மெர்டன் எச். மில்லர் (Merton H.Miller) மே 16, 1923இல் பிறந்து ஜூன் 3, 2000இல் மறைந்த அமெரிக்கப் பொருளாதார அறிஞர், 1990ஆம் ஆண்டு பொருளாதாரத்திற்கான நோபல் பரிசை ஹாரி எம். மார்கோவிட்ஸ் மற்றும் வில்லியம் எஃப். ஷார்ப் ஆகியோருடன் சேர்ந்து பெற்றார். மோடிக்லியானி-மில்லர் தேற்றம் என்று அழைக்கப்படும் அவரது பங்களிப்பு, நிதிக் கோட்பாடுகளில் முன்னோடியாகக் கருதப்படுகின்றது. பத்திர உறுதிகளின் (Security) விலைகள் எவ்வாறு இடர்கள் சாத்தியமான எதிர்பார்க்கும் வருமானங்களையும் பிரதிபலிக்கின்றன என்பதை விளக்க மார்கோவிட்ஸ் மற்றும் ஷார்ப் ஆகியோரின் எழுத்துப் பணிகளை மில்லர் உருவாக்கினார்.
ஒரு நிறுவனத்தின் மூலதன அமைப்பு மற்றும் ஈவுத்தொகை கொள்கைக்கும், அதன் சந்தை மதிப்பு மற்றும் மூலதனச் செலவுக்கும் இடையிலான உறவை மோடிக்லியானி-மில்லர் தேற்றம் விளக்குகிறது. ஒரு உற்பத்தி நிறுவனம் அதன் செயல்பாடுகளுக்கு எவ்வாறு நிதியளிக்கிறது என்பது, அந்த நடவடிக்கைகள் லாபத்தை விடக் குறைவான முக்கியத்துவம் வாய்ந்தது என்பதை இந்த தேற்றம் நிரூபிக்கிறது. கார்ப்பரேட் நிதித் துறையில் தத்துவார்த்த மற்றும் அனுபவ பகுப்பாய்வினை உருவாக்கியவர்களில் மிக முக்கியமான ஒருவராக மில்லர் அங்கீகரிக்கப்பட்டார்.
எதிர்கால ஒப்பந்தங்களும் அவற்றை வாங்குபவர்களுக்கு மதிப்புமிக்கவை என்ற கருத்தை மில்லர் தீவிரமாக ஆதரித்தார். இந்த ஒப்பந்தங்களை அரசு ஒழுங்குபடுத்துவது நன்மையை விட அதிக தீங்கு விளைவிக்கும் என்று அவர் வாதிட்டார். மெர்டன் மில்லர், மனிதனின் நடத்தையானது நிதிச் சந்தைகளை எவ்வாறு பாதிக்கிறது என்பதை ஆய்வு செய்தார். முதலீட்டாளர்கள் எப்போதும் பகுத்து உணர்பவர்கள் அல்ல என்றும் அவர்களின் நடத்தை சந்தை திறமையின்மைக்கு வழிவகுக்கும் என்றும் அவர் வாதிட்டார். இந்த கோட்பாடு அன்மை ஆண்டுகளில் புகழ்பெற்று வருகின்றது, இதன் அடிப்படையில் ஏராளமான ஆராய்ச்சியாளர்கள் நிதி முடிவெடுப்பதில் உணர்ச்சிகள் மற்றும் சார்புகளின் தாக்கத்தை ஆய்வு செய்கின்றனர் என்பது குறிப்பிடத்தக்கது.
மில்லரின் தேர்ந்தெடுக்கப்பட்ட படைப்புகள்
Miller M H and Franco Modigliani (1963): “Corporate Income Taxes and the Cost of Capital”, American Economic Review 53, pp 433-43.
Miller M H and Franco Modigliani (1958): “The Cost of Capital, Corporation inance, and the Theory of Investment”, American Economic Review 48, pp 261-97.
ஆதாரம்: www.investopedia.com; www.chicagobooth.edu; www.econlib.org; www.britannica.com
📚 எழுதியவர்:
******************************************************************************
Click to Join Telegram Group Link : https://t.me/+lyAFK8ZE0iczZjE1
Click to Join Facebook: https://www.facebook.com/Book Day – Bharathi Puthakalayam
இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.
புக் டே இணையதளத்திற்கு தங்களதுநூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.
