விடுதலையின் பவள ஆண்டு
இந்த விற்பனை பிரதிநிதிகளின்
கைகளில்
விசித்திரமாக இல்லை?
தேசியக் கொடியின் விதிகள்
மறுக்கப்பட்டு பருத்திக் கொடி
பாலியஸ்டராய் பறக்க விடப்பட்டிருக்கிறது இந்த ‘ பாரத் மாத்தாக்களால்’
யாராக இருக்கும் இந்த பாலியஸ்டர் மில்லின் சொந்தக்காரர்?
மூன்று நாட்களுக்கு முன்பே
கொடி ஏற்றப்பட்டிருக்க வேண்டுமாம் அப்படி ஏற்றப் பட்ட
கொடிகள் இன்னும் பல வீடுகளில்
இறக்கப் படவே இல்லை
மழையிலும் வெயிலிலும் ஏழைகளைப்போல் படாதபாடு படுகிறது தேசியக் கொடி!
இத்தனை ஆர்ப்பாட்டங்களிலும்
கூக்குரல்களிலும் ஏதோ ஒன்று
மறைந்திருப்பதை எவரேனும்
அறிந்திருப்போமா?
தாய்மையைக் கூட தங்கள்
இச்சைக்கு இலகுவாக எடுத்துக்
கொண்ட எமகாதகர்களின் விடுதலைக்கே இத்தனை ஆட்டங்கள் பாட்டங்களா?
பவள விழா ஆண்டின் இந்த கோர
நிகழ்வுகள் இந்நாட்டில் வாழ
அச்சம் தருகிறது.
எழுபதைந்து ஆண்டுகளில்
ஏதாவது ஓர் மாற்றம்
இல்லவே இல்லை ஆனால்
மீண்டும் படுகுழி நோக்கித்தள்ளும்
பாதகர்கள் போதனை!
இனியொரு நல் எண்ணம்
எழாத போதினில் ஏனிந்த தேசம்
எரி தழலில் வீழட்டும்
ச.லிங்கராசு
98437 52635
இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.
புக் டே இணையதளத்திற்கு தங்களது புத்தக விமர்சனம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து படைப்புகளையும், எங்களது [email protected] மெயில் அனுப்பிட வேண்டுகிறோம்.
