Essential requirements for internet classroom 78th Series by Suganthi Nadar. Book Day. Capitalism இணைய வகுப்பறைக்கு இன்றியமையாத் தேவைகள் 78 - அது என்ன  மக்களைச்சார்ந்த முதலாளித்துவம்?
Posted inWeb Series

இணைய வகுப்பறைக்கு இன்றியமையாத் தேவைகள் 78 – சுகந்தி நாடார்



அது என்ன  மக்களைச்சார்ந்த முதலாளித்துவம்?

இன்றைய உலகில் ஒருவர் தன்னைத் தானே உயர்த்திக் கொள்ள கல்வி நிலையம் செல்வது அவசியம் என்றக் கொள்கையில் நாம் வாழ்ந்து வருகின்றோம். கல்வி நிலையங்களும் மாணவர்களின் வேலைவாய்ப்பு சார்ந்த  செய்திகளை மாணவர்களுக்கு பல விதங்களில் கொடுத்து அந்த விவரங்களிலும் செய்திகளிலும் வல்லவராக இருப்பவரை  வல்லுனர் என்று அழைக்கின்றது. அப்படி கல்விநிலையங்களுக்கு சென்று கல்வி கற்காதவர்கள் அதிக அளவுப் பொருள் ஈட்டினால் அவர்களை நாம் வெற்றியாளர் என்று  போற்றுகின்றோம்.

 பலபலப் பட்டங்கள் பெற்றவர்களும்  நிலையான வருமானமும் மட்டுமே வெற்றியை அடையாளப்படுத்தும் என்பது உண்மையானால் இன்று உலகத்தில் பசியும் பிணியும் ஏழ்மையும் இருக்கவே கூடாதே அதுவும் முக்கியமாக  நம்நாட்டில்.

 கல்வியால் வெற்றி என்று நம்பி நாம் அனவருமே நம் மாணவச்செல்வங்களின் கல்விக்காக எவ்வளவு  மூலதனத்தை வாரி இறைக்கின்றோம். இத்தனை மூலதனத்தின் விளைவாக ஒருவர் பெறும் கல்வி, அவரது வாழ்க்கை முழுவதும் உழைத்தால் மட்டுமே அவருக்கு ஒரு வளமான எதிர்காலத்தைக் கொடுக்கக் கூடியதாக உள்ளது.

இந்த நிலை நம் நாட்டில் மட்டுமல்ல உலகின் பலநாடுகளில் இப்படித்தான் இருகின்றது. அமெரிக்காவில் ஆசிரியர்களாக பணிபுரியப் பெறும் கல்விக்கடனை  ஒருவர் தீர்க்க அவரின் வாழ்நாள் முழுவதும் உழைக்க வேண்டும். ஆசிரியர் கல்வி என்று இல்லை. பள்ளி வகுப்பு முடிந்து கல்லூரி என்று காலடி எடுத்துவைக்கும் போதே கடனோடுதான் கல்லூரிக்குள் நுழைகின்றனர். தமிழ்நாட்டில்  மாணவர்களின் பெற்றோர் கல்விக்காக கடனாளிகளாகின்றாரகள் என்றால் அமெரிக்காவில் ஒவ்வோரு மாணவரும் கடன் வாங்கியே கல்லூரிக்குள் நுழைகின்றனர். கிட்டத்தட்ட 4 ஆண்டுகளாகும் கல்லூரிக்கல்வி அவர்களின் பட்டத்தோடு கடன் சுமையும் கொடுத்தே கல்லூரிகள் மாணவர்களை வெளியே அனுப்புகின்றது.

கடந்த பத்து ஆண்டுகளில் ஆண்டுக்கு  91 பில்லியன் அமெரிக்கன் டாலர் அளவில் மாணவர்களின்  கல்விக்கடன் உள்ளது என்றும்  ஒரு சராசரி அமெரிக்கரின் வாழ்வில் வீட்டு அடைமானத்திற்கு அடுத்ததாக ஒருவரின் கல்விக்கடனே ஒரு பொருளாதாரச் சுமையாக  இருக்கின்றது என்று Education data என்ற  தளம் புள்ளி விவரம் கொடுக்கின்றது. இன்றையக் கல்விக் கொள்கைகள் நிச்சயமாகப் பொருளாதாரத்தேவையை பூர்த்தி செய்யவில்லை என்பதற்கு இந்தப் புள்ளிவிவரம் ஒரு அறிவியல் சான்றாக விளங்குகின்றது.

அப்படியானால் யதார்த்தத்தில் கல்விநிலையம் என்பது எப்படி இருக்க வேண்டும் ஒரு கல்விநிலையம் என்பது குழந்தைகள் தங்களைப் பற்றிய ஒரு ஆனந்த அனுபவத்தைக் கொடுக்க வேண்டும் என்பது ஏடுகளிலேயே இருக்குமா? அல்லது கல்வியும் கல்விநிலையங்களும் மாணவர்களின் அன்றாட அனுபவங்களின் நீட்சியாக இருக்குமா?

தமிழ் நாட்டில் பத்தாம் பன்னிரெண்டாம் மாணவர்களில் 90% மாணவர்களின் அன்றாட வாழ்க்கையே அதிகாலை 5 மணியிலிருந்து இரவு எட்டு ஒன்பது மணிவரை ஏதாவது ஒரு தேர்விற்குத் தயார் செய்வதுதான். வல்லமை இணைய நிறுவனர், ஆசிரியர் அண்ணாக் கண்ணன் அவர்களிடம் கல்வி பற்றி பேசிக் கொண்டு இருக்கும்போது, அவர் கூறியது மாணவர்களுக்கு போட்டி உலகம் இருக்கிறது அப்போட்டியில் வெற்றி பெறவேண்டும் என்ற முனைப்பைக் கொண்டுவருவது முக்கியம் என்று கூறினார். இன்னும் சில ஆசிரியப்பெருமக்கள் கணினிப் பயன்பாட்டில் தங்களுக்கு இருக்கும் குறையையும் வேலைவாய்ப்பிற்கு  உகந்த கல்வியே உன்னதமானக் கல்வி என்றும் கருத்துத் தெரிவித்தனர். ஒரு விதத்தில் இவர்கள் கூறியது சரியே என்றாலும், கல்வி என்பதில் போட்டியில் வெற்றிபெற்று வாழ்க்கை நடத்துவதா? அல்லது ஒவ்வோருவரரும் தங்களை முன்னேற்றிக் கொள்ளும்போது தங்கள் சார்ந்த சமூகத்தையும் வளர்த்துக் கொள்வதா?

நான் இங்கு சித்தரிப்பது ஏதோ ஒரு கற்பனைபோல இருந்தாலும் இன்று நமக்கு இது தானே தேவையாய்  இருக்கிறது இங்கே நாம் கனவு காணும் நல்லுலகம் கல்விக் கொள்கைகளை விட தத்துவங்களின் அடிப்படையில் இருப்பதுபோலத் தோன்றலாம். வாழ்க்கைக்கும் கல்விக்கும் இடையில் தத்துவங்களுக்கு இடமில்லை என்ற மனநிலையில்தான் இன்று பெரும்பாலோர் இருக்கின்றோம். 

Essential requirements for internet classroom 78th Series by Suganthi Nadar. Book Day. Capitalism இணைய வகுப்பறைக்கு இன்றியமையாத் தேவைகள் 78 - அது என்ன  மக்களைச்சார்ந்த முதலாளித்துவம்?
Philippa Ruth Foot

 

Philippa Ruth Foot என்ற ஆங்கிலேய பெண் தத்துவஞானியும் Judith Jarvis Thomson என்ற அமெரிக்கத் தத்துவஞானியும் ஒரு மாணவருக்கு எப்படிப்பட்ட சிந்தனை இருக்கவேண்டும் என்பதை ஒரு மின் இரயில் புதிர்களின் (trolly problem) மூலம் விளக்குகின்றனர்.

தறிகெட்டு ஓடும் ஒரு மின் ரெயில் ஒன்றின் பாதையில் 5 பேர் வேலை செய்துகொண்டு இருக்கின்றனர். தறிக்கெட்டு ஓடும் பாதையில் இருக்கும் அவர்களுக்கு மரணம் நிச்சயம். ஆனால்  அவர்களை நெருங்க கிளையாய் பிரிந்த இருப்புப்பாதையில் ஒரே ஒரு மனிதன் வேலை பார்த்துக்கொண்டு இருக்கின்றார்.

இரயிலின் ஓட்டுனர் எந்தப் பாதையில் தன் இரயிலை விட வேண்டும்? என்பது Philippa Ruth Foot அவர்களின் கேள்வி ஐந்து பேரை மரணிப்பதா? இல்லை ஐந்து பேருக்காக ஒருவரின் உயிரை பலி கொடுப்பதா?

 மேற்கொண்ட பிரச்சனையை  சிறிது மாற்றிக் கொடுக்கின்றார் Judith Jarvis Thomson தறிகெட்டு ஓடும் மின் ரெயிலின் பாதையில் உள்ள தண்டவாளத்தில்  வேலை செய்யும் ஐந்து பேரின் உயிரையும் மின்ரெயிலில் பயணிப்பவர்களின்  உயிரையும் காப்பாற்ற ஒரே வழி, ஒரு மிக பளுவானபொருளைத் தூக்கி இரயில் பாதையில் போடுவதுதான். மின்ரெயிலின் பாதையில் உள்ள பாலத்தின்மேல் ஒருவர் நின்று கொண்டு இருக்கின்றார். 

அவர், தன் அருகில் இருக்கும் ஒரு குண்டோதரனை எடுத்து இரயிலின் பாதையில்போட்டு, மற்ற ஐந்து பேரையும் காப்பாற்றலாமா? இந்த இரண்டு  புதிர்களுக்கும் விடை என்ன

மற்றவர்களைப் பாதிக்காத செயல்களைச் செய்யாமல் இருப்பதா? அல்லது மற்றவர்களுக்கு உதவி செய்யும்படியான செயலைச்செய்வதா? என்ற இரு கேள்விகளுக்கும் இடையில்  எந்த மாதிரியானத்  தீர்வை இரயில் ஓட்டுனராய் நாம் எடுக்க வேண்டும்?

எந்த ஒரு முடிவு எடுத்தாலும் அதன் நன்மையும் தீமையும் முடிவுகளின் விளைவுகளால்தானே முடிவு செய்யப்படுகின்றது? ஐந்து பேரைக் காப்பதற்காக ஒருவரைக் காவுக் கொடுப்பதில் தவறு இல்லை என்று சொல்லலாம். அப்படியானால் அந்த ஒருவர் ஒரு நாட்டின் தலைவராக இருக்கும் பட்சத்தில் நாம் யாரைக் காப்பாற்ற வேண்டும்? அல்லது நாம் காவு கொடுக்கத் தயாராக இருக்கும் ஒரு உயிர்  ஒரு குழந்தையாக இருந்தால்? அதுவும் இரெயில் ஓட்டுனரின் குழந்தையாக இருந்தால்?

 அதே நேரம் உயிருக்கு ஆபத்து வந்த ஐந்து நபர்களும் தீவிரவாதிகளாக இருக்கும் பட்சத்தில் இரயில் ஓட்டுனரின் முடிவு எப்படி இருக்க வேண்டும்?

இந்தக் கேள்விகளுக்கெல்லாம் ஒவ்வோருவரின் நிலையையும் சூழ்நிலையையும் பொறுத்து முடிவு எடுக்க முடியுமா? பொது நலத்தை பெரிதாக எடுத்துக் கொள்ள வேண்டுமா? 

Essential requirements for internet classroom 78th Series by Suganthi Nadar. Book Day. Capitalism இணைய வகுப்பறைக்கு இன்றியமையாத் தேவைகள் 78 - அது என்ன  மக்களைச்சார்ந்த முதலாளித்துவம்?
Tim cook

ஜனவர் 7ம்  தேதி வெளியிட்ட செய்தியில், ஆப்பிள் நிறுவனத் தலைவர்  Tim cook-ன் 2021ம் ஆண்டிற்கான வருமானம்  அமெரிக்க $500 மில்லியன் என்று தெரிகிறது. அதே சமயம் 2021ல் அந்த நிறுவனத்தில் வேலை செய்பவரின் வருமானம் அமெரிக்க $68 254 ஆகும். ஒரு முதலாளியின் சம்பளம் அவரிடம் வேலை செய்பவரின் வருமானத்தை விட ஏறத்தாழ 250 மடங்கு அதிகம். கர்நாடக மாநிலத்தில் உள்ள ஆப்பிள் தொழிற்சாலையில் உள்ள தொழிலாளர்களை அடிமாட்டு கூலிக்கு வேலை வாங்கியதும், இந்தியத் தொழிலாளர்ச் சட்டங்களை அந்நிறுவனம் மீறி இருப்பதும் நமக்குத் தெரியும்.

தமிழ்நாட்டில் உள்ளத் தொழிற்சாலையில் வேலைபார்க்கும் பெண்களுக்கு உணவு ஒத்துக்கொள்ளாமல் பெரிய பிரச்சனையாகியதும் நமக்குத் தெரியும். ஆப்பிள் நிறுவனத்தின் பொருட்களால் இயற்கை சூழலுக்கு ஏற்பட்டுள்ள பாதிப்பை அளவிட்டுக் கூறமுடியாது. ஆப்பிள் நிறுவனத்தின் செயல்பாடுகள் செல்வம் சார்ந்த பொருளாதரத்தின் ஒரு சிறு உதாரணம் தான். ஒரு கணினித் தொழில்நுட்ப நிறுவனத்தின் தன்னலமான செயலின் விளைவுகளே இப்படி இருக்கும் போது நம் வாழ்க்கையே கணினிகளை சார்ந்து இருக்கும் எதிர்காலத்தில் நாம் எப்படிப்பட்ட  விளைவுகளை சந்திப்போம்.

இதே போல  செல்வத்தையும் லாபத்தையும் சார்ந்த பொருளாதாரக் கொள்கைகளின் அடிப்படையில் செயல்படும் பல்வேறு நிறுவனங்களும்  சமுதாய அறம் பற்றிய சிந்தனை இன்றி வேலை செய்கின்றன என்பது நமக்குத் தெரியும். ஐந்து நபர்களைக் காப்பதற்காக, ஒருவரைக் கொல்வது சரி என்ற கொள்கையின் அடிப்படையில்  நிறுவனத்தின்  வியாபாரக் கொள்கைகளும் நடவடிக்கைகளும் இருக்கின்ற காரணத்தாலேயே இன்று தொழில்நுட்ப ஏற்றத் தாழ்வு உலகில் அசுரத்தனமாகி நிற்கிறது. மூன்றாம் தொழில்புரட்சியின் ஆரம்பக் கட்டத்தில் இருந்த பலரின் வாழ்க்கைத் தரம் இன்று குறைந்துதானே போய் இருக்கிறது? நம் வாழ்க்கை வசதியை உயர்த்த பல புதியதொழில்நுட்பங்கள் வந்த போதிலும்  சராசரி மனிதனின் செல்வநிலை எப்படி இருக்கின்றது?  சமுதாயப் பிரச்சனைகள் அதிகமாகியுள்ளது தானே?

இன்றைய இந்தப் பிரச்சனைகளைத் தீர்க்கவும் எதிர்காலத்தில் இது போன்ற பிரச்சனைகள் எழாதவாறு  செயல்படத் தேவையான அறிவையும் அனுபவத்தையும் கொடுக்கக் கூடிய கல்வி அல்லவா நமக்குத் தேவைப்படுகின்றது.

மேலே சொன்ன மின்ரெயில் புதிரை விடுவிக்க ஒரு மாணவனுக்கு அறிவும் செய்திகளும் தேவையில்லை. ஆனால் இப்படி ஒரு அறம் சார்ந்த பிரச்சனையை ஒருவர்  சந்திக்க நேரும் என்ற எதிர்பார்ப்போடு அப்படிப்பட்ட பிரச்சனைகள் எழாமல் இருக்கக் கூடிய சூழ்நிலையைக் கொண்ட தொழில்களையும் வேலைவாய்ப்புக்களையும் கொடுப்பதே மக்களைச் சார்ந்த பொருளாதாரம் ஆகும்.

Essential requirements for internet classroom 78th Series by Suganthi Nadar. Book Day. Capitalism இணைய வகுப்பறைக்கு இன்றியமையாத் தேவைகள் 78 - அது என்ன  மக்களைச்சார்ந்த முதலாளித்துவம்?

ஆப்பிள் நிறுவனத்தின் உதாரணத்தை எடுத்துக்கொண்டால், நிறுவன அதிபரின் வருமானம் பங்குச்சந்தையில் நிறுவனத்தின் மதிப்பு என்ற மேல்மட்ட பிரச்சனைகளுக்கு மட்டும் தீர்வு காண்பது செல்வம் சார்ந்த  பொருளாதாரம் என்றால்  அதிபரின் வருமானம், பங்குச்சந்தையின் மதிப்பு ஆகியவற்றிகு சமமான முக்கியத்துவம் இயற்கை சூழலுக்கும் அடிமட்டத் தொழிலாளர்களின் நலனிற்கும் கொடுக்க  உதவும் பொருளாதாரத்திற்கு மக்களைச் சார்ந்த பொருளாதாரம் என்று கொள்ளலாம். மக்களைச் சார்ந்த பொருளாதாரம் வலுப்பட கல்வியாளர்களாகிய நாம் என்ன செய்ய வேண்டும்?

முந்தைய தொடர்களை வாசிக்க:

இணைய வகுப்பறைக்கு இன்றியமையாத் தேவைகள் 74(என்ன மாதிரியான விழிப்புணர்வு?) – சுகந்தி நாடார்

இணைய வகுப்பறைக்கு இன்றியமையாத் தேவைகள் 75(கல்வியியலின் மற்றப்பரிணாமங்களும் கல்வி 4.0வின் தேவையும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 76(2030க்கான குறிக்கோள்களை நோக்கிய கல்வி) – சுகந்தி நாடார்

இணைய வகுப்பறைக்கு இன்றியமையாத் தேவைகள் 77(டாவோஸ் செயல்திட்டமும் கல்வி 4.0ம்) – சுகந்தி நாடார்

2
Essential requirements for internet classroom 77th Series by Suganthi Nadar. Book Day. The Davos Project and Education 4.o. இணைய வகுப்பறைக்கு இன்றியமையாத் தேவைகள் 77 - டாவோஸ் செயல்திட்டமும் கல்வி 4.0ம்
Posted inWeb Series

இணைய வகுப்பறைக்கு இன்றியமையாத் தேவைகள் 77 – சுகந்தி நாடார்



டாவோஸ் செயல்திட்டமும் கல்வி 4.0ம்

The Davos Agenda என்பது உலகப் பொருளாதார மையத்தின் செயல்பாடு ஆகும். ஏற்கனவே ஐக்கிய நாடுகள் சபை 15 கொள்கைகளை உலக மக்களின் மேம்பாட்டுக்காக வகுத்து வைத்திருக்கும் நிலையில் உலகப் போருளாதார மையம் சுவிட்சர்லாந்து நாட்டில் உள்ள டாவோஸ் நகரில் அரசு, தொழில்நிறுவனங்கள், வியாபார நிறுவனங்கள் பொதுமக்களின் பிரதிநிதிகள் சேர்ந்து இப்பொருளாதார மையத்தில் கலந்து கொண்டு ஆண்டுதோறும் கூடி உலக மக்களின் பொருளாதார மேம்பாட்டிற்காக திட்டங்கள் தீட்டுவர். கடந்த 50 ஆண்டுகளாக இப்படிப்பட்டக் கூட்டம் நடந்து முடிந்து விட்டது. 2022 ஜனவரி 17 முதல் 21 வரை நடந்த இந்த மாநாட்டில், ரஷ்ய அதிபர், சீன அதிபர், சிங்கப்பூர் அதிபர், இந்தியப் பிரதமர், ரொவாண்டா அதிபர், இஸ்ரெல் அதிபர்.

ஜோர்டான் நாட்டு மன்னர், கானா நாட்டு அதிபர், பிரான்ஸ் அதிபர், அர்ஜென்டினா அதிபர் என்று பல நாட்டு அதிபர்கள் கலந்து கொண்டனர். தடுப்பூசி பற்றிய விவாதங்களும் சமுதாய தொழில்களுக்கு ஆதரவு கொடுத்தும், வளர்ச்சியை நோக்கிய உறபத்தியும், மிக முக்கியமானக் கருத்துக்களாக கருதப்பட்டது. அனைவரையும் அரவணைத்துச் செல்லும் நீடித்து நிலைக்கக் கூடிய வளங்களையும் நாடுகளின் மீட்டெழுச்சித் திறனை ஊக்குவிக்கத் தகுந்த ஒரு பொருளாதாரத்தை உருவாக்க வேண்டும் என்ற ஒரு குறிக்கோளை இந்த இணைய சந்திப்பு நிகழந்தது. Klaus Schwab, உலகப் பொருளாதார மையத்தின் நிறுவனர் கூறுகிறார்.

செல்வத்தைச் சாராத, மக்களைச் சார்ந்த ஒரு முதலாளித்துவம் தேவை என்பதை இந்த ஐந்து நாள் கூட்டம் வலியுறுத்தியது. ஒரு நிறுவனம் பங்குச்சந்தை பங்குதாரர்களின் தேவையை மட்டும் பூர்த்தி செய்யாமல் அந்த நிறுவனத்தைச் சார்ந்தவர்களின் நன்மைக்காகவும் எதிர்கால சந்ததியினரின் தேவைகளைப் பூர்த்திசெய்யும் படியாகவும் தங்கள் நிறுவனக் கொள்கைகளில் மாற்றம் கொண்டு வரவேண்டும் என்பதை நேரடியாகவும், மறைமுகமாகவும், தரவுகளின் ஆதாரத்துடனும் இச்சங்கமம் வலியுறுத்துகிறது. அமெரிக்காவின் கருவூலச்செயலர் ஜெனட் எலன் அம்மா பேசுகையில் அமெரிக்கப் பொருளாதாரத்தில் பாரம்பரிய அளிப்புச் சங்கிலியை விட்டு நவீன அளிப்புச்சங்கிலி பற்றியக் கொள்கைகளை அமெரிக்க அரசு கொண்டுவந்துள்ளது என்றும், ஒரு சமுதாயத்தின் உட்கட்டமைப்புகளான தொழிலாளர்கள், இயற்கை சார்ந்த எரிசக்தி கட்டமைப்பு மனித வளத்தை மேம்படுத்தும் தானியக்கத் தொழில்நுட்பங்கள் அதற்கான ஆராய்ச்சி கல்விமுறை ஆகிய பல பரிணாமங்களில் அரசுக் கொள்கைகள் மாறி வருகிறது என்று கூறினார். இப்படியாக பலப் பரிணாமங்களைக் கொண்ட இத்தகைய ஒரு பொருளாதாராத்தைத்தான் நான்காம் தொழில்புரட்சியின் அடிப்படை ஆகும். இப்பொருளாதாரத்தை எதிர் நோக்கியே ஐநா சபையின் 15 கொள்கைகளும் உள்ளன என்பது குறிப்பிடத்தக்கது.

இதில் முக்கியமாக அனைத்துத் தொழிலாளர்களுக்கும் மின்னியியல் சார்ந்த அடிப்படை அறிவுத் தேவைப்படுகின்றது என்பது கல்வியாளர்களான நமக்காகக் கூறப்படுவதாகும்.  இத்தகையப் பொருளாரத் தேவையை கணித்து 2016ல் நடந்த டாவோஸ் கல்வி 4.0ன் தேவை அறிவுறுத்தப்பட்டது. நான்காவது தொழில்புரட்சிக்கு ஏதுவாக இன்றைய கல்வியாளர்கள் தாங்கள் படிக்கும் விதங்களில், பொருண்மைகளில் சீரிய மாற்றம் தேவை என்பதை கல்வி 4.0 வலியுறுத்துகிறது.

நான்காம் தொழிற்புரட்சிக்கு ஏற்றக் கருவிகளை உருவாக்குதல் மழலைக் கல்வி மூலம் சமுதாயத்தை வழிநடத்தும் தலைமுறையை உருவாக்குதல், இப்புதிய கல்விக் கொள்கைகளை ஏற்று நடத்தும் படியான அரசு தனியார் நிறுவன கொள்கைகள் ஒவ்வோரு தேச அளவிலும் சர்வதேச அளவிலும் கொண்டு வர வேண்டும் என்பதே கல்வி 4.0 செல்வத்தைச் சார்ந்த முதலாளித்துவம் என்ன நமக்குத் தெரியும் ஆனால் அது என்ன மக்களைச் சார்ந்த முதலாளித்துவம்? 

நாம் இப்போதே கருவிகளை உருவாக்கிக் கொண்டுதானே இருக்கின்றோம்? இன்னும் என்ன மாதிரியானக் கருவிகள் உருவாக்கபப்ட வேண்டும்?

ஏற்கனவே 2 வயது மூன்று வயதுக் குழந்தைகள் பள்ளிக்குச் சென்று கொண்டுதான் இருக்கின்றனர்? இன்னும் என்ன மழலைக்கல்வி பற்றிய விவாதம் என்று நமக்குள் பல கேள்விகள் எழலாம். 

இவற்றை ஒவ்வோன்றாக ஆராய்ந்தால் நாம்கல்வி 4.0 என்பதன் கட்டமைப்பை ஆழமாகப் புரிந்து கொள்ளலாம். ஆனால் கல்வி 4.0 என்ற கல்வியின் வெளிப்பாடு

  • ஒவ்வோரு மாணவர்களுகளின் தனிப்பட்டத் தேவையை பூர்த்தி செய்யும் கல்விச்சூழல்,
  • கல்வி நிலையங்களை விட்டுத் தொலைவிலிருந்தும் ஒதுக்குப்புறமான இடங்களிலும் செயல்படக் கூடிய கல்வி
  • கல்விக் கற்றலுக்கான கருவிகள் தேவைக்கு அதிகபடியாக கிடைத்தல். தரவு விவரங்களை ஒவ்வோரு மாணவரும் தன் வசம் வைத்து இருத்தல் அடிப்படைத் திறன்களான பிரச்சனைகளைத் தீர்த்தல்
  • ஒரு செயல்பாட்டின் வழிமுறைகளும் செயல் திட்டம் சார்ந்த கல்விமுறை
  • திறன்சார் கல்வி
  • அறிவாற்றலைப் பலவழிகளில் கொடுக்கக் கூடிய வழிகள்
  • மாணவர்களுக்கு முன்பே தெரிந்திருக்கும் விவரங்களின் அடிப்படையில் பாடங்கள் நடத்தப்படாமல் அவர்களின் ஒரு மனிதனின் செயல் திறனை மேம்படுத்துவதற்கான பாடங்கள் நடத்தப்பட வேண்டும்
  • செயல்திறனை மேம்படுத்த உதவும் செயல்பாடுகள்
  • குழு அமைப்பில் செயல்படுதல்
  • தனி மனிதக் குறிக்கோளை எட்டும் பிரத்யேக வழி
  • செய்யும் வேலையில் 100% முனைப்பாடும் வெளிப்பாடும்
  • வாழ்க்கைக் கல்வி ர்செயல்திறனை அதிகரிக்கக் கூடிய செய்திகளைக் கொடுத்தல், பல்துறை அடிப்படை செயல் திறன்

ஆகிய அம்சங்களைத் தாங்கி இருக்க வேண்டும்

1. தனிமனிதனின் செயல் திறனை மேம்படுத்துதல்
2. செயல்திறனை மேம்படுத்த உதவும் செயல்பாடுகளை அடையும் வழிகளைக் கண்டு பிடித்தல்
3. குழுவாகச் செயல்படுதல்
4. தனி மனிதக் குறிக்கோளை எட்டும் பிரத்யேக வழிகளை அடையாளப்படுத்துதல்
5. செய்யும் வேலையில் 100% முனைப்பாடும் வெளிப்பாடும் கொண்டு வருதல்
6. வாழ்க்கை கல்வி
என்ற இந்த ஆறு வழிகளில் நாம் மாணவர்களுக்கு எடுத்துச் செல்ல வேண்டும்.

நம்முடைய இன்றையப் பாடத்திட்டங்கள் ஓரளவுஇந்தக் குறிக்கோள்களைக் எதிரொலித்தாலும், இன்னும் பல முக்கிய மாற்றங்களை நாம் கொண்டு வர வேண்டும். முக்கியமாக மனனம் செய்து தேர்வு எழுதும் கல்வி முறையை நாம் மாற்றியே ஆக வேண்டும்மாணவர்கள்

அது எப்படி ஏன் என்பதை அடுத்துப் பார்ப்போம்.

முந்தைய தொடர்களை வாசிக்க:

இணைய வகுப்பறைக்கு இன்றியமையாத் தேவைகள் 70(   கணினிமயமான எதிர்காலமும் கல்வியின் பரிணாமமும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 71(கணினிமயமான எதிர்காலமும் கல்வியின் பரிணாமமும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 72 (தொழில்நுட்ப ஏற்றத்தாழ்வுகளும் கல்வியும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 73(கல்வி ஏழ்மை) – சுகந்தி நாடார்

இணைய வகுப்பறைக்கு இன்றியமையாத் தேவைகள் 74(என்ன மாதிரியான விழிப்புணர்வு?) – சுகந்தி நாடார்

இணைய வகுப்பறைக்கு இன்றியமையாத் தேவைகள் 75(கல்வியியலின் மற்றப்பரிணாமங்களும் கல்வி 4.0வின் தேவையும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 76(2030க்கான குறிக்கோள்களை நோக்கிய கல்வி) – சுகந்தி நாடார்

No Comments
Essential requirements for internet classroom 76th Series by Suganthi Nadar. Book Day. Education towards the goals for 2030. இணைய வகுப்பறைக்கு இன்றியமையாத் தேவைகள் 76 - 2030க்கான குறிக்கோள்களை நோக்கிய கல்வி
Posted inWeb Series

இணைய வகுப்பறைக்கு இன்றியமையாத் தேவைகள் 76 – சுகந்தி நாடார்



2030க்கான குறிக்கோள்களை நோக்கிய கல்வி

அலிபாபா நிறுவனம் இயற்கை சூழலுக்காக  செய்யும் வேலைகளைப் பற்றிப் பார்த்துக் கொண்டு இருந்தோம்.இயற்கையைப் பாதுகாக்கும் தொழில்நுட்பமாக புத்தாக்க எரிசக்திகளைக் கொண்டுவருவதும் ஏற்கனவே சூழவியலில் உள்ள கரிமல வாயுவை சுத்தம் செய்யும் தொழில்நுட்பத்திலும் முதலீடு செய்து சுற்றுப்புறத்தையும் சூழ்வியலையும் சுத்தமாக வைத்திருக்கும் வகையில் மக்களின் நடத்தையை, குணாதிசியத்தை மாற்றப் போவதாகவும் சீன அலிபாபா நிறுவனம் அறிவித்து உள்ளது. இதில் இருந்து இரு செய்திகளை நாம் பிரித்துப் பார்க்கலாம். ஒன்று 2030 ஒரு முக்கியமான ஆண்டு. இரண்டாவது  ஒரு நிறுவனத்தால் மனிதர்களின் குணாதிசியத்தை எளிதில் மாற்ற இயலும். அதற்குத் தேவையான அணுகு முறைகளும்  தரவுகளும் அவர்களிடம் ஏற்கெனவே இருக்கின்றது.  இந்த இரண்டில் இரண்டாவது  கூறப்படும் விஷயம் நாம் அனைவரும் அன்றாடம் அனுபவித்து வருகின்றோம். இன்று நம் ஒவ்வொரு வேலையும் தொழில்நுட்பங்கள் என்ன சொல்கின்றதோ அதை அடிப்படையாக  நம் தினப்படி வாழ்க்கை சென்று கொண்டு இருக்கிறது.  

ஆனால் முதலாவது செய்தி அது என்ன 2030? அந்த ஆண்டில் என்ன அப்படி முக்கியத்துவம்?

2030ம் ஆண்டு இன்று உலக அரசின் செயல்திட்டங்களிலும் பன்னாட்டு நிறுவனங்களின் நிர்வாகத்திலும் பங்குசந்தையிலும் பொருளாதார வல்லுநர்களாலும் ஒரு தாரக மந்திரமாகப் பயன்படுத்தப்பட்டு வருகின்றது. 1990களிலிருந்தே ஐநாசபை மனித எதிர்காலம் எப்படி இருக்கும் என்று அப்போதைய புள்ளி விவரங்களில் இருந்து தெரிந்து கொண்டு, என்ன செய்ய வேண்டும் என்று யோசித்தது. அதன் விளைவாக  நீடித்து இருக்கக் கூடிய வளர்ச்சிக் குறிக்கோள்கள் என்று ஒரு பதினேழு குறிக்கோள்களை ஐநா சபைக் கொண்டு வந்தது. நம் பின்வரும் தலைமுறையினரின் எதிர்காலத் தேவைகளுக்கு எந்த ஒரு பங்கமும் வராமல், இன்றையத் தேவைகளை சந்திக்கும் ஒரு வளர்ச்சி தான் நீடித்து நிற்கக் கூடிய வளர்ச்சியின் சாராம்சம்.

Essential requirements for internet classroom 76th Series by Suganthi Nadar. Book Day. Education towards the goals for 2030. இணைய வகுப்பறைக்கு இன்றியமையாத் தேவைகள் 76 - 2030க்கான குறிக்கோள்களை நோக்கிய கல்வி

ஏழ்மையில்லா நிலை, பசிக் கொடுமையின்மை, ஆரோக்கியம், வளமான கல்வி, பாலின வேறுபாடு களைவு, தூய்மையான நீரும் சுகாதாரமும், மலிவு விலையில் சுத்தமான ஆற்றல், தனிமனிதனுக்கு நல்ல வேலை, பொருளாதார வளர்ச்சி, சமநிலை, வளங்கள், நீடித்து இருக்கும்படியான பயன்பாட்டைக் கொண்ட சமுதாயம், பொறுப்புணர்வோடு கலந்த நுகர்வும் உற்பத்தியும் சூழவியல் செயல்பாடு நீர்வாழ் உயிரினப்பாதுகாப்பு, நிலவாழ் உயிரினப்பாதுகாப்பு, அமைதி, நீதி இவ்விரண்டையும் மையமாக் கொண்ட  சமுதாய அமைப்பு, இவ்வனைத்து குறிக்கோள்களையும் அடைய கூட்டுறவு முயற்சி ஆகிய 17 குறிக்கோள்களைக் ஐநாசபை உலகிற்கு அறிமுகப்படுத்தியது. ஐநாவின் திட்டப்படி இந்தக் குறிக்கோள்களை அடைய வேண்டியக் காலக்கெடுதான் 2030ம் ஆண்டு.

மேற்கூறிய குறிக்கோள்களை அடைய ஒவ்வோரு நாடும் சட்டங்கள் இயற்றினாலும் பல வியாபாரர நிறுவனங்களின் சமுதாயப் பொறுப்புணர்ச்சி சிறந்த நிலையில் இருந்தால் ஒழிய இந்தக் குறிக்கோள்களை அடையமுடியாது. இன்று நிறுவனங்களின் செயல்பாடு எப்படி இருக்கின்றது?

நுகர்வோர் மிண்ணனு பொருட்காட்சி (consumer electronic show- CES 2022) ஒன்று கலிபோர்னியா மாகாணத்தில் லாஸ்வேகாஸ் நகரில் தற்போது நடந்துகொண்டு இருக்கின்றது. நுகர்வோர் தொழில்நுட்ப அமைப்பு ஒன்று 1967ல் நிறுவப்பட்டு அதன் மூலம் பாமர மக்களின் தேவையைப் பூர்த்திசெய்யும் மின்ணனு சாதனங்களை உருவாக்கும் நிறுவனங்கள் இணைந்து மூன்று நாள் பொருட்காட்சியை ஆண்டாண்டுகளாய் நடத்தி வருகின்றது. நுகர்வோர் வாழ்வின் அனைத்து பரிணாமங்களின் இன்று கணினி இருக்கின்றது என்பதற்கு சாட்சியாக இந்தப் பொருட்காட்சி இருக்கிறது. இந்த தொழில்நுட்பங்களை அலசி ஆராய்ந்தால் நமது எதிர்காலம் எப்படி இருக்கும்? முக்கியமாக வேலைவாய்ப்புகள் எப்படி இருக்கும் என்ற ஒரு கணிப்பிற்கு நாம் நிச்சயம் வரலாம்.

செயற்கை நுண்ணறிவிலிருந்து முப்பரிமாண அச்சிடுதல் போக்குவரத்து , உடல்நலம், மனநலம், பந்தய விளையாட்டுகள், கேளிக்கைகள், சாதூரியமான நகரம், சாதூரியமான வீடு, விண்வெளி பாளச்சங்கித் தொழில்நுட்பம், மிண்னியியல் செலாவணி என்று பல்வேறு பிரிவுகளில் தொழில்நுட்ப நிறுவனங்கள் இந்தப் பொருட்காட்சியில் ஈடுபட்டுள்ளன. கல்வித் தொழில்நுட்பத்திற்கு என்று தனிப்பிரிவு இல்லை என்றாலும் தொய்விக்கும் பொழுது போக்கு IMMERSIVE Entertainment தொழில்நுட்பத்தின் மெய்நிகர் தொழில்நுட்பங்களும் செயற்கை அறிவுத் தொழில்நுட்பமும் கல்வி சார்ந்த மின்ணனு சாதனங்களுக்கு அடிப்படையாக அமையும் என்று கொள்ளலாம்.

Essential requirements for internet classroom 76th Series by Suganthi Nadar. Book Day. Education towards the goals for 2030. இணைய வகுப்பறைக்கு இன்றியமையாத் தேவைகள் 76 - 2030க்கான குறிக்கோள்களை நோக்கிய கல்வி

நேரத்திற்கும் இருப்பிடத்திற்கும் தகுந்தார் போல விளம்பரங்களைக் காட்டும் LG நிறுவனத்தின் CLO இயந்திர மனிதன், “organic light-emitting diode என்பதின் சுருக்கமான OLED தொலைக்காட்சிப் பெட்டிகள். தன் நிறத்தை மாற்றிக் கொண்டே இருக்கும் BMW மின்சார மகிழுந்து, OMN ipod எனப்படும் சகல வசதிகளும் செயற்கை நுண்ணறிவு இயந்திர வேலையாளும் கொண்ட உல்லாச போக்குவரத்து வாகனம், எந்த ஒரு தளத்தையும் தொலைக்காட்சியாக மாற்றக் கூடிய தொழில்நுட்பம், விளையாடுக்களுக்கெனவே பயன்படும் மடிக்கணினி என்று மின்னணு சாதனங்களின் ஊர்வலம் தொழில்நுட்ப ஆர்வலர்களையும் நிபுணர்களையும் இணைத்து நடக்கின்றது. இவ்வாறாக மொத்தம் 2200 நிறுவனங்கள் கலந்து கொண்டிருப்பதாகவும் இந்தப் பொருட்காட்சியின் இணையதளம் தெரிவிக்கின்றது.

இவற்றைப் பார்க்கும்போது, எந்த மாதிரி தொழில்நுட்பம் வருங்காலத்தில் வேலைவாய்ப்பைக் கொடுக்கும் என்று நம்மால் யோசிக்கமுடியும். ஆனால் அதைவிட முக்கியமாக இந்த சாதனங்கள் எல்லாமே தற்போது பொழுதுபோக்கு அம்சங்களின் ஒரு பகுதியாக உள்ளன என்பதும் நமக்குத் தெரிகின்றது. இன்றைய தலைமுறை நம்மிடம் இருக்கும் ஒவ்வொன்றையும் புத்தாக்க சிந்தைனையால் தொழில்நுட்பத்தின் உதவியோடு மெருகு ஏற்றிக் கொண்டிருக்கின்றது.

2015ல் ஆப்பிள் நிறுவனம் கணினியையே கைக்கடிகாராமாக்கியது ஒருவர் பயன்படுத்தும் கணினி திறன்பேசி அனைத்தும் அக்கடிகாரத்துடன் இணைந்து செயல்பட்டு மக்களின் வாழ்க்கையை இலகுவானதாக மாற்றுவதாக விளம்பரம் செய்து ஆப்பிள் நிறுவனம் அக்கடிகாரத்தை அறிமுகப்படுத்தியது. இன்று உலகம் முழுவதும் ஆப்பிள் ஆண்ட்ரைடு, சாம்சங் தளங்களுக்கு ஏற்ப மூன்று வித திறன் கடிகாரங்களே சந்தையில் உள்ளன. ஆனால் இன்றளவும் ஏறத்தாழ 12.3 million திறன் கடிகாரங்கள் விற்பனையாகியுள்ளன. 

இந்த திறன் கடிகாரங்களை ஒப்பிடும் போது, கணினி சாராத பாரம்பரியக் கைகடிகாரங்களை உருவாக்கும் நிறுவனங்கள் இருபதிற்கும் மேல் உள்ளன. இந்தியாவில் மட்டும் 6 கடிகார நிறுவனங்கள் உள்ளன. இக்கடிகாரங்களில் நடக்கும் தொழில்நுட்ப மாற்றத்தைத்தான் நாம் கூர்ந்து கவனிக்க வேண்டியுள்ளது.

இந்த நிறுவனங்களில் கார்ட்டியர் கைக்கெடிகார நிறுவனம் அறிமுகப்படுத்திய மாதிரியில் 1917 வருட முகப்புக் கொண்டு, சூரிய சக்தியில் இயங்கும் மின்கலம் கொண்ட கைக்கடிகாரத்தை உருவாக்கியுள்ளது. சூரிய ஒளியில் இயங்கும் கைக்கடிகாரங்கள் முன்பே இருந்தாலும், இப்போது கடிகார எண்களில் உள்ளத் துளை வழியாகவும் சூரிய ஒளி சென்று மின்கலத்தை உயிரூட்டும் வகையில் இந்தக் கைக்கடிகாரத்தின் கட்டுமானம் உள்ளது. அதே போல கைகடிகாரத்தின் பட்டையுமே ஆப்பிள் பழத் தோலிலிருந்து பெறபப்ட்ட மூலவளம் 40% பயன் படுத்தபப்டுகின்றது. என்ன ஒரு புத்தாக்க சிந்தனை. இயற்கை வளங்களை காப்பதில் என்ன ஒரு அக்கறை.

Essential requirements for internet classroom 76th Series by Suganthi Nadar. Book Day. Education towards the goals for 2030. இணைய வகுப்பறைக்கு இன்றியமையாத் தேவைகள் 76 - 2030க்கான குறிக்கோள்களை நோக்கிய கல்வி

Yankodesign என்ற நிறுவனம் நாம் சிறுவயதில் பயன்படுத்திய walkman போன்றத் தோற்றத்தில் bluetooth ஒலிப்பெருக்கிகளாக அறிமுகப்படுத்தியுள்ளன. அதேபோல இன்றைய திறன் பேசியை tape recorderல் இட்டு பாடவைப்பது போன்ற  walkman ஒலிப்பெருக்கிகளும் வந்துள்ளன. சில ஒலிப்பெருக்கிகளில் திறன்பேசி மின்னேற்றம் செய்வதற்கும் வழி செய்யபட்டுள்ளது. வாழ்க்கை என்ற வட்டம் இதுதான் நம் குழந்தைகள் வேண்டாம் என்று சொன்னதை அவர்களின் தலைமுறையினர் ஆசையோடு அரவணைக்கின்றனர். 2015ல் 18 வயதில் இருந்த சிறுவன் இப்போதுதான் இதுவரை அனுபவிக்காத ஒன்றைப் புதுமை என்று எண்ணி தன் வாழ்க்கை முறையில் பயன்படுத்த ஆரம்பிக்கலாம்.

இத்தலைமுறையின் குழந்தைகளுக்கு எந்த மாதிரிக் கல்வியை நாம் வழங்க முடியும்? அதற்குத் தயாராக நாம் என்ன செய்ய வேண்டும்? ஐநாவின் குறிக்கோள்களை அடைய அரசும் நிறுவனங்களும்  செயல்பட்டால் போதுமா கல்வி என்ற அமைப்பு என்ன செய்ய வேண்டி இருக்கிறது?

இயற்கை வளங்களைக் காப்பது, மனித வளங்களைக் காப்பது, மருத்துவம் என்று பல துறைகளில் தொழில்நுட்பம் வளர்ந்தாலும் பொழுதுபோக்கு அம்சங்களை மட்டுமே நுகர்வோருக்கு அடையாளம் காட்டும் கலாச்சாரம், நுகர்வோரின் குணாதிசியத்தை மாற்றும் ஒரு வழியாகத்தான் தோன்றுகின்றது. மனித வளமும் தொழில்நுட்பமும் மோதிக் கொள்ளும் நாள் வருமா? அப்படிப்பட்ட ஒரு நாளில் நாம் என்ன செய்ய வேண்டும்? கை கொடுக்குமா கல்வி 4.0? யோசிக்கலாம்.

இயற்கை வளங்களில்லா உலகில் கல்வி என்பது என்ன?
நாம் இன்று திறன்பேசியை எப்படிப் பயன்படுத்துகின்றோம்? ஒரு தொலைபேசியாக, ஒரு கடிகாரமாக, ஒரு நாள் காட்டியாக, ஒரு விலாசப்புத்தகமாக, ஒரு ஆலோசகராக, செய்தித்தாளாக, நம் தொழில்சார்ந்த கணினியாக என்று பலவிதங்களில் பயன்படுத்துகின்றோம். இப்படி எல்லா வழிகளிலும் தகவல்களைப் பெறும் கருவியாக இருக்கும் ஒரு சாதனம் பயன்படுத்தப்படும்போது, அது பொதுமக்களின் இன்றியமையாத ஒரு பாகமாக மாறிவிடுகின்றது. நாம் முப்பது ஆண்டுகளுக்கு முன்னால் மின்சாரப் பற்றாக்குறையால் அவதிப்பட்டவர்கள்தான். ஆனால் இப்போது மின்சாரம் தடைபட்டாலும் நம் வீட்டில் முக்கிய மின்சார சாதனங்கள் தற்காலிகமாக வேலை செய்ய வேண்டிய உபகரணங்களை வாங்கி வைத்து இருக்கின்றோம்.

கருவிகளைப் பயன்படுத்த நமது பழக்க வழக்கங்கள் மாறுகின்றன.  ஒருவருடைய சராசரி நுண்ணறிவு குறைய ஆரம்பிக்கின்றது. நம் வீடுகளில் துவைப்பதற்கு என்று கல் இருக்கும். அவற்றின் இடத்தை சலவை இயந்திரங்களுக்கு நாம் கொடுத்துவிட்டோம். அம்மி உரல் போல துவைக்கும் கல்லும் கூட ஒரு கலாச்சாரத்தின் அடையாளாமாக மாறிவிட்டது.

ஆனாலும் இன்றைய தமிழ்நாட்டில், மின்சார சலவை இயந்திரம் வேலை செய்யாவிட்டால் நம்மில் பலருக்கு நம் துணியை துவைக்கத்தெரியும். அதே அம்மியில் அரைக்கத் தெரியுமா? ஆட்டுக்கல்லில் ஆட்டத் தெரியுமா ஏன்றால்? நம்மில் பலரின் பதில் என்னவாக இருக்கும்?

சுகாதாரமான உடை அணிவதும் நாவுக்கு ருசியாக உணவு உன்பதும் எந்த ஒரு மனிதனின் அடிப்படைத்தேவை. அவற்றைக் கருவிகள் கொண்டு செய்யப்பழகும்போது நாம் நம் உடல்பயிற்சியை மட்டுமல்ல மற்ற ஒரு சில திறன்களையும் இழந்து விடுகின்றோம். மின் இயந்திரங்களை சமையலில் பயன்படுத்தும்போது, நம் வேலை எளிதாகிறது. அதை அடுத்து பொடிகளை வாங்கி சமைக்கின்றோம். அதுவும் குளிர்சாதனப்பெட்டி என்ற  இயந்திரம் வந்து விட்டதால் பல வீடுகளில் வாரத்திற்கு ஒரு முறைதான் சமையல், அதை அடுத்து இப்போது வலையொளியில் பார்த்து சமைக்கின்றோம். பாரம்பரிய கிராமக் கலைகளைத் தொலைத்து போல தொலைந்து போன ஒன்று சமையல்கலை. 

எங்கள் வீட்டில் என் குழந்தைகள் நடுநிலைப்பள்ளியில் படிக்கும்போது நடந்த கதை ஒன்றைக் கேளுங்கள். நான் அமெரிக்கா வந்ததிலிருந்து மின் இயந்திரத்தில்தான் துணி துவைப்பது. என் குழந்தைகள் இந்தியா வரும்போது மட்டுமே, துவைக்கும் கல்லைப் பார்த்து இருக்கின்றார்கள். அதில் துணி துவைப்பதை ஆச்சரியமாகப் பார்த்து இருக்கின்றார்கள்.

Essential requirements for internet classroom 76th Series by Suganthi Nadar. Book Day. Education towards the goals for 2030. இணைய வகுப்பறைக்கு இன்றியமையாத் தேவைகள் 76 - 2030க்கான குறிக்கோள்களை நோக்கிய கல்வி

சரி கதைக்கு வருவோம். என் இரண்டாவது பெண் எட்டாம்வகுப்பு படிக்கும்போது அவர்களின் கோடைக்காலக் கல்வியாக மற்ற நடுநிலைப்பள்ளி மாணவர்களுடன் மூன்று வாரங்களுக்கு உலக சுற்றுப்பயணம் செல்ல முடிவுசெய்தாள். சரி பயணத்திற்குத் தயாராகும் வேளையில் குழந்தைகளுக்குச் சொல்லப்பட்டது, என்னவென்றால் அமெரிக்கா போல இல்லாமல் மற்ற எல்லா நாடுகளிலும் பொது மக்களுக்கான போக்குவரத்து வசதிகள் அதிகம். ஐரோப்பிய நாடுகளில் அதிகமாக யாரிடம்  தனி வாகனங்கள் இருப்பதில்லை. பொது வாகனங்களில் மட்டுமே மற்ற நாடுகளில் பயணிக்க இயலும். அதனால் மாணவர்கள் அவர்களால் கையாளக்கூடிய வகையில் எடை குறைந்த இலகுவான பயணப் பெட்டிகளே எடுத்துவர வேண்டும்.

முடிந்த அளவு ஒருவருக்கு ஒரு பயணப்பெட்டி ஒரு கைப்பை போதும் என்று கூறிவிட்டனர். மூன்று வாரத்திற்கு ஒரேஒரு பெட்டி என்னும்போது தினம் ஒரு ஆடை அணிய இயலாது. எனவே ஒரு வாரத்திற்குத் தேவையான துணிமணிகளை எடுத்து வந்தாலே போதுமானது. எடுத்துவரும் துணிகளும் எளிதில் துவைத்து அலசிக் காயப்போடும் வகையில் இருக்கவேண்டும் அவர்கள் தங்கும் இடங்களில் அவர் அவர் துணியை அவர்களேத் துவைத்துக் கொள்ளவேண்டும். அப்போதுதான் பயணம் எளிதாக இருக்கும் என்று சொல்லி விட்டனர். 

அடுத்தது என்ன? கையால் துவைக்க சோப்புக் கட்டியைத் தேடி அலைந்ததுதான் மிச்சம். எங்கு சென்றாலும் சலவை இயந்திரத்திற்கு போடும் சோப்புத்தான் கிடைத்தது. வேறு வழியின்றி அந்த சோப்புத்தூளை வைத்தே துணி துவைக்க சொல்லிக் கொடுக்கவேண்டும். பயணத்தில் இருப்பவர்களாயிற்றே கூடவே வாளியையா கொடுத்து அனுப்பமுடியும். எட்டாவது படிக்கும் பெண் இயந்திரத்தில் அழகாக தன் துணியை துவைத்து எடுத்து வைத்துவிடுவாள், ஆனால் கையால் துவைக்க வேண்டுமேயானால்?

பயண ஏற்பாட்டாளர்கள்  சொல்லித் தந்தபடி ஆரம்பித்தது துணி துவைக்கும் பயிற்சி. துணியைக் கையால் துவைப்பது எப்படி  என்று பட்டியலிட்டு ஒரு காகிதத்தையும் கொடுத்து விட்டார்கள். 

அவள் செய்ய செய்ய நான் அவளை மேற்பார்வையிட வேண்டும் (நான் வேறு ஆசிரியர்கள் சொல்வதை பிறழாமல் கடைபிடிக்க வேண்டும் என்று அடிக்கடி புத்தி மதி கூறி இருக்கின்றேன். என் சொல்லைக் கேட்கவா போகிறாள்?. உதடுகளை கடித்து என் வாயை மூடி அவள் செய்வதைக் கவனிக்க ஆரம்பித்தேன். முதலில் நாம் கை கழுவி வாய் கொப்பளிக்கும் தொட்டியில் துணியை ஊறவைத்து பின் அதிலேயே அலச வேண்டும். 

தொட்டியில் நீரை நிரப்பி, சோப்புத்தூளை போடும்வரை இருவருக்குமே ஒன்றும் தோன்றவில்லை. ஆனால் அதில் துணியை போட்டு ஊறவைக்க வேன்டும் என்ற நிலையில் எங்கள் இருவருக்குமே குமட்டிக் கொண்டு வந்தது. சரி வாய் கொப்பளிக்கும் தொட்டியில் துணி துவைப்பது என்பது முடியாத காரியம் என்று தெரிந்துபோனது. வீட்டில் இருக்கும் தொட்டியிலேயே இவ்வளவு அருவருப்பாக இருக்கும்போது பொதுத்தொட்டியில் துணியை துவைப்பதா ?

கண்டிப்பாக முடியாது என்று முடிவு செய்யப்பட்டது. அடுத்து குளிக்கும்போதே அப்படியே துணியை அலசிக் கொள்வது. அப்படி செய்து இரவில் துணியை குளியல் அறையிலேயே வைத்து விட்டு மறுநாள் காலை சென்று பார்த்தால் துனியிலிருந்து ஒரு வாடை மட்டுமல்ல துணி கொஞ்சம்கூட காயவில்லை ஏன் என்றால் துணியை ஈரம் போகப் பிழிய அவளுக்குத் தெரியவில்லை, துணையைப் பிழியாமலே சொட்ட சொட்ட காயப் போட்டு வந்துவிட்டாள்.

Essential requirements for internet classroom 76th Series by Suganthi Nadar. Book Day. Education towards the goals for 2030. இணைய வகுப்பறைக்கு இன்றியமையாத் தேவைகள் 76 - 2030க்கான குறிக்கோள்களை நோக்கிய கல்வி

இந்தக் கதையை எதற்குச் சொல்கின்றேன் என்றால், இயந்திரத்தை வைத்து ஒரு செயலைச் செய்யப் பழகிய அவளுக்கு அந்த வேலையை இயந்திரம் இல்லாமல் செய்யத்தெரியவில்லை. அதைவிட அந்த வேலையைச்செய்யும் பொறுமை அவளிடம் இல்லை. ஒரு இயந்திரத்தை இயக்கத் தெரிந்த அறிவைக் கொண்டு மட்டுமே அவளுடைய அன்றாட வாழ்க்கை இன்றும் நடக்கிறது.

இந்த இளம் தலைமுறையினர் பொதுவாக இப்படித்தான் இருக்கின்றனர். கணினிகள் சூழந்து அவர்கள் வாழும் வாழ்க்கை, கணினிகளே அவர்களுடைய வாழ்க்கையின் அத்தியாவசியம் ஆகி விடுகிறது. கருவிகளையே நம்பி வாழும் தலைமுறைக்கு  நமக்குப் பிந்தைய தலைமுறையினர் நுண்ணறிவோடு செய்த செயல்கள் ஆச்சிரியத்தைத் தருகின்றன. அவை ஒவ்வோன்றையும் அற்புதமாக நினைக்கின்றனர். அதனாலேயே இன்றைய அவர்களுடைய வாழ்க்கையில் புத்தாக்கம் என்பது  நுண்ணறிவு சார்ந்து செய்யப்படும் செயல்கள்தான். நாளையை தலைமுறை நேற்றைய விஷயங்களில் ஆர்வம் காட்டுகின்றனர். ஆனால்  கருவி என்ற ஒரு பெரியதிரை இடையில் இருக்கின்றதே!

அப்படி யோசித்தால் நம்முடையக் கல்வி என்பது கருவிகளை எப்படிப் பயன்படுத்துவது என்பது மட்டுமா? இல்லையே? கருவி என்பது மனிதன் செய்யும் வேலைக்கு உதவி புரிய வந்தது தானே? இந்தக் கேள்விகளைப் பார்க்கும்போது இயற்கை சார்ந்த வாழ்க்கைதான் சிறந்தது என்ற முடிவிற்கு நாம் வரலாம். ஆனால் நம்முடைய சுமை தோளாக இருக்க இயற்கை உயிரோடு இருக்குமா? இயற்கையைவிட மேலாக நம் முண்ணோரின் அனுபவ அறிவிற்கும்  நுண்ணறிவிற்குமே 2030ல் பற்றாக்குறை இருக்குமே?

நாம் இன்றிலிருந்து இயற்கையை பாதுகாக்க வேண்டும்தான்/ ஆனால் அது மட்டும் போதுமா? நமது நுண்ணறிவை,  கடந்த 200 ஆண்டுகால பட்டறிவை எப்படிக் காப்பது?

உலகில் ஐயாயிரம் வகை தவளைகள் இருக்கின்றனவாம். ஆனால் தவளைகளின் தொகை மூன்றில் ஒரு பகுதியாகக் குறைந்துவிட்டது. காரணம் அசுத்தமாகிப்போன நீர் நிலைகள். இப்படி எத்தனையோ நாம் கைக்காட்டிக் கொண்டே போகலாம். நம்முடைய வாழ்க்கைத் தரத்தையும் பொருளாதாரத்தையும் உயர்த்தவேண்டும் அதே நேரம் செழிப்பான மண்வளம், நீர்வளம் மாசற்ற காற்றும் நம் அடிப்படைத் தேவையல்லவா? ஐநாசபை 2030க்கான திட்டம் கொரானா பெருந்தொற்றினால் ஆட்டம் கண்டிருந்தாலும் அரசாங்கத்தைப்போல, சமுதாயப் பொறுப்புள்ள நிறுவனங்களைப்போல கல்வியாளர்களாகிய நமக்கும் ஐநாவின் பதினேழு குறிக்கோள்களைப் பின்பற்றி ஒரு நல்லுலகைப் படைக்க வேண்டாமா? 

ஒவ்வோரு நாடும் தன் தனித்தன்மை, பாரம்பரியம், கலாச்சாரம், வரலாறு ஆகியவற்றைக் கணினி நிறுவனங்களுக்கு வாடகைக்குக் கொடுத்தால் போதுமா?  

நாம் இன்று என்ன செய்ய வேண்டும்? எப்படி செய்ய வேண்டும்?

அதற்குத் தான் கல்வி 4.0. இத்தனை வாரங்களில் கல்வி 4.0ன் தேவைக்கான காரணிகளைப் பலவாறு பார்த்தோம். அடுத்து கல்வி 4.0 என்ன என்பதைப் பார்ப்போம். அதை இன்றே நாம் நம் கல்வி முறையில் எப்படிப் பயன்படுத்துவது என்றும் காணலாம். உங்கள் அனுபவங்களையும் கருத்துக்களையும் பகிர்ந்து கொள்ளுங்கள்:

முந்தைய தொடர்களை வாசிக்க:

இணைய வகுப்பறைக்கு இன்றியமையாத் தேவைகள் 70(   கணினிமயமான எதிர்காலமும் கல்வியின் பரிணாமமும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 71(கணினிமயமான எதிர்காலமும் கல்வியின் பரிணாமமும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 72 (தொழில்நுட்ப ஏற்றத்தாழ்வுகளும் கல்வியும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 73(கல்வி ஏழ்மை) – சுகந்தி நாடார்

இணைய வகுப்பறைக்கு இன்றியமையாத் தேவைகள் 74(என்ன மாதிரியான விழிப்புணர்வு?) – சுகந்தி நாடார்

இணைய வகுப்பறைக்கு இன்றியமையாத் தேவைகள் 75(கல்வியியலின் மற்றப்பரிணாமங்களும் கல்வி 4.0வின் தேவையும்) – சுகந்தி நாடார்

No Comments
Essential requirements for internet classroom 75th Series - Suganthi Nadar. Book Day. இணைய வகுப்பறைக்கு இன்றியமையாத் தேவைகள் கல்வியியலின் மற்றப்பரிணாமங்களும் கல்வி 4.0வின் தேவையும் 75 – சுகந்தி நாடார்
Posted inWeb Series

இணைய வகுப்பறைக்கு இன்றியமையாத் தேவைகள் 75 – சுகந்தி நாடார்



கல்வியியலின் மற்றப்பரிணாமங்களும் கல்வி 4.0வின் தேவையும்

ஒரு காலத்தில் கணினியும் கணினியியலும் ஒரு  தனிப்பிரிவாக ஒரு அறிவியலின் ஒருஅங்கமாகக் கருதப்பட்டது. இப்போது கூட  STEM என்று சொல்லிக் கொண்டு அறிவியல் தொழில்நுட்பம் பொறியியல் கணக்கு ஆகியவற்றிற்கு முன்னுரிமை அமைத்து கொடுப்பதோடு இவை நான்கும் இணைந்த ஒருத் தனிப்பிரிவாக பிரிக்கப்பட்டு கற்றுத்தர வேண்டும் என்று  வலியுறுத்தப்படுகிறது. நான் உயர்நிலைப் பள்ளியில் படிக்கும்போது அறிவியல்பிரிவு, சமுதாய அறிவியல்பிரிவு, வீட்டுமேலாண்மை அறிவியல் என்று மூன்று பிரிவுகளாக பதினோராம் பன்னிரண்டாம் மாணவர்களுக்கு இருக்கும். பத்தாம் வகுப்பில் அதிக மதிப்பெண் எடுத்து இருப்பவர்களுக்கு,  அறிவியல் பிரிவிலும் கணிதம் கணினிப்பிரிவிலும் சிக்கலில்லாமல்  இடம் கிடைக்கும். 

இப்போது தமிழ்நாட்டில் எப்படி நடக்கின்றது என்று தெரியவில்லை. ஆனால் தற்போது ஒரு மாணவர் பயிலும் எல்லா பாடங்களிலும் இவை ஊடுருவி இருக்க வேண்டும் என்று சொல்லப்படுகின்றது. உலக தரத்தின்படி 20ம் ஆண்டு தொடக்கத்தில் அறிவியியல் பாடங்களை எடுத்துப் படிக்கும் மாணவர்கள் அமெரிக்காவில் மிகக்குறைவாக இருந்தனர். இது பல பிரச்சனைகளை உருவாக்கும் என்று கருதிய அமெரிக்க தேசத்து அறிவியில் நிறுவனம் பிரதான அறிவியல் பாடங்களை என்று பெயர் கொடுத்து மாணவர்களுக்கு தொடக்க நடுநிலைப்பள்ளிகளிலேயே அவர்களுடையப் பாடத்திட்டத்தின் அடிப்படையாக இருக்கவேண்டியக் கட்டாயத்தை உணர்த்தினர்.
Essential requirements for internet classroom 75th Series - Suganthi Nadar. Book Day. இணைய வகுப்பறைக்கு இன்றியமையாத் தேவைகள் கல்வியியலின் மற்றப்பரிணாமங்களும் கல்வி 4.0வின் தேவையும் 75 – சுகந்தி நாடார்
அதன் விளைவாக இந்த இருபது ஆண்டுகளில் பல்வேறு வகையில் அமெரிக்கநாடு பலன் அடைந்து இருந்தாலும், மிக, மிக முக்கியமான மாற்றம், கணினியிலும் தகவல் தொழில்நுட்ப பரிமாற்றத்தில் ஏற்பட்டது. இந்த மாற்றம் எந்த அளவிற்கு என்பதை இன்றைய  அன்றாட வாழ்க்கையில் நாம் தினம்தினம் அனுபவித்து வருகின்றோம். தரவுகளின் இராஜியமாக உலகமே மாறிவிட்டது என்னும் பொழுது எந்தத் துறையை எடுத்துப் படித்தாலும் மாணவர்களில் கணினியியல் தகவல் தொழில்நுட்ப இயல் இரண்டிலும் இளம் வயதிலிருந்தே முறையாகக் கற்றால்தான் அவர்களால், அவர்கள் படிப்பைக் கொண்டு தங்கள் வாழ்வாதாரத்தை உயர்த்திக் கொள்ளமுடியும்.

 கணினியியல் தகவல்தொழில்நுட்ப அறிவு என்று சொல்லும்போது, கருவிகளும் தொழில்நுட்பங்களும் அனைவருக்கும் கிடைக்கவேண்டும் என்பது முதல் குறிக்கோளாக இருந்தாலும் அடிப்படை கணினிஅறிவு  ஒருவருக்கு ஒரு அனுபவ அறிவாகக் கண்டிப்பாகத் தேவைப்படுகின்றது. ஒரு கல்விமுறையில் கணினியியலின் அனுபவ அறிவு மட்டுமின்றி மிக ஆழமான  தெரிதலும் புரிதலும் கொண்ட கணினி ஆளுமையும் வல்லமையும் இன்றைய மாணவர்களுக்கு கண்டிப்பாகத் தேவையாக உள்ளது.

இது மறுக்க முடியாத உண்மை. இந்த உண்மையின் மறுபக்கம் என்ன? கணினி ஆளுமையும் வல்லமையும் பெறக்கூடிய வாய்ப்பு இல்லாத ஒரு சமுதாயம் அமெரிக்க ஐரோப்பிய நாடுகளுக்கு வெளியே உருவாகி வருகின்றது. உலகின் மனிதவளத்தில் ஒரு சமமின்மைக் காணப்படுகின்றது. அதற்கு ஏழ்மை, அரசியல் சூழல் என்று நாம் காரணங்களை அடுக்கினாலும்  நாம் அனைவருமே நமக்கு இப்போது கிடைத்துக் கொண்டிருக்கின்ற சேவைகளே போதும் என்று உலகின் மிக முக்கிய கணினி நிறுவனங்களை சார்ந்து இருக்க ஆரம்பித்து உள்ளோம்.

அந்த நிறுவனங்கள் நமக்குக் கொடுக்கும் சேவைகளுக்கு ஏற்றபடி  நம் வாழ்க்கைமுறையை மாற்றிக்கொண்டு வருகின்றோம். மறுமலர்ச்சி காலத்திலிருந்து உலகில் எத்தனையோ கண்டுபிடிப்பகள் ஏற்பட்டன. அவற்றில் மின்சாரம், கச்சா எண்ணெய் கண்டுபிடிப்பு, அணுசக்தி கண்டுபிடிப்பு, விமானத் தொழில்நுட்பம், விண்வெளித் தொழில்நுட்பம் என்று நாம் சில முக்கியமானத் தொழில்நுட்பங்களோடு இன்றைய தகவல்தொழில்நுட்ப கணினியியல் தொழில்நுட்பம் உலகில் கொண்டுவந்த தாக்கங்களை ஒப்பிட்டுப் பார்க்கலாம். அப்படி ஒரு கல்வியாளர்களாக ஆராய்ச்சியாளர்களா நாம் தரவுகளின் அடிப்படையில் ஒப்பிட்டுப் பார்க்கும்போது தகவல் தொழில்நுட்பம்தான் மனித இனத்தை வேரோடு மாற்றிக்கொன்டு இருக்கின்றது.

உலக வரலாற்றில் ஒவ்வோரு தொழில்நுட்பமும் மனிதகுலத்தின் மேன்மைக்காகக் கண்டுபிடிக்கப்பட்டு பயன்படுத்தப்பட்டாலும் அப்படிப்பட்ட பயன்பாடுகளின் எதிர்விளைவுகளை நாம்  இன்று அனுபவித்துக்கொண்டு இருக்கின்றோம். சென்னை வெள்ளம், மலேசிய வெள்ளம், ஆஸ்திரேலியா வெள்ளம், கலிபோர்னியாவில் காட்டுத்தீ, சூறைப்புயல்களின் தாக்கம் வழக்கத்திற்கு மாறான இடங்களிலும் காலத்திலும் பனிப்புயல் என்று நம்முடைய அன்றாட வானிலை இரு திசைதெரியா முள்ளாக அலைபுற்றுக் கொண்டு இருக்கின்றது. இவையெல்லாம் இயற்கையில் நம் அன்றாட தொழில்நுட்பங்களின் அதீத பயன்பாட்டினால் வந்தது என்று அறிவியலாளர்கள் கூறுகின்றனர்.Essential requirements for internet classroom 75th Series - Suganthi Nadar. Book Day. இணைய வகுப்பறைக்கு இன்றியமையாத் தேவைகள் கல்வியியலின் மற்றப்பரிணாமங்களும் கல்வி 4.0வின் தேவையும் 75 – சுகந்தி நாடார்

மின்சக்தி நமக்கு இயற்கையில் கிடைக்கின்றது என்று பெஞ்சமின் ஃப்ராங்க்ளின் அவர்களால் 1752ல் கண்டுபிடிக்கப்பட்டது. அதை மின்சாரம் என்ற தொழில்நுட்பமாக மாற்றியது தாமஸ் ஆல்வா எடிசன் அவர்கள். அவரைத் தொடர்ந்து சாமுவேல் இன்சுல் என்பவர் ஒரு ஆடம்பர மூலப்பொருளாக இருந்த மின்சக்தியை அனைவரும் பயன்படுத்தக்கூடிய  வகையில் குறைந்த விலையில் உற்பத்தி செய்தார். மின்சாரம் கண்டுபிடித்து ஏறத்தாழ 300 ஆண்டுகள் கழித்தும் இன்னும் ஏறத்தாழ 20%  உலக மக்கள் தொகைக்கு சரியான வகையில் மின்சாரம் கிடைக்கவில்லை.

மின்சாரப் பற்றாக்குறை இன்னும் தீர்ந்தபாடில்லை. ஆனால்  மின்சாரத் தேவைக்காக பயன்படுத்தபபட்டு நிலக்கரி தொல்லுயிர் எச்சம் எரிசக்திகளினால் பைங்குடில் வளிக்களான (greenhouse gas) நீராவி கரிமல வாயு, ஓசோன் நைட்ரேட் ஆக்ஸைடு, மீத்தேன் ஆகியவை சுற்றுச்சூழலை பாதித்துக் கொண்டே இருக்கின்றது என்று நமக்குத் தெரியும். அதனால்தான் நீர் காற்று சூரியசக்தி என்று இயற்கை வழியில் நாம் எரிசக்தியைக் கண்டுபிடித்துக் கொண்டு இருக்கின்றோம்.

நாம் பயன்படுத்தும் அடுத்தத் தொழில்நுட்பத்தில் மிக முக்கியமானது போக்குவரத்துத் தொழில்நுட்பம் இருசக்கரவாகனம் முதல் விண்வெளியில் செல்லும் விண்கலம்வரை அனைத்தும் தங்கள் கழிவுகளாக தங்கள் பங்கிற்கு சூழவியலை மாசுப்படுத்திக்கொண்டு இருக்கின்றன. அதனால்தான் இன்று மின்சாரத்தில் இயங்கும் வாகனங்கள் உற்பத்தியில்  நிறுவனங்கள் தங்கள் ஆராய்ச்சியையும் நடத்தி வருகின்றன. நாம் இன்று பயன்படுத்தும் மகிழுந்து 1885களில் கண்டுபிடிக்கப்பட்டது. 1903ல் விமானம் கண்டுபிடிக்கப்பட்டது.Essential requirements for internet classroom 75th Series - Suganthi Nadar. Book Day. இணைய வகுப்பறைக்கு இன்றியமையாத் தேவைகள் கல்வியியலின் மற்றப்பரிணாமங்களும் கல்வி 4.0வின் தேவையும் 75 – சுகந்தி நாடார்

இத்தனை நூற்றாண்டுகளில்  இவற்றின் பாதிப்பு சூழவியலில் என்ன என்று தெரியுமா? ஒரு சராசரி நான்கு சக்கர மகிழுந்து 4.5 லிட்டர் கல்லெண்ணெயிலிருந்து (petrol) பயன்பாட்டில் எட்டு கிராம் கரிமல வாயுவையும் 4.5 லிட்டர் வளியெண்ணெய் (diesel) பயன்பாட்டிலிருந்து ஏறத்தாழ பத்துகிராம் கரிமலம் வெளியாகின்றது என்றும் அமெரிக்க சூழவியியல் ஆணையம் தெரிவிக்கின்றது. அமெரிக்க வாஷிங்டன் நகரிலிருந்து ஜெர்மனிவழி சென்னை சென்று அதேபோல ஒருவர் திரும்பிவரும் பயணத்தில் 4.6 டன் கரிமல வாயுவை வெளியிடுகிறது என்று myclimate.org என்ற தளத்தில் அறிந்துகொண்டேன். அணுசக்தியினால் இரண்டாம் உலகப்போரில் ஏற்பட்ட விளைவை உலகம் என்றுமே மறவாது.  

 நான் இவ்வாறு பாதகமான விளைவுகளை எடுத்துச் சொல்வதால் அந்தத் தொழில்நுட்பங்களைப் பயன்படுத்துவது தவறு என்று சொல்லவரவில்லை. கடந்த நூற்று ஐம்பது ஆண்டுகளுக்கு முன்னால் கண்டுபிடிக்கப்பட்ட  தொழில்நுட்பங்கள் தங்களின் மனித பயன்பாட்டைப் பார்த்தனரே தவிர அதனால் விளையும்  பாதகமான விளைவுகளை எண்ணிப்பார்க்கவில்லை.

அதே போலத்தான் இந்த கணினித் தொழில்நுட்பமும். ஆப்பிள் நிறுவனத்தின் திறன்பேசி வெளிவந்த காலக்கட்டத்திலிருந்து கணினித் தொழில்நுட்பம் பொது மக்களிடேயே மிகவேகமாகப் பரவினாலும் அதனுடைய பாதகமான தாக்கம் இயற்கைச்சூழலை மட்டுமல்ல மனிதவளத்தையே சூறையாடிக்கொண்டு இருக்கிறது. மனிதம் என்பது கற்றலும் பொருள் ஈட்டுவது மட்டும் தானா?  மனித நோக்கமே  பணிசெய்து பொருள் ஈட்டி பலபல சொத்துக்களைப் பெருக்குவதுதான் என்றால் நமக்கும்  மற்ற உயிரினங்களுக்கும் என்ன வேறுபாடு ஐந்தறிவு உயிரினங்களுக்கும் மனிதனுக்கும் உள்ள முக்கிய வித்தியாசம் அறம். ஒவ்வோரு உயிரினத்திற்கும் ஓர் அறம் உண்டு. ஆனால் மனிதனின் அறம் எது என்பதை எப்படி  ஒரு சில தொழில்நுட்ப நிறுவனங்கள் நிச்சயிக்கலாம்?

இயற்கையை  தன்னைச் சுற்றிய சக மனிதர்களை, அரவணைத்துப் போக நமக்குத் தெரியவேண்டுமே? இது இங்கே வாழ்க்கைத் தத்துவமாக சொல்ல வரவில்லை. தன்னையும் நம் சமுதாயத்தையும் நாம் பேணி வாழாவிட்டால் அங்கே சமூகம் என்பதே ஏது? நம்முடைய இன்றையக் கல்விமுறைகளும் அப்படிப்பட்ட ஒரு சிந்தனையை நமக்குள் வளர்க்கவில்லை.  அறநெறி என்பது ஒரு தத்துவப் பாடமாகவோ அல்லது ஆன்மீகமாகவோதான் பார்க்கப்படுகின்றது என்றோ யாரோ போட்ட வட்டத்திற்குள் வாழ்ந்துகொண்டு நம்மை நாமே ஏமாற்றிக் கொண்டு இருக்கின்றோம். நாம் சுவாசிக்கும் காற்று மாசு பட்டபோது நாம் கவலைப்படவில்லை. நம் விவசாய நிலங்கள்  மனைகளாக தொழிற்சாலைகளாக மாறும்போதும் நாம் கவலைப்பட்டதில்லை. கவலைப்பட்டவர்கள் எல்லாம் அதைக் கல்விச்சூழலில் கொண்டுவரவும் இல்லை.

 சமுதாய நல்லிணக்க நோக்கு இல்லாத ஒரு கல்வி எத்தகைய எதிர்காலத்தை நமக்கு உருவாக்கும்?

மனிதனுடைய எதிர்காலம் எல்லைகளை அரசியலை கலாச்சாரத்தை மொழியை  ஒரு கூட்டத்தினரின் தனித்துவத்தைப் பாதுகாப்பதிலும் அதை வளர்ச்சி அடையச் செய்வதிலுமல்லவா  ஒளிந்து இருக்கின்றது. இப்படி சமுதாய நோக்கோடு கூடிய நன்னெறிகொண்ட தலைமைப்பண்பு நாளைய நிறுவனர்களுக்கு, நாளைய தொழிலாளிகளுக்கு, நாளைய அரசாங்கத்திற்குத்  அத்தியாவசியத் தேவையாய் இருக்கிறது. அப்படிப்பட்ட அத்தியாவசியத்தை இன்றே இப்போதேப் பூர்த்தி செய்யத் தொடங்குவதுதான் கல்வி 4.0வின் அடிப்படை.

எப்படி அறிவியலுக்கான மனிதவளம் தேவை என்று தீர்மாணித்து STEM நம் பாடங்களில் கொண்டுவரப்பட்டதோ அதேபோல நம்முடைய எதிர்காலத்திற்கு இன்று பற்றாக்குறையாய் இருப்பது சமுதாய நல்லிணக்க நோக்கு சார்ந்த பாடப் பொருண்மைகள்? நம்மால் கொண்டுவர முடியுமா? நம் கல்வி முறையை மாற்றுவதன் மூலம் நம்  புவியை இயற்கை அழிவிலிருந்து காக்க முடியுமா? மனிதவளத்தை மேம்படுத்த முடியுமா? முடியும் என்று சொல்கிறது கல்வி 4.0.

முந்தைய தொடர்களை வாசிக்க:

இணைய வகுப்பறைக்கு இன்றியமையாத் தேவைகள் 70(   கணினிமயமான எதிர்காலமும் கல்வியின் பரிணாமமும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 71(கணினிமயமான எதிர்காலமும் கல்வியின் பரிணாமமும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 72 (தொழில்நுட்ப ஏற்றத்தாழ்வுகளும் கல்வியும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 73(கல்வி ஏழ்மை) – சுகந்தி நாடார்

இணைய வகுப்பறைக்கு இன்றியமையாத் தேவைகள் 74(என்ன மாதிரியான விழிப்புணர்வு?) – சுகந்தி நாடார்

No Comments
Essential requirements for internet classroom 74th Series - Suganthi Nadar. Book Day. What kind of awareness? என்ன மாதிரியான விழிப்புணர்வு?
Posted inWeb Series

இணைய வகுப்பறைக்கு இன்றியமையாத் தேவைகள் 74 – சுகந்தி நாடார்



என்ன மாதிரியான விழிப்புணர்வு?

சிறந்த  கல்வியின் அடிப்படை உன்னதமான கல்வி வளங்களும் மனிதநேயம் வளர்க்கும் ஆசிரியர்களும். இவை இரண்டும் உருவாக தகவல்தொழில்நுட்பம் பற்றிய விழிப்புணர்வு தேவை.

விழிப்புணர்வின் அடுத்தப்பக்கம் நமது சமூக வலைதளங்களில் வரும் செய்திகள். இணையதளம் என்பதை virtual என்று கூடக் கேள்விப்பட்டு இருக்கின்றோம். அப்படி என்றால் 

carried out, accessed, or stored by means of a computer, especially over a network என்று Oxford ஆங்கில அகராதி கூறுகின்றது. இதையே தமிழில் நடைமுறையில் மெய்யான , செயலளவில் மெய்யாகக் கொள்ளத்தக்க என்று அகராதி கூறுகின்றது. அதே virtual என்ற சொல்லை கணினிக் கலைச்சொல்லாக பார்க்கும் போது மெய்நிகர் என்ற சொல்லை நாம் பயன்படுத்துகின்றோம். மெய்நிகர் என்றுதான் கூறுகின்றோமேத் தவிர மெய் என்று சொல்வதில்லை. மெய்க்கு நிகரான ஒன்று மெய்யாகி விட முடியுமா? இதையே தான் Oxford ஆங்கில அகராதியும் not physically existing as such but made by software to appear to do so என்று இன்னோரு விளக்கமும் அளிக்கின்றது. தமிழில் மாயம், மறைமுகம் கற்பனை என்று கூட இச்சொல்லுக்கு பொருள் இருக்கின்றது. இந்த அடிப்படையைக்கூட உணராமல் நாம் இணையத்தில் வரும் தகவல்களை நம்பிச் செயலாற்றிக் கொன்டு இருக்கின்றோம்.
Essential requirements for internet classroom 74th Series - Suganthi Nadar. Book Day. What kind of awareness? என்ன மாதிரியான விழிப்புணர்வு?2021ம் ஆண்டு டிசம்பர் மாதம் 10 தேதி நார்வே நாட்டில் நோபல் பரிசு பெற்ற இரஷ்ய பிலிப்பைன்ஸ் செய்தித் தொடர்பாளர்கள் தங்களுடைய ஏற்புறையில் இன்றைய செய்திகள் குறித்த கவலையைத் தெரிவித்து உள்ளனர். அதிலும் பிலிப்பைன்ஸ் நாட்டிலிருந்து வெளிவரும் ராப்ளர் என்ற செய்தி தளத்தின் முதன்மை மேலாண்மை அலுவலர் மரியா ரேசா சமூக வலைதளங்களில் வரும் செய்திகளைக் குறித்த தன் கவலையைத் தெரிவித்தார். இன்றைய சமூக வலைதள நிறுவனங்களை நேரடியாக குறித்துப் பேசிய அவர் “ செய்தியாளர்களின் இன்னோரு பக்கமாக இருக்கும் தொழில்நுட்பத் தளங்கள், பொய் என்ற கிருமிகள் மூலம் நமது சிந்தனையை ஆக்கிரமித்து, நம்மை ஒருவரை ஒருவரோடு மோத வைத்து மக்களின் மனதில் பயன் கோபம் ஆத்திரம் என்ற விஷ உணர்சிகளைத் தூண்டிக் கொண்டே இருக்கிறது என்று தனது ஆதங்கத்தைத் தெரிவித்தார். இந்த விஷமச் செய்திகள் நம் உலகத்தை ஒரு அலங்கோலமாக மாற்றி வருகின்றது. தங்களுடைய இலாபத்திற்காக இப்படிப்பட்ட வேலைகளைச் செய்யும் அமெரிக்க தொழில்நுட்பங்களுக்கு எதிராக உண்மையான செய்திகளைப் பரப்ப செய்தியாளர்கள் மிகவும் பாடுபட்டு உழைக்க வேண்டும் என்று அவர் கூறுகின்றார். சமூக வலைதளங்களில் நடக்கும் வன்முறை இன்று உலகில் நாம் அனைவரும் அனுபவிக்கும் உண்மையான வன்முறை என்று அவர் சொல்கிறார்.

இன்று உலகில் வலம்வரும் செய்திகளில் பெரும்பான்மையான பங்கு முகநூல் வழியாகத் தான் பகிரப்படுகிறது என்பது நம் அனைவருக்கும் தெரியும். அதில் கணக்கு வைத்திருப்பவர்கள் அனைவரும் உண்மையான மனிதர்களா அல்லது வர்த்தகங்களா என்ற விவரம் முகநூல் நிறுவனத்திற்கு அன்றி வேறு யாருக்கும் தெரியாது. இந்தப் பயனாளர்கள் இடும் செய்திகள் எந்த வகையைச் சார்ந்தவை என்பதும் முகநூலுக்குத் தான் தெரியும். 2021ம் ஆண்டு டிசம்பர் பதினாறாம் தேதி வெளிவந்த அறிக்கையில் முகநூல் நிறுவனத்தின் தலைமை நிறுவனமான மெட்டா (meta) கொடுத்துள்ள அறிக்கையில் பல தனியார் அவதானிப்பு (surveillance) நிறுவனங்கள் ஏறத்தாழ 50000 பயனர்களை தாக்கி அவர்களிடமிருந்து விவரங்களை எடுத்து அதை வைத்து உளவு நடத்தி இருப்பதாக அறிவிக்கைத் தெரிவித்து உள்ளது.
Essential requirements for internet classroom 74th Series - Suganthi Nadar. Book Day. What kind of awareness? என்ன மாதிரியான விழிப்புணர்வு?டிசம்பர் 3ம் தேதி வந்த Reuters செய்தித்தளத்தில் வந்த செய்தியில் அமெரிக்காவில் இருக்கும் ஒரு அரசியல் செய்தித் தளம் 2020ம் அமெரிக்கத் தேர்தல் பற்றிய பொய்யான செய்திகள், புரளிகளை உண்மை செய்தியாக தன்னுடைய முகநூல் பக்கத்தில் வெளியிட்டதாகத் தெரியவருகிறது. இது முகநூல் நிறுவனத்திற்குத் தெரிந்திருந்த போதிலும் அவர்கள் செய்திதளத்தைக் கண்டித்த போதும் இந்தத் தளத்திலிருந்துவரும் பொய்யான செய்திகளை முகநூல் நிறுவனத்தால் கட்டுப்படுத்த முடியவில்லை என்றும் தெரிகிறது.

நவம்பர் ஒன்பதாம் தேதி முகநூல் நிறுவனம் வெளியிட்ட செய்தியில் வெளிவரும் ஒவ்வொரு 10,000 பதிவுகளில் பயனாளர்களை அச்சுறுத்தியும் கோபப்படுத்தியும் மன உளைச்சல் கொடுத்தும் தொந்தரவு கூட பதிவுகள் 14 அல்லது 15 முறை வருகின்றன என்று கூறுகின்றது. இவ்வாறு தவறு இழைக்கும் பயனர்களின் கணக்கை முடக்கியும், அல்லது அவர்கள் மீது வழக்குத் தொடுத்தும் வருகிறது முகநூல்.

முகநூல் கொடுக்கும் தண்டனைகளில் முக்கியமானது இம்மாதிரி பதிவுகளைப் பற்றி எச்சரிக்கையை மற்றப் பயனர்களுக்குக் கொடுப்பதும். அப்பதிவுகளை பயனர்கள் பார்க்காதவாறு கீழே தள்ளுவதுமே தவிர இந்தச் செய்திகளை முழுமையாக அவர்களின் தளத்திலிருந்து எடுப்பதில்லை. அப்படியானால் நாம் மின்னியியல் வழி நுகரும் செய்திகளில் எது உண்மையானது? எது பொய்யானது? எது நிகழ்வுகளைத் தெரிவிக்கப் பயன்படுத்தபடுகிறது? எது நம் உணர்வுகளைத் தூண்டி செயல்பட வைக்கிறது.

ஒருவரின் உணர்ச்சிகளைத் தூண்டக்கூடிய செய்திகளில் எந்த அளவு உண்மை இருக்கும்?

முகநூலில் வரும் எதிர்மறை செய்திகள் இன்று இணையத்தில் வரும் செய்திகளில் ஒரு எடுத்துக்காட்டுத்தான். ஒரு பானை சோறுக்கு ஒரு சோறு பதம் என்பது போல இணையத்தில் வரும் செய்திகள் எப்படிப்பட்டவை என்று நாம் புரிந்துகொள்ள வேண்டும். சமூக வலைதளங்களை நம்பி இருக்கும் செய்தியாளர்களை நாம் குறை சொல்லமுடியாது. ஒரு செய்தியை எப்படி எவ்வாறு சேகரிப்பது என்ற அடிப்படையில் அல்லவா மாற்றம் கொண்டு வரவேண்டும்? அந்த மாற்றம் கல்வியாலும் கல்வியாளர்களாலும் தான் வரும்.
Essential requirements for internet classroom 74th Series - Suganthi Nadar. Book Day. What kind of awareness? என்ன மாதிரியான விழிப்புணர்வு?நோபல்பரிசு பெற்ற மரியா ரேசா அவர்களின் கருத்து சரிதானே? இன்றைய முன்ணனி இணைய நிறுவனங்கள் ஒரு பதிப்பகத்தைப் போலத்தானே செயல்படுகின்றன?

சில நாட்களுக்கு முன்னால் வலையோளியாளர் மாரிதாஸ் தனது ட்விட்டர் பதிவில் சொன்ன கருத்துக்களுக்காக கொடுக்கப்பட்ட புகாரை இரத்து செய்யும் வழக்கில் சென்னை உயர்நீதிமன்றத்தின் மதுரைக்கிளை உயர்திரு நீதியரசர் ஜீ.ஆர் ஸ்வாமிநாதன் அவர்கள் தன் தீர்ப்புரையில்கூட “எந்த ஒரு வலையோளியாளரோ அல்லது பொதுநல செய்திகளைப் பற்றி கருத்துரைக்கும் சமூகவலைதள பிரபலங்களோ இந்திய அரசு சாசனம் Article 19 (1) (a) படி ஊடகங்களும் செய்தியாளர்களும் அனுபவிக்கும் பேச்சு சுதந்திரத்தை அனுபவிக்கின்றனர் என்று கூறுகிறார்.
Essential requirements for internet classroom 74th Series - Suganthi Nadar. Book Day. What kind of awareness? என்ன மாதிரியான விழிப்புணர்வு?இவ்வாறு மக்கள் நுகரும் அனைத்து செய்திகளிலும் கலப்படம் இருந்தால் என்ன செய்வது? கலப்பட செய்திகளை ஆராய்ந்து அறிந்து கொள்ளவும், உண்மையானச் செய்திகளை எவ்வாறு கொடுப்பது? கொடுக்கும் செய்திகள் மனிதஉரிமைகள் மீறா வண்ணம் எப்படி அமையவேண்டும் என்று சொல்வதும் கற்றுக் கொடுப்பதும் கல்வி தானே? இன்றையக் கல்வி அப்படிப்பட்ட ஒரு கருவியாக மாணவர்களுக்குப் பயன்படுகின்றதா? இல்லைதானே?

பசி எவ்வாறு ஒரு காலத்தில் போக்ககூடிய ஒரு பிணியாகப் படுத்தபட்டதோ? எப்படி மின்சாரப் பற்றாக்குறை முப்பது ஆண்டுகளுக்கு முன்னால் வாழ்க்கை முறையை மாற்ற வேண்டியத் தேவையாக முதன்மைப் படுத்தப்பட்டதோ அது போல கல்வி முறையில் மாற்றம் இன்றைய இன்றியமையாதத் தேவையாக உள்ளது. கல்விப் புரட்சியில் நம் பொருளாதாரத்தில் மட்டுமல்ல மற்ற எல்லா நிலைகளிலும் தன்னிறைவு அடையலாம்.

செய்தித்தாள், வானோலி தொலைக்காட்சி மூலம் வரும் செய்திகளை நாம் வடிகட்டி எடுத்துப் புரிந்துகொள்ள சற்றேனும் கால அவகாசம் நமக்குக் கிடைக்கின்றது. ஆனால் கணினி வழி தகவல் தொழில்நுட்பத்தின் அகோர வடிவமாக, நம்மை வந்து அடையும் இந்த செய்தித் துணுக்குகளின் தாக்கத்தை எவ்வாறு  நேர்மறையாக மாற்ற  முடியும்?  என்ன செய்யலாம்?

முந்தைய தொடர்களை வாசிக்க:

இணைய வகுப்பறைக்கு இன்றியமையாத் தேவைகள் 68(கல்வியில் கணினி) – சுகந்தி நாடார்

இணைய வகுப்பறைக்கு இன்றியமையாத் தேவைகள் 69(கல்வியின் எதிர்காலம் கணினியா?) – சுகந்தி நாடார்

இணைய வகுப்பறைக்கு இன்றியமையாத் தேவைகள் 70(   கணினிமயமான எதிர்காலமும் கல்வியின் பரிணாமமும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 71(கணினிமயமான எதிர்காலமும் கல்வியின் பரிணாமமும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 72 (தொழில்நுட்ப ஏற்றத்தாழ்வுகளும் கல்வியும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 73(கல்வி ஏழ்மை) – சுகந்தி நாடார்

No Comments
Essential requirements for internet classroom 73th Series - Suganthi Nadar. Book Day. Educational poverty கல்வி ஏழ்மை
Posted inWeb Series

இணைய வகுப்பறைக்கு இன்றியமையாத் தேவைகள் 73 – சுகந்தி நாடார்



கல்வி ஏழ்மை

இன்றைய கல்வியின் துணைக்கருவிகளாக தொழில்நுட்பம் மிளிர்ந்து  வருகின்றது. அன்றாடம் நடக்கும் தொழில்நுட்ப மாற்றங்கள் கல்வியாளர்களுக்கு ஒரு சோதனையாகவும் சவாலாகவும் இருக்கின்றது,தொழில்நுட்ப மாற்றங்கள் கண்டிப்பாய் இலவசமாக நமக்குக் கிடைப்பதில்லை. கணினிக் கருவிகளாகட்டும் மென்பொருட்களாகட்டும்  கல்விச்சூழலை இணைக்கும் இணைய இணைப்பு ஆகட்டும் அனைத்துமே நம்மில் பலருக்கு இன்றளவும் ஒரு ஆடம்பரச் செலவாகவே உள்ளது. கல்வி என்ற ஒரு அத்தியாவசியத் தேவையைப் பூர்த்தி செய்ய தேவையான உபகரணங்கள் ஒரு குடும்பத்தின் ஆடம்பரச் செலவாக அமையும் போது அங்கே கல்வியின் நிலை என்ன கற்றல் கற்பித்தலில் நிலை என்ன? யோசித்துப் பார்க்கவே உள்ளம் நடுங்குகின்றது.

உலக வங்கிகள் குழுமம் என்ற அமைப்பு வளர்ந்து வரும் நாடுகளின் கல்விநிலைக்கு பண உதவி செய்யும் அமைப்பாகும் IBRD(The International Bank for Reconstruction and Development) IDA(The International Development Association) IFC(The International Finance Corporation) MIGA( The Multilateral Investment Guarantee Agency) ICSID(The International Centre for Settlement of Investment Disputes) ஆகிய உலகின் மிகப்பெரு நிதி நிறுவனங்கள் ஐந்து இணைந்து பின்தங்கிய நாடுகளிலும் வளர்ந்து வரும் நாடுகளிலும் கல்விக்கான மேம்பாட்டிற்கு உதவி வருகின்றன இக்குழுமத்தின் நோக்கம் 2030ம் ஆண்டுக்குள் உலக ஏழ்மையில் 3% குறைப்பதும் ஒவ்வோரு நாட்டிலும் 40% மக்களின் வருமானத்தை உயர்த்துவதும் ஆகும். உலகில் கல்வியின் தன்மையைக் கண்டறிய 10 வயதுக் குழந்தைகளுக்கு கதை சொல்லி அவர்களின் புரிதல் தன்மையை ஆராய்ந்து வெளியிட்ட அறிக்கை ஒன்றில் உலகம் முழுவதும் கல்வி ஏழ்மை பாதித்திருக்கின்றது என்று அறிவிக்கின்றது குறைந்த வருமானம் உள்ள நாடுகளில் இது 50% ஏழைநாடுகளில் இந்து 83%விகிதம் என்றும் இவ்வறிக்கைக் கூறுகின்றது.

பேரிடர் காலத்தில் கல்விக்கு ஏற்பட்ட பல்வேறு தடங்கல்களால் இந்தக் குறைபாடு மேலும் 10% அதிகரித்து உள்ளது என்றும். இந்த அதிகரிப்பிற்குக் காரணம் தொழில்நுட்ப ஏற்றத் தாழ்வே என்றும் இவ்வறிக்கைக் கருதுகின்றது.

உலகம் முழுவதும் இருக்கும் கல்வி ஏழ்மையைப் போக்க இருவழிகள் உண்டு என்று ஐநா சபைக் கூறுகிறது, ஒன்று கல்வி மேம்பாட்டிற்காக உலகின் மிகப்பெரிய கணினி நிறுவனங்கள் முன் வர வேண்டும். இரண்டாவது ஆசிரியர்களுக்கு இணையக் கல்வியில் ஆசிரியர்களுக்கு உதவியும் திறன் மேம்பாடு பயிற்சிகளும் கொடுக்கவேண்டும் இவை இரண்டுமே பொருளாதாரம் சார்ந்தது.

கல்வி ஏழ்மையைப் போக்குவதற்காக தங்கள் இலாபத்தை  நிறுவன ங்கள் அரசாங்கங்களுடன் உடன்படிக்கை செய்து கொள்ளுமா அப்படி நிறுவனங்கள் உடன்படிக்கை செய்துகொண்டால் அதில் அவர்களின் சுயநலம்  எவ்வளவு இருக்கும்? கணினிக் கல்வி ஆசிரியர்களுக்கு அவசியமான ஒன்று ஆனால் ஒவ்வோரு நாட்டின் தனித் தன்மையைப் பாதிக்காத வண்ணம் எவ்வாறு அமையும்?  அதற்கான மூலதனம் என்ன?

இன்றையக் கல்வி என்பது பொருளாதாரத்தை சார்ந்தது அல்ல என்று சொன்னாலும் நம் பொருளாதார வளம் வாழ்க்கைத் தரத்தின் உயர்ச்சி நம் கல்வியை சார்ந்து இருக்கின்றது என்பதை ஒப்புகொள்ள வேண்டும் அதிலும் எதிர்காலப் பொருளாதாரம் முழுக்க முழுக்க கணினி சார்ந்தது எனும் போது தொழில்நுட்ப ஏற்றத் தாழ்வு கண்டிப்பாக தீர்த்து வைத்து வைக்க வேண்டிய ஒரு பிரச்சனை தான் ஆனால் தொழில்நுட்ப ஏற்றத்தாழ்வு மலைக்கும் மடுவுக்கும் இருக்கும் வித்தியாசமாக இருக்கும் போது சரி செய்ய இயலுமா?

இன்று நிலைவும் தொழில்நுட்ப ஏற்றத் தாழ்வுகளை தீர்க்கும் முயற்ச்சியில் முதல் படி கணினி பற்றிய விழிப்புணர்வு தான். என்ன மாதிரியான விழிப்புணர்வு?
Essential requirements for internet classroom 73th Series - Suganthi Nadar. Book Day. Educational poverty கல்வி ஏழ்மைநவீன உலகில் மனிதனால் உருவாக்கப்பட்ட எந்த ஒரு தொழில்நுட்பத்தையும் விட மிக மிக வேகமாக மாறி வருவதும் அசுர வேகத்தில் மாற்றங்களைக் கொண்டு வரும் ஒரு தொழில்நுட்பமாக கணினி தொழில்நுட்பம் இருக்கின்றது. அதிலும் தரவுகளின் சிறப்பான சீரான மேலாண்மையும், செயற்கை நுண்ணறிவும் இந்த வேகத்தை ஊக்கப்படுத்தும் உந்து சகதியாக இருக்கின்றன. இந்த உந்து சக்திகளில் மின் எண்ணியியல் செலாவணியும் சேர்ந்து கொண்டு இருக்கின்றது. செயற்கை கோள்கள் அன்றாடப் புழக்கத்திற்கு வரக்கூடியக் காலம் வெகுதூரத்தில் இல்லை.

நம் திறன்பேசிகளில், புகைப்படம் எடுத்து அதை பல கோலங்களில் கோணங்களில் மாற்றி அமைப்பது நமது பொழுது போக்கு என்றால் நம்மையே ஒரு திரைபப்டத்தின் நடடிகர்களாக மாறித் திரைப்படங்களை வெளியிட வைப்பது இன்றைய செயற்கை அறிவுத் தொழில்நுட்பம் கணினியால் உருவாக்கபட்ட முகத்தை நமக்கு விருப்பமான ஒருவரின் முகத்தைப் பொறுத்தி அந்த காணொலியில் அவர் இருப்பதாக பொய்யாக ஒரு தோற்றத்தை உருவாக்குக்கும் தொழில்நுட்பம் இணையத்திலும் அலைபேசிகளிலும் பிரபலம் அடைந்து வருகின்றது.

டீப் ஃபேக்ஸ் (deep fakes) என்று அழைக்கப்படும் உணரமுடியாத போலிகள் இன்னும் என்னெனென்ன தாக்கங்களை உருவாக்குமோ?  ஏற்கனவே பல விஷமிகள் புக்சிப் மென்பொருகள் மூலம் பெண்களை பாலியியல் சித்திரவதைக்கு உள்ளாக்குவச்து என்பது ஒரு சமூகநலக்கேடாக இருக்கிறது. இப்போது காணோலியாக வெளியிடப்படும் இந்த மென்பொருளுக்கு ஏற்கனவே காண களியாட்டங்களைச்செய்யும். இணையதளப் பயனாளர்களிடையே பிரபலம் அடைந்து வருகின்றது. 

அமெரிக்க தேர்தல் சமயத்தில் இது போல பொய்யான செய்திகள் உண்மை போல பரப்பப்பட்டன. சீனாவிலும் இந்தத் தொழில்நுட்பம் கடந்த 5 ஆண்டுகளாக பயன்பாட்டில் உள்ளது. சீன செய்தியாளர்கள் சிறப்பான ஆமெரிக்க ஆங்கிலத்தில் பேசுவது போல தொலைக்காட்சிகளில் செய்திகள் வாசிக்க செயற்கை நுண்ணறிவுத் தொழில்நுட்பம் பயன்படுத்தப்பட்டது. மெரிக்க அதிபர் ட்ரம்ப். சமூக வலைதளங்களைப் பயன்படுத்தி பல சமுதாயப் பிரச்சனைகளை மக்களிடம் நேரடியாக தனது கருத்தை தெரிவித்தார். அந்த செய்தியை அவருக்கு பதிலாக அவர் தனது சமூக வலைதலங்களையே பயன்படுத்தி நேரில் மக்களுடன் தொடர்பில் இருந்தார்.

சென்ற ஞாயிறுகூட  இந்திய பிரதமரின் dividdar பாதிக்கப்பட்டது. வளைகுடா நாடான  அமீரகத்தில் உலகிலேயே அனைத்துமே மின்னியியல் வழி செயல்படும் ஒரு நாடு என்று அரிவிக்கப்பட்டுள்ளது அவ்வாறு ஒரு மின்னியல் நாடாக மாறியதால் அமெரிக்க டாலர் மதிப்பில் ஏறத்தாழ 350மில்லியன்  சேமிக்கப்பட்டு இருக்கிறது என்று அந்நாட்டின் இளவரசர் தெரிவித்தார். இவரது அறிவிப்பில் முக்கியமாக கவனிக்கப்படவேண்டியது என்னவென்றால் மனித உழைப்பில் 14மில்லியன் மணி நேரங்கள் சேமிக்கப்படுகிறது என்பது தான். 

இவ்வாறு  ஒரு நாட்டின் அரசியல் முடல் அடிமட்ட மக்களின் வாழ்வாதாரம் வரை நம்மை ஆட்கொண்டிருக்கும் தொழில்நுட்பத்தைப் பற்றிய என்ன விழிப்புணர்வு தேவை? கணினியையும் இணையத்தையும் அன்றாட வாழ்க்கையில் எவ்வாறு கையாளுவது என்பதா? இல்லை அதையும் தாண்டி ஏதோ ஒன்று இருக்கின்றதா?
Essential requirements for internet classroom 73th Series - Suganthi Nadar. Book Day. Educational poverty கல்வி ஏழ்மைஒரு கல்வியாளராக நமக்கு கற்றல் கற்பித்தலுக்கான வளங்கள் மட்டுமன்றி கணினி உலகைப் பற்றிய முழுமையான விழிப்புணர்வு மிகவும் தேவையாய் உள்ளது. கணினி உலகம் என்று சொல்லும் போது கணினியை இயக்குவது நிரல் எழுதுவது என்பதையும் தாண்டி அது எவ்வாறு நம் சுற்றுச்சூழலை நம் வாழ்க்கைத் தரத்தை, பண்பாட்டு சின்னங்களை, நம் தனித்துவத்தை, நமது அரசியல் சூழலை பாதிக்கின்றது என்பதை நாம் தெரிந்து கொள்ள வேண்டியதும் நம் விழிப்புணர்வுக்குள் அடங்கும். துபாயில் உள்ளது போல அமெரிக்காவில் அனைத்தும் மிண்ணியியலாகும் வசதிகள் இருந்தும் இன்றுக் காகிதங்கள் பயன்பாட்டில் இருப்பதற்குக் காரணம் தங்களின் தேவை காகிதத்திலும் இருக்கலாம் என்ற ஒரு குடியாட்சி தன்மை இருப்பதால்தான். மற்ற நாடுகளை விட துபாய் முழுக்க முழுக்க எண்ணியியல் நாடாக அதிவிரைவில் மாறியதற்குக் காரணம் அது ஒரு ஏகாதிபத்திய நாடு. சீனாவும் இந்தியாவும் கூட இப்படித்தான். இந்தியாவில் கணினியாளர்கள் அதிகம் இருந்தும் சீனா இன்று கணினி உலகில் முன்ணனியில் இருக்கக் காரணம் இரு நாடுகளில் உள்ள ஆட்சி முறை அரசியல் கொள்கைகளின் வேறுபாடுதான். எனவே உலக நாடுகளின் அரசியல் அமைப்புக் கொள்கைகள் பற்றிய விழிப்புணர்வும் நமக்கு அவசியம்.

கடந்த ஐந்து ஆண்டுகளாக நம்மைச் சுற்றி பல தொழில்நுட்ப மாற்றங்கள். நிகழ்ந்து கொண்டே இருக்கிறன இந்த மாற்றங்களின் வேலைப்பாடு என்ன அதன் விளைவுகள் என்ன என்று சாமான்ய மக்களாகிய நாம் ஒரு தெளிவு அடையும் முன்னரே அதைப் பயன்படுத்தத் தள்ளப்படுகின்றோம். அதிவேகமாக ஒரு தொழில்நுட்பத்தை நாம் பயன்படுத்தும் போது எதை இழக்கின்றோம்?
Essential requirements for internet classroom 73th Series - Suganthi Nadar. Book Day. Educational poverty கல்வி ஏழ்மைஇன்று என்னைத் தெரியாத ஒருவர், எனக்குத் தெரியாத ஒருவர், ஒரு புலனக்குழுவில் என்னை சேர்த்தார் அது முதலீடு செய்வதற்கான ஒரு குழு, சரி அவர்கள் என்ன தான் சொல்கின்றார்கள் என்று பார்க்கலாம் என்று பார்த்தால் வரும் அறிவிப்புக்கள் ஒருவரை வினாடி நேரம் கூட யோசிக்க விடாமல் உடனடியாக செய்ய வேண்டிய செயலாக இருக்கின்றன. உதாரணத்திற்கு எண்னியியல் செலவாணியில் முதலீடு செய்வதன் மூலம் மாதம் 1000$ முதல் 10,000$ வரை சம்பாதிக்க இயலும் ஆனால் உடனடியாக பதிவு செய்ய வேண்டும். அதுவும் அடுத்த 180 வினாடிகளில் முதலீடு செய்ய வேண்டும். 

பதிவு செய்து பணத்தை இழந்து விட்டால் நீங்கள் மீண்டும் 1500, 3000, 5000, 12000 என்றத் தொகைகளில் முதலீடு செய்து ஒரு முதலீட்டாளராக மறு அவதாரம் எடுத்துக் கொள்ளலாம் என வருகின்றது. அக்குழுவில் இருப்பவர்கள் இச்செய்தியைப் படித்ததும் என்ன நினைப்பர்? அவருக்கு உடனடிப்பணத்தேவை இருந்தால் அவர் செய்தியைப் பற்றி ஆராய்ந்து பார்க்காமல் உடனடியாக அச்செய்தியில் வரும் விவரங்களைச் செய்வார்தானே? அதே சமயம் சங்கேத செலாவணி பற்றிய விழிப்புணர்வு கொஞ்சம் இருந்தாலும் செய்தியை பற்றி ஒரு சில வினாடிகளாவது யோசிப்பார் தானே? 

அந்த யோசித்தலுடன் தனக்கு வரும் செய்தியை கொஞ்சம் ஆழமாகப் படித்தால் கொடுக்கப்பட்ட செய்தியின் உள் விவரம் ஒரு சூதாட்ட விளையாட்டைப் போலவோ அல்லது ஒரு குதிரைப் பந்தயத்தைப் போலவோ இருக்கின்றதே என்று யோசித்து ஆராய்ந்து செயல்பட முயற்சிக்கலாம் அல்லவா? இதைத் தான் நாம் விழிப்புணர்வு என்று சொல்கின்றோம்

ஆனால் இன்று அதிலும் ஒரு பிரச்சனை இருக்கின்றது. வினாடிக்கு ஆயிரம் ஆயிரமாக  நம்மை நோக்கி வரும் செய்திகளில் எப்படி உண்மையைக் கண்டுபிடிப்பது பத்து பதினைந்து ஆண்டுகளுக்கு முன்னால் செய்திகள் சேகரிக்கப்படுவது போல இன்று செய்திகள் சேகரிக்கப்படுவதில்லை. பல செய்திகள் சமூக வலை தளங்களிலும் ஒரு தனி மனிதரின் இணைய அறிவிப்புப் பலகைகளான twitter instagram ஆகியவற்றில் வெளியாகும் செய்திகள் தொகுக்கப்பட்டு நமக்குக் கொடுக்கப்படுகின்றன. ஒருவர் சமூக வலைதளங்களில் இடும் செய்தி பொய்யா மெய்யா என்று நமக்குத் தெரியாது. உண்மையில் செய்தியை இடுவதும் அவர் தானா என்பதும் நமக்குத் தெரியாது. நம்மால் சரிபார்க்க இயலாத செய்திகளை ஏற்றுக் கொள்வதும்  மூடநம்பிக்கைக்கு சமம் என்பதை ஒத்துக் கொள்வீர்கள் என்று நம்புகின்றேன்.

கற்றலில் ஏழ்மை என்பது கற்றலுக்கான கணினி வசதிகள்  மட்டுமல்ல, ஒரு உயரிய மனித வளத்தை உருவாக்கக் கூடிய கல்வி வளங்களின் பற்றாக்குறையும்தான் இதை சீர் செய்யக்கூடிய கல்வி வளங்கள் எங்கே இருந்து வரும். நமக்கு கிடைக்கும் செய்திகளில் இருந்து தானே? நம்மால் சரிபார்க்க  இயலாத செய்திகளை வைத்து நம்மால் ஒரு சரியான கல்வி வளத்தைத் தயாரிக்க முடியுமா?

முந்தைய தொடர்களை வாசிக்க:

இணைய வகுப்பறைக்கு இன்றியமையாத் தேவைகள் 68(கல்வியில் கணினி) – சுகந்தி நாடார்

இணைய வகுப்பறைக்கு இன்றியமையாத் தேவைகள் 69(கல்வியின் எதிர்காலம் கணினியா?) – சுகந்தி நாடார்

இணைய வகுப்பறைக்கு இன்றியமையாத் தேவைகள் 70(   கணினிமயமான எதிர்காலமும் கல்வியின் பரிணாமமும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 71(கணினிமயமான எதிர்காலமும் கல்வியின் பரிணாமமும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 72 (தொழில்நுட்ப ஏற்றத்தாழ்வுகளும் கல்வியும்) – சுகந்தி நாடார்

No Comments
Essential requirements for internet classroom 72th Series - Suganthi Nadar. Book Day. Technical inequalities and education தொழில்நுட்ப ஏற்றத்தாழ்வுகளும் கல்வியும்
Posted inWeb Series

இணைய வகுப்பறைக்கு இன்றியமையாத் தேவைகள் 72 – சுகந்தி நாடார்



தொழில்நுட்ப ஏற்றத்தாழ்வுகளும் கல்வியும்

தொழில்நுட்ப ஏற்றத்தாழ்வுகள் உலகம் முழுவதும் கல்வியைக் கண்டிப்பாகப் பாதிக்கின்றது. கணினி கல்வியின் துணைக்கருவியாக செயல்பட வேண்டியக் கட்டாயம் நமது வாழ்க்கை முறையினால் ஏற்பட்டு உள்ளது. கரும்பலகைகளாக நழுவல் காட்சிகளும் மின்னூல்களாகப் பாடப்புத்தகங்களும், செய்முறை விளக்கங்களாக வலையொளிகளும் இன்று பயன்பாட்டில் உள்ளன என்பதை நாம் ஏற்றுக் கொள்ளத்தான் வேண்டும். நூலகங்கள்கூட தங்கள் வளங்களை மின் வழி வழங்க அனைத்து முயற்சிகளையும் எடுத்துக் கொண்டே இருக்கின்றன.

இப்படிக் கல்விக்கான வளங்கள் மின் எண்ணியியலாக மாறும் போது நாம் எதிர்கொள்ளும் பிரச்சனைகளை இரு வகையாகப் பிரிக்கலாம். முதலாவது கணினிக் கருவிகளின் தட்டுப்பாடு, இரண்டாவது, கற்றல் கற்பித்தலுக்கான வளங்கள் பற்றிய முழுமையான விழிப்புணர்வு.
Essential requirements for internet classroom 72th Series - Suganthi Nadar. Book Day. Technical inequalities and education தொழில்நுட்ப ஏற்றத்தாழ்வுகளும் கல்வியும்இந்த இரு காரணிகளால் கல்வியில் தொழில்நுட்பத்தால் ஒரு பெரிய பிளவு ஏற்பட்டுள்ளது. அது போதாது என்று கணினி computer chip உலகையே பற்றாக்குறை தலைமேல் தொங்கும் கத்தியாய் அச்சுறுத்திக் கொண்டே உள்ளது. சாம்சங் நிசான் போன்ற நிறுவனங்கள் செய்வதற்கான முனைப்பில் ஈடுபட்டுள்ளன.

புதுப்புது கணினிகள் தாயரிக்க நிறுவனங்கள் முன்வரும் இந்த நிலையில் இணைய வசதியே இல்லாத அமெரிக்க கிராமப்புறங்களும் இருக்கத்தான் செய்கின்றன. பேரிடர் காலத்தில் இந்த ஏற்றத் தாழ்வுகள் கிராமப்புற மக்களின் சுகாதாரத்திற்கும் அன்றாடக் கல்விக்கும் பெரிய இடையூறாக இருந்து வந்தது. கொரானா நோய் தாக்காதவர்கள் நேரடியாக மருத்துவமனைக்குக் செல்லாமல் இணையம் வழி மருத்துவர்களைச் சந்தித்துப் பேச இயலாமல் போனது. மாணவர்கள் கல்வி கற்க கணினி சாதனங்கள் இருந்தும் வேகமான இணைய வசதி கிடைக்காமல் தவித்தனர். பொதுவாக அட்லாண்டிக் பெருங்கடலை ஒட்டிய அமெரிக்காவின் கிழக்கு கடற்கரை மாகாணங்களில் இணைய வசதி வேகமாக உள்ளது. இங்கு உள்ள பல மாநாகரங்களில் ஏறத்தாழ 110 mpbs வேகத்திற்கு இணைய வசதிக் கிடைக்கின்றது. பசுபிக் பெருங்கடலை ஒட்டியுள்ள அமெரிக்காவின் மேற்கு கடற்கரை மாகாணங்களில் சராசரியாக 50 mpbs வேகத்திற்கு இணைய வசதி கிடைக்கின்றது.

இந்த வித்தியாசத்திற்குக் காரணம் கிழக்குக் கடற்கரையிலுள்ள மாகாணங்கள் வர்த்தகச் சூழலுக்கு ஏற்றபடி உள்ளதால் இங்கு மக்கள்தொகையும் வாழ்க்கை வசதிகளும் மேற்குக் கடற்கரையில் உள்ளவர்களை விட அதிகமாக உள்ளது. பொதுவாக விவசாயத்தை நம்பி இருக்கும் மேற்குக் கடற்கரை மாகாணங்கள் தற்போது தொழில்நுட்ப நிறுவனங்களின் ஆளுகைக்குள் வந்த வண்ணம் உள்ளன. ஆனாலும் இங்கு இணைய வசதி ஒரு பற்றாக்குறையாகவேக் கருதப்படுகிறது. அமெரிக்காவின் கிழக்குக் கடற்கரையில் உள்ள மேரிலாந்து மாகாணத்தில் இணைய வேகம் ஏறத்தாழ 190 mpbs என்றால் அலாஸ்கா மாகாணத்தின் இணைய வசதி 17 mpbsல் இருக்கின்றது. இணைய வசதி எந்த வேகத்தில் இருந்தாலும் அதன் விலை நாடு முழுக்க ஓரளவு ஓரே மாதிரியாக உள்ளது. மாதத்திற்குக் குறைந்தது $70.00 இணைய வசதிக்காக ஒரு குடும்பம் செலவழிக்க வேண்டியுள்ளது. இதில் சில குடும்பங்களில் ஒவ்வோருவருக்கும் மூன்று கணினி சாதனங்கள் இருக்கும் போது பல குடும்பங்களில் ஒருவருக்கு ஒரு கணினி சாதனம் இருப்பதே சிரமமாக உள்ளது.

அமெரிக்காவின் NPR9 தேசிய அரசு வானோலியின் இணையதளத்தில் இந்த ஆண்டு நவம்பர் 22ம் தேதி இது பற்றி வெளியிட்டுள்ள செய்தியில் அமெரிக்க மேற்குக் கடற்கரை மாகாணமான நவடாவில் அமெரிக்க இந்தியர்களுக்கான நிலப்பகுதியில் உள்ள பள்ளிகளுக்கு இணையவசதி இல்லாமல் மிகவும் சிரமபட்டதாகத் தெரிகிறது ஏறத்தாழ 450 சதுரடியில் உள்ள இந்த பாதுகாக்கப்பட்டக் குடியிருப்பிற்கு ஒரே ஒரு இணையவசதிக் வழிதான் உருவாக்கப்பட்டுள்ளது. மக்கள்தொகை அதிகமாக உள்ள நகரங்களிலிருந்து ஒதுக்குப்புறமாக உள்ளதால் இந்த இடத்தில் சரியான, வேகமான, இன்று அதிக அளவு புழக்கத்தில் உள்ள இணைய வசதிகளை ஏற்படுத்திக் கொடுக்க தொலைத் தொடர்பு நிறுவனங்கள் அக்கறைக் காட்டுவதில்லை என்று தெரிகின்றது. அமெரிக்க நாட்டில் மட்டும் இவ்வாறு ஒதுக்குப்புறமாக வாழும் 42 மில்லியன் மக்கள் சரியான தொலைத்தொடர்போ அல்லது இணைய வசதியோ இல்லாமல் தவிக்கின்றனர் என்று இத்தளம் கூறுகின்றது. இத்தளத்தின் கருத்துப்படி, அமெரிக்காவின் (FCC) ஒன்றிணைந்த அரசின் தகவல் ஆணையம் கூறுவதாவது 14.5 மில்லியன் மக்கள் இவ்வாறு ஒதுக்குப்புறமான இடங்களில் வசிக்கின்றனர். இப்பகுதியில் வாழும் மக்களுக்கு கிடைக்கும் இணைய வசதியும் அடிப்படையாக மின்னஞ்சல் செய்யவும் அடிப்படை இணைய உலா வர மட்டுமே வசதி படைத்துள்ளது. கற்றல் கற்பித்தலுக்கான எந்த தொழில்நுட்பமும் சிக்கல் இல்லாமல் இந்த இணைய வசதியில் வேலை செய்யாது. மேலும் ஒரு வீட்டில் ஒருவர் இணையத்தில் இருந்தால் அவ்வீட்டிலுள்ள மற்றவர்களால் இணையத்தில் இணைய முடியாது.
Essential requirements for internet classroom 72th Series - Suganthi Nadar. Book Day. Technical inequalities and education தொழில்நுட்ப ஏற்றத்தாழ்வுகளும் கல்வியும்டெக்ஸாஸ் மாநிலத்தில் ஹூஸ்டன் நகரைச்சுற்றி வாழும் மக்களிலொன்பது சதவித மக்களிடம் எந்த ஒரு கணினிக் கருவியும் இல்லை என்றும் 18 சதவித மக்களிடம் சரியான இணைய வசதி இல்லை என்றும் Broadband Breakfastமெனும் இணையதளம் கூறுகின்றது. எங்கள் மாகாணமான பென்சில்வேனியாவிலுமே இந்தப் பிரச்சனை இருக்கத்தான் செய்கின்றது. வருடத்திற்கு $25,000ஆயிரத்திற்குக் குறைவாக ஊதியம் வாங்கும் குடும்பத்தினர் கல்விக்குத் தேவையான இணைய வசதி இல்லாமல் தவிக்கின்றனர். இது இம்மாகாண மக்கள் தொகையில் ஏறத்தாழ 14% மக்கள் தொகையாகும்.

2021ம்ஆண்டு நவம்பர் மாதம் 10ம் தேதி வெளியிட்டுள்ள செய்தியில் யுனெஸ்கோ கூறுவதாவது, இப்போது உலகில் நிலவும் ஏற்றத்தாழ்வுகளால், கல்வியால் ஒரு அமைதியான நீதி நிறைந்த குறைவு இல்லாமல் தொடர்ச்சியாக இயங்கும் ஒரு சமூகத்தை உருவாக்குவது மிகவும் கடினம். இவ்வறிக்கை மேலும் கூறூவதாவது இன்று வளர்ந்து வரும் தொழில்நுட்பங்களும் புதுப்புது கண்டுபிடிப்புக்களும் மக்களின் வாழ்க்கை முறையை மாற்றிக்கொன்டு இருந்தாலும் இவை ஒரு ஜனநாயக முறைப்படி அனைவரும் பங்கேற்கவும். வேறுபாடில்லாமல் அனைவரையும் தன்னுள் ஏற்றுக்கொண்ட சரியான தகைமை முறையில் வளர்ச்சி காணவில்லை என்று கூறுகின்றது. இந்தப் பாதிப்பு கல்வியில் பெரிய பாதிப்பை உருவாக்கி வருவதால் கல்விப் பற்றி நாம் மறுசீராய்வு செய்ய வேண்டும் என்று கல்வி என்பது என்ன என்பதைப் பற்றிய மாற்றுச் சிந்தனையின் அவசியம் அதிரடியாக நடக்க வேண்டும் என்று இவ்வறிக்கை வலியுறுத்துகின்றது.

கல்வி என்பது ஒருவரின் பொருளாதாரத் தரத்தை உயர்த்த வழி செய்யும் ஒரு முறையாகத் தொழில்புரட்சி அடையாளம் காட்டியது. அதையே நாம் இன்று வரைப் பின்பற்றி வருகின்றோம். ஆனால் உண்மையில் கல்வி என்பது, நமக்குத் தெரியாத ஒரு விஷயத்தை, நாம் ஏற்கனவே அறிந்து இருக்கும் ஒரு விவரத்தின் துணைகொன்டு ஆழமாக அறிந்து அனுபவித்துக் கொள்ளுவதும், அப்படி நாம் பெற்ற அறிவை செயலாக்கம் செய்யும் போது ஒரு மேம்பட்ட பயனை, எதிர்கால சிக்கல்களை யோசித்து அதற்கான தீர்வுகளை கொடுக்கக் கூடிய ஒரு பயிற்சியே இன்றையக் கல்வியின் தேவையாக உள்ளது. ஒருவர் வகுப்பில் படிக்கும் பாடங்கள் தேர்வுகளைத் தாண்டி , ஒருவர் வாழ்க்கை முழுவதும் தங்கள் அனுபவத்திற்கு ஏற்ப புதிய விஷயங்களைத் தெரிந்து கொள்வதும் தெரிந்து கொண்ட விஷயங்களை சுயதேவைக்காகவும் சமுதாயத்தின் தேவைக்காகவும் பயன்படுத்த முனைவது தான் கல்வியாகும். இதனாலேயே கற்றது கைம்மண்ணளவு கல்லாதது உலகளவு என்று சொல்லும் ஔவைப் பாட்டி அப்பாடலிலேயே, கல்விக் கடவுளான சரஸ்வதி கூட படித்துக் கொண்டே இருக்கிறாள் என்று கூறுகின்றார்.

கல்வி என்பது எந்த ஒரு பிரச்சனைக்கும் நடைமுறையிலிருந்து மாறுபட்டு நீண்ட காலத் தீர்வை கண்டுபிடிக்கக் கூடிய ஒரு சக்தியை மனிதர்களுக்குக் கொடுக்கின்றது.

ஏறத்தாழ பதினான்கு நாடுகளில் 200 மில்லியன் குழந்தைகள் இணைய வழி இல்லாமல் கல்வி கற்க வழி இல்லாமல் இருக்கின்றனர். மழலைக் கல்விக்கூடங்கள் இணைய வசதி இல்லாமல் இயங்காமல் இருப்பதும் தெரிய வந்துள்ளது. இணைய வசதியும் கணினி சாதனங்களும் இருந்தால் மட்டும் இங்கே கல்வித் தொழில்நுட்ப ஏற்றத்தாழ்வுகள் சீரடைந்து விடுவதில்லை.
Essential requirements for internet classroom 72th Series - Suganthi Nadar. Book Day. Technical inequalities and education தொழில்நுட்ப ஏற்றத்தாழ்வுகளும் கல்வியும்இணையவசதியும் கணினி சாதனங்களும் இல்லாதது மட்டுமல்ல, இந்த கணினித் தொழில்நுட்பங்களை வைத்து பாடம் நடத்துவதும் பொருளாதார ரீதியில் சிக்கலை பெற்றோர்களுக்கும் மாணவர்களுக்கும் மட்டுமல்ல, பள்ளி நிறுவனங்கள் ஆசிரியர்கள் ஆகியோருக்கும் இது கணினி வழிப் பாடங்கள் பொருளாதார ரீதியாகப் பல சிக்கல்களைக் கொடுக்கிறது.

மாணவர்கள் தங்கள் வீட்டுப்பாடங்களை செய்யாமல் வருவது, இரண்டாவது. கணினிக் கருவிகளையோ அல்லது கல்விக்கான மற்றத் தொழில்நுட்பங்களையோ பயன்படுத்தத் தேவையான அடிப்படை, கணினிக்கான பொது அறிவு இன்மை, பிராந்திய மொழிகளில் தொழில்நுட்பங்கள் கிடைக்காமல் அனைத்துத் தொழில்நுட்பங்களும் கணினி சாதன இடைமுகங்களும் பெரும்பாலும் ஆங்கில மொழியில் இருப்பதும் பலச் சிக்கலகளை பொருளாதார ரீதியாக உருவாக்குகின்றது. ஆசிரியரிடம் நேரடியாகத் தங்கள் சந்தேகங்களைக் கேட்க இயலாமல் மாணவர்கள் தங்கள் வகுப்பிலிருந்து தேர்ச்சி அடைவதும் கடினமாகின்றது. கணினி சார்ந்த பாடத்திட்டங்களும் பாடநூல் வளங்களும் மிகவும் குறைவாகவே உள்ளது.

ஒவ்வோரு தொழில்நுட்பமும் ஒவ்வோரு ஆண்டும் தங்கள் வாடிக்கையாளர்களை ஈர்ப்பதற்காக தங்கள் சாதனங்களையும் மென்பொருட்களையும் மாற்றி, தரத்தை உயர்த்தி சேவைகளை அதிகரித்துத் தருவதாக கூறி (update) புதிப்பித்துக் கொண்டே உள்ளனர். எனவே பழைய சாதனங்கள் விரைவில் மாணவர்களுக்கும் ஆசிரியர்களுக்கும் விரைவில் பயனில்லாமல் போகின்றன. கருவிகளின் பற்றாக்குறையும் கல்வி வளங்களில் உள்ள பற்றாக்குறையும் எளிதில் தீர்க்க க் கூடிய பிரச்சனைகளா?

முந்தைய தொடரை வாசிக்க:

இணைய வகுப்பறைக்கு இன்றியமையாத் தேவைகள் 66 (வளர்ந்து வரும் பாளச்சங்கிலி தொழில்நுட்பம்)  – சுகந்தி நாடார்

இணைய வகுப்பறைக்கு இன்றியமையாத் தேவைகள் 67(எண்ணியியல் செலவாணியின் எதிர்காலம்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 68(கல்வியில் கணினி) – சுகந்தி நாடார்

இணைய வகுப்பறைக்கு இன்றியமையாத் தேவைகள் 69(கல்வியின் எதிர்காலம் கணினியா?) – சுகந்தி நாடார்

இணைய வகுப்பறைக்கு இன்றியமையாத் தேவைகள் 70(   கணினிமயமான எதிர்காலமும் கல்வியின் பரிணாமமும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 71(கணினிமயமான எதிர்காலமும் கல்வியின் பரிணாமமும்) – சுகந்தி நாடார்

No Comments
Essential requirements for internet classroom 71th Series - Suganthi Nadar. Book Day. The computerized future and the evolution of education Essential requirements 2 கணினிமயமான எதிர்காலமும் கல்வியின் பரிணாமமும் 2
Posted inWeb Series

இணைய வகுப்பறைக்கு இன்றியமையாத் தேவைகள் 71 – சுகந்தி நாடார்




ஒவ்வோரு நாடும் தங்கள் வானெல்லைகளுக்குள் பயணப்படும் அலைவரிசைகளை  நிர்மாணிக்கின்றன. அமெரிக்காவில் நான்கு அலைவரிசைகள் அலைபேசி வழி தொலைத்தொடர்புக்குக்  கொடுக்கப்பட்டுள்ளது. இந்தியாவில் 2 GSM bands, 2 UMTS bands, and 3 LTE bands என்று 3 வித அலைவரிசைகள் நுகர்வோர் தொலைத் தொடர்பிற்காகப் பயன்படுத்தபடுகிறது. இந்தியாவில் இன்னும் முதல் தலைமுறை அலைபேசிகளிலிருந்து 4ஆம் தலைமுறை அலைபேசிகள் வரை பயன்பாட்டில் இருப்பது குறிப்பிடத்தக்கது. அமெரிக்காவில் நான்கு அலைவரிசைகள் தொலைத் தொடர்பிற்கான உரிமம் கொடுக்கப்பட்டுள்ளது. இந்த நான்கு அலைவரிசைகளில், பயணப்படும் தரவுகளின் அளவு அதிகரித்துக் கொண்டே போவதால்  அமெரிக்கத் தொலைபேசி நிறுவனங்கள் 3ம் தலைமுறை பயன்படுத்தும் அலைபேசிகளை முற்றிலுமாக முடக்க முடிவு செய்துவிட்டன.
Essential requirements for internet classroom 71th Series - Suganthi Nadar. Book Day. The computerized future and the evolution of education Essential requirements 2 கணினிமயமான எதிர்காலமும் கல்வியின் பரிணாமமும் 2

வயதானவர்களையும்  அடிமட்ட வருமானம் பெறுபவர்களையும் இம்மாற்றம் தாக்கும் என்பது குறிப்பிடதக்கது. அது மட்டுமல்ல பல மருத்துவ சாதனங்கள் உதவி செய்யாது. இந்த ஒரு சிறு நடவடிக்கை எத்தனைப் பெரிய  தொழில்நுட்ப ஏற்றத் தாழ்வை அமெரிக்காவில் உருவாக்கப் போகின்றதோ? ஏற்கனவே குறைந்த வருமானம் உடையவர்களிடம் அதிகமாகத் திறன்பேசிகள் இல்லை. இவர்களில் 41% மக்களிடம் broadband இணைய வசதிக் கிடையாது. அமெரிக்க நகரில் வாழும் மக்களிடம் ஒவ்வோருவருக்கும் ஒன்றுக்கு மேற்பட்ட கணினிக் கருவிகளும் திறன்பேசிகளும் இருக்கும்போது  அமெரிக்க அடிமட்ட மக்களில் 40% க்கு திறன்பேசியோ, மடிக்கணினியோ அல்லது மேசைக் கணினியோக் கிடையாது. இந்தக் குடும்பத்தைச் சேர்ந்த மாணவர்களும் ஆசிரியர்களும் அரசுபள்ளிகளில் கிடைக்கும் சாதனங்களைப் பயன்படுத்துகின்றனர்.
Essential requirements for internet classroom 71th Series - Suganthi Nadar. Book Day. The computerized future and the evolution of education Essential requirements 2 கணினிமயமான எதிர்காலமும் கல்வியின் பரிணாமமும் 2நேற்று வந்த செய்திகளின் படி அமெரிக்க வான் துறை ஆணையம் 5G தொழில்நுட்பம் விமானப் பயணங்களுக்கு ஊறு விளைவிக்க கூடும் என்று கருதுகின்றனர். அமெரிக்க வான் துறை ஆணையமும் அமெரிக்கத் தொலைத் தொடர்பு ஆணயமும் இந்த மாற்றத்தால் வரும் பலச் சிக்கல்களை ஆராய்ந்து வருகின்றனர். விமானங்கள் எந்த தூரத்தில் பறக்கின்றன என்று ஆராய்ந்து அறியும் கருவிகளும் 5G பயணிக்கும் தரவுகளும் என்னென்ன பிரச்சனைகளை சந்திக்கும் அதற்கு எப்படித் தீர்வு காணலாம் என்று இரு ஆணைய நிருவாகமும் தொலைத் தொடர்ப்பு நிறுவனங்களுடன் பேசி வருகின்றன.

நம் வயிறு 73.9338 மிலி அளவுத் திரவத்தைத் தான் தான் கொள்ளும் திட உணவு எனும் போது 946.353 கிராம். இந்த உணவை நம் உலகில் உற்பத்தி செய்து பசிப்பிணியை போக்கக் கூடிய விளைநிலங்கள் இல்லை. பூமியின் அளவும் வயிற்றின் அளவையும் ஒரு போதும் மாற்ற முடியாது. அதனால் ஏதோ ஒரு வகையில் உலகை வாட்டும் பசிப்பிணிக்கு தீர்வு கண்டுபிடிக்க முடியும்.

ஆனால் ஒரு மனித மூளையின் சிந்தனைக்கு ஒரு அளவு கோல் உண்டா? அதே போல இன்று வானம் பரந்து கிடக்கின்றது. இப்போது அதுதான் நமக்கு அள்ள அள்ளக் கொடுக்கும் அமுத சுரபி. அதனால் இலவசமாக கிடைக்கும் இவை இரண்டையும் இணைத்து திறம்பட வேலை செய்ய வைப்பது நாகரீகத்தின் முக்கியக் கூறாக மாறி வருகிறது. இன்றைய திறன்பேசிகள் மூலம் மனித சிந்தனைகள் வானிலில் எலக்ட்ரான்களாக வலம் வந்து கொண்டே இருக்கின்றன. (எதிர்மின்மம்) அவை எழுத்துக்களாக, ஒலியாக ஒளியாக வலம் வந்து கொண்டே இருக்கின்றன.

நம்முடிடைய அவசர உலகத்தில் நம் எண்ண அலைகள் ஒலியை விட, ஒளியை விட வேகமாக மற்றவர்களை அடைய வேண்டியச் சூழ்நிலையில் உள்ளோம். ஒலி ஒளி ஏன் நம் சிந்தனையை விட வேகமாக இந்த எதிர்மின்மத் தரவுகள் நம்மை விடாமல் தொடர்ச்சியாகத் தாக்கிக் கொண்டே இருக்கின்றன. நம் சிந்தனையின்  வேகத்தைவிட அதிகமாக நம்மைத் தரவுகள் சூழ்ந்தால் தானே நம்மால் விழிப்புணர்வோடு செயலாற்ற முடியாது. திறன் பேசிகள் கொடுக்கும் மதிமயக்கத்தில் நமக்கு நாமே புதைகுழி தூண்டுகின்றோமோ என்ற அச்சம் ஏற்படத்தான் செய்கின்றது.

இப்படி வரும் தரவுகள் வேகவேகமாக பயணிக்க வான் வழி- பறக்கும் விமானங்களுக்குப் போக்குவரத்து சிக்கல் ஏற்படுமோ? அல்லது தரவுகளின் போக்குவரத்தில் சிக்கல்கள் ஏற்படுமோ? 

இலாப நோக்கோடு நிறுனங்கள் செயல்பட செயல்பட தொழில்நுட்ப ஏற்றத்தாழ்வுகள் பெருகிக்கொண்டே போகின்றன. உலகமே இப்படிப்பட்ட நிறுவனங்களின் கையில்தான் இருக்கின்றது என்று தெரிகின்றது. அதற்கு சான்றாக உலகிலேயே புகழ்பெற்ற பங்கு மேலாண்மையை நாம் பார்க்கலாம். உலகில் உள்ள ஒவ்வோரு நாடும் தங்களின் குடிமக்களின் ஓய்வூதியத்தைப் பெருக்க பங்கு சந்தைகளில் முதலீடு செய்கின்றன. அப்படி செய்த முதலீட்டில் உலகிலேயே முன்ணனியில் இருப்பது நார்வே நாடு அந்த நாட்டின் முக்கியமான ஓய்வூதிய நிதிமேலாண்மை உலகில் உள்ள 69 நாடுகளில் உள்ள 10,000 நிறுவனங்களின் பங்குகளில் முதலீடு செய்யபட்டுள்ளது. இந்த நிறுவனங்களின் செயல்கள் தான் எதிர்கால பொருளாதாரத்தை ஆளப்போகின்றன.

தங்கள் இலாப நோக்கைச்செல்லும் நிறுவனங்கள் நுகர்வோருக்கு ஊக்கம் கொடுக்குமா அல்லது ஒரு தனிமனிதன் தன்னிறைவு பெற உதவி செய்யுமா?
Essential requirements for internet classroom 71th Series - Suganthi Nadar. Book Day. The computerized future and the evolution of education Essential requirements 2 கணினிமயமான எதிர்காலமும் கல்வியின் பரிணாமமும் 2இங்கே கண்டிப்பாக இன்றையக் கணினித் தொழில்நுட்பத்திற்கு எதிராக கருத்துக்களுக்கு இடமில்லை. நம்முடைய வாழ்க்கை முறையின் பின்ணனியைக் கொஞ்சம் அலசிப் பார்க்கின்றேன் அவ்வளவுதான். கணினியுகத்தாலும் திறன்பேசிகளின் வளர்ச்சியாலும் கண்டிப்பாக உலகம் பல பயன்களைப் பெற்றுள்ளது. இந்தப் பேரிடர் காலத்தில் நாம் அனைவரும் இதை அனுபவப்பூர்வமாக உணர்ந்தோம். ஆனால் இப்படிப்பட்ட அனுபவங்கள் மறுக்கப்பட்ட ஒரு சமுதாயம் இருக்கத்தானே செய்கின்றது? இந்த சமுதாயத்தைப் பற்றிய கவலை இந்நிறுவனங்களுக்கு வருமா என்பது தெரியாது. ஆனால் அப்படி ஒரு சமுதாயமாக நாம் இருந்து விடக்கூடாது, அப்படிப்பட்ட சமுதாயம் உருவாக ஒரு தடைக்கல்லாக நாம் இருக்க வேண்டும். அதற்குக் கல்வியில் மாற்றங்களும் கல்வியின் பரிணாம வளர்ச்சியும் கண்டிப்பாகத் தேவை.

ஒரு காலத்தில் பெரிய தொழில்நுட்பமாகக் கருதபட்ட தொலைக்காட்சியும், வானொலியும் இன்று நம் கைக்குள் அடங்கி விட்டது. அது மட்டுமல்ல நமது தொலைபேசியும் இதற்குள் அடக்கம். ஆனால் 2020- 30க்குள் மனித குலத்தின் நுண்ணிய விவரங்கள் அனைத்துமே தரவுகளாக மாறி கணினிக்குள் புகுந்து விடும். உள்ளங்கையில் உலகம் என்பது போய் உலகம் என்பது வெறும் புள்ளி விவரங்களாகிவிடும். இது கணினித் தொழில்நுட்பத்தின் ஒரு எச்சரிக்கையாகவும் அதே நேரத்தில் மனித குலத்தின் சாதனையாகவும் கருதப்படுகின்றது.

நாம் சாமான்யர்கள் நாம் என்ன செய்ய முடியும் என்று கண்டிப்பாய் சிந்திக்கும் காலக்கட்டம் இது. உணவு தரும் விவசாய நிலங்களைவிட அதிகமாகக் காலி வயிறுகள் தான் உலகத்தில் உள்ளன. அதே போல நம்முடைய தரவுகளின் அளவும் மனித சிந்தனையை விட வேகமாக வளர்ந்துவிடுமா? வளரவிடலாமா?

பெரிய பெரிய நிறுவனங்களோடு ஒரு சாமான்யன் என்ன செய்ய முடியும் என்ற தயக்கம் நம் ஒவ்வொருவருக்கும் உண்டு. டேவிடும் கோலியாத்தும் என்ற பரிசுத்த ஆகமக் கதை ஒன்று உண்டு. கெளரவர்கள் பாண்டவர் கதையும் நமக்குத் தெரியும். எந்த ஒரு நேரத்திலும் ஆக்க சக்திகளுக்கு வலிமை குறைந்து நேர்மறை செயல்பாட்டிற்கும் எதிர்மறை செயல்பாட்டிற்கும் இடையே உள்ள சமன்நிலை பாதிக்கப்படும் போது, அதிகமான எதிர்மறை ஓட்டத்தைக் கட்டுப்படுத்த சிறிதளவு நேர்மறை செயல்பாடு ஒரு சமநிலையை உருவாக்கி விடும் என்பதே இக்கதைகளின் கருத்து.

எனவே சாமான்யர்களாகிய நாம் நமது ஆக்க சக்தியை அதிகரிக்க கல்வி 4.0 கண்டிப்பாய் உறுதுணையாக இருக்கும். நாம் ஒவ்வோருவரும் உலகை மாற்றத் தேவையில்லை. நம்மில் நாமே தன்னிறைவு பெற முயற்சிக்க ஆரம்பிக்க வேண்டும்.
Essential requirements for internet classroom 71th Series - Suganthi Nadar. Book Day. The computerized future and the evolution of education Essential requirements 2 கணினிமயமான எதிர்காலமும் கல்வியின் பரிணாமமும் 2உலக நிலப்பரப்பில் 37.6% விவசாய நிலமாக இருந்தாலும் உலக உணவுத் தேவையில் 70% சதவிதத்தை தயாரித்துத் தரும் விவசாயிகள் அரை வயிற்றுக்கும் கால் வயிற்றுக்கும் உணவு உண்டு வாழ்கின்றனர் என்று ஐக்கிய நாடுகள் சபையின் அறிக்கை கூறுகிறது. இதைக் சுட்டிக்காட்ட நமக்கு அறிக்கைகள் தேவையில்லை. நம்முடைய அன்றாட வாழ்க்கையில் நாம் கண்டிப்பாகப் பார்க்கின்றோம். இந்த நிலை ஏன்? தொழில்துறை பொருளாதாரம் சார்ந்த கல்வியை நாம் முன்னிலைப்படுத்தியதால், விவசாயக்கல்வியும் விவசாயத் தன்னிறைவும் உருவாக வழி இல்லாமல் போய்விட்டது.

2030ல் எந்த அளவுக்குத் மின் எண்ணியியல் தொழில்நுட்பம் வளர்ந்து வருமோ அதே அளவு வேகத்தில் தொழில்நுட்ப ஏற்றத் தாழ்வுகள் கண்டிப்பாக இருக்கும் என்று உறுதியாகக் கூற முடியும்.

அடுத்து கல்விக்கான தொழில்நுட்ப ஏற்றத்தாழ்வுகள்களின் நிதர்சனத்தையும், நமக்குப் பின்வரும் தலைமுறைகள் சந்திக்க இருக்கும் சூழவியல் ஆபத்துக்களையும், இன்றைய தலைமுறையின் அடிப்படை குணாதிசியங்களும் கல்வியின் எதிர்காலப் பரிணாமத்தை முடிவு செய்யும்.

முந்தைய தொடரை வாசிக்க:

இணைய வகுப்பறைக்கு இன்றியமையாத் தேவைகள் 66 (வளர்ந்து வரும் பாளச்சங்கிலி தொழில்நுட்பம்)  – சுகந்தி நாடார்

இணைய வகுப்பறைக்கு இன்றியமையாத் தேவைகள் 67(எண்ணியியல் செலவாணியின் எதிர்காலம்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 68(கல்வியில் கணினி) – சுகந்தி நாடார்

இணைய வகுப்பறைக்கு இன்றியமையாத் தேவைகள் 69(கல்வியின் எதிர்காலம் கணினியா?) – சுகந்தி நாடார்

இணைய வகுப்பறைக்கு இன்றியமையாத் தேவைகள் 70(   கணினிமயமான எதிர்காலமும் கல்வியின் பரிணாமமும்) – சுகந்தி நாடார்

No Comments
Essential requirements for internet classroom 70th Series - Suganthi Nadar. Book Day. The future of education is computer ? கல்வியின் எதிர்காலம் கணினியா ?
Posted inWeb Series

இணைய வகுப்பறைக்கு இன்றியமையாத் தேவைகள் 70 – சுகந்தி நாடார்




                                                                                                  கணினிமயமான எதிர்காலமும் கல்வியின் பரிணாமமும்

கல்வி என்பது வரலாற்றில் காலத்திற்கு ஏற்பவும் மனிதனின் பொருளாதாரத் தேவைக்காகவும், புத்தாகச் சிந்தனைகளை செயல்படுத்தத் தேவையான மனித வளத்தைத் தயாரிக்கவும் மாறிக் கொண்டே வருகிறது. குருகுலப் பயிற்சியிலிருந்து தொழிற்சாலைகளை இயக்கத் தேவையான திறன்களைக் கொடுக்கக் கூடிய கல்வி என்று மாறிய கல்வி, சட்டம் மருத்துவம் வணிகம் என்ற மனிதத் தேவைகளை மனதில் கொண்டு உருவாக்கப்பட்டது இப்பத்தொன்பதாம் நூற்றாண்டுக் கல்வி முறை மாறவேண்டும் என்று நம் அனைவருக்கும் தெரியும். தேர்வுகளின் அடிப்படையில் நடக்கும் கற்றலும் படித்து முடிந்ததும் பணிக்குச் செல்வதும் 18- 19ம் நூற்றாண்டுகளின் தேவையாக இருந்தது. 20ம் நூற்றாண்டுத் தொடக்கத்திலிருந்து, இப்போதுவரை நமது வாழ்க்கை முறை அதிவேகமாக மாறிவிட்டது.

ஆனால் அந்த மாற்றத்திற்கும் நமதுக் கல்விக்கும் இடையில் மிகப்பெரிய இடைவெளி விழுந்துவிட்டது. 19ம் நூற்றாண்டுக் கல்விக்கு அன்றையத் தொழிற் சாலைகளின் நிறுவனங்களின் தேவையைப் பூர்த்தி செய்யவேண்டிய வேலை மட்டுமே இருந்தது. ஆனால் இன்றையக் கல்வி எதிர்கால சந்ததியையும் அவர்களின் செயல்பாடுகளையும் மனதில் கொண்டு அமைய வேண்டியிருக்கின்றது. நம்முடைய வாழ்க்கை முறையில் ஏற்பட்ட பெரிய மாற்றத்தால் நமக்குக் கிடைக்கும் வளங்கள் நமக்குப் பற்றாக்குறையாக இருக்கிறது. இந்தப் பற்றாக்குறை எதிர்காலத்தில் குறையுமா அதிகரிக்குமா என்பது நாம் செய்யப் போகும் வாழ்க்கை முறை மாற்றத்தில் இருக்கின்றது.

ஒருவரின் வாழ்க்கை முறை மாற வேண்டுமென்றால் அங்கு கண்டிப்பாக ஒரு ஆசிரியரின் பணி இருக்கும். நம் எதிர்காலத் தேவை, ஒரு தனிமனித வாழ்க்கை முறையின் மாற்றம் மட்டுமல்ல ஒரு சமுதாயத்தில் ஏற்பட வேண்டிய மாற்றம். அத்தகைய மாற்றத்தைக் கொடுக்கக் கூடிய ஒரு கருவி கல்வி. எதிர்காலப் பற்றாக்குறைக்கு தயார் செய்யக் கூடிய கல்வி முறை ஒரு அவசியத்தேவை.

நம் எதிர்காலம் எப்படி இருக்கும் என்றுத் தெரிந்தால் தான் நம் கல்வியின் பரிணாமம் எப்படி இருக்க வேண்டும் என்ற சிந்தனை நமக்கு வரும். இன்றைய வாழ்க்கை முறையை வைத்துப் பார்க்கும் போது மனித குலம் பல்வேறு பற்றாக்குறைகளை சந்தித்துக் கொண்டு தான் இருக்கின்றது. ஏற்கனவே இருக்கும் பொருளாதார ஏற்றத் தாழ்வும், தொழில்நுட்ப ஏற்றத் தாழ்வும் எதிர்காலக் கல்வியின் பரிணாமத்தை எவ்வாறு நிர்ணயிக்கின்றது என்று பார்க்கலாம். ஏற்கனவே இருக்கும் தொழில்நுட்ப ஏற்றத்தாழ்வு இன்னும் பெரிதாக விரியப்போகின்றது. அதன் முதல் அறிகுறியாக 2022ல் அமெரிக்காவில் 3G அலைபேசிகள் வேலை செய்யாதாம்.
ஏன்?

இரண்டு காரணங்கள்
முதலாவது 2022லிருந்து 2030க்குள் பல நகரங்கள் திறன் வாய்ந்த நகரங்களாக மாறிவிடும். அங்கே சாலை போக்குவரத்து முதல் நம் வீட்டுப் பொருளாதாரம் வரை நம்முடைய ஒவ்வொரு அசைவும் மின் எண்ணியியல்களாக மாறி வானில் வலம்வரும். நாம் இப்போதே ஒரளவு அப்படிப்பட்ட வாழ்க்கைக்குப் பழகி விட்டோம். ஆனால் அதை விட வேகமாகவும் அதிகமாகவும் இன்னும் எண்ணியியல் தரவுகள் வான் வழி பறக்கப்போகின்றன. அப்படி செல்லும் தகவல் தரவுகள் எல்லாம் கண்மூடித் திறப்பதற்குள் இரு கணினிக் கருவிக்கு மட்டுமல்லாமல் பல்வேறு கணினிக் கருவிகளுடன் தொடர்பிலேயே இருக்கும். கணினி தான் நம்முடைய அன்றாட வாழ்வு எனும் போது எவ்வளவு தரவுகள் ஒவ்வோரு நாட்டிலும் உருவாகும் என்று யோசித்துப் பாருங்கள். இந்தத் தரவுகள் வேகமாகச் செல்ல இப்போது பயன்பாட்டிலிருக்கும் 3G போதாது. அதனால் 5Gன் வேகத்திற்கு நிறுவனங்கள் மாறுகின்றன.

இரண்டாவது காரணம் அலைவரிசைகளின் பற்றாக்குறை. அலை வரிசை என்றால் என்ன?
ஒலியோ ஒளியோ ஒரு இடத்திலிருந்து இன்னோரு இடத்திற்கு ஒரு குறிப்பிட்ட நேரத்துக்குள் செல்லும் போது உருவாகும் அலைகளின் எண்ணிக்கை தான் அலை வரிசை. மனிதன் முதன் முதலாக அலைவரிசையைப் பயன்படுத்தி பொழுது போகிற்காக உருவாக்கியத் தொழில்நுட்பம் வானொலி என்று நினைக்கின்றேன்.
வானொலித் தொழில்நுட்பத்தின் அடிப்படை20 kHz to around 300 Ghz வேகத்தில் செல்லும் மின்காந்த வான் அலைகளின் அடிப்படையில் உருவாக்கப்பட்டது ஒலி மின்காந்த அலைகளாக மாற்றபட்டு ஓரு இடத்திலிருந்து மற்றோரு இடத்திற்கு கடத்தபடுகின்றன தொலைக்காட்சி எனும்போது ஒரு புகைப்படக்கருவியும், ஒரு ஒலி வாங்கியும் இணைந்து படத்தையும் ஒலியையும் மின்காந்த அலைகளாக மாற்றபட்டு நம்மால் தொலைகாட்சி வழியாக அனுபவிக்கப்படுகின்றது.

அலைபேசிகளின் அறிமுகம் 1979 -80 களில் நம்மின் புழக்கத்திற்கு வந்தது அப்போது அவை மின்காந்த அலைகளின் வடிவில் விவரங்கள் பரிமாறிக் கொள்ளப்பட்டன. இதனால் ஒலிகளே அலைபேசிகளுக்கு இடையில் பயணம் செய்தன. அடுத்து அலைபேசி வழியே குறுஞ்செய்தி அனுப்பும் வசதி வந்தது. இந்த அலைபேசிகள், அலைபேசிகளின் முதல் தலைமுறை என்ற பொருளில் 1G என்று அழைக்கபடுகின்றன. இவை தரவுகளை பரிமாறிக் கொள்ளத் தேவையான வேகம் ஏறத்தாழ 3 kb. இந்த அலைபேசிகள் குறைந்த அளவு bandwidth தேவைப்பட்டது. குறைவானத் தரவுகளே அனுப்பப்பட்டன. நம் தமிழ் நாட்டில் பெரும்பான்மையோர் இந்த மாதிரி அலைபேசிகளை பயன்படுத்துவதை நான் பார்த்து இருக்கின்றேன், இவை 800 Mhz அலை வரிசையில் வேலை செய்தன.

அடுத்து வந்தது 2G. இந்த அலைபேசிகள் 900MHZ, 1800MHz அலைவரிசைகளில் 50 kb வேகத்தில் செயல்படுகின்றன. இவை குறுஞ்செய்திகள் பல்லூடகங்கள் அனுப்ப உதவியாக இருந்தன. இன்னோரு முக்கியமான விஷயம் முதன் முதலாக தரவுகள் அலை வடிவத்திலிருந்து கணினியின் இரும எண்களாக இந்த அலைபேசிகள் வழி மாற்றப்பட்டு தகவல்கள் வான் வழி பறந்தன.
Iphone, Apple, Communication, Mobile, Modernஅடுத்து வந்தது 3G. Apple நிறுவனத்தின் முதல் திறன்பேசி கண்டுபிடிக்கப்பட்டு குறிஞ்செய்திகள் ஒலி மட்டுமின்றி இணைய உலாவல், மின்னஞ்சல் திரைப்படம் மின்னூல் என்று பல வடிவங்களில் தரவுகள் நம்மை வந்து அடைந்தன. நம்மிடமிருந்து மற்றவருக்கும் சென்றன. இன்றைய தரவு சாம்ராஜியங்களின் பலம் ஒரு பணி சார்ந்த தொழில்நுட்பத்திலிருந்து, தரவுகளை மேலாண்மை செய்யும் நிறுவனங்களாக மாற ஆரம்பித்தன. இணையப்பக்கங்கள் எல்லாம் குறுஞ்செயலிகளாக வடிவமைக்கப்பட்டன. இதனால் வான் வழிப்பயணம் செய்யும் தரவுகளின் அளவு அதிகரித்ததோடு, தரவிற்கான செலவும் அதிகரித்தது. நுகர்வோர் கலாச்சாரம் மெள்ள மெள்ள முக்கியத்துவம் பெற ஆரம்பித்தது. இதனால் பல நிறுவனங்கள் குறைந்தவிலையில் தங்கள் சேவைகளை விற்க ஆரம்பித்ததோடு, தரவுகளைப் பரிமாறும் வேகத்தையும் அளவையும் அதிகரித்தன.200 kps வேகத்தில் 2100HZ வேகத்தில் செயல்படுகின்றன. இப்போது பயன்பாட்டில் இருக்கும் 4G 850 MHz, 1800 MHz அலை வரிசைகளில்ஒரு வினாடிக்கு 100 Mb முதல் 1 Gb வரை வேகமாகச் செயல்படுகிறது. இதனால் கொளவுகணிமை, இணைய வழிக் கலந்துரையாடல்கள் இணையத் திரைப்படங்கள் என்று கணினித் தொழில்நுட்பம் தன்னை மாற்றிக்கொண்டது.
YouTube, Netflix, and Prime Video reduce streaming quality in Europe due to coronavirus - Technology Shoutதிரையரங்குகளும் வானொலிப்பெட்டிகளும் தொலைக்காட்சிப் பெட்டிகளும் போய் எல்லாமே திறன்பேசி என்று ஆகிவிட்டது. நுகர்வோர் கலாச்சாரம் உச்சக்கட்டத்திற்கு சென்று உள்ளது கணினியில் எந்த ஒரு தொழில்நுட்பத்தை, அல்லது சேவையை நாம் அளித்தாலும் திறன்பேசி வழி அளிக்க வேண்டியப் பொருண்மையாகத் தயாரிக்க வேண்டியுள்ளது. இன்று Netflix, Amazon Prime,Youtube என்று காணொளிகளாக வரும் ஒவ்வோரு பொழுது போக்கு அம்சமும் இன்று இணையத்தை, ஆண்டு கொண்டு இருக்கின்றன. இப்போது 3G அலைவரிசை சார்ந்த தொழில்நுட்பத்தை நீக்கிவிட்டு முழுக்க முழுக்க 5G அலைபேசி நிறுவங்கள் கொண்டு வரத் திட்டமிட்டுள்ளன.
3G rule' › Friedrich-Alexander-Universität Erlangen-Nürnbergநம் போக்குவரத்துப் பிரச்சனையை சமாளிப்பதற்காக, சாலைகளை விரிவு படுத்துவது போல் இந்த தரவுப் போக்குவரத்தின் Band widthம் அதிகரிக்கப் போகின்றது. ஆனால் ஏன் 3G திறன்பேசித் தொழில்நுட்பத்தை நீக்க வேண்டும்? இரு அலைவரிசைகளும் ஒன்றாக இணைந்து பயணிக்க இயலாதா என்றால் முடியாது என்கின்றனர் அலைபேசித் தொடர்பு நிறுவனத்தார்.

வேகமாகவும் பாதுகாப்பானதாகவும் விரைவாகவும் துல்லியமாகவும் செயல்படக்கூடிய இந்த தொழில் நுட்பத்தை அமெரிக்காவில் உள்ள மூன்று முக்கிய அலைபேசி நிறுவங்கள் கூறூவதாவது அரசு அலைபேசிகளுக்கென வகுத்து வைத்த விதிகளின் படி திறன்பேசிகளுக்கு என்று அலைவரிசை பங்குகள் முடிவடைந்து விட்டதாகவும் அதனால் அடுத்து வரும் தரவுப் பெருக்கத்தை எதிர் நோக்கி 3G திறன்பேசிகள் பயன்படுத்திக் கொண்டிருந்த அலைவரிசைகளை எதிர்காலத்திற்குப் பயன்படுத்துவதற்காக தற்போது எந்தப்பிரச்சனையும் இல்லாமல் வேலை செய்து கொண்டிருக்கும் ஒரு தொழில்நுட்பமும் அதற்கான கருவிகளும் முடக்கப்படுகின்றன.

முந்தைய தொடரை வாசிக்க:

இணைய வகுப்பறைக்கு இன்றியமையாத் தேவைகள் 64 (கொளவுக்கனிமை வழி எண்ணியியல் அகழ்தல் )– சுகந்தி நாடார்

இணைய வகுப்பறைக்கு இன்றியமையாத் தேவைகள் 65 -(எண்ணியியல் செலவாணியின் நிலையற்ற தன்மையும் அதன் பதிவேட்டு முறையும்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 66 (வளர்ந்து வரும் பாளச்சங்கிலி தொழில்நுட்பம்)  – சுகந்தி நாடார்

இணைய வகுப்பறைக்கு இன்றியமையாத் தேவைகள் 67(எண்ணியியல் செலவாணியின் எதிர்காலம்) – சுகந்தி நாடார்

இணைய வகுப்பறைக்கு இன்றியமையாத் தேவைகள் 68(கல்வியில் கணினி) – சுகந்தி நாடார்

இணைய வகுப்பறைக்கு இன்றியமையாத் தேவைகள் 69(கல்வியின் எதிர்காலம் கணினியா?) – சுகந்தி நாடார்

1