Aadum varai Aadattum poem

வேடிக்கை ஆட்சியில்விநோத சட்டங்கள்
வாடிக்கை இவருக்கு வாடுகிறார் மக்களும்
புதிய கல்வியாம் புதுமை திட்டமாம்
அதிகார துணிச்சலில் அமைத்திடவே முனைகிறார்
ஒரு நாடு மொழிஒன்றே ஓங்கியே ஒலிக்கிறார்
வரும்துன்பம் அறியாது வாய்ப்பிதற்றி நிற்கின்றார்
கோவிலாம் வீடாம் கோடியிலே அமையுதாம
பாவியாய் ஏழைகள் பரிதவித்து நிற்கின்றார்
உழவரை ஏய்த்திட உயர்த்தினார் சட்டத்தை
அழவில்லை போராடி அடக்கினர் கொட்டத்தை
எத்தனை நாள் இந்த ஏற்றமும் தோற்றமும்
அத்தனைக்கும் பதிலுண்டு ஆடும் வரை ஆடட்டும்