Pigment

நல்ல வேளை அவள் மீதான காதலைச்
சொல்ல வில்லை அவன்
ஆணவக்கொலையிலிருந்து
தப்பினான்

யாரோ என்பதில் முகிழ்த்த
நட்பு
யார் என்பதில் அழிந்து போனது

எந்த யுக்தியும் பிடிபடவில்லையே
இவன்இன்னார் என்று அறிந்திட
சாதீயம் தொடர்கிறது

பெயரைச் சுருக்கியும் கூட
பெருமிதப்படுகிறது வர்ணம்
கந்தனாம் கபாலியாம்

கலியுகத்திலும் கல்கியாய்
கீதை பாடினால் எங்ஙனம்

ஒழியும் சாதி?

செய்தவன் நெசவாளி சூத்திரன்
தொட்டு தூக்கிப் போடுவதோ
சாஸ்த்திரன்

மதமே இங்கு மதம் பிடிக்க
வைக்க மனிதர்கள் வாழ்க்கை
சூன்யம்

ச.லிங்கராசு