மீன் குழம்பும் தோசையும் ! கவிதை – சக்தி
வட்ட வடிவ கல்லில்
வெந்துக்கொண்டிருக்கிறது
வட்ட வடிவ தோசை,
வட்ட வடிவ தோசைக்காக
வட்ட வடிவ தகர தட்டை
கையில் ஏந்தி நிற்கின்றன குழந்தைகள்,
ஏங்கி நிற்கும்
குழந்தைகளின் தகர தட்டில்
வட்ட வடிவ தோசைகளின்
மீது மிதக்கிறது
கெண்டை மீன் குழம்புகள்
தாத்தா ஓடையில் பிடித்ததால்,
கெண்டைமீன்களை போல
வழுக்கிக்கொன்டே போகிறது தோசையும் தகர தட்டும்
குழந்தையின் கைகளின்
விரல்களின் வலியால்,
மீன் துண்டுகளின்
சதைகளை தின்ற குழந்தைகள்
மீன் முள்களை திண்னையில் வீசுகிறது நாய்களின்
கண்களுக்கு தெரியுமாறு,
எப்பொழுதுமே இரண்டு
தோசைகளை சாப்பிடும் குழந்தைகள், மீன் குழம்பு
வாசனையால்
நான்கு தோசைகளை
சாப்பிடுகின்றன செம்மேரி பாட்டியின் கை பக்குவத்தால்,
பச்சை வாழை
இலை மேலே வெள்ளை பூ பூத்திருக்கிறது
வட்ட வடிவ தோசைகள்,
வட்ட வடிவ
தோசைக்காக வானத்தில்
வலம் வருகிறது காக்கைகளும் குருவிகளும் ,
சின்னசாமி சாப்பிட்டு
போட்ட மீன் முள்களை
இழுத்து செல்கின்றன
எரும்புகள், வரிசையாக
செல்லும் மாட்டு வண்டிகளைப்போல …..!!!!
No Comments