“ப்ரியா கிளம்பிட்டியா” பிள்ளைகள் பள்ளி வாசலில் காத்திருப்பார்கள். பள்ளி விடும் நேரம் நெருங்கிவிட்டது, சீக்கிரமா வா என்ற வெண்பாவின் குரலுக்கு, “இதோ வந்துட்டேன் வெண்பா”, என்று வீட்டு சாவியை தேடிக் கொண்டு இருந்தாள் ப்ரியா.
ப்ரியாவும் வெண்பாவும் நெருங்கிய தோழிகள், பள்ளி கல்லூரி என இருவரும் ஒன்றாகவே படித்தார்கள். வெண்பா எதைத் தேர்ந்தெடுத்தாலும் அதையே ப்ரியாவும் தேர்ந்தெடுப்பாள். ப்ரியா எதைத் தேர்ந்தெடுத்தாலும் அதையே வெண்பாவும் தேர்ந்தெடுப்பாள். திக்கஸ்ட் ஃபிரண்ட்ஸ் என பெயர் பெற்றவர்கள்.
அதனுடைய நீட்சியாக இருவரும் தரமணி ஐ.டி சென்டரில் ஐ.டி நிறுவனத்தில் பணியில் சேர்ந்தார்கள்.
வெண்பாவிற்கு அதே ஐ.டி சென்டரில் பணிபுரிந்து கொண்டிருந்த மனோஜோடு காதல் மலர்ந்தது. இருவரும் அவர்கள் வீட்டார் சம்மதத்தோடு திருமணம் செய்து கொண்டார்கள். அவர்களுக்கு ஒரு அழகிய செல்ல மகன் பெயர் ராகுல். இப்பொழுது அண்ணாநகரில் உள்ள H.B.O.A பள்ளியில் ஆறாவது படித்துக் கொண்டிருக்கிறான்.
வெண்பாவின் திருமணம் முடிந்து 3 வருடம் கழித்து தான் ப்ரியாவின் திருமணம் நடந்தது. அப்பா அம்மா பார்த்து வைத்த மாப்பிள்ளை. ரமேஷ். கட்டுமான கம்பெனி வைத்து சொந்தமாக தொழில் செய்து வருகிறார். திருமணம் முடிந்து இரண்டு வருடம் கழித்து தான் அவர்களுக்கு ரிஷி பிறந்தான். ரமேஷ் நிறுவனம் வேளச்சேரியில் உள்ளது. அதனால் சென்ற வருடம் வரை வேளச்சேரியில் தான் குடியிருந்தார்கள்.
தோழி வெண்பா அருகில் இருக்க வேண்டும் என்பதற்காகவும், தன்னுடைய மகன் ரிஷியும் வெண்பாவின் மகன் ராகுலும் தங்கள் இருவரை போலவே தோழமையோடு இருக்க வேண்டும் என்ற காரணத்திற்காவும் கணவரை நச்சரித்து, வெண்பா இருக்கும் அதே வெல்கம் காலனி அண்ணாநகரில், வெண்பாவின் பக்கத்து விட்டுற்கே ப்ரியா குடும்பமும் குடி வந்து விட்டார்கள்..
ரிஷியை ராகுல் படிக்கும் அதே H.B.O.A பள்ளியில் மூன்றாம் வகுப்பில் சேர்த்தார்கள்.
இப்பொழுது தோழிகள் இருவருக்கும் மகிழ்ச்சி தான். சினிமா, கோயில், ஷாப்பிங் என இருவரும் சேர்ந்தே செல்ல நல்ல வாய்ப்பு.
பள்ளியில் இருந்து குழந்தைகளை அழைத்து வர தான் இருவரும் இப்போது ஒன்றாக கிளம்பி கொண்டிருக்கிறார்கள்.
ப்ரியா சீக்கிரமா வா …. என்றாள் வெண்பா….
இதோ வந்துட்டேன் வெண்பா என கீழே இறங்கி வந்தாள் ப்ரியா.
வழக்கமாக இருக்கும் ப்ரியாவாக இன்று தோன்றவில்லை.
சரி பள்ளியிலிருந்து வந்த பின் கேட்டுக் கொள்ளலாம் என வெண்பாவும், வா கிளம்பலாம் என இருவரும் H.B.O.A பள்ளி வாசலில் வண்டியை பார்க் செய்துவிட்டு காத்துக் கொண்டிருந்தார்கள்.
ப்ரியா ஏதோ சிந்தித்த வண்ணம் இருந்தாள்
வெண்பா,”ப்ரியா ஏன் டல்லா இருக்கே” என கேட்க
“ஒன்னும் இல்லடி”, என்றாள் ப்ரியா
“எனக்கு தெரியாதா, என்ன விஷயம் சொல்லு, ஏதாவது சண்டையா” என கேட்ட வெண்பாவிடம்
இல்லப்பா, இன்னிக்கு ரிப்போர்ட் கார்ட் தருவாங்க. ரிஷி என்ன மார்க் வாங்க போறான்னு தெரியல அதுவே கலக்கமா இருக்கு.
“பைத்தியமா டி நீ”. இதுக்குப் போய் யாராவது டென்ஷனாக இருப்பாங்களா. ரிலாக்ஸாக இரு என சொல்லிக்கொண்டு இருக்கும்போதே பள்ளியின் முதல் மணி அடிக்கப்பட்டது
தேன் கூட்டை நோக்கி வரும் தேனீக்கள் கூட்டம் போல் குட்டி மனிதர்கள் வேகமாக தங்கள் தாயை காண ஓடி வந்தார்கள்..
நம் ரிஷியும் அம்மாவைப் பார்க்க வேகமாக ஓடி வந்தான்.
“மம்மி” என ப்ரியாவை கட்டி பிடிக்க ஓடி வந்த ரிஷியை ப்ரியா அப்படியே நிறுத்தி, ரிப்போர்ட் கார்ட் கொடுத்தாங்களா… ரிஷி என வினவ ஆரம்பித்தாள்
குழந்தை அதைக் காதில் வாங்கிக் கொள்ளவே இல்லை.
“மம்மி மம்மி ஐஸ்கிரீம் வாங்கி தாங்க மம்மி. மம்மி ப்ளீஸ்.. ஐஸ்க்ரீம் வாங்கி தாங்க மம்மி”.
“மொதல்ல ரிப்போர்ட் கார்டை கொடு”,என வேகமாக ரிஷியின் ஸ்கூல் பேகை திறந்து ரிப்போர்ட் கார்டை வெளியே எடுத்தாள்.
அடுத்த நொடி ரிஷியின் முதுகில் அடி விழத்தொடங்கியது
குழந்தை அழ ஆரம்பித்து விட்டான்
“ஏய் ப்ரியா என்ன நினைச்சிகிட்டு இருக்க மனசுல”. குழந்தையைப் போட்டு ஏன் இப்படி அடிக்கிற என்று வெண்பா கேட்பது ப்ரியாவின் காதுகளுக்குள் செல்லவே இல்லை.
வெண்பா ரிஷியை இழுத்து தன்னோடு வைத்துக் கொண்டாள். ரிப்போர்ட் கார்டை வாங்கி பார்த்த வெண்பா அதிர்ந்தாள். குழந்தை “A+” Grade தானே வாங்கி இருக்கிறான். Above 85 என்றால் தானே “A+” Grade அடுத்தது “O” Grade. அதற்கு எதற்கு இவள் குழந்தையை போட்டு அடிக்கிறாள் என கடுப்பானாள்.
ரிஷி ஐஸ்கிரீம் ஐஸ்கிரீம் என அழுதுக் கொண்டே இருந்தான்.
சுற்றியிருந்த பெற்றோர்கள் எல்லாம் இந்த நிகழ்வை பார்த்துக் கொண்டே இருக்கிறார்கள், சிலர் பார்க்காமல் கடந்து சென்றார்கள்.
அதைக் கூட ப்ரியா உணர்ந்த மாதிரியே தெரியவில்லை. அவளுடைய புலன் விசாரணையில் கவனமாக இருந்தாள்.
மீனுக்குட்டி அம்மாவிடமும், ராஜு அம்மாவிடமும், கீதா அம்மாவிடமும் உங்கள் குழந்தை எந்த கிரேட் வாங்கியிருக்கிறாள் என இன்வெஸ்டிகேஷன் தொடர்ந்து கொண்டிருந்தது
அதே நேரத்தில் பள்ளியில் பெரிய குழந்தைகள் 6th to 12th std ஸ்கூல் பெல் அடித்தது.
தூரத்தில் ராகுல் வந்து கொண்டிருந்தான். அவனைப் பார்க்கும்போதே வெண்பா அவனிடம் வழக்கமாக இருக்கும் புன்னகை இல்லை என்பதை அறிந்து கொண்டாள்.
அருகே வந்த ராகுல். “அம்மா இன்னிக்கு எனக்கு பிரோகரஸ் கார்ட் கொடுத்தாங்க”, என்று மெல்லமாக சொன்னான்
“என்ன செல்லம் டல்லாக இருக்கிறிர்கள். காய்சலா என தொட்டு பார்த்தாள்” வெண்பா.
அதுவெல்லாம் ஓன்னேமில்லை மா. இன்னிக்கு ரிப்போர்ட் கார்ட் கொடுத்தாங்க….
சூப்பர். வீட்டுக்கு போய் பேசுவோம். ரிஷி வேற அழுதுக்கொண்டே இருக்கிறான். வாங்க நம்ம ஐஸ்கிரீம் சாப்பிட்டு விட்டு போகலாம் .
“நோ மா எனக்கு வேண்டாம்” என்ற ராகுலிடம் என்னாச்சு என் செல்வத்திற்கு என அவனை கட்டிப்பிடித்து செல்லம் ரிப்போர்ட் கார்டை இப்போ மறந்திடுங்க சரியா, வீட்டுக்கு போய் பேசிக்கலாம் என சொல்லிக் கொண்டு இருந்தாள்,
இதை எதுவும் பிரியா கண்டுக் கொள்ளவேயில்லை. புலன் விசாரணையை தொடர்ந்து கொண்டே இருந்தாள். ரிஷி ஒரு புறம் அழுதுக் கொண்டே இருந்தான்.
வெண்பா..”.பிரியா பிரியா என அழைத்தபின் திரும்பி பார்த்தாள்”. நாங்கள் மூன்று பேரும் ஐஸ்கிரீம் ஷாப் போயிட்டு வரோம். நீ உன் இன்வெஸ்டிகேஷன் முடித்து விட்டு நேரே வீட்டுக்கு வா என சொல்லிவிட்டு கிளம்பினார்கள்.
ஐஸ்கிரீம் ஷாப் பார்த்தவுடனே ரிஷியின் அழுகை நின்றது. அய் ஐஸ்கிரீம். ஆண்டி எனக்கு. மெங்கோ….
“ஓகே செல்லம் “, என உள்ளே சென்றார்கள்.
வழக்கமாக ராகுல் தான் ஆர்டர் கொடுப்பான். இன்று பேசாமல் போய் அமர்ந்து கொண்டான்.
வெண்பா, “ராகுல் உங்களுக்கு என்ன ஆர்டர் செய்ய….”
“மம்மி எனக்கு வேண்டாம்….”,.என்றான் ராகுல்.
சரி நானே ஆர்டர் கொடுக்கிறேன் என்று அவனுக்கு பிடித்த சாக்கோ டீப் ரிஷிக்கு மெங்கோ, அவளுக்கும் ப்ரியாவுக்கும் கஸடா பார்சல் வாங்கி கொண்டாள்.
ரிஷி ரசித்து ருசித்து ஐஸ்க்ரீம் சாப்பிடும் அழகே தனி…..
“கீழே போடாமல் சாப்பிடுங்க”, என ரிஷியின் அருகில் அமர்ந்து இருந்தாள்.
ராகுல் ஐஸ்கிரீமை ஏதோ சிந்தித்த வண்ணம் சாப்பிட்டு முடித்தான்.
பின் மூவரரும் கிளம்பி வீடு வந்து சேர்ந்தார்கள்.
வழியிலேயே ரிஷி தூங்கி விட்டான்.
ப்ரியா இன்னும் வீடு வந்து சேரவில்லை.
ரிஷியை அவள் விட்டிலேயே படுக்க வைத்து விட்டு ராகுல் முகம் கை கால் கழுவிக் கொண்டு உடை மாற்றிக் கொண்டு வாருங்கள் .. உனக்கு பிடித்த சாம்பார் ரைஸ் உறலைக்கிழங்கு ஃபைரை செய்து உள்ளேன்.
ராகுல், “மீண்டும் ரிப்போர்ட் கார்ட் கொண்டு வந்து மம்மி…”.
“செல்லம் பஸ்ட் லன்ச் தென் அவர் டிஸ்கஷன்…” என்றாள் வெண்பா
இருவரும் சேர்ந்து சாப்பிட்டு முடித்து விட்டு ரிலாக்ஸாக. சோப்பாவில் அமர்ந்தார்கள்.
“செல்லம் இப்போ உங்க ரிப்போர்ட் கார்ட் கொடுங்க” என்றாள் வெண்பா.
“தயங்கியவாறே கார்டை நீட்டினான்.”..ராகுல்
“சுப்பர் டா செல்லம் B Grade வாங்கி இருக்கீங்க…. “ என்ற அம்மாவை கலக்கத்தோடு பார்த்து மம்மி… என்றான் ராகுல்
“ஆமாடா செல்லம்”
“C” grade வாங்கின நீங்கள் இப்போது “B” grade. வாங்கி இருக்கீங்க. There is a improvement. “எவரெஸ்ட்” ஏற வேண்டும் என்றாலும் ஒவ்வொரு அடியாக தானே எடுத்து வைக்க முடியும். I am sure. நீங்க அடுத்த முறை “A”grade வாங்குவிங்க என்று….
ராகுலின் முகத்தில் ஒரு புன்னகை…. “மம்மி ஐ லவ் யூ என ஆக் செய்து கொண்டான்.”
சாரி மம்மி. எனக்கு ரொம்ப பயமா இருந்தது….. Now I am happy. நெக்ஸ்ட் டெம் நான் “O” grade வாங்க முயற்சிக்கிறேன்…
“கிரேட்….. சூப்பர். நீங்கள் வாங்குவிங்க..” உங்களுக்கு ஒரு சர்ப்ரைஸ் என்றாள் வெண்பா.
“வாட் மம்மி…” ராகுல் விரிந்த கண்களோடு.
“ஆரிபாட்டர் புக்”…… என எடுத்துக் கொடுத்தாள்.
மகிழ்ச்சியின் உச்சத்தில் ராகுல்…
அம்மாவை கட்டி அனைத்து ஐ லவ் யூ சோ மச் மம்மி….. என்று புத்தகத்தை பிரிக்க ஆரம்பித்தான்.
“சரி செல்லம், நான் ஆண்டியை பார்த்து ஐஸ்க்ரீம் கொடுத்துவிட்டு வருகிறேன்”. நீங்கள் ரிஷியை பார்த்து கொள்ளுங்கள் என கஸடா ஐஸ்கிரீமை எடுத்துக் கொண்டு ப்ரியா வீட்டுக்கு சென்றாள் வெண்பா.
கதவு திறந்து இருந்தது. சோப்பாவில் படுத்து அழுது கொண்டே இருந்தாள் ப்ரியா . அழுது அழுது கண்கள் சிவந்து இருந்தது.
“என்னங்க மேடம் எழுந்திருக்க. ஐஸ்கிரீம் சாப்பிடுங்க..” என்றாள் வெண்பா
ப்ரியா, “எனக்கு வேண்டாம் டி..”.
“எழுந்திருடி… குழந்தை தானே அடுத்த பரிட்சையில் பார்த்து கொள்ளலாம்” என்றாள் வெண்பா
எனக்கு எவ்வளவு அவமானமாக உள்ளது தெரியுமா என கேட்ட ப்ரியாவை… கோபமாக பார்த்தாள் வெண்பா.
ப்ரியா. குழந்தை நல்ல மார்க் வாங்கி இருக்கிறான். நீ அதை பார்க்காமால் மத்தவங்களோடு கம்பேர் செய்ற. அது தான் பிராப்ளம்.
“வாழ்க்கையில் போட்டி அவசியம் தான் ப்ரியா. ஆனால் வாழ்க்கையே போட்டிக் களமாக மாறி விடக்கூடாது. திறமைகளை ஆராய்நது வெளிக் கொணருதல் அவசியம்.”
ரோஜா மலரின் வாசத்தை நிறத்தை மல்லிப்பூவாக மாற்ற முயற்சிக்க கூடாது. முயற்சி செய்தால் மாற்றிவிடலாம். ஆனால் ரோஜாவை இழந்து விடுவோம் ப்ரியா.
அனைத்து மலர்களிலும் நறுமணம் வீசும். ஆனால் வாசம் வேறுபடும். மலர்களின் வாசங்கள் எப்படி மாறுபடுகின்றனவோ அதுபோல தான் நம் பிள்ளைகளின் கற்றல் திறனும், திறமைகளும் மாறுப்படும். அதை நாம் உணர வேண்டும் ப்ரியா.
பிள்ளைகள் அவர்களின் இயல்பிலே வளர்வது தானே சரி, ப்ரியா!
எல்லா பெற்றோர்களுக்கும் நம் குழந்தைகள் “தாமஸ் ஆல்வா எடிசன் போல சிறந்த விஞ்ஞானியாக, அறிவியலாளராக, கண்டுபிடிப்பாளராக, , தொழிலதிபராக பன்முகத்தன்மையோடு வளர வேண்டுமென விரும்புகிறோம் ஆசைப்படுகிறோம்”.
ஆனால் “தாமஸ் ஆல்வா எடிசன்” அன்னை “நேன்சி மேத்தீவ்ஸ் எலியட்” போல நாம் நம் பிள்ளைகளை ஊக்கப்படுத்தி வருகிறோமா ? என்பதை நம்மை நாமே கேட்டுக்கொள்ள வேண்டிய கேள்வி ப்ரியா.
பள்ளியில் இருந்து ஆசிரியர்கள் அவரை கல்வி கற்றுக் கொள்ள இயலாதவர் என அவரின் கல்வி வாழ்க்கைக்கு முற்றுப்புள்ளி வைத்த போது, எடிசன், “ஆசிரியர் என்ன கடிதம் கொடுத்தார்”, என அவரின் தாயிடம் கேட்ட போது. உனக்கு சொல்லி கொடுக்கும் அளவிற்கு திறமைசாலி ஆசிரியர் பள்ளியில் இல்லை என சொல்லி தன் மகனுக்கு தானே பாடம் எடுத்து வாசிப்பின் சுவையை நுகர வைத்து, முற்று புள்ளியை, தொடர செய்ய கூடிய செயலை நாம் செய்கிறோமா ப்ரியா.
அதற்கு நாம் பதில் அளித்து விட்டால் நம் வீட்டில் வளரும் ஒவ்வொரு குழந்தையும் திறமைசாலியாக தனித்துவத்தோடு இருப்பார்கள். அவர்களுக்குள் இருக்கும் தனி தன்மையை வெளிக்கொணர்தல் தானே பெற்றோர்களாகிய நமது கடமை. அதை செய்கிறோமா நாம்? ஒரு முற்றுபுள்ளியை, தொடர் புள்ளியாக்குவது, ஆச்சிரியகுறி ஆக்குவதும், கேள்விகுறி ஆக்குவதும் நம் கையில் தான் உள்ளது ப்ரியா.
பேரன்ட டீச்சர் மிடிங்கில மற்ற பேரன்ட்ஸ் முன் நம் மகனின் குறைகள் சொன்னால் நமக்கு அவமானம் என தானே நினைக்கிறோம், ப்ரியா.
நாம 35 மார்க் வாங்க எவ்வளவு பாடுபட்டு உள்ளோம். நம்ம அப்பா அம்மா என்ன பள்ளி வாசலில் வந்து காத்து இருந்து நம்ம ஆசிரியரிடம் இப்படி வசை வாங்கியுள்ளார்களா? யோசிச்சு பாரு!. நாம நல்லா வாழல.
உன் பாஷையில் சொல்றேன், பெற்றோரின் போட்டி மனப்பான்மையால் எப்படி ஒரு குழந்தை தவறான பாதையை தேர்ந்து எடுக்கிறாள் என உன் தலை அஜித் நடித்த “விசுவாசம்” படம் சொன்னது. உனக்கு இப்பவும் புரியலை என்றால் நீ எப்படியாவது போ. ஆனால் ரிஷியின் வாழ்க்கையை நான் பார்த்துக் கொள்கிறேன் என விருட்டென கதவை திறந்து கொண்டு அவள் வீட்டை நோக்கி சென்றாள்.
அந்த வெளிச்சம் ப்ரியாவின் மேல் பட்டது. எழுந்து ரிஷிக்கு பிடித்த மெங்கோ ஐஸ்கிரீம் செய்ய மாம்பழத்தை எடுத்துக் கொண்டு உள்ளே சென்றாள் ப்ரியா.
நன்றி
திருமதி. சாந்தி சரவணன்
கோல்டன் ஜூபிலி பிளாட்
பிளாக் எண்:157/16
பாடி குப்பம் ரோடு
அண்ணா நகர் மேற்கு
சென்னை 40
Mob:9884467730
email: shanthi1798@gmail.com
No Comments
