அவமானப் படுவார் ஒருநாள்.
*******
மாநகராட்சி குப்பை மேட்டில்
காகிதம் பொறுக்கும் பெண்
குரைத்து வருகிறது நாய் 🐕
*******
அழகு காதல் வசம்
பிரேமை மனம் வசம்
உணர்வு சிருங்கார பரவசம்.
*******
தெருக்கள் சுற்றி வரும் பகலில்
வெப்பம் தாங்காமல்
மரத்தின் கீழ் ஓய்வெடுக்கும் மாடு.
*******
பெய்தது ஆலங்கட்டி மழை
பொறுக்கி எடுக்க முயன்றான்
கைவிட்டு நழுவும் ஐஸ் கட்டிகள்.
*******
மலைப் பாதை இருமருங்கும்
மூலிகை செடிகள் வாசம்
மெதுவாக இயங்கியது என் சுவாசம்.
*******
வயலை விற்று
வீடு வாங்கியதால் வருகிறது
வாடகை வருமானம்.
*******
ந க துறைவன் வேலூர்
செல் எண்: 9442234822.
