No Comments
போதி மரத்திற்குக்
கொஞ்சம் எரு
சேர்த்துப் போட்டு
ஆசை காட்டினேன்
பூக்கள் பூத்தன….
ரொம்ப நாள் கழித்து
முதல் முறையாக
எடுத்து கொள்ளும்
மூலிகை
ரொம்ப நாள் கழித்து
முதல் முறை தீண்டும்
தாழி வைக்கும்
பசுவின் மேனி
ரொம்ப நாள் கழித்து
முதல் முறை பருகும்
தேநீர்க் குவளையின்
வித்தியாசமான வடிவம்
ரொம்ப நாள் கழித்து
சாப்பிடும் வடையில்
கொத்த மல்லி வாசம்
அனைத்திலும் உணரும்
மனம்
கடைக்கார பாட்டியிடம்
வடை வாங்கி சாப்பிடாத
குறையைப் போக்கும் நிலா
கொசு
நிலா
சமரசம்
வாழ்க்கை
பூக்கள்
கற்பனை
தானியம்
விவசாயி
புன்னகை
பறவைகள்
வானம்
அழகிய யுவதி
ஸ்வீட்டர் அணிந்த முதியவள்
ஒலி ஒளி படம்
விளம்பரங்கள் அனைத்தும்
புத்தரின் நகைச்சுவைத் துணுக்குகள்
போல் தோன்றியது
No Comments
பிரமாண்ட அரண்மனை செட்
போதி மரம் செட்
வீதியே பார்த்திராத
ராஜ வம்சம் சார்ந்த
ஒருவன்
ஒரு நாள் இரவில்
துறவி ஆகி வெளியேறும்
கதை
மனைவியைப் பிரிந்த
சோக இசை அமைப்பு
அரண்மனை ஆடைகள்
துறவி ஆடைகள்
சிறப்பான உணவு வகைகள்
அம்பு எய்த அன்னத்தின்
காயத்திற்கு மருந்திடும் சிறுவன்
சிறந்த பின்னணிக் கதை
உலகின் உயர்ந்த இசை
மௌனம் எனும்
சிறப்பு சப்தம்
முழு நிலவில்
முற்றும் உணர்ந்தவன்
புத்தர் பற்றி படமெடுக்க
எவ்வளவு பிரமாண்ட செலவாகும்…
No Comments
நொறுங்கும்
கூரைச் சருகு போன்ற
நிலையில்
மனக் குளத்தில் விழும்
மழை துளி போல்
நம்மால் மட்டும் என்ன செய்ய முடியும்
எனும் சுய கழிவிரக்கமே
நம்மைக் காப்பாற்றுகிறது
நவீன ஓவியமாய்
மழைக்காலத்தில்
கோழி இட்ட எச்சத்தில்
என்ன அழகாய்
கழிவிரக்கத்தின் நிறம்
No Comments