Nilavu Poem By Poet Ilankathir கவிஞர் இளங்கதிர் நிலவு கவிதை




நீ மட்டும் எப்போதும்
உயரத்தில் நிற்கிறாய் ;
நடக்குமிடமெல்லாம்
நட்பாய் வருகிறாய் ;
உள்ளம் உறைந்தபோது
உன்னத ஒளி வீசுகிறாய்;
தோல்வியில் துவண்டபோது
வெற்றித்தீ மூட்டுகிறாய்;
காற்று அசைத்தபோதும்
கண்களிலிருந்து அகலாதிருக்கிறாய்.
சின்னஞ்சிறார்களின்
சிந்தை தொடும் உலகம் நீ
உனக்குள் வந்து
ஒளிந்துகொள்ள எண்ணும்
உள்ளங்கள்தான் எத்தனை?
காலம் எழுதிய கவிதையே,
குளிர்ச்சியை மட்டுமே வீசும்
குன்றாத விளக்கே!
அறிவியலால் உன்னைத்
தொட இயன்றாலும்
அகமகிழ்வு அளிப்பதில்
உனக்கு நிகர் நீதானே?

இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.

புக் டே இணையதளத்திற்கு தங்களது புத்தக விமர்சனம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து  படைப்புகளையும், எங்களது [email protected] மெயில் அனுப்பிட வேண்டுகிறோம். 



Leave a Reply

Your email address will not be published. Required fields are marked *