மானுட உன்னதம் கவிதை – கவிஞர் கவியரசன்

மானுட உன்னதம் கவிதை – கவிஞர் கவியரசன்




மானுட உன்னதம்
********************
ஆதி என்ற போது ஆடையின்றி நின்றவன்!
இவன்
பிறப்பை அரிது என்ற அவ்வையின் ஆதரவில்
முடிசூடிக் கொண்டவன்!

ஐந்து திணைகளில் திரிந்து
ஐயம் தெளிந்தவன் !
அண்டம் கடந்தும்
ஆளுமையை விதைக்கத் தெரிந்தவன்!

இவன் சூட்டிய பெயரோடு
திரிகின்றன யாவும் !
இவன் சூட மறுத்தாலோ உதிர்ந்து விழும் பூவும்!

சத்தங்களை எழுத்துக்குள்
அடைத்துக் காட்டியவன்!
எழுத்தோடு எண்ணையும் படைத்து நீட்டியவன்!

காலத்தை நெசவு செய்து
சீலை கொய்தவன்!
ககனமெங்கும் சுற்றி வரும்
லீலை செய்தவன்!

சிரிக்கவும் சிந்திக்கவும்
தெரிந்து இருந்தவன்!
மானுடம் சீர்படும் முறையாவும்
அறிந்திருந்தவன்!

ஓரறிவு ஈரறிவு என்னும்
தொடர்ச்சியின் முடிவு!
ஆறறிவு அடைந்ததே மானுடத்தின் வடிவு !

பேரண்ட பெருந்தவமே மானுடம் !
மானுடம் இல்லையேல் கானகம்!

கவிஞர் கவியரசன்
 கடம்பத்தூர்.
98949 18250

இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.

புக் டே இணையதளத்திற்கு தங்களது புத்தக விமர்சனம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து  படைப்புகளையும், எங்களது [email protected] மெயில் அனுப்பிட வேண்டுகிறோம். 



Show 1 Comment

1 Comment

  1. பாரதிசந்திரன்

    கவிதை அருமை

Leave a Reply

Your email address will not be published. Required fields are marked *