ரா. சண்முகவள்ளியின் கவிதைகள்

கவிதைத் துளிகள்

1
இப்பொழுதெல்லாம்
அதிகமாக யோசிக்கிறேன்
நீ என்னைப் பற்றி
என்ன
யோசிப்பாய என்று!

2
காதலில் இறுகப்பற்றுதல்
என்பது வெறும் காமம்
அதையும் தாண்டி
உனக்காக நான் இருக்கிறேன்
என்பதன் வெளிப்பாடாக கூட
இருக்கலாம்
அந்தப்பற்றுதலில்
கரையாதோர் உண்டோ?

3
என்னவன் ரசிக்கும்
அழகியெனும்
கர்வம் மின்னச் செய்யும்
என்னை இன்னும்.

4
இரை என்று
தெரிந்தும் பசிக்காமல்
புசிக்காத புலிகூட
புத்தரின் சாயல்

5
நிலாச்சோறாய் ஆனதடா
உன்பிம்பம் இரவு மட்டும்
பசியாற எனக்கென்று
ஒரு நிலவு
உன் முகச்சாயலில்

6
அன்பென்ற
அங்குசம் போதும்
களிறின் துதிக் கையில்
ஊஞ்சல் ஆட

7
முத்தம்
ஊடலின்முடிவு
கூடலின் தொடக்கம்

8
நின் எச்சில் கொண்ட
முத்தங்களைச்
சிந்தாமல் சிதறாமல் உள்வாங்க
ஏதுவாக என் கன்னக்குழி

Click to Join Telegram Group Link : https://t.me/+lyAFK8ZE0iczZjE1

Click to Join WhatsApp Channel Link : https://whatsapp.com/channel/0029VanQNeO4NVioUBbXer3q

இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.

புக் டே இணையதளத்திற்கு தங்களதுநூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து  படைப்புகளையும், எங்களது [email protected] மெயில் அனுப்பிட வேண்டுகிறோம்.