சார்லஸ் விகின்ஸ் கோப் (Charles Wiggins Cobb) செப்டம்பர் 17, 1875இல் பிறந்து மார்ச் 2, 1949இல் மறைந்த அமெரிக்கக் கணிதவியலாளர் மற்றும் பொருளாதார அறிஞர் ஆவார். பொருளாதாரத்தில் புகழ்மிக்க Cobb-Douglas Producation function (கோப்-டக்ளஸ் உற்பத்திச் சார்பு) அறிமுகப்படுத்தியதன் வாயிலாக அவர் மிகவும் பிரபலமானவர். மாசசூசெட்ஸில் உள்ள ஆம்ஹெர்ஸ்ட் கல்லூரியில் பேராசிரியராக பணியாற்றியபோது பொருளாதார நிபுணர் பால் எச். டக்ளஸுடன் சேர்ந்து உற்பத்தி சார்பு கோட்பாடு உருவாக்கத்தில் ஈடுபட்டார். 1928ஆம் ஆண்டில், சார்லஸ் கோப் மற்றும் பால் டக்ளஸ் ஒரு ஆய்வை வெளியிட்டனர், அதில் அவர்கள் 1899-1922 காலகட்டத்தில் அமெரிக்கப் பொருளாதாரத்தின் வளர்ச்சியை மாதிரியாகக் கொண்டிருந்தனர்.
பொருளாதாரம் மற்றும் பொருளாதார அளவியலில், கோப்-டக்ளஸ் உற்பத்திச் சார்பு என்பது உற்பத்தி செயல்பாட்டின் ஒரு குறிப்பிட்ட செயல்பாட்டு வடிவமாகும், இது இரண்டு அல்லது அதற்கு மேற்பட்ட உள்ளீடுகளின் அளவுகளுக்கும் குறிப்பாக உடல் மூலதனம் (physical capital) மற்றும் உழைப்பு (labour) சார்ந்த உள்ளீடுகள் உற்பத்தி செய்யக்கூடிய வெளியீட்டின் அளவிற்கும் இடையிலான தொழில்நுட்ப உறவைக் குறிக்கப் பரவலாகப் பயன்படுத்தப்படுகிறது. உற்பத்தியின் உற்பத்தி சம்பந்தப்பட்ட உழைப்பின் அளவு மற்றும் பயன்படுத்தப்படும் மூலதனத்தின் அளவு ஆகியவற்றால் தீர்மானிக்கப்படும் பொருளாதாரத்தின் எளிமைப்படுத்தப்பட்டும் நோக்கில் இச்சார்பு அமைந்துள்ளது குறிப்பிடத்தக்கது.
பொருளாதார செயல்திறனைப் பாதிக்கும் பல காரணிகள் இருந்தாலும், கோப்-டக்ளஸ் மாதிரி குறிப்பிடத்தக்க வகையில் துல்லியமானது என்பதை நிரூபித்தது. கோப்-டக்ளஸ் செயல்பாடு இரண்டு மிக முக்கியமான விளைவுகளைக் கொண்டுள்ளது. முதலாவதாக, உழைப்பின் பங்கில் ஊதியம் அல்லது கூலி அதிகரிப்பின் விளைவு உள்ளீட்டு நிலையில் ஏற்படும் மாற்றங்களால் முழுமையாக ஈடுசெய்யப்படுவதில்லை, எனவே ஊதிய விகிதங்களில் அதிகரிப்பு மொத்த வேலைவாய்ப்பில் விகிதாச்சார குறைப்புக்கு வழிவகுக்காது; இரண்டாவதாக, வேகமாக வளரும் உற்பத்தி காரணி தேசிய வருமானத்தில் அதன் பங்கைக் குறைக்கும் என்பதாகும்.
ஆதாரம்: www.britannica.com; www.economics.stackexchange.com
📚 எழுதியவர்:
******************************************************************************
Click to Join Telegram Group Link : https://t.me/+lyAFK8ZE0iczZjE1
Click to Join Facebook: https://www.facebook.com/Book Day – Bharathi Puthakalayam
இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.
புக் டே இணையதளத்திற்கு தங்களது நூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.
