She is alive

இவளின் மொழியோ
அடர் மௌனம்
காதலியா மனைவியா தெரியவில்லை
கூடவே இருக்கிறாள்

கண்களால் பார்த்தது இல்லை
ஆனால் அழகாய் இருக்கிறாள்
ஒருபோதும் வெளியில் வருவதில்லை
வந்தால் மீண்டும் செல்ல மாட்டாள்

கொஞ்சம் பிடிவாதக்காரி தான்
ஆனால் மென்மையானவள்
சூதுவாது தெரியாதவள்
சாதி மதம் இனம் கடந்தவள்

விட்டுச் சென்று விடுவேன் என
அவ்வப்போது மிரட்டுவாள்
அய்யோ பாவம் அவள்
தாய்தந்தையால் பிள்ளையால்

வாழ்க்கைத் துணையால் காதலால்
கட்டி வைக்கப்பட்டுள்ளாள்
உன் பெயர் என்ன என்றேன்
“உயிர்” என்றாள்