இராஜேஷ் சங்கரப்பிள்ளை கவிதை

எப்போதும்
மனிதர்கள் …..
பார்த்த பிறகு தான்,
சிரிப்பார்கள்.

அவர்கள்
எப்போது
பார்க்காமல் சிரிப்பார்கள்
என யோசித்துக் கொண்டிருக்கின்றேன்.

சரி….

நீங்கள்
கண்டவுடன்
கேட்டவுடன்
பார்த்தவுடன்

‘சிரிப்பீர்களா….?’

ஆம் ,

இன்று காலையில் கூட

என் முற்றத்து
நந்தியாவட்டை
பூத்து சிலிர்த்தது….

ஏனோ .
எனக்கு வெட்கம் படர்ந்தது.

நானும்,
பார்க்கிறேன்,
மலர்கள் ஒரு போதும்
வெட்கப்பட்டு பார்த்ததேயில்லை.