Thamizh Language Poem

பச்சை சட்டை போட்டு
பச்சையை வெட்டுவதால்
நீ வெட்டுக் கிளியல்ல
நீ ஒரு வேட்டு கிழி

பாலைவனத்தில் வாழ்வதோடு நிறுத்திக்கொள்
பாலைவனத்தை உருவாக்க முயற்சிக்காதே
அதை மனிதர்கள் பார்த்துக்கொள்வார்கள்

நீ புகவேண்டிய இடம்
உழவர் சந்தையல்ல
கள்ளச்சந்தை
அங்கு நீ பாடவேண்டிய ராகம்
சுருட்டி அல்ல
செஞ்சுருட்டி
நீ நடக்க வேண்டிய நடை
மணிப்பிரவாளம் அல்ல
மணி பிறழ் வாழம்

உழைப்பவனுக்கு ஒரு காசு
அவனிடம் பெறுபவனுக்கு இரு காசு
மறைப்பவனுக்கு பல காசு
இந்த மந்தி போராட்டத்தினை
மறக்காமல் வெட்டுக்கிளி நீ பேசு

உருவாக்குபவனும் லாபமில்லை
உட்கொள்பவனுக்கும் மீதமில்லை
முதலில் பெறுபவனுக்கு ஒன்றுமில்லை
இடையில் மறைப்பவனுக்கு வெட்கமில்லை
இந்த துக்கத்தை தடுக்க யாருமில்லை
இந்த பக்கத்தை எடுத்து
வெட்டுக்கிளி நீ பக்குவமாக பேசு

கூட்டமாக பறந்து வா
கள்ள சந்தையை நோட்டமிட மிகுந்து வா
உழைப்பவன் பாட்டையெல்லாம் படிக்க வா
விலை ஏற்றத்தை குறைக்க வா
கறுப்பாட்டை கடிக்க வா
அந்த கைக்கூலிகளை ஓழிக்க வா
மறைத்து வைப்பவர்களை
மலைக்க வைக்க நீ வா
பொய்மை திணித்து விற்பவர்களின்
குரல் பறித்து வைக்க நீ வா
ஜென்மம் எடுத்து நிற்கும் பொருள் மறைப்பை
உரல் எடுத்து நசுக்க நீ வா

மக்களுக்காக நீ பேசு
வெட்டுக்கிளி
உன் மனதைத் திறந்து உரை வீசு