Banyan

மூங்கிலை வளைத்து தன் விருப்பபடி தொங்கியது குட்டி மைனா.

‘ஏய் ஜாலி! ஜாலி!’

அதன் இழுப்புக்கு எல்லாம் வளைந்து கொடுத்தது மூங்கில்.

அடுத்து ஆலமரத்திற்கு தாவியது.கிளையில் தொங்க முயன்று தோற்றது.

“.ம.ம்.மம்”னு அழுதபடி அம்மாவிடம் வந்தது.  ஆலமரத்தைக் குறை சொன்னது.

அம்மா மைனா கேட்டது.”நம்ம கூடு எங்க இருக்கு?”

“ஆலமரத்துல!”

பட்டென பதில் வந்தது.

“போன மழையில நம்ம கூடு விழுந்துச்சா?

“இல்ல”.

“சரியாச் சொன்ன.  இந்த நிழலில உக்காந்து இருக்கோமே, ஆலமரத்தால தான? ஒவ்வொரு மரமும் ஒவ்வொரு  விதமா பலன் தரும்”னு
சொன்னது அம்மா மைனா.