அக்டோபர் 18 - அறிவோம் இன்று ஒரு பொருளாதார அறிஞர்:- எட்வர்ட் கெல்லாக் (Economist Edward Kellogg Article in Tamil) - முனைவர் பு. அன்பழகன் - www.bookday.in

அக்டோபர் 18 – அறிவோம் இன்று ஒரு பொருளாதார அறிஞர்:- எட்வர்ட் கெல்லாக் – முனைவர் பு. அன்பழகன்

எட்வர்ட் கெல்லாக் (Edward Kellogg) அக்டோபர் 18, 1790இல் பிறந்து ஏப்ரல் 29, 1858இல் மறைந்த அமெரிக்கப் பொருளாதார அறிஞர் ஆவார், அவர் ஆய்வுக் கட்டுரைகளை எழுதிய காலத்தில் பெரும்பாலும் வட்டிக்குக் கடன் பெறுவது முக்கியமாக இருந்த நேரத்தில், வட்டியை ஒழிப்பதற்கான ஒரு நிதித் திட்டத்தை அவர் ஆதரித்தார். அவர் Fiat Money (கட்டளை பணத்தின் – அரசாங்கத்தால் சட்டப்பூர்வமாக வெளியிடக்கூடிய பணம்) தொடக்கக்கால ஆதரவாளராக இருந்தார். கெல்லாக் ஒரு நிதிக் கட்டுப்பாட்டு முறையை வகுத்தார், இதன் மூலம் அரசாங்கம் சட்டப்பூர்வமாக பணத்தை வெளியிட்டு, பின்னர் குறைந்த வட்டி விகிதத்தில் ரியல் எஸ்டேட்டின் (மணை விற்பனை) பாதுகாப்பில் அவற்றைக் கடனாக வழங்கும். அதே நேரத்தில், அரசாங்கம் அதே வட்டி விகிதத்தில் பத்திரங்களை வெளியிடும், அதை ரூபாய் நோட்டுகளுக்குச் சுதந்திரமாக மாற்றலாம் என்பதாகும். கெல்லாக் அமெரிக்காவில் செல்வக் குவிப்பின் மதிப்பிடப்பட்ட விகிதத்திற்கு அருகில் வட்டி விகிதத்தைப் பராமரிக்க வேண்டும் என்ற கருத்தினை வலியுறுத்தினார்.

கெல்லாக்கின் கருத்துக்கள் வேளாண்மை மற்றும் தொழிலாளர் அமைப்புகளால் ஆதரிக்கப்பட்டன, இது வங்கி மற்றும் நிதி நலன்களால் கையாள முடியாத ஒரு தேசிய பொருளாதாரம் மற்றும் பணத்தை உருவாக்குவதை நோக்கமாகக் கொண்ட பல அரசியல் கட்சிகளை உருவாக்க வழிவகுத்தது. 1837ஆம் ஆண்டு பொருளாதார நெருக்கடியின் போது, அப்போதுள்ள பணவியல் முறையின் விளைவாக ஏற்படும் தீமைகள் குறித்து அவரது கவனம் ஈர்க்கப்பட்டது. நீண்ட சிந்தனைக்குப் பிறகு, அரசாங்கம் அனைத்து பணத்தையும் வெளியிட வேண்டும் என்று அவர் முடிவு செய்தார், மேலும் வெளிநாட்டு நாடுகளுக்கு இடையில் வட்டி வசூலிக்கவோ அல்லது இழப்புகள் ஏற்படவோ கூடாது என்று அவர் முடிவு செய்தார். இதைச் செயல்படுத்த, அவர் ஒரு தேசிய பாதுகாப்பு நிதியை நிறுவவும், ஆண்டுக்கு இரண்டு சதவீத வட்டி விகிதத்தில், அரையாண்டுக்குத் தங்கம் அல்லது வெள்ளியில் செலுத்தக்கூடிய நோட்டுகளை வெளியிடவும் முன்மொழிந்தார். 1843ஆம் ஆண்டில், ஹோரேஸ் க்ரீலியின் ஊக்கத்துடன், அவர் Currency, the Evil and the Remedy என்ற புத்தகத்தை 1844ஐ வெளியிட்டார். அவர் Labout and Other Capital என்ற புத்தகத்தை 1849லும் மற்றும் A New Monetary System என்ற புத்தகத்தை 1861லும் வெளியிட்டார்.

அப்போது நடப்பிலிருந்த பணவியல் முறை குறைபாடுடையது என்றும், இது பொருளாதார உறுதியற்ற தன்மை, சமத்துவமின்மை மற்றும் அநீதிக்கு வழிவகுக்கிறது என்றும் கெல்லாக் வாதிட்டார். பரஸ்பர கடன் மற்றும் இலவச வங்கி கொள்கைகளின் அடிப்படையில் ஒரு புதிய அமைப்பை அவர் முன்மொழிந்தார். அதில் தனிநபர்களுக்கு இடையிலான பரஸ்பர ஒப்பந்தத்தின் மூலம் பணம் உருவாக்கப்படுகிறது மற்றும் வங்கிகள் தங்கள் சொந்த நாணயத்தை வெளியிட அனுமதிக்கப்படுகின்றன. கெல்லாக்கின் கூற்றுப்படி, இந்த புதிய அமைப்பு பொருளாதார வளர்ச்சியை ஊக்குவிக்கும், வறுமையைக் குறைக்கும் மற்றும் பொருளாதார நடவடிக்கைகளின் நன்மைகள் சமூகத்தின் அனைத்து உறுப்பினர்களிடையேயும் மிகவும் நியாயமாகப் பகிரப்படுவதை உறுதி செய்யும்.

ஆதாரம்: www.encyclopedia.com; www.famousamericans.net; www.bookswagon.com

📚 எழுதியவர்:

முனைவர் பு. அன்பழகன்

******************************************************************************

Click to Join Telegram Group Link : https://t.me/+lyAFK8ZE0iczZjE1

Click to Join WhatsApp Channel Link : https://whatsapp.com/channel/0029VanQNeO4NVioUBbXer3q

இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.

புக் டே இணையதளத்திற்கு தங்களது நூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து  படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.

Leave a Comment

Comments

No comments yet. Why don’t you start the discussion?

    Leave a Reply

    Your email address will not be published. Required fields are marked *