கேள்வியே அறிவின் திறவுகோல் – ஆதித் சக்திவேல்
**********************************************
(1)
கேள்வியெனும் கூர்முனை ஊசி
சுழலும் உள் வட்டத்தைத் துளைக்கிறது
ஒவ்வொரு துளையும் புது வெளிச்சம்!
**********************************************
(2)
“நீ யார்?” என்கிறாய்
“நான் யார்?” என்கிறேன்
இடையே உள்ள வெள்ளி நூல்
கேள்விகளின் பாலம்!
**********************************************
(3)
ஆல்பா சென்டரியில் தொங்கும்
கேள்வியின் பூ நீர்மம்
விடையின் கரைக்கு
எப்போதும் தப்பித்து ஓடும்!
**********************************************
(4)
ஒளியை வளைக்கும் ஈர்ப்புச் சக்தி
கரும்புள்ளியைச் சுற்றி வட்டமிடும்
“ஏன்?”எனும் கேள்வியின் கணிதம்
விண்மீன் துளியைக் குடிக்கும்!
**********************************************
(5)
மொழியெனும் கண்ணாடி
கேள்வியின் கை தட்டலில் உடைகிறது
சிலந்தி வலையின் கண்ணீர்த் துளிகள்!
**********************************************
(6)
காலம் எனும் நீள் வட்டத்தில்
கேள்வியின் அலைகள்
மோதும் ஒலி
சிற்பத்தின் மௌனமாக மாறும்!
**********************************************
(7)
எலும்புக் கூட்டில் கிடக்கும்
கேள்வியின் மஞ்சள் நரம்புகள்
மண்டையோட்டைத் திறக்க
புதிய சாவியைத் தேடும் !
**********************************************
(8)
இறுதிக் கேள்வி என்று எதுவும் இல்லை
முதல் கேள்வி என்றும் இல்லை
கேள்வித் திரட்சியில் மிதக்கும்
மனிதனின் நியூட்ரான் நடனம்!
**********************************************
(9)
எனக்குள் உள்ள புறா
கேள்வியின் சிறகை மடித்து
அமைதியாகக் கூடு கட்டுகிறது
விடை எனும் மரணம் வரும் வரை!
**********************************************
(10)
கேள்வியே அறிவின் திறவுகோல்
ஆனால் இந்தக் கோல்
திறக்கும் கதவுகளுக்கு
எண்ணில் முடிவே இல்லை!
**********************************************
(11)
ஒவ்வொரு கேள்வியும்
வானத்தின் தொப்புள் கொடி
அங்கிருந்து பிறக்கும்
புது வினாக்களின் விண்மீன் மழை!
**********************************************
(12)
மனிதனின் மூளையில்
கேள்வியெனும் குவியல்
எப்போதும் எரிந்து கொண்டிருக்கும்
நியூக்ளியர் உலை!
**********************************************
(13)
கேள்வியின் கை
விடையின் மார்பில் பதிக்கும்
குத்து விளக்கு
அறிவெனும் தீபத்தின் ஆராதனை!
**********************************************
(14)
நான் கேட்கும் இந்தக் கேள்விகளும்
என்னைக் கேட்கும் கேள்விகளும்
வெற்று நிழல்கள்
கனவுகளின் கனவுகள்!
**********************************************
(15)
கேள்வியே அறிவின் திறவுகோல்
அதை வைத்துக்கொண்டு
திறக்காத கதவுகளைத் தேடி
நடக்கிறேன்…
நடக்கிறேன்…
இன்றுவரை…
**********************************************
(16)
இறுதியில்கிடைக்கும்
ஒரேவிடை:
“மீண்டும்கேள்!
மீண்டும்கேள்!!
கேள்வியே நித்திய வாழ்வு!!”
**********************************************
📚 எழுதியவர்:
ஆதித் சக்திவேல்
******************************************************************************
நூல் அறிமுகம் செய்வோம் ரூ.10000 பரிசு வெல்வோம்! போட்டி
2025 வெளியான புத்தகத்தை வாசிக்க அவகாசம் கேட்ட வாசகர்களின் வேண்டுகொளுக்கு இணங்க இப்போட்டியானது மார்ச் 31 வரை நீட்டிக்கப்பட்டுள்ளது. வரும் உலகப் புத்தக தினத்தன்று (ஏப்ரல் 23, 2026) சென்னையில் நடைபெறும் விழாவில் பரிசு மற்றும் பாராட்டுச் சான்றிதழ் வழங்கப்படும். தாங்கள் எழுதும் நூல் அறிமுக கட்டுரையை bookday24@gmail.com மின்னஞ்சல் முகவரிக்கு அனுப்பி வைக்கவும். இதில் பங்கேற்க விரும்பும் தோழர்கள் அனைவரும் தங்கள் விருப்பத்தை https://forms.gle/XJodwyZc42PRv93Y8 இந்த கூகுள் பார்ம்-ல் நிரப்பி தெரிவித்தால் நன்றாக இருக்கும்.
கூகுள் பார்ம்: https://forms.gle/XJodwyZc42PRv93Y8
தோழமையுடன்
புக் டே இணையதளம்
பாரதி புத்தகாலயம்
9444567935
******************************************************************************
Click to Join Telegram Group Link : https://t.me/+lyAFK8ZE0iczZjE1
Click to Join Facebook: https://www.facebook.com/Book Day – Bharathi Puthakalayam
இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.
புக் டே இணையதளத்திற்கு தங்களதுநூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.
