Cryptography Archives

Essential requirements for internet classroom 66th Series - Suganthi Nadar. Book Day. இணைய வகுப்பறை Block Chain Technology

இணைய வகுப்பறைக்கு இன்றியமையாத் தேவைகள் 66 – சுகந்தி நாடார்

வளர்ந்து வரும் பாளச்சங்கிலி தொழில்நுட்பம்

selfish miner, eclipse attack, Proof of work, Hard fork, soft fork, smart contracts NFT ஆகிய கலைச்சொற்கள் இன்றைய பாள சங்கிலி பேரட்டுத் தொழில்நுட்பத்தில் பேசப்படுகின்றன. பரவலாக பேசப்படும் இந்த கலைச்சொற்கள் பாளச்சங்கிலி தொழில் நுட்பத்தை அடிப்படையாக் கொண்டு வளர்ந்து வரும் நாளைய மின் எண்ணியியல் எதிர்காலத்தின் ஒரு சிறு முனையாகவேத் தெரிகின்றது. ஒரு நூல்கண்டின் முனையைப் பிடித்து இழுத்தால் உருண்டு கொடுக்கும் நூல்கண்டால் நூலின் நீளமும் அதனால் உருவாகும் சிக்கலும் அதிகரிப்பதைப் போல பாளச்சங்கிலி தொழில்நுட்பத்தைப் பற்றித் தெரிந்து கொள்ளத் தெரிந்து கொள்ள, அதன் பல்வேறு பரிணாமங்களும் அது இன்றைய இளைய சமுதாயத்தில் எந்தளவுக்கு வேரூன்றிப் பரந்துசிக்கலை உருவாக்கிக் கொண்டு இருக்கின்றது என்பதை நம்மால் நன்றாகப் புரிந்து கொள்ள முடிகின்றது

மேலேச் சொன்ன கலைச்சொற்களின் விவரங்களைப் பார்க்கும், போது நாளைய சமுதாயம் எதை நோக்கிச் செல்கிறது என்பதையும் நம்மால் ஊகிக்க முடிகின்றது.

Proof of work: பாளச்சங்கிலி பிணையத்திலொருக்கும் ஒவ்வோரு கணினி முனையிலும் தரவு விவரங்கள் இருக்கும் என்பது நமக்கு ஏற்கனவே தெரியும். இந்த கணினி முனையில் பயன்படுத்தும் எந்த ஒரு நிரலரும் தரவுகளை மாற்றி தங்களுக்கு ஏதுவானதாக மாற்ற முடியாத வகையில் எண்ணியியல் செலவாணியை அகழ்தல் செய்யும் முறையே Proof of work என்று அழைக்கப்படுகின்றது. எண்னியியல் அகழ்தலை மேற்கொள்பவர்கள் தங்களுக்குக் கொடுக்கப் படும் பாளத் தரவுகளின் எந்த ஒரு விவரமும் தெரியாத நிலையில் எண்னியியல் அகழ்தலை செய்யும் போது தரவுகள் சரிபார்க்கப்படும் என்பதோடு ஒரு கணினி சரிபார்த்த விவரமும் மற்ற கணினிகள் சரிபார்த்த விவரமும் ஒரே மாதிரியானதாக இருக்க வேண்டும். எண்ணியியல் பிணையத்தில் இருக்கும் கணினிகளை ஆளும் நிரலர்கள் ஒருவருக்கு ஒருவர் அறிமுகமற்றவராக இருக்கும் நிலையிலேயே நிலையிலேயே எண்ணியியல் பேரேடுகலை இவ்வாறு சரி பார்ப்பது சாத்தியமாகும்.

இன்று புழக்கத்தில் இருக்கும் எண்ணியியல் செலவாணிகள் எண்ணில் அடங்காதவை . ஒவ்வோரு துறைக்கும் ஒரு எண்ணியியல் செலவாணி என்பது போக ஒவ்வோரு வாடிக்கையாளர்களின் பண்பிற்கு ஏற்ப எண்னியியல் செலவாணிகள் தோன்றிக்கொண்டு இருக்கின்றன. ஒவ்வோரு எண்ணியியல் வர்த்தகங்களும் தங்களுக்கான எண்ணியியல் செலவாணியை உருவாக்கி வருகின்றனர்.

அப்படியானால் ஒரு எண்ணியியல் அகழ்வாளர் தன் போட்டியாளர்களை சமாளிப்பது எப்படி? அவர்கள் போட்டியாளரின் எண்ணியியல் செலவாணியின் பிணையத்தைத் தாக்க வேண்டும்.

ஒரு நிரலர் தனக்குப் போட்டியாக வளரும் எண்ணியியல் செலவாணிக்கான பிணையத்தை தாக்கும் முறைகள் என்பதை அடுத்து வரும் இரு கலைச்சொற்கள் விவரிக்கின்றன.

Eclipse Attack: எண்ணியியல் பிணையத்தைத் தாக்க நினைக்கும் நச்சுநிரலர் ஒருவர் அந்த பிணையத்தின் ஒரே ஒரு கணினி முனையை மட்டும் குறி வைப்பர். அதன் பின் அந்தக் கணினியைச் சுற்றி ஒரு செயற்கையான சூழ்நிலையை உருவாக்கி அந்தக் கணினி முனையை பிணையத்திலிருந்து பிரிப்பர்.இவ்வாறு பிரித்த பிறகு அந்தக்கணிமுனையின் வழி பரிமாற்றம் செய்யப்படும் அதன் தரவு விவரங்களையும் தங்களுக்கு ஏற்றவாறு மாற்றி விடுவர். இப்படி ஒரு கணினி முனையை அதன் பிணையத்திலிருந்து இருட்டிப்பு செய்யும் முறையே eclipse attack ஆகும்.

கணினிவழிபாதுகாப்பு தனியுரிமைக் கொள்கைகளைக் கண்காணிக்கும் USENIX Security Symposium 25வது மாநாட்டுக் கட்டுரைகளில் ஒன்றான ” eclipse attack on bitcoins peer to peer network” என்பதில் ஆராய்ச்சியாளர் ஈதன் ஹெய்ல்மென் கூறி இருப்பதாவது “ஒரு நச்சு நிரல் கணினியாளர் ஒரு கணினியின் அகழ்தல் விகிதத்தையும், ஒரு நாணயத்தை இருமுறை செலவு செய்வதாலும் எண்ணியியல் செலவாணியின் பிணைப்பகம் தாக்கப் படுகிறது:.கணினி முனை தாக்கப்படுவதினால் அந்தப்பிணையத்திலிருந்து துண்டாடப்படுகின்றது. தாக்கப்பட்ட கணினியில் அகழ்தல் விகிதத்தையும் நச்சு கணினியின் அகழ்தல் விகிதத்தையும் இணைத்துக் கொண்டு நச்சுக்கணினி தவறான தரவுகளைக் கணினிக்குள் அனுப்ப ஆரம்பிக்கின்றது. அவ்வாறு அனுப்புவதன் மூலமும் , கணினி முனைக்கு வரும் தரவுப் பாளங்களில் ஒரு சில பாளங்களை மட்டும் தாக்கப்பட்ட கணினி முனைக்கு அனுப்பியும் எண்னியியல் பிணையத்தில் உள்ள மற்ற கணினிகளிலிருந்து ஒரு கணினியைத் தனிமைப் படுத்தி தவறான தரவு பாளத் தரவுகளை பிணையத்தில் வலம் வரச் செய்வதே eclipse attack: என்று அழைக்கப்படுகின்றது. இதன் மூலம் பாளத் தரவுகளில் முதலிலிருந்த விவரங்கள் சூறையாடப்படுகின்றன. தரவு விவரங்கள் இல்லையெனில் அங்கே எண்ணியியல் செலவாணியும் பூஜ்ஜியம் தானே?

Selfish Miner

ஒரு எண்ணியியல் செலவாணியை உருவாக்கும் போது பெறப்படும் பாளத் தகவல்களை பொதுவாக ஏற்கனவே இருக்கும் பாளச்சங்கிலில்லுள் இணைப்பர். அவ்வாறு இல்லாமல் ஒரு எண்ணியியல் அகழாளர் தான் உருவாக்கிய புதியப் பாளச்சங்கைலியை பொதுவில் விடாமல் இரகசியமாகச் சேமித்து வைத்து இருப்பார். இப்படி இரகசியமாக வைத்திருக்கும் பாளத்தில் தான் அடுத்தடுத்து அகழும் எண்ணியியல் செலவாணியின் விவரங்களை அதில் இணைப்பார். அதனால் அவர் பெறும் எண்ணியியல் செலவாணிகள் பொதுக் கணக்கிலிருந்து மறைந்து போகும்.

முதலில் இந்த தன்னலஎண்ணியியல் அகழ்வாரின் பாளச்சங்கிலியின் நீளம் பார்க்கப்படும் பொதுவானப் பாளச்சங்கிலியின் நீளத்தை விட குறைவாக இருக்கும் ஆனால் மெள்ள மெள்ள பொதுத் தரவாக இருக்கும் பாளச்சங்கிலியைவிட இவரது பாளச்சங்கிலியின் நீளம் அதிகமாகும் அந்த நேரத்தில் ஏற்கனவே பொதுவில் இருக்கும் பாளச்சங்கிலித் தரவுகளுக்குப் பதிலாக தான் உருவாக்கிய பாளச்சங்கிலியை உண்மையான பாளச்சங்கிலியாக வெளியிடுவார்.இதனால் இவரது கணக்கில் காட்டப்படும் எண்ணியியல் செலவாணியின் தொகை அதிகமாக தீடிரென்று காட்டப்படும். எல்லாமே கணினியின் உள்ளே இருக்கும் தரவுகள் என்பதால் இது சரியான கணக்கா தவறான கணக்கா என்று தெரிந்து கொள்வதற்குச் சிரமமாக இருக்கும்

Hard fork & soft fork

பாளச்சங்கிலி பிணையத்தில் இருக்கும் அனைத்துக்கணினி முனைகளும் ஒரே மாதிரியான கணக்கீடுகளில்(algorithem) வேலை செய்வதே அவற்றின் பெரிய பலம். ஆனால் நாம் நம் கணினி இயங்குதளங்களையும் நமது திறன்பேசி இயங்குதளங்களையும் அடிக்கடி புதுப்பித்துக் கொள்வதைப் போல இந்த கணக்கீடுகளிலும் புதுப்பீடு செய்ய வேண்டிய நிலை வரும்.

ஒரு புதிய கணக்கீடு எப்போது உருவாக்கப்படும் என்று யோசித்தால் பேரேட்டுத் தகவல்கள் பற்றிய விவரங்களை பிணையத்தில் உள்ள நிரலர்கள் அனைவரும் சரி என்று ஏற்றுக் கொள்ள வேண்டும். இல்லையேல் பாளச்சங்கிலியின் கணக்கீடு முறைகள் மாற்றப்படும். எண்ணியியல் செலவாணியின் பிணையத்தின் பாதுகாப்புக் கருதியே முழுவதுமாக பாளச்சங்கிலியின் கணக்கீடுகள் மாற்றப்படுகின்றன. மேலும் குழுவில் உள்ள நிரலர்களின் கருத்து ஒத்துப் போகாவிட்டாலும் புதிய கணக்கீடுகள் உருவாக்கப்படும்.ஏற்கனவே உள்ள பாளங்கள் சிதைந்துபோனாலோ மாற்றப் பட்டாலோ அது Hard fork என்று அழைக்கப்படும்.

அப்படிச் சிதையாமல் உருவாக்கப்படும் பழையத் தரவுகளுக்கும் ஏற்றவாறு உருவாக்கப்படும் புதிய கணக்கீடு soft fork என்று அழைக்கப்படுகின்றது. முதலில் ஏற்படுத்தப் பட்ட பாளத் தரவுகளை ஏற்றுக் கொள்ளும் வகையில் உருவாக்கப் படும் கணக்கீடுகள் தரவுப்பேரேட்டில் எந்த ஒரு வில்லங்கத்தையும் கொண்டு வராது. எனவே ஒரு பிணையத்தில் இருக்கும் கணினி முனைகள் சரியான கணக்கீடு முறைகளைக் கண்டு தங்கள் கணினியைப் புதுப்பித்துக் கொள்ள வேண்டும்.
smart contracts ஒரு ஒப்பந்தத்தின் விவரங்களை பாளச்சங்கி தரவுகளாகச் சேமிப்பது தான் smart contracts என்று அழைக்கப்படுகின்றது ஒப்பந்தம் செய்பவர்களின் விவரத்தோடு ஒப்பந்தின் வரைமுறைகளையும் தரவுகளாக இடலாம்.

இருவருக்கான பொருளாதார ஒப்பந்தத்தை வங்கிகள் வழக்கறிஞர்கள் நிறுவங்கள் போன்ற எந்த ஒரு மூன்றாம் நபரின் உதவியும் இல்லாமல் எண்ணியியல் முறையில் விவரங்களை பாளச்சங்கிலியாக பதிவு செய்த பின் கணக்கீடுகளில் ஒப்பந்தத்திற்குத் தேவையான நிபந்தனைகளையும் இட வேண்டும் இந்த நிபந்தனைகள் ஏற்றுக் கொள்ளப்பட்டு விட்டால் இப் பண ஒப்பந்தம் அமுலுக்கு வரும்.

ஒரு ஒப்பந்தத்தில் இருக்க வேண்டிய விதிகள் செயல்முறைகள் அனைத்தும் இங்கே எண்ணியலாக மாற்றப்படுகின்றது. மனிதர்களின் மேற்பார்வை இல்லாமலே கணினி கணக்கீடுகள் கூறிய நிபந்தனைகள் படி இந்த ஒப்பந்தங்கள் நிறைவேற்றப்படுகின்றன. முக்கியமாக இவை எண்ணியியல் செலவாணியைக் கொண்டு விலை பேசப்படுகின்றன.

எண்ணியல் பாள சங்கிலியைப் பற்றி நாம் புரிந்து கொண்டது சரியாக இருந்தால், ஒவ்வோரு முறை இந்த ஒப்பந்தத்தைச் செயல் படுத்தும் போதும் நம் கணக்கில் உள்ள எண்னியியல் செலவாணியை நம் செலவு செய்கின்றோம். அப்படி ஒவ்வோரு செலவாணியைச்செலவு செய்யும் போதும் அது தனியாக ஒரு பாளச்சங்கிலையை உருவாக்குகின்றது இவை இரண்டும் தனித்தனி பாளச்வங்கிலித் தொடர்களாகச் செயல்படுமா? அல்லது ஒரு smart contract இன்னும் எண்ணியியல் செலவாணி தரவுகளுக்குள் புதைந்து விடுமா தெரியவில்லை.. ஆனால் ஒரு நிரலர் அல்லாத பயனீட்டாளர் இப்படி ஒரு ஒப்பந்தத்தை செயல்படுத்த தன் வங்கியிலிருந்தோ கடன் அட்டையிலிருந்தோ இன்று புழக்கத்திலிருக்கும் தொட்டு உணரக்கூடிய தட்டைப் பணத்தைத்Flat currency) தான் பயன்படுத்த வேண்டும்.

NFT Non-fungible token என்பதன் சுருக்கமே NFTயாகும். fungible என்றால் ஒரு பொருளுக்குப் பதிலாக அதேபோல வேறுவடிவத்தில் இருக்கும் பொருளை வாங்கிக் கொள்வது பண்ட மாற்று முறையில் ஏற்றுக் கொள்ளப்பட்ட ஒன்று, தங்கம் என்றால் அது தங்கக் கட்டிகளாகவும் இருக்கலாம். அல்லது தங்க நாணயங்களாகவோ, நகைகளாகவோ இருக்கலாம். . இன்னப் பொருள் இப்படித்தான் இருக்கும் என்று குறிப்பிட்டுச் சொல்ல வேண்டியது இல்லை ஒரு பொருளின் தன்மை மாறினாலும் அதன் பயன்பாடு மாறுவதில்லை அப்படி என்றால் Non-fungible token என்பது தன்மையையும் பயன்பாட்டையும் மாற்ற இயலாத அடையாள வில்லை. என்று பொருள் வருகிறது. இந்த அடையாள வில்லை முறை எத்திரியம் எண்ணியியல் செலவாணியில் பயன்படுத்தப்படுகின்றது.

அதாவது ஒரு பொருளின் உரிமையாளர் தன்னுடைய விவரங்களை எண்ணியியல் பாளச்சங்கிலியில் சேமித்து வைப்பது தான் Non-fungible token. இன்று இந்தத் தொழில்நுட்பம் கலைஞர்களைக் கவருகின்றது. காரணம் அவர்களது படைப்புக்கள் கணினிக் கருவிகளில் கணினிக் கருவிகளைக் கொண்டு உருவாக்கப் பட்டதாக இருக்கும் இப்படி உருவாக்கப்பட்ட படைப்புகளில் உள்ளத் தரவுகள் அத்தனையும் எண்ணியியல் பாளச்சங்கிலிக்குள் மாற்றி விட்டால் அதை யாராலும் மாற்ற முடியாது. அதன் பின் படைப்பாளரின் படைப்பை ஒருவர் விலை கொடுத்து வாங்கினால் அந்த விவரங்களும் இதனுள்ளேயேப் பதியபப்டும்.

தரவு விவரங்களை மாற்ற முடியாது.என்று சொன்னேனே தவிரக் கருத்துத் திருட்டு நடைபெறாது என்று சொல்லவே இல்லை. கருத்துத் திருட்டு காப்புரிமை மீறல் சட்டப்படிக் குற்றம் என்பது ஒரு பக்கம் எண்ணியியல் பாளச்சங்கிலித் தொழில்நுட்பத்தின் இன்னொரு முகம் தான் இந்த NFT. ஒரு பொருளின் உரிமை தரவுகளால் மட்டுமே நிர்ணயிக்கப்படும் என்னும் போது அந்தப் பொருளுக்கு எத்தனை நபர்கள் வேண்டுமானாலும் உரிமையாளராக இருக்கலாம் என்கின்றனர். அதாவது படைப்பவரும் வாங்குபவரும் ஒரே நேரத்தில் ஒரு படைப்பின் உரிமையாளராக ஒரு பாளச்சங்கிலியில் பதிந்து இருக்கும். அப்படியானால் ஒரு படைப்பாளி தன் படைப்பை எத்தனைப் பேருக்கு வேண்டுமானாலும் விற்கலாம் போலத் தெரிகிறது. எண்ணியலின் நிரலர்கள். இதில் ஒருவரின் காப்புரிமை எவ்வாறு பாதுகாக்கப்படுகின்றது என்ற விளக்கம் இல்லை.

இன்னும் பார்க்கலாம்…

முந்தைய தொடர்களை வாசிக்க:

இணைய வகுப்பறைக்கு இன்றியமையாத் தேவைகள் – சுகந்தி நாடார்

இணைய வகுப்பறைக்கு இன்றியமையாத் தேவைகள் 2 ( மதிப்பெண்களா? வாழ்க்கைக் கல்வியா.? ) – சுகந்தி நாடார்

இணைய வகுப்பறைக்கு இன்றியமையாத் தேவைகள் 3 (தாய் மொழிக்கல்வியில் ப்ளூம்ஸ் தக்ஸ்தானமி: ஒரு பரிசீலனை) – சுகந்தி நாடார்

இணைய வகுப்பறைக்கு இன்றியமையாத் தேவைகள் 4 (மதிப்பிடும் வகுப்பறையும் வீட்டுப்பாடமும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 5 (இணைய வகுப்பறையில் மாணவரின் பங்கு)– சுகந்தி நாடார்

இணைய வகுப்பறைக்கு இன்றியமையாத் தேவைகள் 6 (குறிப்பு எடுத்தல்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 7 (கற்றல் கற்பித்தலுக்கான நாட்குறிப்பு மேலாண்மை) – சுகந்தி நாடார்

இணைய வகுப்பறைக்கு இன்றியமையாத் தேவைகள் 8 (இணைய வகுப்பறைக்கான இன்னும் சில சிறு குறிப்புக்களும், நாட்காட்டி அடிப்படைத் தொழில்நுட்பமும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 9 (குழுக்களை உருவாக்குதல்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 10 (நழுவல் காட்சிகள்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 11 (மாணவர்களை உந்துவித்தல்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 12 (மாணவர்களுக்கான சுய மதிப்பீட்டின் முக்கியத்துவம்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 13 (வருங்கால வேலை வாய்ப்பில் தாய் மொழியின் பங்கும், இன்றைய இணைய வகுப்பறையும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 14 (இணையத்தில் கவனச் சிதறல்கள்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 15 (எண்ணிமக் காலடிகள்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 16 (இணையத்தின் வளங்களைப் பயன்படுத்துவது எப்படி?) – சுகந்தி நாடார்

இணைய வகுப்பறைக்கு இன்றியமையாத் தேவைகள் 17 (திறவூற்றுத் தொழில்நுட்பமும் காப்புரிமை வகைகளும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 18 (வளங்களை மேற்கோள் காட்டுதலும், அதற்கான தொழில்நுட்பங்களும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 19 (இணைய உலாவிகளும் அதன் வசதிகளும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 20 (உலாவிகள் பற்றிய தெளிவு) – சுகந்தி நாடார்

இணைய வகுப்பறைக்கு இன்றியமையாத் தேவைகள் 21 (இணையமும் நமது தனிப்பட்ட விவரங்களும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 22 (கூகுளின் புதியத் தொழில்நுட்பம் எந்த வகையில் சேரும்?) – சுகந்தி நாடார்

இணைய வகுப்பறைக்கு இன்றியமையாத் தேவைகள் 23 (இணைய உலாவலுக்கான ஆக்கப்பூர்வமான பழக்கங்கள்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 24 (இனி அடுத்து என்ன?) – சுகந்தி நாடார்

இணைய வகுப்பறைக்கு இன்றியமையாத் தேவைகள் 25 (இன்றைய வேலை வாய்ப்புக்களும் நாளைய எதிர் பார்ப்புக்களும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 26 (மாற்றம் காணும் விவசாயத் தொழில்நுட்பப் புரட்சி) – சுகந்தி நாடார்

இணைய வகுப்பறைக்கு இன்றியமையாத் தேவைகள் 27 (விவசாயத்தில் கணினி சார்ந்த வேலை வாய்ப்பு) – சுகந்தி நாடார்

இணைய வகுப்பறைக்கு இன்றியமையாத் தேவைகள் 28 (உள்நாட்டுத் தொழில்நுட்பத்தின் தேவையும் வளர்ச்சியும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 29 (கணினி நிரலெழுதும் தன்மை வேலை வாய்ப்பிற்கு அவசியம் ஏன்?) – சுகந்தி நாடார்

இணைய வகுப்பறைக்கு இன்றியமையாத் தேவைகள் 30 (தொடக்க வகுப்புக்களில் கணினி நிரலெழுதும் தன்மை) – சுகந்தி நாடார்

இணைய வகுப்பறைக்கு இன்றியமையாத் தேவைகள் 31 (மூன்று முதல் ஐந்து வகுப்புக்களுகான கணக்கீடு முறை சிந்தனைகள்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 32 (நமக்குத் தேவை ஆள் வினையுடைமை) – சுகந்தி நாடார்

இணைய வகுப்பறைக்கு இன்றியமையாத் தேவைகள் 33 (மூன்றாம் வகுப்பு முதல் ஐந்தாம் வகுப்பு மாணவர்களுக்கான செயல்பாடுகள்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 34 (ஆசிரியர்களின் கடமையும் மாணவர்களின் கணினி அறிவும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 35 (ஆசிரியர்களின் தேவை) – சுகந்தி நாடார்

இணைய வகுப்பறைக்கு இன்றியமையாத் தேவைகள் 36 (நடுநிலைப்பள்ளி மாணவர்களுக்கான இணைய வகுப்புச்சூழல்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 37 (நடுநிலைப் பாடங்களில் கற்பனைத் திறனும் கணினி நிரல் எழுதும் தன்மையும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 38 (கணினி மொழி பயில உதவும் தளங்கள்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 39 (உயர்நிலைப் பள்ளி மாணவர்களுக்கான கணினி நிரல் மொழிகளும் பயிற்சிகளும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 40 (இணைய கணினி வகுப்புகளின் சவாலும் அதன் தீர்வுகளும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 41 (மாற்றம் ஒன்றே மாறாதது) – சுகந்தி நாடார்

இணைய வகுப்பறைக்கு இன்றியமையாத் தேவைகள் 42 ( மறை குறியாக்க எண்ணியல் செலவாணி (Cryptocurrency) ) – சுகந்தி நாடார்

இணைய வகுப்பறைக்கு இன்றியமையாத் தேவைகள் 43 (மாறிவரும் வர்த்தகத் தொழில்நுட்பத்தின் அறிமுகமும் அடிப்படையும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 44 (தேடு பொறி தொழில்நுட்பத்தின் அடிப்படை) – சுகந்தி நாடார்

இணைய வகுப்பறைக்கு இன்றியமையாத் தேவைகள் 45 (மறைக்குறீயீட்டாக்க செலவாணியின் அடிப்படை) – சுகந்தி நாடார்

இணைய வகுப்பறைக்கு இன்றியமையாத் தேவைகள் 46 (எண்ணியல் செலவாணி – தொடர்ச்சி) – சுகந்தி நாடார்

இணைய வகுப்பறைக்கு இன்றியமையாத் தேவைகள் 47 (மறைக்குறியீடாக்க செலவாணியின் கலைச்சொற்கள்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 48 (எண்ணியியல் செலவாணியின் அடிப்படைக் கலைச்சொற்களின் விளக்கம்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 49 (எண்ணியியல் செலவாணி ஒரு விபரீத விளையாட்டா? அல்லது எதிர்கால வர்த்தக முறையா?) – சுகந்தி நாடார்

இணைய வகுப்பறைக்கு இன்றியமையாத் தேவைகள் 50 (எண்ணியல் செலவாணி நிலைத்து இருக்க கூடிய சாத்தியக் கூறுகள்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 51 (மறைக்குறியீட்டாக்க செலவாணியை ஒருவர் பெறுவது எப்படி?) – சுகந்தி நாடார்

இணைய வகுப்பறைக்கு இன்றியமையாத் தேவைகள் 52 (மறைக்குறியீட்டு செலவாணியில் walletஐப் பற்றிய விளக்கம்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 53 (மறைக்குறியீட்டு செலவாணியில் wallet தொடர்ச்சி) – சுகந்தி நாடார்

இணைய வகுப்பறைக்கு இன்றியமையாத் தேவைகள் 54 (வித விதமான எண்ணியல் செலவாணிகள்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 55 (Ethereum) – சுகந்தி நாடார்

இணைய வகுப்பறைக்கு இன்றியமையாத் தேவைகள் 56 (அடுத்த இரு எண்ணியல் செலவாணிகள்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 57 (Monero, Titcoin, Zcash) – சுகந்தி நாடார்

இணைய வகுப்பறைக்கு இன்றியமையாத் தேவைகள் 58 (எண்ணியியல் செலவாணி பரிவர்த்தனை மையங்களின் அடிப்படை என்ன?) – சுகந்தி நாடார்

இணைய வகுப்பறைக்கு இன்றியமையாத் தேவைகள் 59 (எண்ணியல் செலவாணி வர்த்தக மையங்கள்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 60 (எண்ணியியல் செலவாணி வர்த்தக மையங்களும் அவற்றிற்கான எச்சரிக்கைகளும்)– சுகந்தி நாடார்

இணைய வகுப்பறைக்கு இன்றியமையாத் தேவைகள் 61 (எண்ணியல் செலவாணிகளை அகழ்தல்)– சுகந்தி நாடார்

இணைய வகுப்பறைக்கு இன்றியமையாத் தேவைகள் 62 (இன்றைய கொளவு எண்ணியியல் – ஒரு பார்வை) – சுகந்தி நாடார்

இணைய வகுப்பறைக்கு இன்றியமையாத் தேவைகள் 63 (இராட்சத கொளவு எண்ணியியல் அகழ்தல் ஏன்?) – சுகந்தி நாடார்

இணைய வகுப்பறைக்கு இன்றியமையாத் தேவைகள் 64 (கொளவுக்கனிமை வழி எண்ணியியல் அகழ்தல் )– சுகந்தி நாடார்

இணைய வகுப்பறைக்கு இன்றியமையாத் தேவைகள் 65 -(எண்ணியியல் செலவாணியின் நிலையற்ற தன்மையும் அதன் பதிவேட்டு முறையும்) – சுகந்தி நாடார்

Bookday 14/10/2021No Comments

Essential requirements for internet classroom 65th Series - Suganthi Nadar. Book Day, Bharathi Puthakalayam. இணைய வகுப்பறை

Web Series

இணைய வகுப்பறைக்கு இன்றியமையாத் தேவைகள் 65 – சுகந்தி நாடார்

எண்ணியியல் செலவாணியின் நிலையற்ற தன்மையும் அதன் பதிவேட்டு முறையும்

ஒரு வாடிக்கையாளரோ அல்லது ஒரு குழுவோ எண்ணியியல் செலவாணிகளைப் பரிவர்த்தனை செய்யும்போதோ அல்லது ஒரு புதிய எண்ணியியல் நாணயம் உருவாக்கும்போதோ தோன்றும் தரவுத் தகவல்கள் எல்லாம் p2p networkல் உள்ள கணினிகள் வழி ஒரு பொதுக்கணினியில் ledger எனப்படும் ஒரு பொதுத் தரவாகப் பதிவாகி இருக்கும். என்று பார்த்தோம். ஒரு எண்ணியியல் செலவாணியின் இணையத்தில் உள்ள ஒவ்வோரு கணினிநிரலாராலும் பார்க்கக் கூடிய திறந்த எண்ணியல் பதிவேடு என்றும் பார்த்தோம்.

இந்த ledgerஒரு எண்ணியல் செலவாணி நிறுவனத்தின் எல்லாப் பரிவர்த்தனையும் கொண்ட ஒரு தரவுத் தொகுப்பேயாகும். இந்தத் தரவுத் தொகுப்பிற்கான நிரல்கள் திறவூற்று கட்டமைப்பிற்குள் வருவதால், இந்த திறவூற்று நிரல் கணக்கீடுகளைத் தெரிந்த எந்த ஒரு நிரலரும் இந்தப் பதிவேடுகளைச் சரி பார்க்க முனையலாம். இன்றைய நிலையில் நிரலர் அல்லாத ஒருவர் எண்ணியியல் செலவாணியை வாங்குவதும் விற்பதும் எண்ணியியல் செல்வாணி வர்த்தக மையங்கள் வழியாகத் தான் என்றும் இந்த எண்ணியியல் செல்வாணி வர்த்தகங்கள் பொதுவாக நிரலர்களின் குழுக்களாக இருக்கும் என்றும் நாம் ஏற்கனவே பார்த்தோம் இவர்கள் செலவாணியின் பரிமாற்றத்தைச் சரி பார்ப்பதற்காக அவர்களுக்குப் புதிதாகத் தோன்றிய எண்ணியியல் செலவாணியும் கொடுக்கப்படும் என்றும் பார்த்தோம். இன்றைய நிலையில் எண்ணியியல் பிணையத்தில் ஒரு பொது கணினியில் பதிவேடாகச் செயல்படும் ஒரு கணினி முழு nodes என்று அழைக்கப்படுகின்றது. நாம் ஏற்கனவே பார்த்தது போல குழுக்களாகச் செயல்படும் எண்ணியியல் அகழ்வு மையங்கள் பதிவேட்டில் இருக்கும் ஒரு சில தரவு பரிமாற்றங்களையே சரி பார்த்துக் கொள்ளும் என்றும் நாம் பார்த்தோம்.

இன்னும் கொஞ்சம் புரிதல் ஏற்பட வேண்டுமானால் உருவாக்கப்படும் ஒவ்வோரு எண்ணியியல் பாளமுமே எண்ணியியல் செலவாணியின் ஒரு பதிவேடுதான். எண்ணியியல் அகழ்தலில் ஈடுபட்டிருக்கும் ஒவ்வோரு நிரலரும் ஒரு புதிய எண்ணியியல் பாளத்தை உருவாக்கும் முயற்சியில் ஏற்கனவே இருக்கும் எண்ணியியல் பாளத் தரவுகளைச் சரி பார்க்கின்றனர் என்று கூட நாம் புரிந்து கொள்ளலாம்.

ஒரு பாளத்தில் உள்ள தரவுகள் மறைகுறியாக்கம் செய்யப்படுகின்ற காரணத்தால், தரவுகள் மாறாமல் இருக்க வாய்ப்பு இருக்கின்றது என்பது எண்ணியியல் செலவாணி வல்லுநர்களின் ஒரு கருத்து. எண்ணியியல் பாளத்தரவுகளில் ஏதோ ஒரு எண்ணை மாற்றினாலும் மறைக்குறியீட்டாக்கக் குறியீடு மாறுபட்டு விடுமென்பதால் இதில் ஒவ்வோரு எண்ணியியல் பாளம் உருவாக்கப்படும் போது ஏற்படும் மறைக்குறியீட்டாக்கமே ஒரு எண்ணியியல் பரிவர்த்தனை சரி என்று நிரூபிக்க வேண்டிய சான்றாக அமைகின்றது.

அனைத்து எண்ணியியல் நிரலர்களின் ஒத்திசைவால் உருவாக்கப்பட்ட மூல வரைமுறைகளால் தான் மறைக்குறியீட்டாக்கம் நடைபெறுகிறது என்பதால் எண்னியியல் பதிவேட்டைச்சரிபார்க்கும் விதிமுறைகள் ஒழுங்காக செயல்படுகின்றது என்றும் இவர்கள் கருதுகின்றனர், எப்போது நிரலர்களால் முறையாகக் குறிப்பிட்ட காலக் கெடுவிற்குள் கணிதப் புதிரை விடுவிக்க இயலாமல் போகிறதோ அங்கே தவறு நடந்து இருக்கின்றது என்று அறிந்து கொள்ளலாம் என்பது இவர்களின் கருத்து.

கணிதம் பயில்பவர்கள் எல்லாம் 1=1 =2 என்பதை ஒருசேர ஒத்துக் கொள்வதைப் போல நிரலர்களின் ஒத்திசைவால் ஏற்றுக் கொள்ளப்பட்ட ஒரு மூல நிரல் வரைமுறை எண்ணியியல் செலவாணியின் அடிப்படையாகக் கருதப்படுகின்றது. அப்படியென்றால் கணிதம் என்ற ஒரு பொருண்மை போல எண்ணியியல் செலவாணி என்ற ஒரு பொருண்மை புத்தம் புதியதாய் உருவாக்கப் பட்டுள்ளதா?

கணினி வழி செய்யப்படுவதால் நிரலர்கள் கூறுவதே இங்கு விதிகளாகச் செயல்படுமா?

எவ்வாறு வங்கிகளில் நமது வரவு செலவைப் பதிவேட்டில் வைத்து இருக்கின்றார்களோ அதே போல இந்த பதிவேடும் செயல்படுவதாக எண்ணியியல் செலவாணி நிபுணர்கள் கூறுகின்றனர். ஒரு வங்கியின் கணக்குகளைக் கணக்கராகப் பயிற்சி பெற்ற எவராலும் சரி பார்க்க முடியும் . அதே நேரத்தில் வங்கியும் வாடிக்கையாளர்களுக்கும் தங்கள் வங்கிக் கணக்கில் உள்ள பணத்தைச் சரி பார்த்துப் புரிந்து கொள்ள முடியும். ஒரு வாடிக்கையாளர் கணக்கராக இருக்க வேண்டிய அவசியம் இல்லை.ஆனால் எண்னியியல் செலவாணிபரிவர்த்தனையில் ஒரு வாடிக்கையாளர் ஒரு நிரலராக இல்லாத பட்சத்தில் தனது கணக்கில் இருக்கும் செலவாணியின் மதிப்பைக் கண்கூடாகப் பார்க்க இயலாது. எண்ணியியல் பரிவர்த்தனை மையங்கள் என்ன கணக்கைக் காட்டுகின்றனவோ அதை அப்படியே ஏற்றுக் கொள்ள வேண்டும்.

என்ன தான் நிரலர்கள் எண்ணியியல் செலவாணி மிகவும் பாதுகாப்பானது யாராலும் ஒருவரை ஒருவர் ஏமாற்ற முடியாது என்று கூறினாலும் இந்த எண்னியியல் தரவுகள் மாற்றப்படலாம் என்றும் இவை நச்சு நிரலர்களால் பாதிக்கப்படலாம் என்ற ஆபத்தும் கண்டிப்பாய் இருக்கிறது.

கடன் அட்டைகள் புழக்கத்தில் வந்த காலத்திலும் களில் நாம் அட்டைகளைப் பயன் படுத்தும் போதும் நமது விவரங்கள் ஒரு காந்த பட்டையில் விவரங்களாகச் சேமிக்கப்பட்டன. அந்த விவரங்களைத் திருடப்பட்டுப் பல வாடிக்கையாளர்கள் தங்கள் பணத்தை இழந்த போது வங்கிகளும் கடன் அட்டை நிறுவனங்களும். பாதுகாப்பிற்காகப் பல வழிமுறைகளைக் கையாண்டனர். அவற்றில் ஒன்று அவர்களின் கணினிகளில் வாடிக்கையாளரின் பணப்புழக்கத்தில் ஏதாவது சந்தேகம் வந்தால் அந்த வணிகத்திற்குப் பணம் கொடுக்க கணினிகளே மறுத்து விடுவதோடு வாடிக்கையாளர்களுக்கும் அது பற்றி உடனே குறுஞ்செய்தி மூலமாகவும் மின்னஞ்சல் மூலமாகவும் செய்தி போகின்றது. கடன் அட்டைகளை அன்றாட வாழ்க்கை முறையில் பயன்படுத்தும் போது ஒரு வாடிக்கையாளரின் பணப்புழக்கம் அனைத்தும் தரவுகளாகக் கணினியில் பதிந்து இருக்கும் தானே? தீடிரென்று வழக்கத்திற்கு மாறான பணம் செலவிடப்படு மேயானாலும், வாடிக்கையாளரரின் இருப்பிடத்தைத் தாண்டி கடன் அட்டை செயல் பட்டாலோ உடனே கணினி ஒரு எச்சரிக்கையை எழுப்பும்படி பாதுகாப்பு மூல வரைமுறைகள் கடன் அட்டைத் தொழில்நுட்பத்தில் ஏற்படுத்தப்பட்டன.

அதே போல எண்ணியியல் செலவாணியில் பொதுமக்கள் பாதிக்கப் படுவார்களேயானால் தகுந்த பாதுகாப்பு நடவடிக்கைகள் வருமோ என்னவோ? கொளவுக் கணிமை முறையில் செயல்படும் எண்ணியியல் அகழ்வு மையங்களை நச்சுநிரலகள் தாக்கினால் என்னவாகும்? எண்ணியியல் செலவாணியைப் புகழ்ந்து பாடும் நிரலர்களுக்கும் அதை,மூலதனமாகக் கொண்டாடும் பங்குச்சந்தை முதலீட்டாளர்களுக்கும் தான் வெளிச்சம்.

ஏற்கனவே சீன அரசு தங்களுடைய எண்ணியியல் செலவாணிக் கொள்கைகளைத் தரப்படுத்தி இருப்பதாலும் பல கெடுபிடிகள் கொண்டு வந்திருப்பதாலும் பங்குச் சந்தையில் எண்ணியியல் செல்வாணியின் நிலை ஒரு தள்ளாட்டத்தில் இருக்கின்றது.பங்குச்சந்தையில் எண்னியியல் செலவாணியில் முதலீடு செய்தவர்கள் பெருமளவு பணத்தை இழந்து இருப்பதோடு அதில் புதிதாக முதலீடு செய்யக் கூடியவர்கள் மறுயோசனை செய்யும் அளவிற்கு இன்றையப் பங்குச்சந்தையில் அவை ஆட்டம் கண்டு கொண்டு இருக்கின்றன. பங்குச்சந்தை என்றாலே ஒரு நிலையற்ற தன்மையும் பொருளாதார இடையூறுகளும் இருக்கும் தான். என்றாலும் எண்ணியியல் செலவானியின் இந்தப் பங்குச்சந்தை தடுமாற்றம் மிகப் பெரிய அளவில் ஊடகங்களாலும் வர்த்தக நிறுவனங்களாலும் பேசப்படுகின்றது.

சீன அரசரின் கடுமையான சட்டதிட்டங்களால் அங்குள்ள எண்னியியல் பரிவர்த்தனை மையமான Huobi Global இனி புது வாடிக்கையாளர்களை ஏற்பது இல்லை என்றும் தற்போது இருக்கும் வாடிக்கையாளர்களையும் இந்த ஆண்டு இறுதிக்குள் ஏற்கனவே இருக்கும் வாடிக்கையாளர்களிடமிருந்து விலகிக் கொள்வதாகவும் அறிவித்து உள்ளது. அப்படி வெளியேறும் போது வாடிக்கையாளர்கள் அவர்களிடம் கொடுத்த பணத்தைத் திரும்பக் கொடுக்குமா என்ற விவரம் தெளிவாகத் தெரியவில்லை. அதே போல பிரபலமான Binance எண்னியியல் வர்த்தக மையமும் சிங்கப்பூரில் உள்ள வாடிக்கையாளர்களுக்குத் தங்கள் சேவையைத் தொடரப்போவது இல்லை என்றும் அறிவித்து உள்ளனர்.

இன்றைய இத்தகையப் பொருளாதாரப் போக்கிற்கு இணையாகச் சில்லி நாட்டு வங்கி சென்பாங்க் அவர்களுடைய எண்ணியியல் செலவாணியை 2022ம் ஆண்டு வெளியிடப் போவதாக அறிவித்து உள்ளனர். வைரம் விலை மதிப்பிடமுடியாத கலை வகைகள், ஓவியங்கள் ஆகியவற்றின் உரிமையாளர்களின் விவரங்களை மறைக்குறியாக்கம் செய்யப்பட்ட எண்ணியியல் பாளங்களாக மாற்றி ஒருவர் தங்கள் உரிமைத் தன்மையைப் பாதுகாத்துக் கொள்ள முடியும் என்பது போன்ற பேச்சுக்களும் இன்றைய பொருளாதார உலகில் முக்கியமான பேச்சாக இருக்கின்றது. அதிபர் ஒபாமாவின் காலத்தில் பணி செய்த அமெரிக்க முன்னாள் (நிதியமைச்சர் former treasury secretary Lawrence சும்மேற்ஸ் தொலைக்காட்சி நிலையத்திற்குப் பேட்டிக் கொடுக்கையில் எண்ணியியல் பாளங்களும் அது தொடர்பான செலவாணிகளும் என்னதான் இரகசியம் காக்கும் தொழில்நுட்பமாகவும், விதிகளுக்குக் கட்டுப்படாத ஒரு தொழில்நுட்பமாகவும் பேசப்பட்டாலும் அவற்றிற்கான விதிமுறைகளை உருவாகி எண்ணியியல் செலவாணியின் புழக்கத்தைச் சட்டப் படி வரைமுறை படுத்தும் போது தான் எண்ணியியல் செலவாணி தொழில்நுட்பம் வளர முடியும் என்று கூறினார். அவர் தன் கருத்துக்கு எடுத்துக்காட்டாக இன்றைய மகிழுந்து உற்பத்தியையும் விமானங்களின் உற்பத்தியையும் குறிப்பிட்டார்.

இன்றைய நிலையில் பொது மக்களின் புழக்கத்திற்கு வந்துள்ள எண்ணியியல் செலவாணி புதிதாய் மிதிவண்டி ஓட்டிப்பழகும் ஒருவரின் பயணம் போலத் தள்ளாடித் தடுமாறித்தான் சென்று கொண்டு இருக்கின்றது. எண்ணியியல் செலவாணி நிபுணர்களும் நிரலர்களும் கூறுவது போல ஏவுகலனாய் வேகம் எடுக்குமா? அல்லது காலத்தின் கோலத்தில் மின்னி மறையும் ஒரு மிகப்படுத்தபட்டபுதுப்பாணித் தொழில்நுட்பமா தெரியவில்லை.

இன்னும் பார்க்கலாம்…

முந்தைய தொடர்களை வாசிக்க:

இணைய வகுப்பறைக்கு இன்றியமையாத் தேவைகள் – சுகந்தி நாடார்

இணைய வகுப்பறைக்கு இன்றியமையாத் தேவைகள் 55 (Ethereum) – சுகந்தி நாடார்

இணைய வகுப்பறைக்கு இன்றியமையாத் தேவைகள் 57 (Monero, Titcoin, Zcash) – சுகந்தி நாடார்

Bookday 01/10/2021No Comments

Essential requirements for internet classroom 64th Series - Suganthi Nadar. Book Day, Bharathi Puthakalayam. இணைய வகுப்பறை

Web Series

இணைய வகுப்பறைக்கு இன்றியமையாத் தேவைகள் 64 – சுகந்தி நாடார்

கொளவுக்கனிமை வழி எண்ணியியல் அகழ்தல்

எண்ணியியல் செலவாணிக் கணக்கீடுகளுக்கும் தரவுகளுக்கும் கொளுவுக் கணினிகள் தேவையாய் இருப்பதற்குக் காரணங்கள் நான்கு

தரவுகளின் அளவு
கணினியின் கணக்கிடும் திறன்
கணினியின் கணக்கீடு வேக விகிதம்
கணினிகளின் வெப்பத்தை கட்டுப்படுத்துதல்

என்று ஏற்கனவே பார்த்திருந்தால், தரவுகளின் அளவுகளைப் பற்றிப் பார்க்கும் போது சதுரங்க கணிதப்புதிரைக் உதாரணமாக வைத்துக் கொண்டு ஒரு தரவு எப்படி பல்கிப் பெருகுகிறது என்று பார்த்துக் கொண்டிருந்தோம்.

இனி தரவுகளின் அளவும் கணினியின் கணக்கீடு திறனும் அதிகமாக இருக்கவேண்டிய சூழல் என்ன என்று பார்ப்போம்.

நாம் பார்த்த சதுரங்க புதிரில் எண்ணிக்கை மட்டுமே பெருக்கிக் கொண்டு இருந்து. எண்ணிக்கைப் பெருகப் பெருக அவற்றைத் தாங்கும் பாத்திரம் பெரியதாக ஆவதைப் போல எண்ணியியல்செலவாணியிலும் தரவுகளின் அளவுக்கேற்ற கணினியின் கொள்ளடக்க சக்தி அதிகமாக இருக்க வேண்டும். அத்தோடு கூடவே கொடுக்கப்பட்ட தரவுகளை மறைக்குறியாக்கம் செய்யக் கூடிய தரவு செயல் திறனும் அந்தக் கணினிக்கு இருக்க வேண்டும்.. அதாவது சதுரங்க விளையாட்டில் பல்கிப் பெருகிய தானியத்தைத் தாங்கும் பை, தானியத்தை தன்னுள் ஏற்றுக் கொள்வது மட்டுமல்லாமல் அந்த தானியத்தை மாவாகவும் அரவைசெய்து கொடுக்க வேண்டும் .

எண்ணியியல்செலவாணி அகழ்தலின் முக்கியக்கூறு எண்ணியியல் தரவுப் பாளங்கள். எண்ணியியல்தரவுப்பாளங்களத் தரவுகள் ஒருவரின் பிர்த்யேகமுகவரி, அவருடைய பொது முகவரி, இவை உருவாக்கப் பட்ட நேரம் Nounce என்று அழைக்கப்படும் எண் முதலில் உருவாக்கப்பட்ட எண்ணியியல் பாளத்தின் விவரம் என்று நான்கு விவரங்களைக் கொண்டு இருக்கும் என்று முன்பேப் பார்த்தோம். இந்த நான்கு விவரங்களும் ஏற்கனவே இரு முறை மறைக்குறியீட்டாக்கம் செய்யப்பட்டு இருக்கின்றது என்பதும் இவ்வாறு மறைக்குறியீட்டாக்கம்செய்யப்பட்ட தரவுகளே, ஒரு பிரத்தியேக முகவரியும் பொது முகவரியும் சேர்க்கப்படும் ஒவ்வோரு முறையும் புதிய விவரங்களாக மீண்டும் மீண்டும் மறைக்குறியாக்கம் செய்யப்படுகின்றன. இவ்வாறு மறை குறியாக்கம் செய்யப்பட்டு வெளிவரும் கலவை ஒரு குறிப்பிட்ட எண்ணைக் கொண்டு ஆரம்பித்தால் அங்கே ஒரு புதிய எண்ணியியல்செலவாணி உருவாகி விட்டதாகத் தான் பொருள்.

எண்ணியியல்செலவாணியில் சேர்க்கப்படும் ஒவ்வோரு விவரமும் இந்த ஒவ்வோரு விவரமும் தனித்தனியே 256 bit கொண்ட தரவாக இருக்கும் Nounce மட்டும் ஒரு இலக்க எண்ணாக இருக்கும்.ஒவ்வோரு தரவையும் பலவிதமான கணக்கீடுகளைப் பயன்படுத்தி அவற்றின் நீளத்தையும் விவரத்தையும் கணினிகள் ஒரு குறிப்பிட்ட bit எண்ணிக்கையுள்ள தரவாக மாற்றுகின்றன.அவ்வாறு மாற்றிக் கொடுக்கும் தரவின் நீளம் கணினிகள் பயன் படுத்தும் கணக்கீடுகளைப் பொறுத்து இருக்கின்றது.

இன்று bitcoin எண்ணியியல் செலவாணியே கொளவுக்கணிமை அகழ்தலில் முன்னணியில் உள்ளது. SHA-256 கணக்கீடு எண்ணியியல் bitcoin செலவாணியில் பயன்படுத்தப்படுகின்றது. இந்தக் கணக்கீட்டைப் பயன்படுத்துவதற்குக் கொடுக்கப்படும் ஒவ்வோரு விவரமும் 256bit ஆக இருக்க வேண்டும். முதல் எண்ணியியல் பாளத்திலிருந்த மேல் சொன்ன அனைத்து விவரங்களோடும் Nounce சேர்க்கப்பட்டு மீண்டும் ஒரு 256 bit கொண்ட ஒரே தரவாக மாற்றப்பட்டு. புதி 256 குறியீடு உருவாகின்றது. ஒவ்வோரு முறை இந்த Nounce எண் மாற்றப் படும் போதும் மறைகுறியாக்கப்பட்டத் தரவு விவரம் புதியதாக வெளிவரும், இதில் பிரச்சனை என்னவென்றால் ஒரு குறிப்பிட்ட எண்ணில் மறைக்குறியாக்கப் பட்ட தரவு தொடங்க வேண்டும். புதியதாக உருவாக்கப்படும் இந்த 256 குறியீடு ஒரு குறிப்பிட்ட எண்ணில் தொடங்கினாலேயே ஒரு புதிய எண்ணியியல்செலவாணி உருவாகுகின்றது.

இந்தக் குறிப்பிட்ட தொடக்க எண் x என்று வைத்துக் கொண்டால் அந்த எண் வரும் வரை கணினியாளர் Nounce என்று இடக்கூடிய எண்ணை மாற்றிக் கொண்டே இருக்க வேண்டும். இந்த x எண் பாளத்தரவுகளுக்குள் இருக்கும் விவரங்களைப் பொறுத்தது. வெளிவரும் தரவு விவரங்கள் x கொண்டு தொடங்கி விட்டால் அங்கே ஒரு எண்ணியியல்செலவாணி உருவாகி விட்டது என்று பொருள் . இது தான் ஒஎஉஎண்ணியிஅய்ல்செலவாணி அகழ்தலில் குறிப்பிடப்படும் கணிதப் புதிரின் அடிப்படை..

2009. முதலில் உருவாக்கப்பட்ட bitcoin எண்ணியியல் செலவாணி இன்று ஏறத்தாழ நூறு மில்லியன் எண்ணியியல் பத்தாயங்களைக் கொண்டுள்ளது. இத்தனைப் பத்தாயங்களின் விவரங்களோடு புதிதாக ஒரு பத்தாயம் சேர்க்கப் படும் போது ஒரு கணினி எடுத்துக் கையாள வேண்டிய தரவுகளின் எண்ணிக்கையை யோசித்துப் பாருங்கள். அதேசமயம் ஒவ்வோரு பத்தாயம் வாங்கும் போதும் குறைந்தது ஒரு எண்ணியியல் செலவாணியாவது தயாரிக்க வேண்டும். இத்தனைத் தரவுகளையும் கணக்கிட்டு அதிவேகமாக அந்த எண்ணியியல் செலவாணி உருவாக்கப்பட வேண்டும். இந்தக் காரணங்களாலேயே மிக முக்கியமாக கொளவு எண்ணியல் செலவாணி மையங்கள் அமைய முக்கியக் காரணம்.

இத்தகைய அகழ்தல் அத்தனையும் உலகின் மூலையில் எங்கோ உட்கார்ந்திருக்கும் ஒரு நிரலர் இந்தக் கொளவுக் கணினிகளின் கணக்கிடும் வேகத்தையும் கொள்ளாற்றலையும் பயன்படுத்திச் செய்து வருகின்றனர்.

டாட்டொ வாங் (Taotao Wang) செளங் சாங்லு(Soung Chang Liew) ஷெங்கிலி சுங் (Shengli Zhaung) என்ற ஆராய்ச்சியாளர்கள் தங்கள் கட்டுரையில் கணினியின் செயற்கை அறிவுத் திறனைப் பயன்படுத்தியும் எண்ணியியல் அகழ்வுகளைச் செய்யலாம் என்று கூறுகின்றனர். அவர்களின் கருத்துப்படி ஒரு செயற்கை அறிவுக் கட்டமைப்புத் தன்மை எண்னியியல் அகழ்தலை இன்னும் துல்லியமாகவும் பிழை ஏதும் இல்லாமலும் செய்ய இயலும் என்று நம்புகின்றனர். எண்ணியியல் அகழ்தலுக்கு என்று செயற்கை அறிவுத் தொழில்நுட்பம் வந்துவிட்டால் இந்தக் கொளவுக் கணினிகளின் அத்தியாவசியம் அதிகரிக்கும்

வேக விகிதம்

ஒரு பாளத்தில் அடங்கியுள்ள அனைத்து விவரங்களையும் ஒரு புதிய 256 தரவாக மாற்றும் வேகமும் Nounce எண்ணை மாற்றும் போது மறைகுறியீட்டு விவரம் உருவாகும் வேகமும் கணினியின் கணக்கீடு வேக விகிதம் என்று அழைக்கப் படுகின்றது. ஒரு வினாடிக்கு ஒரு கணினி எத்தனைப் புதிர்களை விடுவிக்கின்றது என்பதைக் கொண்டே இந்த வேக விகிதம் கணக்கிடப்படுகின்றது இது ஒரு தனிக்கணினியின் வேகவிகிதம் அல்ல. ஒரு எண்ணியிஅல் செலவாணியின் மொத்த பிணையத்தின் வேகத்தைக் குறிக்கின்றது.இந்த விகிதம் அதிகமாக இருந்தால் தான் விரைவாக ஒருவர் புதிரை விடுவிக்க இயலும். எண்னியியல் அகழ்தலில் யார் முதலில் புதிரை விடுவிக்கின்றாரோ அவருக்கே புதிதாய் உருவாகும் எண்ணியல் செலவாணி சொந்தம், எனவே எண்ணியியல் செல்வாணி அகழ்தலில் வேகவிகிதம் ஒரு அடிப்படைத் தேவையாக உள்ளது. மறைக்குறியீட்டாக்கம் செய்யப் படும் விவரங்கள் அதிகமாக அதிகமாக தனிநிரலர்களின் கணினியின் கணக்கீடு வேகம் குறையும். அப்படிக் குறையாமல் இருக்கும் படி வேலை செய்யவே எண்ணியியல் அகழ்தல் செய்வதற்கென்றே உருவாக்கப்பட்ட இராட்சத கணினிகள் தேவைப்படுகின்றன. இவற்றின் வேக விகிதமும் எண்னியியல் அகழ்தலுக்கு ஏற்றது போல வேகமாக இருக்கும். S19 என்ற கணினி வகை இப்போது முன்னணியில் உள்ளது, இது போன்ற கணினிகளைத் தான் இந்த எண்ணியியல் அகழ்வு மையங்கள் வைத்திருக்கும்.

கணினி மையத்தைக் குளிருட்டி வைத்தல்

சாதாரணமாக ஒரு கணினி வேலை செய்யும் போது மின்சார சக்தியை வெப்ப சக்தியாக வெளி இடுகிறது. . அவ்வாறு வெளியிடப்படும் வெப்பம் ஒரு அளவைத் தாண்டும்போது கணினியின் உட்பாகங்கள் வேலை செய்யாமல் போகலாம். இதைத் தவிர்க்க ஒவ்வோரு கணினிக்குள்ளும் அது உருவாக்கும் வெப்பத்தைத் தணித்துக் குளிரச் செய்யும் வகையிலும் வெப்பத்தை ஒரே சீராக வைக்கும் பொருட்டும் கணினி தனது ஒரு சில பாகங்களை வேலை செய்யாமல் முடக்கி வைக்கும். இதைத்தடுக்க எல்லாக் கணினிகளுக்குள்ளும் அதைக்குளிர வைக்கும் வழிமுறைகள் உண்டு.எண்ணியியல் செலவாணிக் கொளுவுக் கணிமையில் இராட்சத இயந்திரங்கள் நாள் முழுவதும் நிறுத்தாமல் வேலை செய்யும் போது அதுவும் அதிவேகத்தோடும் வேலை செய்யும் போது எவ்வளவு வெப்பத்தை வெளியிடும். ஒவ்வோரு கணினிக்குள்ளும் அதைக் குளிர வைக்கும் வசதி இருந்தாலும் எண்ணியியல் செலவாணியின் அகழ்தல் வேகத்தை ஈடு செய்யக் கணினியின் செயல் திறன் எல்லாம் விவரங்களை மறைகுறியாக்கம் செய்வதிலேயே செலவிடப்படும். அப்படி இருக்கும் போது கணினிகளைக் குளிர்விக்க வெளியிலிருந்து தான் ஏதாவது வளங்களைத் தேட வேண்டும் அதனால் தான் பனிப்பிரதேசத்திலும் ஆற்றுப்படுகையிலும் கொளவு எண்ணியியல் அகழ்தல் மையங்களை உருவாக்கியுள்ளனர். இயற்கையாகக் கணினிகளைக் குளிர்விக்கும் முறை இருந்தால் மின்சார செலவும் குறையுமே!

இந்த வகையில் எண்னியியல் அகழ்வு மையங்கள் பெருகி வருவதைப் பார்க்கும் போதும் அவை இயற்கை வளங்களைச் சுரண்டி எடுக்கும் போதும் ஒரு நாள் இந்தத் தொழில்நுட்பம் தனக்குள் தானே வெடித்து விடக்கூடிய அபாயம் இருக்கின்றதே என்ற என்ற அச்சம் இருக்கத்தான் செய்கின்றது. ஆனாலும் இந்தத் தொழில்நுட்பம் அதிவேகமாகப் பொருளாதாரத்தில் ஒரு மிக முக்கியமான இடத்தை பெற்றுக் கொண்டு இருக்கின்றது.

இன்னும் பார்க்கலாம்…

முந்தைய தொடர்களை வாசிக்க:

இணைய வகுப்பறைக்கு இன்றியமையாத் தேவைகள் – சுகந்தி நாடார்

இணைய வகுப்பறைக்கு இன்றியமையாத் தேவைகள் 55 (Ethereum) – சுகந்தி நாடார்

இணைய வகுப்பறைக்கு இன்றியமையாத் தேவைகள் 57 (Monero, Titcoin, Zcash) – சுகந்தி நாடார்

Bookday 25/09/2021No Comments

Essential requirements for internet classroom 63rd Series - Suganthi Nadar. Book Day, Bharathi Puthakalayam

Web Series

இணைய வகுப்பறைக்கு இன்றியமையாத் தேவைகள் 63 – சுகந்தி நாடார்

இராட்சத கொளவு எண்ணியியல் அகழ்தல் ஏன்?

கணிதப் புதிர்களை விடுவிப்பதற்கு ஏன் இத்தனைக் கணினிகள்? ஏன் ? என்ற ஒரு கேள்வி கள் நம் அனைவர் மனதிலும் எழத் தான் செய்கின்றது. கணிதப்புதிர்களை விடுவிக்கப் பத்தாயிரத்திற்கும் மேலான கணினிகள் தேவையா? ஒரு குழுவினரால் எண்ணியியல் அகழ்தலை ஏன் ஒரு குடிசைத் தொழிலாகச் செய்ய முடியாது? என்பதற்கான விளக்கத்தை நாம் தெரிந்து கொள்ள வேண்டியிருக்கின்றது. இன்றைய செல்வத்தின் அடையாளமாக எண்ணியியல் செலவாணி இருப்பதனாலும் அது நாடுகளின் எரிசக்தியை இராட்சத வேகத்தில் உறிஞ்சுவதால் ஏற்படும் இயற்கை அழிவுகளையும் சேதாரத்தையும் தடுக்கவும் இந்த விவரங்களை முழுவதுமாக நாம் புரிந்து கொள்ள வேண்டி இருக்கின்றது.

தரவுகளின் அளவு
கணினியின் கணக்கிடும் திறன்
கணினியின் கணக்கீடு வேக விகிதம்
கணினிகளின் வெப்பத்தை கட்டுப்படுத்துதல்

இந்த நான்கு காரணிகளும் ஒன்றுக்குள் ஒன்றாகப் பின்னி இருக்கின்றன. அதனால் இவற்றை நாம் சிறிது ஆழமாகப் பார்க்கலாம்.

தரவுகளின் அளவு (சிக்கலான எண்ணியியல் அகழ்தல்)

எண்ணியியல் செலவாணித் தரவுகளின் அளவையும் அவற்றின் சிக்கலையும் எனக்குக் கூட்டு வட்டி என்பது, தானியமும் சதுரங்கமும் என்ற கணக்குப்புதிர் தான் நினைவிற்கு வருகின்றது. எவ்வாறு கூட்டு வட்டியின் அசல் வட்டியோடு சேர்ந்து பெருகிக் கொண்டே போகிறதோ அதே போல ஒரு எண்ணியியல் பாளத்தின் விவரங்கள் அடுத்த எண்ணியியல் பாளத்திலும் சேர்க்கப்படும் அப்படியானால் மூன்றாவது பாளத்தில் முதல் இரண்டு பாளங்களில் உள்ள விவரங்களும், மூன்றாவது பாளத்திற்கே உரியதான புதிய தரவும் இணைந்து இருக்கும்.

இன்னும் விளக்கமாகச் சொல்ல வேண்டும் என்றால் பள்ளிக்காலத்தில் நான் படித்த தானியமும் சதுரங்க முன் என்ற ரஷ்ய கணிதப்புதிர் தான் நினைவிற்கு வருகிறது. இந்தப்புதிர் உங்களுக்கும் தெரிந்து இருக்குமென்றே நினைக்கின்றேன்

ஒரு விவசாயி அரசரிடம் தனக்குப் பொருள் உதவி கேட்கச் செல்ல அரசரோ இறுமாப்புடன் உனக்கு என்ன வேண்டுமோ கேள் என்று தருகின்றேன் என்று கூறுகிறார். விவசாயி அரசரிடம், அரசே எனக்கு ஒரு நாளைக்கு ஒரு கட்டம் வீதம் ஒவ்வோரு நாளும் ஒரு சதுரங்கத்தில் உள்ள கட்டங்களை நிரப்பும் அளவு தானியம் கொடுத்தால் போதுமானது. ஆனால் ஒவ்வோரு கட்டத்திலும் வைக்கப்படும் தானியத்தின் அளவு அதற்கு முந்தையக் கட்டத்தை விட இரு மடங்கு இருக்க வேண்டும் என்று கூறுகிறார்.

அரசரும் ஒப்புக்கொள்ள முதல் நாள் ஒரு தானியம் கொடுக்கப்பட்டது. இரண்டாம் நாள் இரு தானியங்கள் மூன்றாம் நாள் நான்கு தானியங்கள் நான்காம் நாள் எட்டு தானியங்கள் எட்டு தானியங்கள் பதினாறு தானியங்களாயின . பதினாறு தானியங்கள் முப்பத்திரண்டு தானியங்கள் ஆயின. விரைவில் தானியங்கள் சிறு பொதிகளாகின, பொதிகள் மூட்டைகளாயின் முப்பத்து இரண்டாம் நாள் அரசர் தனது தனது யோசனையில்லா வாக்குறுதியை எண்ணி நோந்து விவசாயியிடம் சென்று மன்னிப்புக் கேட்டார்.

ஐயா என்னை மன்னித்து விடுங்கள். நான் இனியும் உங்களுக்குத் தானியத்தைக் கொடுத்தால் என் கஜானாவே காலியாகிவிடும். உங்களுக்குக் கடன் கொடுக்க நான் அண்டை நாடுகளில் கடன் வாங்கி நம் நாட்டின் செல்வத்தை இழக்க வேண்டியிருக்கும் என்றார். கதை நன்றாக இருந்தாலும் கணித முறையில் இங்கு நடப்பது என்ன? இங்கே வர்க்க அடுக்குமுறைப் முறைப் பெருக்கம் நடைபெற்று வருகிறது.

1+1+2+4+8+16+32+64 …. என்று ஒவ்வோரு நாளும் தானியங்களின் எண்ணிக்கைப் பெருகிக் கொண்டால்

முதல் நாள் 2¹

இரண்டாம் நாள் 2²

மூன்றாம் நாள் 2³

……

…..

32ம் நாள் 2³²= 4294967296

தானியங்கள் என்று பெருகிக்கொண்டே வரும் அதே வேளையில் அவற்றைக் கூட்டிக் கொடுக்கும் போது விவசாயி கண்டிப்பாய் அரசரை விட உயர்ந்த செல்வந்தராகி விடுவார். ஒரு கட்டத்தில் வைக்கும் ஒரு தானியத்தை நாம் தரவாக எடுத்துக் கொண்டோமானால் 64வது கட்டத்தில் நமக்கு முதல் கட்டத்தில் கிடைத்ததை விட இரண்டு பில்லியன் அதிகமாகத் தானியங்கள் கிடைக்கும். என் நினைவிலிருந்த கதையைக் கூகுளில் தேடிச் சரி பார்த்த போது 64வது கட்டத்தில் 18,446,744,073,709,551,615 தானியங்கள் அந்த விவசாயிக்குக் கிடைத்திருக்கும். இந்த தானியங்களின் எடை 1,199,000,000,000 metric tons. ஆக இருக்கும்.

இந்தக் கணிதப்புதிரின் சூத்திரம் T64=264-1

இந்தக் கணிதப்புதிர் ஒரே ஒரு தானியத்தை வைத்து 64 நாட்களுக்கு மட்டுமே ஆரம்பிக்கின்றது

அப்படியானால் 2009 வருடம் ஆரம்பிக்கப்பட்ட ஏறத்தாழ 256 bit கொண்ட இரும எண்ணுக்கு இன்று எந்த அளவு தரவுகள் பெருகி இருக்கும்?

எண்ணியியல் தரவு என்று பார்க்கும் போது ஒரு பாளத்தில் உள்ள குறியாக்கப்பட்ட எண் எழுத்து கலவைக் குறிகளைத் தான் குறிக்கும்.. இப்படி ஒவ்வோரு செலவாணியின் பாளத்திலும் மறைக்குறியாக்கம் செய்யப்பட்டு இருக்கக் கூடிய தரவுகளின் அளவு எந்த அளவு இருக்கும்?

இந்த எண்ணியியல் தரவு எப்படிப்பட்ட சிக்கலான எண்ணியியல் அகழ்தலை உருவாக்கு?

இன்னும் பார்க்கலாம்…

முந்தைய தொடர்களை வாசிக்க:

இணைய வகுப்பறைக்கு இன்றியமையாத் தேவைகள் – சுகந்தி நாடார்

இணைய வகுப்பறைக்கு இன்றியமையாத் தேவைகள் 55 (Ethereum) – சுகந்தி நாடார்

இணைய வகுப்பறைக்கு இன்றியமையாத் தேவைகள் 57 (Monero, Titcoin, Zcash) – சுகந்தி நாடார்

Bookday 15/09/2021No Comments

Essential requirements for internet classroom (bitcoin and ethereum) 62 - Suganthi Nadar. Book Day, Bharathi Puthakalayam

Web Series

இணைய வகுப்பறைக்கு இன்றியமையாத் தேவைகள் 62 – சுகந்தி நாடார்

இன்றைய கொளவு எண்ணியியல் – ஒரு பார்வை

கொளவு எண்ணியியல் அகழ்தல் அதிவேக தொழிலாக தற்போது பார்க்கப்படுகின்றது. இன்றைக்கும் பல நாடுகளில் எண்ணியியல் செல்வாணியைப் பயன்படுத்துவது சட்டத்திற்குப் புறம்பானது . பல நாடுகள் எண்ணியியல் செலவாணியை ஒழுங்குபடுத்த இன்னும் சரியான விதிமுறைகளையும் சட்டங்களையும் கொண்டு வரவில்லை. ஆனாலும் கொளுவு அகழ்தல் பல நாடுகளில் நடந்து கொண்டு இருக்கின்றது. இதற்கு முக்கிய காரணம் எண்ணியியல் செலவாணியை ஒரு செலவாணியாய் பயன்படுத்துவதை விட ஒரு சொத்தாக பொது மக்கள் நினைப்பது தான். அகழப்படும் எண்ணியியல் செலவாணியில் Bitcoinனின் அகழ்தல் முன்னணியில் உள்ளது. அதை அடுத்து ethereum இருக்கின்றது.

சீன நாடு கொளுவு எண்ணியல் அகழ்தலில் முன்னணியில் நடந்து கொண்டு இருந்தது உலகின் எண்ணியியல் அகழ்தலில் ஏறத்தாழ 50% சீன தேசத்திலிருந்தது.சீன தேசத்தின் வளர்ச்சிமற்றும் சீர்திருத்த ஆணையம். (National Development and Reform Commission) இந்நடவடிக்கைகளை சட்டப்படி தடுக்க ஆலோசித்து அதை 2021ம் வரும் ஜீலை மாதத்தில் செய்தது. எண்ணியியல் செலவாணியின் அகழ்தலை மட்டும் நிறுத்தாமல் அது பொருளாதாரத்தின் ஒரு செலவாணியாக இருக்கக் கூடாது என்றும் தடை விதித்தது. இவ்வாறு தடை விதிக்க முதல் காரணம் நாட்டின் பொருளாதாரம் சீர் குலையக் கூடாது. அதே போல எண்ணியியல் அகழ்தல் சுற்றுச் சூழலுக்குப் பேராபத்தை விளைவிக்கும் என்றும் சீன அரசு யோசித்து இருக்கிறது. ஒருவேளை தங்கள் நாட்டு எண்ணியியல் செலவாணியையே தானாக உருவாக்க வேண்டும் என்று கூட சீன அரசு நினைத்திருக்கலாம்.

என்ன காரணமாய் இருந்தாலும் இப்படி சீன அரசு விதித்த சட்டப்பூர்வமான தடையால் சீனாவிலிருந்து பல தேசங்களுக்கு இந்த கொளுவு அகழ்தல் இடம் பெயர முயற்சிக்கின்றது. ஒரு எண்ணியியல் கொளுவு மையத்தில் பத்தாயிரம் கணினிகளுக்கு மேலே இருக்கக் கூடும். ஆனாலும் மிகக் குறுகிய காலத்திலேயே இந்த நிறுவனங்கள் மற்ற நாடுகளை நோக்கி இடம் பெயர்ந்து வருகின்றன. இந்த நிறுவனங்கள் இடம் பெயரக் காரணிகளாகப் பார்ப்பது மின்சாரக் கட்டணமும், அந்த நாட்டின் சட்டதிட்டங்களையும் தான் சீன நாட்டிலிருந்து வெளியேறிய நிறுவனங்கள் காசிக்ஸ்தான் (Kazakhstan), ஐஸ்லாந்து ( Iceland), ஜார்ஜியா (Georgia), கனடா அமெரிக்கா, ரஷ்யா, வெனிஸ்வேலா, மலேசியா ஆகிய நாடுகளுக்குச் சென்று இருப்பதாகத் தெரிகின்றது. இலங்கை , மியான்மார், குவைத், பஹ்ரைன் ஆகிய நாடுக இந்த நாடுகளில் நிறுவனங்கள் அமையத் தகுந்த வசதிகளைக் கொண்டு இருப்பதாகத் தெரிகிறது. அமெரிக்காவில் டெக்ஸாஸ் மாநிலத்தில் இந்த எண்ணியியல் அகழ்வுக் கிடங்குகள் அமைக்கப்பட்டு வருகின்றன.

அவ்வளவு ஏன்? எங்கள் வீட்டுக் கொல்லைப்புறத்திலேயும் ஒரு கிடங்கு கட்டுமானம் தொடங்கப்படுவதாகத் தெரிகிறது. நாங்கள் வசிப்பது அமெரிக்காவின் பென்சில்வேனியா மாகாணத்தின் தலைநகருக்கு அருகில். நாங்கள் வசிக்கும் இடத்திலிருந்து 45 நிமிடப் பயணத் தூரத்தில் Three mile island என்ற சிறு தீவில் வேலை செய்யாத ஒரு அணு மின்நிலையமிருக்கின்றது. அதில் இரண்டு உலைகள் உள்ளன. முதல் உலை 1968ல் கட்ட ஆரம்பிக்கப்பட்டு General Public Utilities என்ற தனியார் நிறுவனத்தால் கட்டப்பட்டு 1974ல் அணு மின்சக்தியை உற்பத்தி செய்ய ஆரம்பித்தது. அதன் இரண்டாவது உலை 1968ல் கட்டப்பட்டு 1978ல் மின் சக்தியை உற்பத்தி செய்ய ஆரம்பித்தது. இந்த இரு உலைகளின் வெப்பத்தைத் தனிக்கத் தீவைச்சுற்றி ஓடும் நதி நீர் பயன்படுத்தப்பட்டது 1979ல் இரண்டாவது உலையில் விபத்து ஏற்பட்டு கதிரியக்கம் கசிய ஆரம்பித்ததால் அது இழுத்து மூடப்பட்டது. முதல் அலை நிதிப்பற்றாக்குறையால் 2019ல் இழுத்து மூடப்பட்டது. இப்போது இரு உலைகளும் தனியார் நிறுவனத்திடம் உள்ளன. இந்தத் தனியார் நிறுவனங்கள் Bitcoin அகழ்வு மையத்தை தற்போது மூடியிருக்கும் தீவில் அமைக்கப் போவதாகத் தெரிவித்து உள்ளது.

2013லிருந்து ஐஸ்லாந்தில் எண்ணியியல் அகழ்வுகள் தொடங்கியது. எரிமலை லாவாவிலிருந்து ஐஸ்லாந்து மின்சாரம் எடுப்பதாலும், பனிப்பிரதேசம் என்பதால் கணினிகளைக் குளுமையாக வைத்துக் கொள்ள நிதி செலவழிக்க வேண்டியதில்லை என்பதாலும் இங்கு அதிக அளவில் எண்ணியியல் அகழ்வகங்கள் அமைக்கப் பட்டன ஐஸ்லாந்தின் வீடு சராசரியாக 700 Gwts மின்சாரத்தை உபயோகிக்கும் வேளையில் ஒரு எண்ணியல் அகழ்வு மையத்திற்கு எண்ணூற்றுக்கும் அதிமான Gwts மின்சாரம் செலவிடப்படுவதாக பிபிசி அறிக்கை அறிவிக்கின்றது. அப்படியானால் இங்கு நிறுவப்பட்டுக் கொண்டிருக்கும் எண்ணியியல் அகழ்வகங்களுக்காக தன்னுடைய மின்சார உற்பத்தியை ஐஸ்லாந்து அதிகரிக்குமா? அப்படி அதிகரிக்க வேண்டுமானால் புதிய மின் உற்பத்தி நிலையங்களை உருவாக்க வேண்டும். அப்படி உருவாக்க அவர்கள் அவர்களது இயற்கை சூழலை அழித்துத் தான் மின் நிலையங்களைக் கட்ட வேண்டும். அவர்கள் இத்தனைக் காலமாகப் பாதுகாத்து வந்த இயற்கை வளம் அழிவதோடு மட்டுமல்லாமல், மின் நிலையங்களை அமைக்கத் தேவையான நிதி எங்கிருந்து வரும்?

ஏறக்குறைய 10 சென்ட் நிலப்பரப்பில் இருக்கும் கிடங்குகளில் அடுக்கடுக்கான கணினிகள் நாள் முழுவதும் வேகவேகமாக வேலை செய்து கொண்டே இருக்கும். அங்கே மனிதர்களுக்கே வேலையில்லை. ஆனால் நமது வாகனம் ஒன்றை ஒரு இடத்தில் நாம் நிறுத்திவைத்து விட்டு வர அரை மணி நேரத்திற்கு நாம் கட்டணம் கட்டுகின்றோம். பத்து சென்ட் நிலத்தில் நான்கு பேர் குடும்பம் தங்கும் வசதி உடைய இரு வீடுகளையாவது கட்டலாம். இங்கே உயிரற்ற இயந்திரங்கள் ஒரு கம்பட்டக்கூடமாக கண்ணுக்குத் தெரியாத பணத்தை உருவாக்குகின்றேன் என்று மின்சாரத்தை இராட்சச வேகத்தில் குடிக்கின்றது. ஆனால் பயன்படுத்தும் மின்சாரத்திற்கு அரசிற்கு வரி கூட கட்டுவதில்லை. இது ஒரு நாட்டின் பொருளாதாரத்தை எப்படி உயர்த்தும் ? மக்களின் வாழ்வு நிலை இதனால் எவ்வாறு உயரும்? இதில் எந்த விதிகளையும் சார்ந்ததில்லாத செலவாணி என்ற புகழ் வேறு!

2021ம் ஆண்டு செப்டம்பர் 7ம் தேதி எல்சால்வடோர் நாட்டில் எண்ணியியல் செலவாணி சட்டப்பூர்வமாகப் புழக்கத்தில் வருகின்றது. ஆனால் அது பற்றி விழிப்புணர்வு இல்லாத பொது மக்கள் பல பிரச்சனைகளைச் சந்தித்து உள்ளனர். Bitcoin செயல்பாடு முழுவதையும் திறன்பேசியில் வேலை செய்யும் ஒரு குறுஞ்செயலியாக அந்த நாடு வெளியிட்டு உள்ளது.. மக்களை எண்ணியியல் செலவாணிக்குப் பழக்கபப்டுத்த $30 மதிப்புள்ள Bitcoin செலவாணியை இலவசமாகக் கொடுத்துள்ளது. இதனால் $400 மில்லியன் பணத்தை தன் அரசு மிச்சப்படுத்தும் என்று அந்நாட்டு அதிபர் Nayib Bukele கூறுகிறார்.

ஆனால் அந்நாட்டில் Bitcoinனின் பத்தாயமாக செயல்படும் Chivo-வும், Huawei என்ற திறன்பேசியிலும் தொழில்நுட்பச் சிக்கல்களால் சரியா வேலை செய்யாமல் அதன் பின் சரி செய்யப்பட்டது. Apple, Starbucks, McDonalds போன்ற நிறுவனங்கள் அந்த நாட்டில் எண்ணியியல் செலவாணியை வைத்து வர்த்தகம் செய்ததாகக் கூறுகின்றனர்.

எண்ணியியல் செலவாணியின் மதிப்பை அமெரிக்க டாலரின் மதிப்போடு ஒத்துப் பார்த்து, அதை ஒரு தங்கம், வெள்ளி போலப் பலர் மதிப்பிடுவதால் உலக பங்குச்சந்தைகளில் முதலீடு செய்கின்றனர். அதனாலேயே எண்ணியிஅல் அகழ்தல் ஒரு நல்ல லாபம் தரும் ஒரு தொழிலாக நம்பப்படுகின்றது.

இன்னும் பார்க்கலாம்…

முந்தைய தொடர்களை வாசிக்க:

இணைய வகுப்பறைக்கு இன்றியமையாத் தேவைகள் – சுகந்தி நாடார்

இணைய வகுப்பறைக்கு இன்றியமையாத் தேவைகள் 55 (Ethereum) – சுகந்தி நாடார்

இணைய வகுப்பறைக்கு இன்றியமையாத் தேவைகள் 57 (Monero, Titcoin, Zcash) – சுகந்தி நாடார்

Bookday 11/09/2021No Comments

Essential requirements for internet classroom (Excavation of Crypto Currencies) 61 - Suganthi Nadar. Book Day, Bharathi Puthakalayam

Web Series

இணைய வகுப்பறைக்கு இன்றியமையாத் தேவைகள் 61 – சுகந்தி நாடார்

எண்ணியல் செலவாணிகளை அகழ்தல்

ஒரு பொது மனிதனாக நீங்களும் நானும் எண்ணியியல் செலவாணிகளை அகழ்ந்து பொருளாதார முன்னேற்றம் காணப்போவதில்லை. ஆனால் நம் மாணவர்களின் எதிர்கால வேலை வாய்ப்பைப் பற்றிப் பேசிக் கொண்டு இருக்கும் போது கணினியின் மறுசுழற்சியும் கணக்கியல் முறைகளை ஆழமாகக் கற்றுக் கொள்வதாலும் எவ்வளவு முக்கியம் என்று பார்த்தோம். அதற்கு ஒரு ஆதாரமாக இந்த எண்ணியியல் அகழ்தலைக் (Cryptocurrency) கொள்ளலாம். எண்ணியியல் அகழ்தல் என்பது ஒரு எண்ணியியல் செலவாணியை எவ்வாறு உருவாக்குவது என்பதே!

எங்கள் இணைய வகுப்புப் பேராசிரியர் அடிக்கடி சொல்வார், ஒரு வண்டியைத் தேசிய சாலையில் ஓட்டிச் செல்பவருக்கு அந்த வண்டியைப் பழுது பார்க்க அவசியம் தெரிந்து இருக்க வேண்டும். அதே போலக் கணினியைப் பயன்படுத்தினால் மட்டும் போதாது ஒரு கணினி எவ்வாறு வேலை செய்கிறது என்பதைத் தெளிவாகத் தெரிந்து கொண்டால் எந்த ஒரு தொழில்நுட்பத்தையும் எளிதாகக் கற்றுக் கொள்வதோடு அந்த தொழில்நுட்பத்தை நம் தேவைக்கு ஏற்ப அதை வளைத்துக் கொடுக்கலாம்.

உதாரணத்திற்கு நாம் இன்று பயணம் போகப் பயன்படுத்தும் GPS தொழில்நுட்பத்தின் அடிப்படை விண்கலம் வழி புவியை ஆராய்ந்து அதன் வடிவங்களை அடையாளப்படுத்தி தரவுபடுத்துவதுதான். அப்படித் தரவுப்படுத்துதல் ஒரு நாட்டின் இராணுவத்திற்கு மிகவும் உதவியாக இருந்தது. ஒரு போர்க்காலத் தொழில்நுட்பமாகக் கண்டு பிடிக்கப்பட்ட தரவுத் தளம், இன்று உலகில் உள்ள அனைவருக்கும் ஒரு பயண வழிகாட்டியாக அமைந்துள்ளது. பல அரசுப்பணிகளில் இது முக்கியமான தரவாகக் கடந்த ஆறு ஏழு ஆண்டுகளாகப் பயன்படுத்தப்படுகின்றது. என்பதும் நமக்குத் தெரியும். ஆனால் இன்று பல காப்புறுதி நிறுவனங்கள் பயன்படுத்தும் ஒரு தொழில்நுட்பமாக வளர்ந்து விட்டது. அமெரிக்காவில் நாம் மனிதர்களுக்குக் காப்புறுதி வாங்குவது போல, அவர்களின் உடைமைகள் நிலம் வீடு ஊர்திகள் மருத்துவம் அனைத்திற்கு காப்புறுதி வாங்க வேண்டும். ஏதாவது பேராபத்தில் ஏற்படும் இழப்பைச் சரி செய்ய இந்த காப்புறுதி பணம் பயன்படும். காப்புறுதி என்று ஒன்று இல்லாமல் ஏற்படும் பொருள் நஷ்டத்தை ஒரு தனிநபரால் கண்டிப்பாய் சமாளிக்க முடியாது.

இன்றையக் கணினித் தொழில்நுட்பத்தில், அன்டித்து நிறுவனங்களுக்கும் எங்கே எப்போது எப்படியான பேராபத்து நிகழ இருக்கின்றது என்று முன்கூட்டியே அறிய முடியும். இதுவரை சேகரிக்கப்பட்ட தரவுகளிலிருந்து வெள்ள அபாயத்தில் இருக்கும் அஞ்சல் குறியீட்டு எண் பகுதிகளில் குடியிருப்பவர்கள் அனைவருக்கும் அசையாச் சொத்துக்களைக் காப்புறுதி செய்வதற்குக் காப்புறுதி நிறுவனங்கள் மறுத்து வருகின்றன. இதனால் பேராபத்து அடிக்கடி நிகழும் பகுதியில் வாழும் பலர் காப்புறுதி செய்ய வசதி இருந்தும் காப்புறுதி செய்ய இயலாமல் பெரும் நஷ்டம் அடைகின்றனர்.

இந்தப் பிரச்சனையைக் களைய விண்கலத்தின் படங்கள் தரும் தொழில்நுட்பத்தைப் பயன்படுத்தி ஒரு வீட்டின் அல்லது கடையின் உட்புற அமைப்பைத் துல்லியமாக அளந்து, வீட்டின் கட்டமைப்புக்களையும் துல்லியமாக அளந்து ஒவ்வோரு வீட்டுச்சொந்தக்காரரும் பேராபத்திலிருந்து தனது வீட்டைப் பாதுகாக்க என்ன செய்து இருக்கின்றார் என்று தெரிந்து கொள்ள வசதி செய்யப்பட்டு உள்ளது. இதனால் பொதுவாக ஒரு அஞ்சல் குறியீட்டு எண்ணின் கீழ் இருக்கும் அனைவருக்கும் காப்புறுதி மறுப்பதை விட ஒவ்வோரு வீட்டின் பாதுகாப்பு விவரங்களை வைத்துத் தனித் தனி நபருக்குக் காப்புறுதி பெற்றுக் கொள்ள உதவும் தொழில்நுட்பம் இன்று பயன்படுத்தப்படுகிறது. அதைப் போலவே இன்றைய எண்ணியியல் செலவாணித் தொழில்நுட்பத்தை நாம் பயன்படுத்தாவிட்டாலும் எதிர்காலத்தில் இந்தத் தொழில்நுட்பத்தைத்திறமையாகக் கையாண்டு எதிர்காலப்பிரச்சனைக்கான தீர்வின் அடிப்படையாக எண்ணியியல் செலவாணித் தொழில்நுட்பம் அமையலாம்.

எங்கள் பேராசிரியர் சொல் பின்பற்றி ஒரு எண்ணியல் தொழில்நுட்பத்தின் உயிர் நாடியான அகழ்தல் முறை பற்றிப் பார்ப்போம் பாளச் சங்கிலியில் உள்ள தரவுகளை அகழ்தல் நடைபெறாமல் நின்றுவிட்டால் எண்ணியியல் செல்வாணி என்ற ஒரு தொழில்நுட்பமே நின்று விடும்.. வளர்ந்து வரும் எதிர்காலப் பொருளாதாரத்தின் அடிப்படையே நிரல்கள் தான் என்னும் போது அகழ்தல் வகைகளைப் புரிந்து கொண்டால் அடுத்து எண்ணியியல் அகழ்தலைப் பற்றி ஆழமாகப் பார்க்கலாம்

எண்ணியியல் அகழ்தல் செய்ய ஒரு சில கருவிகள் முக்கியமானவை இன்று பயன்பாட்டில் இருக்கும் அனைத்து எண்ணியியல் செலவாணிகளுக்கும் அடிப்படைத் தொழில்நுட்பம் மறைக்குறியாக்கபப்ட்ட எண்ணியியல் பாள சங்கிலிதான் என்றாலும் ஒவ்வோரு எண்ணியியல் செலவாணியையும் அகழும் கணக்கீடு முறை மாறுபடுகின்றது. எண்ணியல் செலவாணியின் அகழும் நிரல்கள் செய்யும் பணியிலும் வேறுபாடுகள் இருக்கிறது. ஒவ்வோரு எண்னியியல் செலவாணி அகழ்வதில் ஒற்றுமைகள் இருந்தாலும் வேறுபாடுகளும் உள்ளன. என்ன வேறுபாடான கணக்கீடு முறைகளைக் கொண்டிருந்தாலும் எல்லா செலவாணிகளின் அடிப்படை உபகரணங்கள் ஒன்றே.

அதிக அளவு மின்சாரம்
GPU கணினிகள்
அகழ்தல் செயலைச்செய்யும் கணக்கீடுகள்

ஆகிய இவை மூன்றும் எண்ண்னியியல் அகழ்தலின் கருவிகள், பயன்படுத்தும் உபகரணங்களையும் பாளச்சங்கிலியின் அளவையும் கொண்டு எண்ணியியல் அகழ்தலின் வகைகள் அமைக்கின்றன

அதிக அளவு மின்சாரம்

ஒரு எண்ணியல் செலவாணியை இன்றைய நிலையில் உருவாக்கத் தேவையான மின்சாரம் அமெரிக்க வீடுகளில் ஏறத்தாழ பத்து வீடுகளின் மின்சார தேவைக்குப் பயன்படுத்திக் கொள்ளலாம் என்பது ஆய்வாளர்களின் கருத்து. பொதுவாக அமெரிக்க வீடுகளில் 24 நான்கு மணிநேரமும் நிறுத்தாமல் மின்சாரம் வந்து கொண்டு இருக்கும் தோராயமாக ஒரு அமெரிக்க வீட்டில் 870 KW மாதத்திற்குப் பயன்படுத்தப்படுகின்றது.எண்ணியியல் செலவாணீயை இயக்கும் ஒரு கணினி இயங்க ஏறத்தாழ ஒரு நாளுக்கு 8700 KW தேவைப்படுகின்றது.இதை வைத்து ஒரு எண்ணியியல் செலவாணையை உற்பத்தி செய்ய எவ்வளவு மின்சாரத்தை ஒரு கணினி உறுஞ்சுகின்றது என்பதைப் புரிந்து கொள்ளலாம்.

எண்ணியியல் செலவாணியை அகழ உதவும் கணினிக்கான மின்சாரத்தை வைத்து ஏறத்தாழ 35 வீட்டுச் சலவை இயந்திரங்களை ஒரே நேரத்தில் இயக்கலாம்.BBC நிறுவனம் வெளியிட்டுள்ள அறிக்கையில் ஏறத்தாழ121.36TWh அளவு மின்சாரத்தை 2020ம் ஆண்டில் மட்டும் bitcoin எண்ணியியல் செலவாணி அகழ்தல் பயன்படுத்துகின்றது.. உலகின் பல நாடுகளின் வருடாந்திர மின்சார நுகர்வு இதை விடக்குறைவு தான். வருடத்திற்கு இந்தியா ஏறத்தாழ 1000TWh மும் அமெரிக்கா 5000TWhமும் மின்சாரத்தை நுகர்கின்றன. இலங்கையின் மின்சார நுகர்வு ஏறத்தாழ 13 Twh தான்.எண்ணியல் செலவாணி அகழ்வதற்கு ஏன் இவ்வளவு ஆகின்றது என்று அகழ்தல் வகைகளைப் பற்றிப் பார்க்கும் போது நாம் தெரிந்து கொள்ளலாம்.

அடுத்து எண்ணியியல் அகழ்தலுக்கான கணினி எப்படிப் பட்ட தாக இருக்க வேண்டும்.என்று காணலாம்.

GPU கணினிகள்

இந்த வகைக் கணினிகள் நாம் பயன்படுத்தும் அன்றாட மேஜைக் கணினிகளிலிருந்தும் மடிக்கணினிகளிலிருந்தும் வேறுபடுகின்றன. CPU என்பது நமது அன்றாட வேலைகளைச்செய்யப்பயன்படுத்தும் கணினியாகும் GPU என்பது அன்றாட பயன்பாடுகளை விட அதிகமான தரவுகளை விரைவாகச்செய்ய வல்ல திறன் கொண்ட கணினிகள் ஆகும் இவை முப்பரிமாணப்படங்கள் விளையாட்டுக்கள்,காணொளிகளை உருவாக்கி வெளியிடுதல் திரைப்படத்துறை ஆகிய துறைகளில் பெரிதும் பயன்படுத்தப்படுகின்றன. இவை இக்கணினி தன்னுடைய அன்றாட வேலையைச்செய்யும் அதேநேரம், முப்பரிமாணப்படங்கள் அசைவூட்டங்கள் ஆகிய வேலைகள் கொடுக்கும் அதிகபட்ச வேலைகளையும் விரைவாகச் செய்து கொடுக்கின்றன. தற்போது கணினி நிறுவனங்களும் எண்ணியியல் அகழ்தலுக்கான பிரத்தியேக கணினிகளை உருவாக்குகின்றனர். இவை ASIC Application specific integrated circut என்ற மின் சுற்றுக்கள் கொண்டு அமைந்துள்ளன. இது தவிர Field-programmable gate array என்ற மின்ச்சுற்றுக்கள் கொண்டும் கணினிகளும் உருவாக்கப் படுகின்றன. இந்தவகை மின்ச்சுற்று இருந்தால் கணினி பயனர் தங்கள் கணினியைத் தங்களுக்கு ஏற்றவாறு அமைத்துக் கொள்ள முடியும். இத்தகைய கணினி வன்பொருட்களை உருவாக்குவதில் சீன நாடு முன்னிலையில் உள்ளது.

எண்ணியியல் செலவாணியை அகழ்வோரின் வகைகள் ஒரு சில காரணிகள், ஒருவரின் உபகரணங்களைப் பொறுத்தும், கணினி நிரலியல் அறிவையும் அனுபவத்தைப் பொறுத்தும், கணிதப்புதிரின் சிக்கலைப் பொறுத்தும் எவ்வளவு வேகமாகப் புதிர்களை விடுவிக்க வேண்டியுள்ளது என்பதைப் பொறுத்தும் வகைப்படுத்தப்படுகின்றது

எண்ணியியல் அகழ்தல்

தனிநிரலர் அகழ்தல் (individual mining)
கூட்டு அகழ்தல் (Pool mining)
கொளுவுவழி அகழ்தல் (cloud mining) என்று மூன்று வகையாகப் பிரிக்கலாம்.

எண்ணியியல் செலவாணி கண்டுபிடிக்கபப்ட்ட 2009களில் ஒரு கணினி நிரலர் தனது அன்றாடக் கணினியையே எண்ணியியல் செலவாணியைப் பயன்படுத்தினார். இப்படி ஒரு தனிமனிதன் தன் கணினி கொண்டு ஒரு எண்ணியியல் பரிவர்த்தனையைச் சரி பார்த்தால் அது தனிநிரலர் அகழ்தல் என்று அழைக்கப்பட்டது.

பல நிரலர்கள் சேர்ந்து சேர்ந்து கணிதப்புதிர்கலை விடுவிக்கும் போது அதைக் கூட்டு அகழ்தல் என்று கூறிக்கொள்ளலாம். இத்தகைய குழு அகழ்தலும் சீன நாட்டிலேயே அதிகமாக நடைபெற்று வருகிறது. இந்த குழுக்களுடன் இணைந்து ஒருவர் தனது கணினியின் சக்தியைப் பங்கு போட்டுக் கொள்வதோடு கணிதப் புதிர்களையும் விடுவிக்கின்றார் இவர்கள் தங்களுக்குப் பரிசாகக் கிடைக்கும் எண்ணியியல் செலவாணியை தங்களூக்குள்ளே பங்கிட்டு கொள்கின்றனர். ஒருவர் கூட்டு அகழ்தல் முறையில் அகழ்தலை மேற்கொள்ள நினைத்தால் அதை ஒரு பொழுது போக்காகச் செய்ய இயலும். எண்ணியல் அகழ்தல் குழு ஒன்றில் தன்னை அவர் இணைத்துக் கொண்டு. அந்தக் குழுவுக்கான மென்பொருளைத் தனது கணினியில் தரவிறக்கிக் கொள்ள வேண்டும். இப்படிக் குழுவில் சேரும் போது எண்ணியியல் செலவாணியின் பிணைப்பில் (p2p network) ஏற்கனவே இருக்கும் ஒரு கணினியின் (node) கிளையாகச் செயல்பட முடியுமே அன்றி தனித்தொரு node ஆக மாற இயலாது. இந்தக் கணினியில் உள்ள எண்ணியியல் பத்தாயத்தையும் (wallet) மற்ற பொது மக்களின் எண்ணியியல் செலவாணியின் பரிவர்த்தனைக்குப் பயன்படுத்திக் கொள்ளலாம். எண்ணியியல் செலவாணியின் பிணையத்தில் இணையும் எந்த ஒரு கணினிக்கும் எண்ணியியல் பத்தாயம் இருக்கும் என்பதை நினைவு கொள்வது நலம். இவ்வாறு ஒரு குழுவில் இணைந்த பின் கூட்டு அகழ்தலில் இணைந்தவருக்கும் அவரது பங்கினைப் பொறுத்து பரிசுத் தொகை பிரித்துக் கொடுக்கப்படும். இந்த கூட்டு அகழ்தலின் பிணைப்பில் இணைந்து இருப்பவர்கள் தங்கள் குழுவிற்கான விதிகளை அடிக்கடி சரிபார்த்துக் கொள்வது நல்லது. ஏன் என்றால் ஒரு குழுவின் இன்றைய தேவைகளும் விதிகளும் நாளையே மாறிப்போகலாம்.

புதிய எண்ணியியல் செலவாணிகள் உருவாக உருவாக கணிதப்புதிரின் சிக்கல் அதிகமாகிறது. ஒரு கணினிக் கையாளவேண்டிய தரவுகளின் சுமையும் அதிகமானது, அதனால் இப்போது எண்ணியியல் செலவாணியை அகழ்வதற்குப் பயனாளரே தன் தேவைக்கு ஏற்ப மாற்றி அமைக்கக் கூடிய கணினி மின் சுற்றுக்களும்,பயன்பாடுகள் சார்ந்த ஒருங்கிணைந்த மின்ச்சுற்றூக்களும் கொண்ட கணினிகள் தேவை. கணினிகளுக்கான வன்பொருட்களின் தேவையும் அதிகரிக்கின்றது. இவற்றின் அளவும் விலையும் அதிகம்.எனவே சில நிறுவனங்கள் இந்த சக்தி வாய்ந்த கணினிகளையும் மற்ற வன்பொருட்களையும் ஒரு பெரிய இடத்தில் வைத்து அதை அகழும் குழுக்களுக்கென்று வாடகைக்கு விடுகின்றனர். இப்படி வன்பொருட்களை வைக்கும் இடம் மின்சாரத்திற்குக் குறைவான கட்டணத்தை வசூலிக்கும் நாடுகளில் தங்கள் நிறுவனங்களை நிறுவுகின்றனர்.அமெரிக்க கனேடிய நிறுவனங்கள் சீன நாட்டில் இது போன்ற நிறுவனங்களை நிறுவியுள்ளனர்.

இந்த எண்ணியியல் வன்பொருள் நிறுவனத்தோடு இன்னும் சில கணினிகள் (nodes) இணைந்து உருக்கலாம் எண்ணியியல் அகழ்விற்கான வன்பொருட்கள் ஓரிடத்திலும் எண்ணியிலின் சொந்தக் காரர் இன்னொரு இடத்திலும் இருப்பதால் இது கொளுவு அகழ்தல் என்று அழைக்கப்படுகின்றது

இன்னும் பார்க்கலாம்…

முந்தைய தொடர்களை வாசிக்க:

இணைய வகுப்பறைக்கு இன்றியமையாத் தேவைகள் – சுகந்தி நாடார்

இணைய வகுப்பறைக்கு இன்றியமையாத் தேவைகள் 55 (Ethereum) – சுகந்தி நாடார்

இணைய வகுப்பறைக்கு இன்றியமையாத் தேவைகள் 57 (Monero, Titcoin, Zcash) – சுகந்தி நாடார்

Bookday 08/09/2021No Comments

Essential requirements for internet classroom (Cryptocurrency Company And Trade Centers) 59 - Suganthi Nadar. Book Day, Bharathi Puthakalayam

Uncategorized

இணைய வகுப்பறைக்கு இன்றியமையாத் தேவைகள் 60 – சுகந்தி நாடார்

எண்ணியியல் செலவாணி வர்த்தக மையங்களும் அவற்றிற்கான எச்சரிக்கைகளும்

உலகம் முழுவதும் எண்ணியியல் செலவாணி வர்த்தக மையங்கள் இருந்தாலும், புவியில் ஒரு இடத்திலிருந்து கொண்டு உலகம் முழுவதும் வாடிக்கையாளர்களைக் கொண்டு இருந்தாலும் அமெரிக்காவின் பொருளாதார சூழலை முன்னிட்டு அந்நாட்டிலுள்ள எண்ணியல் பரிவர்த்தனை மையங்களே இன்று முன்னணியில் இருக்கின்றன.

Binance, Coinbase, Kraken, Robinhood ஆகியவை அமெரிக்காவில் பிரபலமாக உள்ளன. இவை தவிர Paypal போன்ற நிறுவனங்களும் எண்ணியியல் செலவாணி வர்த்தக மையங்களாகச் செயல் படத் தொடங்கியுள்ளன.WazirX இந்தியாவில் உள்ள பெரிய எண்ணியியல் செலவாணி வர்த்தக நிறுவனம் ஆகும்.

Binance

இன்றைய எண்ணியல் பொருளாதாரத்தில் ஒரு எண்கால் சிலந்தி மீனாய்த் தன் கால்களைப் பதித்து இது உருவெடுத்து உள்ளது. 2017ம் ஆண்டு சீன நாட்டில் சன் பெங்சாங்(Changpeng Zhao என்ற சீனக் கனேடியரால் உருவாக்கபப்ட்ட இந்நிறுவனம் Binance என்றும் Binance.com என்றும் இரு பெயர்களில் அமெரிக்காவில் இயங்கியது. Binance அமெரிக்க நாட்டின் சட்டதிட்டங்களால் ஒடுக்கப்பட்டதால் இன்று Binance.com என்ற பெயரில் தன் எண்ணியியல் பொருளாதார நடவடிக்கைகளை அமெரிக்காவில் செய்து வருகின்றது. க்யூபா நாட்டின் தெற்கே உள்ள சிறிய தீவுக்கூட்டமான கேமன் தீவுகளில் இதன் அலுவலகம் உள்ளது. அன்றைய இங்கிலாந்து பேரரசின் ஒரு அங்கமாக இருந்த இத் தீவுகள் இன்று கடல் கடந்து பொருளாதார நிறுவனங்களை அமைக்க வல்ல வரிச்சட்டங்களைக் கொண்டது இந்தத் தீவு என்பது குறிப்பிடத்தக்கது. இன்றைய நிலையில் சீன நாட்டிலும் இங்கிலாந்திலும் கூட இந்த நிறுவனம் சட்டப்பூர்வமாகத் தடை செய்யப்பட்டுள்ளது. ஜெர்மனியிலும் இப்போது சட்டங்களின் கெடுபிடிக்கு ஆளாகி உள்ளது.

ஆனால், தனக்கென்று தரவியல் பாளச்சங்கிலித் தொழில்நுட்பம் அதற்கான எண்ணியியல் பத்தாயம் அந்தத் தொழில்நுட்பத்திற்கான ஆராய்ச்சி, புதிய எண்ணியியல் செலவாணி நிறுவன்ங்கஅள் தொடங்க உதவி செய்யும் தளம், அப்படி உருவாகும் நிறுவனங்களில் முதலீடு செய்ய விரும்புபவர்களின் கூட்டமைப்பு, எண்ணியியல் செலவாணீகளின் தகவல் களஞ்சியம் என்ணியியல் செலவாணி பற்றிய கல்விக்கூடம் எண்ணியியல் செலவாணி மையம் என்று தன்னைப் பற்றிக் கூறிக்கொள்கிறது இந்நிறுவனத்தின் தளம்

Coinbase

முழுக்க முழுக்க இணையம் வழி செயல்படும் இந்த நிறுவனம் 2012; ப்ரையன் ஆம்ஸ்ட்ராங்க் (Brian Armstrong), ப்ரெட் எர்ஷம் (Fred Ehrsam) என்ற இரு அமெரிக்கர்களால் தொடங்கப்பட்டது. இருவருமே கணினியாளர்கள் ப்புளூம்பர்க் கணினி தரவுத் தளத்தின் வழி அமெரிக்கப் பங்குச் சந்தையில் இடம் பெற்றுள்ளது.

இந்நிறுவனம் Bit coin எண்ணியியல் செலவாணியை பரிவர்த்தனை செய்ய உதவுகின்றது. சுரோஜித் சட்டர்ஜி மனீஷ் குப்தா என்ற இரு இந்தியர்கள் இந்த நிறுவனத்தின் நிருவாகக் குழுவில் இருக்கின்றனர். இந்தப்பரிவர்த்தனை நிறுவனம் அளிக்கும் சேவைகளில் முக்கியமானது, கணினி நிரல்கள் வழியாகவே வாடிக்கையாளர் தங்களுடைய எண்ணியியல் பொருளாதாரப் பரிவர்த்தனைகளைச் செய்து கொள்ள முடியும். அவர்கள் சுயமாகத் தங்களின் எண்ணியியல் பரிவர்த்தனைகளைக் கண்காணிக்க வேண்டிய அவசியம் இல்லை.

தனி நபர்களுக்கும் நிறுவனங்களுக்கும் பரிவர்த்தனைக் கணக்கு ஏற்படுத்திக் கொள்ள இந்நிறுவனத்தில் வழியுண்டு தங்களுக்கென்று ஒரு எண்ணியியல் பாளத்தை உருவாக்கி அதன் மூலம் எண்ணியியல் பாளச்சங்கிலி கட்டமைப்பை உருவாக்கும் ரொசெட்டா என்னும் திறவூற்று நிரல் தொகுப்பை இந்நிறுவனம் வெளியிட்டு உள்ளது.

Kraken

பே வார்ட் (payward)என்ற நிறுவனத்தானலும் அதன் தலைவர் ஜான் பெளல்(John Powel) என்பவராலும் நிறுவகிக்க்ப்படும் ஒரு எண்ணியியல் பரிவர்த்தனை மையம் இது. ஸ்காண்டிநேவிய நாடோடிக்கதைகளில் வர்ணிக்கப்படும் ஒரு மந்திரக் கடல் பிராணியின் பெயரைக் கொண்டதாகும் இது 2011ல் தொடங்கப்பட்டது. அமெரிக்காவின் கலிபோர்னியா மாகாணத்தில் இந்நிறுவனத்தின் அலுவலகம் உள்ளது. ப்புளூம்பர்க் கணினி தரவுத் தளத்தின் வழி, Coinbase நிறுவனத்தைப் போல அமெரிக்கப் பங்குச்சந்தையில் ஒரு நிறுவனமாக இது மக்களால் அறியப்பட்டது.

வாடிக்கையாளர்களின் தனியுரிமையைப் பாதுகாப்பதும் அவர்கள் எண்ணியியல் செல்வத்தைப் பாதுகாப்பதையும் முதன்மைக் கொள்கையாய் கொண்டுள்ளதாக இந்தஎண்னியியல் பரிவர்த்தனை நிறுவனம் கூறுகின்றது பொதுமக்களுக்கும் நிறுவனங்களுக்கும் எண்ணியியல் செலவாணி பரிவர்த்தனை செய்ய வழி செய்வதோடு எண்ணியியல் செலவாணியை ஒரு பண்டகமாகப் பரிமாற்றமாகப் பங்குச்சந்தையில் விற்கவும் இந்நிறுவனம் வழி செய்கிறது,

Robinhood

வால்ட் தென்வ் (Vlad Tenev )என்ற பல்கேரிய அமெரிக்கர் பைஜீபட் (Baiju Bhatt) இந்திய வம்சாவளி அமெரிக்கர் ஆகிய இருவரால் தொடங்கப்பட்ட பங்குச்சந்தை நிறுவனம். புதியதாகத் தொடங்கும் நிறுவ்னாங்களின் அறிக்கையை அதிவேகமாக வாடிக்கையாளர்களுக்கு எடுத்துச் செல்லும் வசதி இந்தத் தொழில்நுட்பத்தில் உள்ளது. பங்குச்சந்தை பற்றி அதிக அனுபவமும் விவரமும் தெரியாத இளைஞர்களும் காலையில் நிறுவனத்தின் பங்குகளை வாங்கி, மாலையில் விற்கும் வாடிக்கையாளர்களாக்கவும் இணையம் வழியும், அலைபேசியின் குறுஞ்செயலி வழியும் பங்குச்சந்தை நடவடிக்கைகளில் ஈடுபட உதவும் ஒரு கணினித் தொழில்நுட்ப நிறுவனமாக இது உருவாகியது. பொதுவாகப் பங்குச்சந்தை தரகர்கள் வாடிக்கையாளர்களுக்கும் பங்குச்சந்தைக்கும் இடையில் இருப்பர் அவர்களது தரகுக்கூலியைக் கொடுக்காமல் ஒரு தனிமனிதர், தானாகவே பங்குகளைப் பரிவர்த்தனை செய்ய இந்த நிறுவனம் உதவுகிறது, இளைஞர்கள் தங்கள் நிதியை நிர்வகிக்கும் ஒரு செயலியாகவும் இதைப் பயன்படுத்துகின்றனர்.பங்குகள் தவிர தற்போது எண்ணியல் செலவாணி வர்த்தகத்திலும் இந்நிறுவனம் ஈடுபடுகின்றது

கணினித் தொழில் நுட்பம் கொண்டு வந்த எதிர்மறை விளைவுகளைத் தவிர்த்து, எண்ணியல் செலவாணி தொழில்நுட்பம் ஒரு ஆக்க சக்தியாக வளர வேண்டுமெனில் பொது மக்களுக்கு அதைப்பற்றிய விழிப்புணர்வு இத் தொழில்நுட்பத்தின் தொடக்கக் காலத்திலேயே இருக்க வேண்டும்.

கணினித் தொழில்நுட்பம் இராட்சசத் தனமாகவளர்ந்து, இன்றைய உலக நுகர்வோர் பயன்பாட்டில் முதல் இடத்தை பெற்று இருப்பதைப் போல எண்ணியியல் செலவாணி தொழில்நுட்பமும் நுகர்வோரின் கவனத்தைக் கவரும் என்று இந்நிறுவனங்கள் நினைக்கின்றன. அதனால் எண்ணியியல் செலவாணி தொழில்நுட்பத்தை மக்களிடையே சந்தைப் படுத்துதலில் எண்ணியியல் செலவாணி நிறுவனங்கள் முனைப்புடன் செயல்பட்டு வருகின்றனர் கணினித் தொழில்நுட்பம் ஒரு நுகர்வோர் பொருளாக மாறியக்காலக்கட்டத்தில் பொதுமக்களிடையே சரியான விழிப்புணர்வு இல்லாத காரணத்தால் பல பாதிப்புக்களை மக்கள் சந்தித்த பின்னாலேயே அனைத்து அரசாங்கங்களும் தங்களது கணினித் துறையைச் சீர்படுத்துவதில் இறங்கியுள்ளன. கணினித் தொழில்நுட்பம் மக்களின் வாழ்க்கையிலும் வணிகத்திலும் உலகப் பொருளாதாரத்திலும் ஏற்படும் சீர்கேடுகளையும் பாதிப்புகளையும் தவிர்த்து தங்களுடைய குடிமக்களைக் காப்பாற்றப் பல அரசுகள் புதிய சட்டங்களையும், விதிமுறைகளையும் கொண்டு வந்து கொண்டே இருக்கின்றனர்.

நிரலர்கள் விடுவிக்கும் புதிரால் உருவாகும் எண்ணியல் செலவாணி பொதுப் புழக்கத்தில் வர வேண்டும் என்றால் எண்ணியியல் செலவாணியை உருவாக்குபவர்களும் அதைப் பயன்படுத்தக் கூடிய நுகர்வோருக்கும் இடையில் இரு இடைத் தரகு தேவையாய் இருக்கிறது.பொதுமக்களுக்கும் ஒரு அரசின் கருவூலத்திற்கும் இடையே வங்கிகள் இருப்பது போல எண்ணியல் செலவாணி பரிவர்த்தனை நிறுவனங்கள் காளான்கலாய் முளைத்து உள்ளன. இந்தப் பரிவர்த்தனை நிறுவனங்களின் இணைய தள அறிவிப்புக்களையும் சமூக வலைத்தள செய்திகளையும் உடனடியாக நம்பி விடாமல் Trust pilot Rediff போன்ற தளங்களிலும் வாடிக்கையாளர்களின் பின்னூட்டம் கருத்து ஆகியவற்றைப் படித்துத் தெரிந்து கொண்ட பின்னரே ஒருவர் இந்த எண்ணியியல் செலவாணியின் பயனாளராகவோ வர்த்தகராகவோ மாற வேண்டும். என்னதான் எண்ணியியல் செலவாணி என்று சொன்னாலும் இந்நிறுவனங்கள் தங்கள் தரகுக்கூலியாக தட்டை செலவாணி என்று அழைக்கப்படும் அரசு செலவாணிகளையே பெறுகின்றன என்பதால் வாடிக்கையாளர்கள் நஷ்ட்டபடமால் இருப்பது அவர்கள் கையில் தான் உள்ளது.ப

அமெரிக்காவின் Securities and Exchange Commission, Securities and Exchange Board of India, National Stock Exchange of India Limited என்ற அரசு நிதி சட்ட ஒழுங்கு ஆணையங்களை அணுகி எண்ணியல் செலவாணி பற்றிய விவரங்களையும் எச்சரிக்கைகளையும் தெரிந்து கொள்ள வேண்டும்.

முந்தைய தொடர்களை வாசிக்க:

இணைய வகுப்பறைக்கு இன்றியமையாத் தேவைகள் – சுகந்தி நாடார்

இணைய வகுப்பறைக்கு இன்றியமையாத் தேவைகள் 55 (Ethereum) – சுகந்தி நாடார்

இணைய வகுப்பறைக்கு இன்றியமையாத் தேவைகள் 57 (Monero, Titcoin, Zcash) – சுகந்தி நாடார்

Bookday 28/08/20211

Web Series

இணைய வகுப்பறைக்கு இன்றியமையாத் தேவைகள் 59 – சுகந்தி நாடார்

எண்ணியல் செலவாணி வர்த்தக மையங்கள்

எண்ணியல் செலவாணி நிறுவனங்கள், தங்களுடைய இணைய தளத்திலேயே எண்ணியியல் செவாணியை வைப்பதற்குப் பத்தாயங்களை விற்றாலும், ஒரு எண்ணியியல் செலவாணியிலிருந்து இன்னொரு செலவாணிக்கு மாற்றும் வசதியைச் செய்து தரவில்லை. இந்தக் குறையைப் போக்கவே எண்ணியியல் பரிவர்த்தனை நிறுவனங்கள் தோன்றியுள்ளன.

எண்ணியியல் செலவாணி வர்த்தக மையம் என்பது இருவகையானப் பரிவர்த்தனைகளைச் செய்கின்றது. முதலாவது, ஒரு எண்ணியியல் செலவாணியிலிருந்து இன்னொரு எண்ணியியல் செலவாணிக்கு மாற்றிக் கொடுக்கின்றது. இரண்டாவது ஒரு நாட்டின் செலவாணியை வாடிக்கையாளருக்கு அவர் விருப்பப்பட்ட எண்ணியியல் செலவாணியாக மாற்றித் தருகிறது.

ஒரு வாடிக்கையாளர் எந்த ஒரு எண்ணியியல் செலவாணியை வைத்து இருக்கின்றாரோ அதன் நிரல் முறைத் தொடர்பான எண்ணியியல் பத்தாயத்தையே அவர் தனது கணினியில் வைத்து இருக்க முடியும். தன்னிடம் இருக்கும் ஒரு எண்ணியியல் பத்தாயத்தை அந்தப்பத்தாயத்தைச் சார்ந்த எண்ணியியல் செலவாணியைத் தான் வைத்து இருக்க இயலும் அதனால் இன்னுமொரு எண்ணியியல் பத்தாயத்திற்கு மாற்ற வேண்டுமானால் முதலில் எண்ணியியல் வர்த்தக மையங்களில் கணக்கு ஒன்றைத் தொடங்க வேண்டும் இரண்டாவது எண்ணியியல் செலவாணிக்கென தனியாக எண்ணியியல் பத்தாயம் வைத்து இருக்க வேண்டும், அல்லது கணக்கு வைத்திருக்கும் எண்ணியியல் வர்த்தக மையங்களில் இணையப் பத்தாயம் ஒன்றை வாங்கி வைத்து இருக்க வேண்டும்.

எண்ணியியல் வர்த்தக மையங்கள் இணையம் வழியாக மட்டுமே செயல்படுவதால், ஒரு எண்ணியியல் பரிவர்த்தனை மையத்தில் கணக்கு வைத்திருக்கும் வாடிக்கையாளரின் எண்ணியியல் பத்தாயம் இணையத்திலேயே இருக்கும்.

எந்த ஒரு எண்ணியியல் பரிவர்த்தனை மையத்தில் வாடிக்கையாளர் கணக்கு வைத்திருந்தாலும் அங்குக் கணக்கு வைத்திருப்பதற்கு ஒரு தொகையைக் கொடுத்து கணக்கைத் தொடங்க வேண்டும். ஒரு வாடிக்கையாளர் தன்னிடம் இருக்கும் எண்ணியல் செலவாணியை இந்த சந்தைகளில் விற்க வேண்டுமென்றால் அவற்றைச் சந்தையில் பட்டியலிட வேண்டும். அப்படி ஒரு குறிப்பிட்ட சந்தையில் பட்டியல் இடவும் ஒரு கூலித் தொகை வசூலிக்கப்படுகிறது. அதேபோல ஒவ்வோரு முறை ஒரு எண்ணியியல் நாணயத்திலிருந்து இன்னொரு எண்ணியல் நாணயத்திற்கு மாற்றும் போதும் ஒரு அரசின் செலவாணியாக மாற்றும் போதும் அதை மாற்றிக் கொடுப்பதற்கான பணத்தையும் தரகுக் கூலியாக கொடுக்க வேண்டும். இந்த எல்லாக் கூலி வகைகளும் ஒரு நாட்டின் செலவாணியில் கொடுக்க வேண்டும். இந்த வர்த்தக மையங்களில்

இந்த செயல் முறைகளைப் பார்க்கும் போது ஒரு எண்ணியியல் வர்த்தக மையம் ஒரு பங்குச்சந்தை போலவும் வங்கி போலவும் ஒரே நேரத்தில் வேலை செய்கின்றது. பண்டங்களின் சந்தை போல எண்ணியியல் செலவாணிகளின் கொடுக்கல் வாங்கல் இந்த வர்த்தக மையங்களில் நடைபெறுகின்றது, இந்த எண்னியியல் வர்த்தக மையங்களில் ஒரு செலவாணியின் விலை பங்குச்சந்தை செய்திகளிலும், ஒரு முதலீட்டுச் செல்வமாகவும் பொருளாதார வல்லுநர்களால் பேசப் படுகின்றது. ஆனால் இன்றைய நிலையில் எண்ணியல் செலவாணியைக் கைவசம் வைத்திருக்கும் ஒரு வாடிக்கையாளர்களை விட இந்த வர்த்தக மையங்களே அதிக வருவாயை ஈட்டுகின்றன.

வர்த்தக மையங்கள் என்று சொன்னவுடன் நமக்குப் பங்குச்சந்தை போன்ற ஒரு கட்டமைப்பு கண்ணுக்குள் வரும். ஆனால் எல்லா வர்த்தக மையங்களும் ஒரு குறிப்பிட்ட நிரல் வரைமுறையைக் கையாளும் ஒரு கணினி சேமிப்பகங்களே ஆகும்.

எண்ணியியல் அனைத்துமே ஒரே மாதிரி சேவைகளைப் பல விதமான பெயர்களில் அழைத்துக் கொள்கின்றன வாடிக்கையாளர்களைத் தரம் பிரித்து ஒவ்வோருக்கும் ஏற்ப விற்பனை உத்திகளையும் சேவைகளையும் வழங்குகின்றன. எப்படி கணினி தொழில்நுட்பம் புழக்கத்திற்கு வந்த போது பல்வேறு இயங்குதளங்கள் இருந்தனவோ அது போல இன்று புழக்கத்தில் இருக்கும் தனித்துவம் வாய்ந்த ஒவ்வோரு எண்ணியியல் செலவாணியும் பொதுவாகப் புழங்கப்படும் இடமாக இந்த எண்ணியியல் வர்த்தக மையங்கள் விளங்குகின்றன.

ஒரு வாடிக்கையாளர், ஒரு எண்ணியியல் பரிவர்த்தனை நிறுவனத்தை உருவாக்கும் போது எண்ணியியல் செலவாணி பற்றிய அந்தந்த நாட்டின் சட்டதிட்டங்களைத் தெரிந்து கொண்டும், எண்ணியியல் செலவாணி வர்த்தக மையங்களின் இணையப் பாதுகாப்பு வழி முறைகளையும் தெரிந்து கொண்டு ஒரு விழிப்புணர்வோடு தங்கள் பணத்தைச் செலவு செய்ய வேண்டும். இந்தியாவில் எண்ணியியல் செலவாணியின் வர்த்தகம் சட்டத்திற்குப் புறம்பானது இல்லை.அமெரிக்காவில் ஒரு சில நிறுவனங்களுக்குச் சட்ட அனுமதி உண்டு. தொழில் நுட்பத்தில் இன்று முன்னணியில் இருக்கும் சீன நாட்டில் இந்த வர்த்தகமும் தொழில்நுட்பமும் சட்டத்திற்குப் புறம்பானதாக அறிவிக்கப்பட்டுள்ளது.

எண்ணியல் செலவாணி வர்த்தக மையங்களின் இன்றைய நிலை :

ஜப்பானிய எண்ணியியல் சந்தை Liquid அண்மையில் வெளியிட்ட அறிக்கை ஒன்றில் எண்ணியியல் பத்தாயங்கள் களவாடப்பட்டுள்ளன என்று தெரிவித்து உள்ளது. இந்த எண்ணியியல் செலவாணியை Liquid வர்த்தக மையம் முடக்கி விட்டது சில வாரங்களுக்கு முன்பு $611 மில்லியன் டாலர் அளவிலான Ethereum செலவாணித். poly network என்ற வர்த்தக மையத்திலிருந்து சூறையாடப்பட்டது, Liquid சந்தையிலிருந்து சூறையாடப்பட்ட தொகை ஏறத்தாழ 100 மில்லியன் அமெரிக்க டாலர்கள் ஆகும்… Poly network சந்தையிலிருந்து திருடப்பட்ட தொகையில் பாதியைத் திருடிய நச்சு நிரலர் திருப்பித் தந்து விட்டார். ஆனால் மீதித் தொகையைத் திரும்பித்தருவதற்காக அந்த நிறுவனம் $500,000 அமெரிக்க டாலர்களைப் பரிசுத் தொகையாக அறிவித்து உள்ளது. (அவர்களின் வர்த்தக மையத்திலிருந்த பாதுகாப்புக் குறைபாட்டைச் சுட்டிக் காட்டியதற்காம்)

கலிபோர்னியா மாகாணத்தில் ஒரு விளையாட்டுத் திடலில் ஒருபகுதியில் தன்னுடையப் பெயரை வைப்பதற்காக ஒரு எண்ணியியல் செலவாணி வர்த்தக மையம் ஏறத்தாழ 18 மில்லியன் அமெரிக்கன் டாலர் மதிப்புள்ள எண்ணியியல் செலவாணியைக் கொடுத்துள்ளது.

இன்றைய வங்கிகளைப் போலச் செயல்படுவதாலும் பங்குச் சந்தைகளின் பல கூறுகளை தன்னுள் அடக்கி வைத்திருப்பதாலும் மிகப் பெரிய தொகையில் வர்த்தகங்கள் செயல்படுவதாலும் எண்ணியியல் செலவாணி பிரபலமடைந்து வருவதோடு அன்றாடப்புழக்கத்திலும் கலந்து விட்டது.

ஒவ்வோரு செலவாணியும் அந்தந்த நாட்டின் அரசுச்சட்டங்களுக்கு ஏற்ப நிறுவப்பட்டுள்ளன என்பது ஒரு நிம்மதி என்றாலும் எண்ணியியல் செலவாணியின் நடைமுறையை உணர்ந்து அதற்கான சட்டங்கள் உண்டா என்பது சந்தேகம் தான்.

1790களில் அமெரிக்காவில் வங்கிகளின் வசதி வந்தது. அவற்றின் விதிமுறைகளைக் கொண்டுவர The Federal Reserve System1913 ஆண்டு தான் உருவாக்கப்பட்டது.1770களிலேயே இந்தியாவில் வங்கி வசதிகள் வந்து விட்டன. இவற்றை ஒழுங்குமுறைப்படுத்த 1934ம் ஆண்டு நமது ரிசர்வ் வங்கி உருவாக்கப்பட்டது.

1792ம் ஆண்டு அமெரிக்காவில் நீயுயார்க் நகரில் Wall Street என்ற பகுதியில் முதன் முதலாகப் பங்குச் சந்தை தொடங்கப்பட்டது securities and Exchange Commission அமெரிக்கப் பங்குச் சந்தையின் விதிமுறைகளையும் ஒழுங்குமுறைகளையும் காலத்திற்கும் குடிமக்களின் தேவைக்கும் ஏற்ப 1934 சட்டப்படி உருவாக்குகின்றது.

இந்தியாவில் மும்பாய் நகரத்தில் முதன் முதலாகப் பங்குச் சந்தை 1875ல் தொடங்கப்பட்டது அதை அடுத்து கல்கத்தா சென்னை நகரங்களிலும் பங்குச் சந்தைத் தொடங்கப்பட்டது. 1988ம் ஆண்டு Securities and Exchange Board of India என்ற அமைப்பை அரசு ஏற்படுத்தி பங்குச் சந்தைக்கான விதிமுறைகளையும் ஒழுங்கு முறைகளையும் கொண்டு வந்தது. 1992ம் ஆண்டு National Stock Exchange of India Limited என்ற நிறுவனம் உலகத்தரத்திற்கு ஏற்ப மின்னியல் வசதிகளுடன் பங்குச்சந்தையை உருவாக்கியது. இந்த பொருளாதார வரலாற்றைப் பார்க்கும் போது வங்கிகளும் பங்குச்சந்தைகளும் புழக்கத்திலிருந்து இரு நூற்றாண்டுகள் கழித்துத் தான் இவற்றை ஒழுங்கு முறைப்படுத்த அரசுகள் சட்டம் இயற்றி உள்ளன.

கணினித் தொழில்நுட்பம் 1990களில் பிரபலமடைந்து அண்மையில் தான் அனைத்து அரசுகளும் இவற்றை ஒழுங்கு முறைப்படுத்தச் சட்ட திட்டங்களை இயற்றி வருகின்றன

அப்படியானால் இன்று பிரபலமடைந்து வரும் எண்ணியல் செலவாணியும் எண்ணியல் ஒரு பங்குச் சந்தையாகவும் வங்கிகளாகவும் செயல்படும் செலவாணி வர்த்தக மையங்கள் எப்போது ஒழுங்கு முறைப்படுத்தப்படும்?.

யோசிக்க வேண்டிய விஷயம்

தொடர்வோம்

முந்தைய தொடர்களை வாசிக்க:

இணைய வகுப்பறைக்கு இன்றியமையாத் தேவைகள் – சுகந்தி நாடார்

இணைய வகுப்பறைக்கு இன்றியமையாத் தேவைகள் 55 (Ethereum) – சுகந்தி நாடார்

இணைய வகுப்பறைக்கு இன்றியமையாத் தேவைகள் 57 (Monero, Titcoin, Zcash) – சுகந்தி நாடார்

Bookday 25/08/2021No Comments

Essential requirements for internet classroom (Share Market) 58 - Suganthi Nadar. Book Day is Branch of Bharathi Puthakalayam

Web Series

இணைய வகுப்பறைக்கு இன்றியமையாத் தேவைகள் 58 – சுகந்தி நாடார்

எண்ணியியல் செலவாணி பரிவர்த்தனை மையங்களின் அடிப்படை என்ன?

எண்ணியியல் செலவாணி பரிவர்த்தனை மையங்களைப் பற்றித் தெளிவாகப் புரிந்து கொள்ள வேண்டும் என்றால், எப்படிப் பணம் என்பது ஒரு செல்வமாக மாறுகிறது என்ற அடிப்படையை நாம் புரிந்து கொள்ள வேண்டும் பணத்தை ஒரு செல்வமாக நினைத்து முதலீடு செய்யும் முறையின் அடிப்படைகளைத் தெளிவாகப் புரிந்து கொண்டால் தான் இனி வரும் காலத்தின் பொருளாதார தொழில்நுட்பத்தின் கூறுகளைச் சரிவரப் புரிந்து கொள்ள முடியும்.

ஊதியம் என்பது நாம் செய்யும் வேலைக்குப் பணமாகப் பெறுவது. அந்தப் பணத்தைக் கொண்டு நாம் நம் அன்றாட செலவுகளைச் செய்கின்றோம். அந்நிய செலவாணி முறையைப் பயன் படுத்தி ஒரு நாட்டு நாணயத்தை இன்னொரு நாட்டு நாணயமாக மாற்றுகின்றோம். இன்று தமிழர்கள் கடல் கடந்து அந்நிய நாடுகளில் அதிகமாக வசிப்பதாலும் அந்நிய செலவாணி மாற்றம் என்பது பற்றிய விழிப்புணர்வு நமக்கு அதிகம் உண்டு ஆனால் பணத்தையே செல்வமாக எப்படி நாம் யோசிக்கின்றோம் என்றால் நாம் சேமித்து வைக்கும் பணத்தில் ஒரு நிலத்தையோ வீட்டையோ நகைகளையோ வாங்குகின்றோம். அது தவிர நமது வங்கியில் ரொக்கப்பணமாக சேமித்து வைக்கின்றோம். இது தான் தமிழகத்தில் ஏன் இந்தியாவில் செல்வம் என்ற சொல்லுக்குப் பொதுமக்களுடைய அகராதியில் பொருள்.

ஏன் எனில் நாம் பண்ட மாற்று முறையில் முக்கிய கூறாக இன்னும் பயன்படுத்துவது ரொல்லப்பணத்தைத் தான். இன்று மேலைநாடுகளைப் போல வங்கிகளின் கணினி வழி பணப்பரிமாற்றம் நடந்தாலும் கடன் அட்டைகளைப் பலர் பயன்படுத்தினாலும் திறன்பேசி செயலிகள் வழி நாம் பொருட்களையும் சேவைகளையும் பெற்றுக் கொண்டாலும் பணத்தைச் சேமித்து செல்வத்தைப் பெருக்குவது நாம் கடைப்பிடிக்கும் முக்கியமான வழியாகும்.

எண்ணியியல் செலவாணி நிறுவனங்களும் அதன் பரிவர்த்தனை மையங்களும் அமெரிக்காவில் தோன்றி இருப்பதால் அமெரிக்கப் பொருளாதாரத்தின் சாரத்தைக் கவனிக்க வேண்டியுள்ளது. அமெரிக்காவில் ரொக்கப்பணப் புழக்கத்தை விட, கடன் அட்டைகளைக் கொண்டே அன்றாடப் பொருளாதாரம் நடைபெற்றுவருகின்றது. இப்போது திறன்பேசி செயலிகள் வழியாகவும் பணப்பரிவர்த்தனைகள் நடைபெறுகின்றன. ரொக்கப்பணமாக பலர் கையில் நூறு ரூபாய்க்கும் குறைந்த அளவிலேயே வைத்து இருப்பர். ரொக்கப்பணத்தைக் கொண்டு செலவழிப்பவர்கள் பெரும் பாலும் கடன் அட்டை பெறத் தகுதி அற்ற பெரிய கடனாளிகளாக இருப்பர்,

கடன் அட்டை பெற இயலாதவர்களைப் பற்றிய சிறு குறிப்பு உங்கள் புரிதலுக்காக!

அமெரிக்காவில் நாம் தன் விருப்ப பணி முறையே நிலவுகிறது. அதாவது முதலாளியாக இருந்தாலும் சரி தொழிலாளராக இருந்தாலும் சரி அவர்களின் விருப்பத்திற்கேற்ப வேலை செய்யலாம். அதாவது சட்டத்திற்குப் புறம்பான காரணங்கள் தவிர எப்போது வேண்டுமானாலும் முதலாளி தொழிலாளியை வேலையை விட்டுத் தூக்கலாம். அதே போலத் தொழிலாளியும் எப்போது வேண்டுமானாலும் வேலையிலிருந்து வெளியேறலாம். அதற்கு அவர்களுக்குக் குறைந்த பட்சம் இரண்டு வார அறிவிப்புக் கொடுக்கப்படும். தினக்கூலிக் கொடுப்பவருக்கு அடுத்த நாளிலிருந்து வேலைக்கு வர வேண்டிய தேவையில்லை என்று முதல் நாள் கூறுவார்கள் அதனால் இந்தியாவில் இருப்பது போல மாத சம்பளம் என்று இல்லாமல் தினக்கூலியாகவோ அல்லது இரு வாரத்திற்கு ஒரு முறை ஊதியத்தைப் பெறும் வகையில் இருக்கும், அரசுப்பணிகளும் இவ்வாறே நடைபெறுகின்றன.

அதே போல கடன் அட்டையில் பொருட்களை வாங்கி விட்டு, அதன் அசலைக் கட்டாமல் வட்டியை மட்டுமேக் கட்டிக் கொண்டு வருபவர்கள் ஒரு காலகட்டத்தில் அசலைக் கட்ட இயலாமல் கடனில் மூழ்கி விடுவர் இப்படிக் கடனாளியாக மாறுபவர்களுக்கு வங்கிகளோ , கடன் அட்டை நிறுவனங்களோ வீடு கட்ட கடன் கொடுப்பதில்லை. வீட்டைக் கடன் வாங்கிக் கட்டியவர்கள் கடன் தொகையைக் கட்ட முடியாமல் வீட்டை விட்டு வெளியேற்றப்படுவது உண்டு

பணியில் அமர்வதற்கும். இந்தியாவில் இருக்கும் ஒரு ஆதார் அட்டை போல ஒரு எண் அடையாள அட்டை இருக்கும். இந்த அடையாள அட்டை இல்லாதவர்கள் எந்த பணிக்கும் செல்ல இயலாது. ஒருவருக்கு வீட்டு விலாசம் இல்லை எனில் அவரால் அந்த அட்டையை வாங்க இயலாது.

இப்படி எந்த ஒரு வருமானமும் இல்லாமல், அல்லது வாங்கிய கடன்களை அடைக்க இயலாதவர்களுக்குக் கடன் அட்டைகள் கிடிஅப்பது சிரமம். இவர்கள் மட்டுமே அமெரிக்காவில் ரொக்கப்பணத்தைப் பயன்படுத்துகின்றனர்.

பதினைந்து நாட்களுக்கு ஒருமுறை வரும் ஊதியம் உடனுக்குடன் ஏதாவது ஒரு காரணத்தால் செலவாகி விடுகின்றது. இதனால் சேமிக்கும் பழக்கம் அமெரிக்கர்களிடையே சேமிக்கும் பழக்கம் மிகக் குறைவு. கல்லூரிக் கல்வி முதல் வீடு வரை கொண்டு எதைப் பெற வேண்டும் என்றாலும் கடன் வாங்கித் தான் செய்ய வேண்டும். ஒரு சில கடன்களுக்கு வரிவிலக்கு உண்டு என்பதாலும் கடன் அட்டை ஒரு சிறந்த வியாபார உத்தி என்பதாலும் கடன் இல்லாமல் வாழும் அமெரிக்கர்கள் மிகக் குறைவு.

ஒரு நிறுவனத்தில் விருப்பத்திற்கேற்ப வேலை என்று இருக்கும் போது ஒரு நிறுவனம் நல்ல, திறன் வாய்ந்த தொழிலாளர்களைப் போட்டியாளர்களிடம் இழந்து விடக்கூடும். அதனால் பணியாளர்களுக்கு அவர்களின் ஓய்வூதியத் தொகையாக நிறுவனங்கள் பங்குச்சந்தை முதலீடு செய்யும் வழக்கத்தை நிறுவனங்கள் செய்கின்றன. இந்தப்பங்குச் சந்தை முதலீட்டில் ஒருவர் தன்னுடைய வருமானத்திலிருந்து ஒரு தொகையை ஓய்வூதிய தொகையாகச் சேமித்தால் அதே அளவு அந்த நிறுவனமும் பணியாளரின் ஓய்வூதியத் தொகைக்குக் கொடுக்கும். இந்த ஓய்வூதிய சேமிப்பிற்கு அரசாங்கம் வரிவிலக்கு அளிப்பதால் இந்த சேமிப்பு முறையை அமெரிக்கர்கள் விருப்பத்தோடு பார்க்கின்றனர். இது ஒரு முக்கிய சேமிப்பு முறையாக உள்ளது இதனாலேயே இந்தியாவோடு ஒப்பிடும் போது அமெரிக்கப் பங்குச்சந்தையில் செல்வம் சேர்ப்பது மிக முக்கியமான ஒரு வழியாகும்

அடிப்படையில் சேமிப்பு இல்லாமல், கடன் வாங்கிச் செயல்படும் ஒரு பொருளாதாரத்தில் இயங்கும் எந்த ஒரு நிறுவனமும் தான் செயல்பட முதலீட்டை வங்கிகளிடமிருந்தும் பொதுமக்களிடமிருந்தும் பெறுகின்றன. அப்படி முதலீட்டைப் நிறுவனத்தின் பங்கைப் பங்குச் சந்தையில் விற்கின்றன

பங்குச் சந்தை என்றால் என்ன? அது எப்படிச் செயல்படுகின்றது என்று நம் அனைவருக்கும் ஒரு புரிதல் இருக்கிறது,. இருந்தாலும் பங்குச் சந்தையின் ஒரு சில அடிப்படைகளை இங்குச் சொல்வது எண்ணியியல் செலவாணியைப் பற்றிய ஒரு எதிர்கால நோக்கை நமக்குக் கொடுக்கலாம்.

பங்குச் சந்தை என்று பார்க்கும் போது ஒரு நிறுவனத்தின் பங்குகளை நாம் வாங்குவது, கடனீட்டுத் தொகையாக முதலீடு செய்வது, பண்டங்களின் எதிர்கால விலையின் உத்தேசத்தின் மேல் முதலீடு செய்வது. அந்நிய செலவாணியில் முதலீடு செய்வது என்ற நான்கு வகைகளும் பங்குச் சந்தையில் நடைபெறும் பொருளாதார நடவடிக்கைகள் ஆகும்.

ஒரு நிறுவனம் தனக்குத் தேவையான முதலீட்டைப் பெற பொது மக்களுக்கு அவர்களுடைய நிறுவனத்தின் சொத்துரிமையில் பங்கு கொடுத்து அதற்கு விலையாக அவர்களிடமிருந்து பணத்தைப் பெற்றுக் கொள்வர். இந்த பொது முதலீட்டாளர்கள் ஒரு நிறுவனத்தின் ஒரே ஒரு பங்கை வாங்கினாலும் அவர்கள் அந்த நிறுவனத்தின் உரிமையாளராக் கருதப்படுகின்றார். அந்நிறுவனம் தொடர்ந்து இலாபம் ஈட்டித் தருமேயானால் அல்லது எதிர்காலத்தில் அதிகமான வளர்ச்சிக்குக் காரணிகள் இருக்குமேயானால் அந்த நிறுவனத்தின் பங்கின் விலை அதிகரிக்கும். எனவே குறைந்த விலையில் ஒரு நிறுவனத்தின் பங்குகளை வாங்கி அதிக விலைக்கு விற்கும் போது ஒரு தனிநபர் இலாபம் சம்பாதிக்கின்றார். ஒரு நிறுவனத்தின் பங்கில் முதலீடு செய்பவர் அந்த நிறுவனத்தின் சலுகைப் பெற்ற முதலீட்டாளராய் இருந்தால், நிறுவனத்தின் இலாபத்திலிருந்து ஒரு பங்கைக் காலாண்டுக்கு ஒரு முறை பங்கு தாரருக்குக் கொடுக்கின்றார். ஒரு நிறுவனத்தின் பங்கை வாங்க நாம் பங்குச்சந்தையை அணுக வேண்டும்.

கடனீடு என்னும் போது பங்குகளை வாங்குவதற்குப் பதிலாக நிறுவனங்களுக்கு ஒரு தனி மனிதர் ஒரு தொகையைக் கடனாகக் கொடுக்கின்றார். தாங்கள் பொது மக்களிடமிருந்து வாங்கிய கடனை ஒரு குறிப்பிட்ட காலத்திற்குப் பதில் திருப்பிக் கொடுத்து விடுவர். கடனைத் திருப்பிக் கொடுக்கும் வரை அவர்களுக்குக் கடன் கொடுத்தவர்களுக்குக் கடன் தொகையின் மேல் வட்டிக் கொடுக்கப் படும்.அரசாங்கமும் பல நிறுவனங்களும் இவ்வாறும் முதலீட்டைத் திரட்டுகின்றன அப்படி கடன் கொடுக்க ஒரு பொது முதலீட்டாளரிடம் ஒரு குறிப்பிட்ட தொகை இருக்க வேண்டும். அமெரிக்கப் பங்கு நிறுவனத்தில் கடனீட்டாளராக இருக்க அவரிடம் $1000 இருக்க வேண்டும்.. இந்தியாவில் ஒருவர் 10000 ரூபாய் கொடுத்து கடனீடு செய்யலாம். அரசாங்க கடனீடுப் பத்திரங்களை அரசாங்கத்திடமும் நிறுவனங்களின் கடனீடு பத்திரங்களைப் பங்குச் சந்தையிலும் ஒருவரால் பெற முடியும்.

பண்டங்களின் சந்தை என்று சொல்லும் போது, கனிமங்கள் எரிசக்தி வகைகள் விவசாயப்பொருட்கள் ஆகியவற்றின் எதிர்கால விலையின் அடிப்படையில் செய்யப்படும் முதலீடு ஆகும். இது தொன்று தொட்டு வரும் ஒரு சந்தை முறை என்றாலும் , இப்போது காலத்திற்கு ஏற்ப நவீனபடுத்தபப்ட்டுள்ளது.

அந்நிய செலவாணி சந்தை என்பது ஒரு நிறுவனம் இன்னொரு நாட்டு நாணயத்தை வாங்குவது என்று எடுத்துக் கொள்ளலாம் அல்லது ஒரு நாட்டின் செலவாணியின் விலை மாற்றம் எவ்வாறு இருக்கும் என்று பந்தயம் கட்டுபவர்களாலும் இங்கே இலாபம் சம்பாதிக்க முடியும்.

பங்குச் சந்தையைத் தவிரக் காலத்தின் பங்கு (time share) என்ற ஒரு விதியில் விடுதிகளின் கட்டுமானங்கள் நடைபெறுகின்றன. ஒரு சுற்றுலா விடுதியைக் கட்டுபவர் தனக்குத் தேவையான முதலீட்டைப் பொதுமக்களிடமிருந்து பெற இந்த காலப் பங்கை விற்கின்றார். பொதுமக்கள் முதலீடு செய்யும் பணத்திற்கு ஈடாக அவர்கள் அந்த விடுதியில் குறிப்பிட்ட காலத்தில் அந்த விடுதியில் இலவசமாகத் தங்கலாம். அதே நேரம் அந்தப்பங்கை மற்றவர்களுக்கும் விற்கலாம்

இவையே இன்று உலக நடைமுறையில் இருக்கும் முதலீட்டு வகை செல்வங்களாகும். இந்த செல்வங்களை மனிதன் தன் புலன்களால் தொட்டு உணர முடியாது

மேலே சொன்ன எல்லா முதலீட்டு முறைகளும் காலம் காலமாக நடந்து வருபவை அதனால் அவை ஒழுங்கு படுத்தப்பட்டு அவற்றிற்கு என்று ஒரு வரலாறும் உண்டு இந்த சந்தையின் குளறுபடிகள் மோசடிகளிலிருந்து குடிமக்களைக் காப்பாற்ற அரசாங்கங்கள் பல சட்டதிட்டங்களைக் கொண்டு வந்துள்ளனர்.

ஆனால் இப்படி எந்த ஒரு வரலாறும் அறிக்கையும் இல்லாத நிலையில். எண்ணியியல் செலவாணிகள்பண்டமாகவும் பணமாகவும் காலப் பங்காகவும் சந்தையில் விற்கப்படுகின்றன. இந்த சந்தைகள் தற்போது தனியார் நிறுவனங்களால் நடத்தப் படுகின்றன. இந்தத் தனியார் நிறுவனங்களே எண்ணியியல் பரிவர்த்தனை மையங்கள் என்று அழைக்கப் படுகின்றன,

பங்குச்சந்தையின் கூறுகளின் அடிப்படையில் தான் எண்னியியல் செலவாணி பரிவர்த்தனை மையங்கள் இயங்குகின்றன, ஒருதனிநபர் நிறுவனத்தின் பங்குகளை எப்படி பங்குச்சந்தைகளில் தான் வாங்க இயலுமோ அதே போல இந்த எண்னியியல் வர்த்தக மையங்கள் வழியாக த் தான் எண்ணியியல் செலவாணியில் ஒரு தனிநபர் முதலீடு செய்ய இயலும்

ஒருவர் எண்ணியியல் செலவாணியில் முதலீடு செய்ய அவருக்கு ஒரு எண்ணியியல் பத்தாயம் தேவை, எண்ணியியல் வர்த்தக மையங்களின் உதவி தேவை, கடைசியாக எண்ணியியல் செலவாணியை வாங்க ஒரு நாட்டில் அரசு செலவாணித் தொகை தேவை.

ஒருவர் கணினி நிரல்கள் மூலம் எண்ணியியல் செலவாணியை கடைந்து எடுக்கும் தரவு அகழ்வராகவே இருந்தாலும் , எண்ணியியல் செலவாணியைக் கொண்டே செல்வந்தர் ஆக முடியாது.அவர் அகழ்ந்தெடுக்கும் எண்ணியியல் செலவாணியைப் பங்கு சந்தையில் கொண்டுவந்தால் மட்டுமே கடன் அட்டை போலப் பொருளாதாரத்தின் அடிப்படையாக அதை பொது மக்களிடையேக் கொண்டு வர முடியும். எனவே தற்போது எண்ணியியல் செலவாணி சந்தைகள் காளான்கள் போல முளைத்து வருகின்றன

எண்ணியியல் செலவாணித் தொழில்நுட்பத்தைப் பற்றிய தெளிவான புரிந்துணர்வு இருக்க வேண்டும். அதன் சந்தையைப் பற்றிய சரியான தெளிவு என்பதாலும் இந்த தொழில்நுட்பம் எதிர்கால சந்ததியினரின் வேலைவாய்ப்பிற்கும் அவர்களின் பொருளாதாரத்திற்கும் ஒரு பெரிய அடிப்படையாக அமையும் என்பதால் தான். எண்ணியியல் செலவாணியில் தொடங்கி அமெரிக்க அடிப்படை பொருளாதாரத்தை விளக்கியுள்ளேன்

அடுத்து எண்ணியியல் செலவாணி வர்த்தக மையங்கள் சிலவற்றைப் பார்ப்போம்.

முந்தைய தொடர்களை வாசிக்க:

இணைய வகுப்பறைக்கு இன்றியமையாத் தேவைகள் – சுகந்தி நாடார்

இணைய வகுப்பறைக்கு இன்றியமையாத் தேவைகள் 55 (Ethereum) – சுகந்தி நாடார்

இணைய வகுப்பறைக்கு இன்றியமையாத் தேவைகள் 57 (Monero, Titcoin, Zcash) – சுகந்தி நாடார்

Bookday 21/08/20211