பெருந்தேவி – சூர்யமித்திரன்

Perundevi Poetry by Poet Suryamithran. Book Day (Website) and Bharathi TV (YouTube) Are Branches of Bharathi Puthakalayam.



பெருந்தேவி
~~~~~~~~~~

கட்டிய கணவனுக்கு
பெத்தது
ரெண்டு ரெண்டு.
அறுபதுகளிலே
மீன்காரியுடன்
நீச்சுவாசம்~அங்கேயே
தங்கல் வாசம்.

என் தாத்தனை
அந்த நாளிலேயே
தூக்கிப்போட்டுட்டு
ராவ் பகதூர் வீட்டில்
பத்துபாத்திரம்
சகவாசம்.

செல்வம்..என்ற
உதறும்
வெத்திலை வாசக்குரலில்
மவராசான்னு
சேர்த்தணைத்த
பச்சைகுத்தின
கைகளில் பாசம்
முளைத்தது.

நாளைக்கு
ஆடி அமாவாசை.
நினைவுதெரிந்து
உனக்கு யாரும்
எள்ளுந்தண்ணி
தர்ப்பைப்புல்லில்
வார்த்ததில்லை.

நான்மட்டும்
பெருந்தேவிப்பாட்டியின்
புகையிலை வெத்திலை
பாக்கு வாசத்தின் இதழால்
குளித்த
எனது கன்னங்களில்
உன்னை
மோப்பம் பிடித்து
தேடுகிறேன்.

சூர்யமித்திரன்

இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.

புக் டே இணையதளத்திற்கு தங்களது புத்தக விமர்சனம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து  படைப்புகளையும், எங்களது [email protected] மெயில் அனுப்பிட வேண்டுகிறோம்.