சிலேடை கவிதைகள்: திசை சங்கர்

•
எவன்டா இஞ்சினியரு
தண்டவாளத்த
இவ்ளோ பெருசா போட்ருக்கான்;
என்றது இரயில் பூச்சி.
•
தாயைப் பிரிந்த குட்டிமீன் ஒன்று பாடியது:
மீனம்மா அதிகாலையிலும்
அந்தி மாலையிலும்
உந்தன் ஞாபகமே!
•
ஒல்லியாக இருப்பவன் வாங்கினான்;

குண்டாய் கார்.
•
தமிழில் அக்காவாய் இருந்து
ஆங்கிலத்தில் அம்மாவாய் ஆனது
ஏலக்காய்.
•
கெட்டுப்போன காயை;

ஊறுகாய் என்றும் சொல்லலாம்.

•
சர்வரிடம் ரகசியமாக ஆர்டர் செய்தேன்;

நைஸ் தோசையை.
•
மறந்து சென்ற என்னைத் துரத்தி வந்து பார்சலைக் கொடுத்தார் கடைக்காரர்,
வெரைட்டி ரைஸ்.
•
செருப்புத் தைக்கும் அண்ணனிடம்
வார் தைக்குமாறு சொன்னேன்.
ஊசி உடைந்துவிட்டதால் தைக்க முடியாது என்று என்
வார்த்தைக்கு மாறு சொன்னார்.
•
ஜனங்களிடம் இருந்து கிடைக்கிற வரியை;

ஜனவரி என்றும் சொல்லலாம்.
•
கார்மேகத்தின் கருணை பைக் மீதும் பொழிகிறது.
•
அன்று அடி;மை தீரும் அளவிற்குத்
தேர்வெழுதிய மாணவர்களில் சிலர்
இன்று அடிமையாக கம்பெனிகளில்

•
கான்கிரீட் ;பலகைகளுக்கு
முட்டுக் கொடுக்கின்றன
சவுக்குக் கால்கள்
•
ஊசிப்போன வடையில்தான்
நூலும் இருக்கிறது.
•
Engine-க்கு near-ல் நின்று வேலை செய்பவரை இன்ஜினியர் என்று
சொல்லலாமா?
•
ஏதோ பழக்கதோஷத்தில் சொல்லிவிட்டார்
மெடிக்கல் கடைக்காரர்
சளியும் சிரப்புமாய் வாழ்க!
•
நடு வகிட்டோடு பிறந்த வாழையிலை தலை சீவுகிறது
வாழைச்சீப்பில்.
•
பிசியோதெரபிக்குச் சென்று கொண்டிருக்கிறான் பணக்காரன்.

பசியோதெரபியைக் கற்றுக் கொண்டிருக்கிறான் ஏழை.
•
அணைக்கட்டு வரையும் போட்டியில்
பரிசளிக்க வந்தவர் சொன்னார்,
அணை வரையும் அனைவரையும் பாராட்டுகிறேன்!
•
இறந்துபோன தாயின்
கிழிந்துபோன டைரியில்
எழுதப்பட்ட வாசகம்
I always with you in all ways
•
ஏன்டா இந்த அணையை இடிக்கணும்னு சொல்றாங்க?
Dam,age ஆய்டுச்சுடா அதான்.
•
நபர்1:
என்னடா சொல்ற?
தலைவர் நோய்வாய்ப்பட்டுட்டாரா?
நபர்2:
ஆமாடா. ஒன்னுக்கு இருக்கும்போது ஒரு நாய் வாய் பட்டதனால
நோய்வாய்ப்பட்டுட்டாரு.
•
வருண பகவானிடம் தா வரம்! தா வரம்!
என்று கேட்டான்
தாவரத்தை அழித்துவிட்டு…

•

அவள் husky-யாகப் பேசும் வார்த்தை கள்
•
ஒரு கவிஞர், செய்தி வாசிப்பாளர் ஆனார்.
தி.நகரில் தீ நகர்வதைப் போல வெயில்!
•
தண்ணியும் மனுசன போலத்தான்.
நிறைவேறாத ஆசையோடு இறந்து
ஆவியா அலையுது.
•
இந்து நண்பனுக்காகப்
பட்டை; போட்டுச் சமைக்கிறான், இஸ்லாமிய நண்பன் பிரியாணியை.
•
அடடா! மாடிப்படிக் கத்துகிறதே
யாராச்சும் கொஞ்சம் படியளக்கக் கூடாதா என்று வைக்கோல் போட்டாள்,
பாட்டி.
•
எல்லா ஊர்களும் வறுமையும் பஞ்சமும்;தஞ்சாவூராக இருக்க வேண்டும்
என்று வேண்டிக்கொண்டான்.

கிழிந்த சட்டையைத் தைத்திருநாள்; போட்ட பையன்.
•
சாலையில் நடந்து சென்றபோது
பைக் டயரில் பட்டுத் தெறித்த ஜல்லிக்கல்
என் கரண்டையில் கரண்டைப் பாய்ச்சியது.
•
ஒரு கவிஞன் எழுதிய கதை இப்படித் தொடங்கியது..
இருள் சூழ்ந்த பாதையில் நடந்து கொண்டிருந்தான்.
அச் சமயம் மனதில்
அச்ச மயம்!
•
நூறு சிமிண்ட் மூட்டைகளை நாங்கள்
இறக்கும் முன்பே பணம் கொண்டுவருவதாக முதலாளி சொன்னார்.
இன்றுவரை தந்தபாடில்லை.
ஒருவேளை;நாங்கள் இறக்கும் முன்பு தந்துவிடுவதாகச்
சொல்லியிருப்பாரோ?
•
பாலை உடைய பாத்திரம் விழுந்தது
பாத்திரம் உடைய,பால் சிந்தியது.
ஒற்றுமையில் வேற்றுமை!
•
காதல் வந்த கவிஞனுக்கு எது கை? எது கால்? என்றே தெரியவில்லை
பின் எப்படி எதுகைமோனை நினைவில் இருக்கும்!?

•

சுண்டல் விற்பவனிடம் பாடினேன்
கரை வந்த பிறகே பிடிக்குது கடலை
•
ஓர் இசுலாமிய நண்பன் எழுதிய கவிதை,
அகிலமே அல்லாது
அவன் அல்லாது
ஒன்றுமே செல்லாது

•
குடல்கறி விற்கும் கடைக்கு எதிரில்
புதிதாய் ஒரு குடல்கறிக் கடை திறப்பு
போட்டி கடை என்றும் சொல்லலாம்.
•
எனக்கு நானே சொல்வது:

உன் வரிகளால் இந்தப் பார் ஆட்டு
அதன் பின்பே கிடைக்கும் பாராட்டு
You shakes the sphere like Shakespeare
•
Award என்பது யாதெனின்
A war do by you.
•
அந்த விருது விழாவில் மேடையேறி விருது வாங்கிய சிறுவன் பேசினான்:
ஊரில்
கோலி விட்டு விளையாடிக்கொண்டிருந்த நான்,
இன்று
கோலிவுட்டில் விளையாடிக்கொண்டிருக்கிறேன்
•
மனிதர்களில் சிலர், ஆடுநரியாகப் பழகுகிறார்கள்
சிலர் ordinaryயாகப் பழகுகிறார்கள்
•
வாழ்க்கை
சிலருக்கு ஏணிப்படியாக இருக்கிறது
சிலருக்கு ஏனிப்படியாக இருக்கிறது.
•
சோழநாட்டு ஆண்கள், பெண்களை சைட்டடிக்கும்போது நண்பர்களுக்குள்
பயன்படுத்திய தொடர்
சோழியப் பாரு

இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.