Quill Archives

Poetry

புனிதனின் கவிதைகள்

விபத்து
***********
எப்போதாவது
எதோ சொல்ல வந்தியே
என்னவென்று கேட்கிறாள்

எப்போதாவது
பலூன் வாங்கித் தரச் சொல்லும்
குழந்தையைப் போல்

அடம் பிடிக்கிறாள்

எப்போதாவது
ஜானி நாய்க்கு
என்னாச்சு என்பது போல்
அதிர்ச்சியாய் குறுக்கிடுகிறாள்

விபத்தில் இறந்த
அப்பாவின் நினைவில்
வாழும் அம்மா

நிறங்களின் உணர்ச்சி
******************************
பழைய சாதமும்
பச்சை மிளகாய் போலவும்
ஓவியம் கண்டதில்லை

குயிலின் ஓசையில்
மலர்கிறது
வண்ணப் பூக்கள்

ஒவ்வொரு கீரையும்
ஒவ்வொரு நிறம்

இருட்டின் ஞாபகம்
பகல்
வெளிச்சத்தின் மறதி
இரவு

என் இசையின் கவனம்
என்பது
மக்கிய சாணம் முளைத்த
புற்கள் வண்ணம்

தவளைகள்
மூடர் கூட்டத்தின் நிறமல்ல

முயல் இடும்
புழுக்கையின் நிறம்

கோடையில் பசுமையாகும்
கொக்கின் கண்கள்
வற்றிய குளத்தில்
சேத்து குரவை மீன்கள்

சிவந்த இளம்
கொடுக்காய் புலி காண்கையில்
துறவியின் உணர்ச்சி

ரொம்ப நாளைக்குப் பிறகு

ஒரு வண்ணத்தை
அரக்கு நிறமென
அறிமுகபடுத்தினார் குரு
உயிர் வாதையோடு
இறந்த மூட்டை பூச்சியின்
நசுக்கிய குருதி நிறமது

க. புனிதன்

Bookday 04/05/2022No Comments

இளங்குமரன் on அ.குமரேசனின் கவிதைகள்16/06/2025
கவிதைகள் யாவும் சிறப்பு தோழர்
ஆர். ரமணன் on அ.குமரேசனின் கவிதைகள்15/06/2025
அருமை.
பு‌‌. பா. பிரின்ஸ் கஜேந்திர பாபு on அ.குமரேசனின் கவிதைகள்15/06/2025
பெரும் மகிழ்ச்சியும் வாழ்த்தும். மூத்த பத்திரிகையாளர் தோழர் அ. குமரேசன் அவர்கள் கவிஞராக இன்று நம்முன். வாழ்க்கையின் வலிகளைப் பேசும் அற்புத கவிதைகள். வாழ்க தோழர் குமரேசன்.…
Dr.S.Deivanai on அ.குமரேசனின் கவிதைகள்15/06/2025
கொதித்துப் போயிருந்தேன் கீழே வந்து உங்களையெல்லாம் பார்த்ததும் குளிர்ந்து போனேன். –சன்னலுக்கு வெளியேயிருந்து பேசிய கோடை மழை. அட்டகாசம். 👏👌💙💐
ராமச்சந்திர வைத்தியநாத் on தொடர் – 1 :- சிவப்பு நாட்குறிப்பின் பக்கங்களிலிருந்து.. – ஆர்.பத்ரி15/06/2025
எளிமையாக அனைவரும் அறியக்கூடிய வகையில் எழுதியுள்ளீர்கள். மகிழ்ச்சி. வாய்ப்பிருந்தால் அனைவருமே ஆண்டர்சனின் சே வாழ்க்கை வரலாற்றையும் படிக்கலாம். விவரங்கள் கொட்டிக் கிடக்கும் படைப்பாகும்.