ரிச்சர்ட் தாலர் (Richard Thaler) செப்டம்பர் 12, 1945இல் பிறந்த அமெரிக்க நாட்டை சார்ந்த பொருளாதார அறிஞர் ஆவார், அவருக்கு (Behavioural Economics) நடத்தை பொருளாதாரத்தில் அவரின் பங்களிப்பிற்காக 2017ஆம் ஆண்டு நோபல் பரிசு வழங்கப்பட்டது. நடத்தைப் பொருளாதாரம் என்பது உளவியல் மற்றும் பிற சமூக அவியல்களின் கண்டுபிடிப்புகளைப் பொருளாதார நடத்தை ஆய்வுக்குப் பயன்படுத்தும் நுண்ணிய பொருளாதாரத் துறையாகும். பொருளாதாரத்தில் தாலரின் பங்களிப்புகள் பொதுவாக மூன்று வகைகளாகப் பிரிக்கப்படுகின்றன: (i) பகுத்தறிவு தேர்வுக் கோட்பாட்டின் அனுபவ குறைபாடுகளை வெளிப்படுத்துதல் மற்றும் பரந்த அளவிலான முரண்பாடுகளைப் புரிந்துகொள்ள காஹ்னேமன் மற்றும் ட்வெர்ஸ்கி கண்ணோட்டத்தை உருவாக்குதல், (ii) Mental Accounting (மன கணக்கியல்) கோட்பாட்டை உருவாக்குதல் மற்றும் நுகர்வோர் பல்வேறு வகையான விலை நிர்ணய உத்திகளுக்கு எவ்வாறு பதிலளிக்கிறார்கள் என்பதைப் புரிந்துகொள்ள அதைப் பயன்படுத்துதல், மற்றும் (iii) காஸ் சன்ஸ்டீனுடன் Libertarian Paternalism (சுதந்திரவாத தந்தைவழி) என்ற கருத்தை உருவாக்குதல் மற்றும் கொள்கைக்கான அதன் நடைமுறை தாக்கங்களை ஆராய்தல், ‘நட்ஜ்’ நுட்பம் வழியாக முடிவெடுத்தல் என்பதாகும்.
பொருளாதாரத்தில் உள்ள அனைவரும் பகுத்தறிவுள்ளவர்கள் மற்றும் சுயநலவாதிகள் என்ற நிலையான பொருளாதார அனுமானத்தைத் தளர்த்துவதன் தாக்கங்களை தாலர் ஆராய்கிறார். தனிநபர்கள் மற்றும் நிறுவனங்கள் இரண்டும் பொருளாதார முடிவெடுப்பது இயற்கையான மனித அறிவாற்றல் வரம்புகள் மற்றும் சார்புகளால் எவ்வாறு முறையாகவும் கணிசமாகவும் பாதிக்கப்படுகிறது என்பதை தாலர் ஆராய்ந்தார். தனிநபர்கள் தங்கள் சமூக விருப்பங்களால், குறிப்பாக நியாயத்தன்மை குறித்த அவர்களின் கருத்துக்களால், அவர்களின் பொருளாதார நடத்தையில் செல்வாக்கு செலுத்தப்படுகிறது என்றும், அவ்வாறு செய்வது ஒரு நியாயமான சூழ்நிலையைப் பராமரிக்க அல்லது நியாயமற்ற ஒன்றைத் தடுக்க உதவும் என்று அவர்கள் நம்பினால், அவர்கள் தெரிந்தே தங்களுக்குத் தீங்கு விளைவிக்கும் முடிவுகளை எடுப்பார்கள் என்றும் தாலர் சுட்டிக்காட்டினார். மோசமாக நடந்து கொண்டதாக அவர்கள் நம்பும் ஒரு பொருளாதார நடவடிக்கையில் ஈடுபடும் மனிதரை “தண்டிக்க” மக்கள் தனிப்பட்ட முறையில் தீங்கு விளைவிக்கும் முடிவுகளை எடுப்பார்கள். சுகாதாரம், எரிசக்தி, சுற்றுச்சூழல் பாதுகாப்பு, நுகர்வோர் பாதுகாப்பு, கல்வி, வேலையின்மை மற்றும் தேசியப் பாதுகாப்பு உள்ளிட்ட பல துறைகளில் கொள்கை வகுப்பார்களால் தாலரின் அறிவாற்றலைப் பயன்படுத்தியுள்ளனர் என்பது குறிப்பிடத்தக்கது.
தேர்ந்தெடுக்கப்பட்ட படைப்புகள்
(2008): Nudege: Improving Decisions on Health, Wealth and Happiness, coauthored with Cass R.Sunstein.
(2015): Misbehaving: The Making of Behavioural Economics.
ஆதாரம்
www.britannica.com; www.nobelprize.org; www.chicagobooth.edu; www.econlib.org; www.tandfonline.com
📚 எழுதியவர்:
******************************************************************************
Click to Join Telegram Group Link : https://t.me/+lyAFK8ZE0iczZjE1
Click to Join Facebook: https://www.facebook.com/Book Day – Bharathi Puthakalayam
இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.
புக் டே இணையதளத்திற்கு தங்களது நூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.
