1. மன்மோகன் சிங் (Manmohan Singh) செப்டம்பர் 26, 1932 டிசம்பர் 26, 2024இல் மறைந்த இந்தியப் பொருளாதார அறிஞர், கல்வியாளர், உயர் அலுவலர், மற்றும் பிரதமர் உள்ளிட்ட நிலையில் அறியப்படுகிறார். அவர் 2004 முதல் 2014 வரை இந்தியாவின் பிரதமராகப் பணியாற்றினார். மன்மோகன் சிங் பஞ்சாப் பல்கலைக்கழகம் மற்றும் டெல்லி பொருளாதாரப் பள்ளியில் பேராசிரியராக பணியாற்றினார்.
1970களில், இந்திய அரசாங்கத்திற்குள் தொடர்ச்சியான பொருளாதார ஆலோசனை வழங்கும் பதவிகளுக்கு நியமிக்கப்பட்டார், பல பிரதமர்களுக்கு பொருளாதார ஆலோசகராகவும் பணியாற்றியுள்ளார். மன்மோகன் சிங் இந்திய ரிசர்வ் வங்கியிலும் பணியாற்றினார், இயக்குநராக 1976–80 காலகட்டத்திலும், ஆளுநராகவும் 1982–85 காலகட்டத்திலும் பணியாற்றினார். 1991இல் அவர் நிதியமைச்சராக நியமிக்கப்பட்டபோது, நாடு பொருளாதார சரிவின் விளிம்பில் இருந்தது. மன்மோகன் சிங் ரூபாயின் மதிப்பைக் குறைத்தார், வரிகளைக் குறைத்தார், அரசு நடத்தும் தொழில்களை தனியார்மயமாக்கினார், வெளிநாட்டு முதலீட்டை ஊக்குவித்தார், நாட்டின் பொருளாதாரத்தைப் புத்துயிர் பெறவும், தூண்டவும் புதிய சீர்திருத்தங்களை கொண்டுவந்தார். மன்மோகன் சிங் வேகமாக விரிவடைந்து வரும் பொருளாதாரத்திற்குத் தலைமை தாங்கினார், ஆனால் அதிகரித்து வரும் எரிபொருள் செலவுகள் பணவீக்கத்தில் குறிப்பிடத்தக்க அதிகரிப்பைத் தூண்டின, இது நாட்டின் ஏழைகளுக்கு மானியங்களை வழங்கும் அரசாங்கத்தின் திறனை அச்சுறுத்தியது.
1991ஆம் ஆண்டு மன்மோகன் சிங்கின் நடவடிக்கைகள் இந்தியப் பொருளாதாரம், நிதி மற்றும் ஒட்டுமொத்த வணிகச் சூழலமைப்பில் நீண்டகால தாக்கத்தை ஏற்படுத்தின. அவை பொதுத்துறை நிறுவனங்களை தனியார்மயமாக்குவதற்கும், முதலீட்டிற்கான வாய்ப்பினை தடையற்ற நிலையினை ஏற்படுத்தவும், பல புதிய தொழில்களை உருவாக்குவதற்கும், வளர்ப்பதற்கும், நடுத்தர வர்க்கத்தினரின் கைகளில் செலவிடக்கூடிய வருமானத்தில் பெரும் அதிகரிப்புக்கும் வழி வகுத்தன, இதன் விளைவாக நுகர்வோர் அதிகரித்தனர். நாட்டை திவால் நிலை மற்றும் பொருளாதார சரிவிலிருந்து மீட்டு, மகத்தான வளர்ச்சியின் பாதையில் கொண்டு செல்வதிலும் மன்மோகன் சிங் முக்கிய பங்கு வகித்தார். உலகிலே அதிக வேலைவாய்ப்பினை உருவாக்கித் தந்த 100 நாள் வேலைவாய்ப்பு திட்டமான மகாத்மா காந்தி தேசிய ஊரக உத்தரவாத திட்டத்தினை மன்மோகன் சிங் அறிமுகப்படுத்தினார். வறுமை ஒழிப்பு, உயர் கல்வி போன்றவற்றில் பல்வேறு திட்டங்களை அறிமுகப்படுத்தினார். பொருளாதார சீர்திருத்த நடவடிக்கையின் காரணமாக இந்தியா அனைத்து தளங்களிலும் பெரும் முன்னேற்றம் கண்டுள்ளது. இந்தியாவை ஒரு பொருளாதார சக்தியாக மாற்றியமைத்த அவரது தொலைநோக்குப் பார்வைக்கு மட்டுமல்ல, அவரது கடின உழைப்பு மற்றும் அவரது பணிவான, மென்மையான நடத்தைக்கும் மன்மோகன் சிங் பெயர் பெற்றவர்.
ஆதாரம்: www.britannica.com; www.pmindia.gov.in; www.inc.in; www.frontlinethehindu.com
*******************************************
2. தீபக் நய்யர் (Deepak Nayyar) செப்டம்பர் 26, 1946இல் பிறந்து நவம்பர் 7, 2023இல் மறைந்த இந்தியப் பொருளாதார அறிஞர் மற்றும் கல்வியாளர் ஆவார். அவர் புது தில்லியில் உள்ள ஜவஹர்லால் நேரு பல்கலைக்கழகத்தில் பொருளாதாரப் பேராசிரியராக பணியாற்றியுள்ளார். அவரது ஆராய்ச்சி ஆர்வங்கள் முதன்மையாகச் சர்வதேச பொருளாதாரம், பேரியல் பொருளாதாரம், மேம்பாட்டுப் பொருளாதாரம் மற்றும் பொருளாதார வரலாறு ஆகிய துறைகளில் உள்ளன. பொருளாதார வளர்ச்சி, பேரியல் பொருளாதாரக் கோட்பாடு, பேரியல் பொருளாதாரத்தை நிலைப்படுத்தல், கட்டமைப்பைச் சரிசெய்தல், வர்த்தகக் கோட்பாடு, வர்த்தகக் கொள்கைகள், தொழில்மயமாக்கல் உத்திகள், தொழில்துறை கொள்கை, பொருளாதார தாராளமயமாக்கல், மனிதவள மேம்பாடு, வேலைவாய்ப்பு, சர்வதேச இடம்பெயர்வு, பலதரப்பு வர்த்தக அமைப்பு, உலகமயமாக்கல் மற்றும் உலகப் பொருளாதாரம் உள்ளிட்ட பல்வேறு தலைப்புகளில் அவர் கட்டுரைகள் மற்றும் புத்தகங்களை வெளியிட்டுள்ளார். கூடுதலாக, அவர் இந்தியாவில் பொருளாதார வளர்ச்சி குறித்து விரிவாக எழுதியுள்ளார். அவரது சில படைப்புகள் கடந்த ஐம்பது ஆண்டுகளில் ஆசியாவின் குறிப்பிடத்தக்கப் பொருளாதார மாற்றம் மற்றும் எழுச்சியை மையமாகக் கொண்டுள்ளன.
தீபக் நய்யர், இந்திய அரசாங்கத்தின் தலைமை பொருளாதார ஆலோசகராகவும், நிதி அமைச்சகத்தின் செயலாளராகவும் 1989 முதல் 1991 வரை பணியாற்றினார். இந்தியாவில் National Knowledge Commission (தேசிய அறிவு ஆணையத்தின்) உறுப்பினராக இருந்துள்ளார். The World Commission on the Social Dimension of Globalisationஇல் உறுப்பினராக இருந்துள்ளார். இந்திய மாநில வர்த்தகக் கழகம் , இந்திய ஸ்டேட் வங்கி, இந்திய ஏற்றுமதி-இறக்குமதி வங்கி, மாருதி உத்யோக், இந்திய எஃகு ஆணையம் லிமிடெட், ஐசிஆர்ஏ மற்றும் எண்ணெய் மற்றும் இயற்கை எரிவாயு கழகம் ஆகியவற்றின் வாரியங்களில் இயக்குநராக பணியாற்றியுள்ளார்.
ஆதாரம்: www.ids.ac.uk; www.victoriaforum.ca
📚 எழுதியவர்:
******************************************************************************
Click to Join Telegram Group Link : https://t.me/+lyAFK8ZE0iczZjE1
Click to Join Facebook: https://www.facebook.com/Book Day – Bharathi Puthakalayam
இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.
புக் டே இணையதளத்திற்கு தங்களது நூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.
