Dream Drawing

அந்த வானத்தையும்
நிலவையும் பார்த்தபடி
அமைந்த உள்ளத்திற்கு
வெள்ளைப் பர வளையத்தைச் சுற்றி
மையிடப்படுகிறது

நேராய்
வலதாய்
இடதாய்
குறுகலாய்
சற்று இட வலமாய்
இவற்றை வாரிய
விரிந்த நிலையாய்
உருண்டாடும் கண்களுக்கு மட்டும்தான்
எத்தனைத் திருஷ்டி வெடிப்புகள்….!

ராட்சசர்களை
ஒரு கூண்டில் வைப்பதற்கு
கடவுள் மனங்கள்
சாவிகளை விழுங்க வேண்டியுள்ளது
உணர்வுகள் மனங்களைத் தாண்டி
சாத்தான்களின் மலங்களில்
ஒரு விதை வளர கனவினைத் தெளிக்கத் தொடங்குகின்றன….

மை வேண்டாம்
சிறு கனவு வரைந்து
காதம் தொடர்ந்தால் போதும்
வாழ்க்கை இடதோ வலமோ வசப்பட்டுவிடும்
என் நிழலுக்கு…

– கவிஞர் சே கார்கவி