THE EXPERIMENT

DAS EXPERIMENT – THE EXPERIMENT – OLIVER HIRSCHBIEGEL – 2001 

GERMAN DRAMA THRILLER

வேலை இல்லாத இளைஞர்கள் அல்லது பார்ட் டைம் வேலை தேடுவோருக்கு ஒரு அறிய வாய்ப்பு ஒரு அறிவியல் ஆய்விற்கு 20 இளைஞர்கள் தேவை , 2 வாரம் வேலை, நல்ல சம்பளம் சன்மானம் வழங்கப்படும் – பேப்பரில் விளம்பரம் பார்த்து விண்ணப்பிக்கலாம் என்று யோசிக்கும் கதாநாயகன். கதாநாயகன் டாக்ஸி டிரைவர். அந்த அறிவியல் ஆய்விற்கு தன்னை விண்ணப்பித்து கொள்கிறார். தன்னுடன் சேர்ந்த 20 இளைஞர்களுடன் நேர்முக்க தேர்வு நாள் அன்று. முதலிலேயே கெடுபிடி அதிகமாக உள்ளது. இது ஒரு அறிவியல் ஆய்வு என்றாலும் கூட உங்களுடைய மன பலமும் உடல் பலமும் சற்று அழுத்தமாக ஆராயப்படும் ஆய்வு ஆரம்பித்த பின்னர் பாதியில் வெளியில் செல்ல அனுமதி இல்லை விருப்பமில்லாதவர்கள் இப்போதே விலகிக் கொள்ளலாம் என்று ஒரு பணிப்பெண் நேர்முகத் தேர்வின் முதல் கட்டமாக அனைவரையும் எச்சரிக்கிறாள். அறிவியல் ஆய்வுதானே பார்த்துக் கொள்ளலாம் என்றும் அனைவரும் இளைஞர்கள் என்பதாலும் எந்தவித சலனமும் இன்றி விளையாட்டாக தைரியமாக ஆய்விற்கு 20 இளைஞர்களும் தங்களை உட்புகுத்திக் கொள்கிறார்கள்.

அடிப்படை உடல்நல மனநலக் கூறுகள் பரிசோதிக்கப்படுகின்றன. பின்பு ஆய்விற்கு தலைமையான சைக்காலஜிக்கல் டாக்டர் 20 இளைஞர்களையும் இரண்டு பிரிவாக தனித்தனியே பிரியும்படி சொல்கிறார். இருவருக்கும் அதாவது இரண்டு பிரிவினருக்கும் தனித்தனியே சீருடை வழங்கப்படுகிறது 10 பேர் ஜெயில் கைதிகள் 10 பேர் அவர்களைபாதுகாக்கும் போலீஸ் அதிகாரிகள். அனைவரும் சந்தோஷமாக விளையாட்டுத்தனமாக ஜெயில் கைதிகளுக்கான சீருடையையும் போலீஸ்காரர்களுக்கான சீருடைகளையும் அணிந்து ஆட்டம் போட்டுக் கொண்டு பாட்டு பாடிக்கொண்டு விளையாடிக் கொண்டு உள்ளே செல்கின்றனர். உள்ளே சென்ற பின்பு அனைவருக்கும் சிறு சிறு டாஸ்க்கள் சொல்லப்படுகின்றன இந்த பத்து ஜெயில் கைதிகளையும் ஒழுக்கமாக அமைதியாக கூச்சல் இன்றி பார்த்துக் கொள்வதே போலீஸ்காரர்களின் வேலை. எக்காரணம் கொண்டு அடிதடியில் யாரும் இறங்க கூடாது அப்படி வன்முறையில் ஈடுபட்டால் அந்த கணமே அவர்கள் விளையாட்டில் இருந்து வெளியேற்றப்படுவார்கள். சுருக்கமாக சொல்லப்போனால் நமது பிக் பாஸ் விளையாட்டு போல் தான் ஆரம்பிக்கிறது.

போட்டியின் முதல் நாள் அன்று அனைவருக்கும் பாட்டு பாடுவது விளையாடுவது போன்ற சிறுசிறு டாஸ்க் கொடுக்கப்படுகின்றன போலீஸ்காரர்களும் விளையாட்டாக அதட்டி அங்கே போ இங்கே போ என்று கட்டளையிட்டு அமைதியை நிலைநாட்டுகின்றனர். என்னதான் அறிவியல் ஆய்வு மற்றும் விளையாட்டாக இருந்தாலும் போலீஸ்காரர்களுக்கு உரித்தான சிறிய தலைக்கனம் இந்த பத்து போலீசாரர்களிடையே லேசாக தெரிகிறது அதேபோல் ஜெயில் கைதிகளுக்கும் தாழ்வு மனப்பான்மை ஆங்காங்கே தோற்றுவிக்கிறது. கதாநாயகன் விளையாட்டாக போலீஸ்காரர்கள் சொல்வதை அவ்வப்போது மீறுவதும் விளையாடுவதும் அவர்களை கேலி செய்வதுமாய் இருக்கிறார். கொடுக்கப்பட்ட உணவு பண்டங்களை வீணடிக்காமல் சாப்பிட வேண்டும் என்பது அனைவருக்கும் உண்டான பொது கட்டளை. ஒருவருக்கு பசும்பால் பிடிக்காது எனவே அவர்களுக்கு பதில் கதாநாயகன் அதனை பருகுவது போலீசார்களிடையே எரிச்சலை உண்டாக்கி மோதல் ஆரம்பிக்கிறது.

கதாநாயகனை வன்மையாக கண்டித்து தண்டனை கொடுக்க வேண்டும் என்று போலீஸ்காரர்கள் பேசி கொள்கின்றனர். அடிதடி வன்முறை கூடாது என்பதை மனதில் வைத்து கொள்ளுங்கள் என்பதை அவர்களில் ஒருவர் ஆணித்தனமாக கூறுகிறார். இந்த சலசலப்புகள் அனைத்தும் அங்கங்கே தனியாக பொருத்தப்பட்ட கேமராக்களில் கண்காணிக்கப்பட்டு ஆய்வுக்கு எடுத்துக்கொள்ள படுகின்றன என்பது குறிப்பிடத்தக்கது. பணிப்பெண்ணை ஆய்வை தொடர்ந்து நடத்துமாறும் சிறிய வேலை நிமித்தமாக தலைமை அதிகாரி வெளிய சென்றுள்ளதாகவும் போலீஸ் காரர்களுக்கு தகவல் வருகிறது. இந்த வாய்ப்பினை பயன்படுத்தி கதாநாயகனை வன்முறைக்கு உட்படுத்துகின்றனர் போலீஸ்காரர்கள் அடிபட்ட கதாநாயகனுக்கு உதவி செய்யும் பொது கைதிகளில் ஒருவர் உண்மையான போலீஸ் எனவும் மாறுவேடத்தில் இந்த ஆய்வினை அரசாங்கத்திற்கு எடுத்து சென்று தடுக்க வந்துள்ளதாகவும் தெரியவருகிறது.

ஜெயில் கைதிகளில் ஒருவரான உண்மையான போலீஸ் தவிர மற்ற அனைவருக்கும் மன நோய் உண்டாகிறது வீட்டை குழந்தைகளை காதலியை நினைத்து ஹாலுசினேஷன் பிடிக்கிறது. போலீஸ் வேடமணிந்தோர் குடித்துவிட்டு பண்ணும் அட்டூழியங்கள் ஜெயில் கைதிகளை கோபமூட்டி அவர்களை எதிர்க்க வைக்கிறது அனைவரின் மனமும் பித்து பிடித்தது போல் வன்முறைக்கு தூண்டப்படுகிறது. பணிப்பெண்ணை பாலியல் உறவுக்கு உட்படுத்தும் அளவிற்கு போலீஸ்காரர்களின் மனநிலை பாதிக்கப்பட்டு விடுகிறது. கைதிகளில் ஒருவர் உயிரை விடும் அவலம் ஏற்படுகிறது. இதற்குப் பிறகு தலைமை அதிகாரி வந்தாரா கதாநாயகனின் காதலி கதாநாயகனை தேடி வந்தாளா அவர்கள் இந்த அறிவியல் ஆய்வை அரசாங்கத்திடம் தெரிவித்தார்களா எப்படி தப்பித்தார்கள் என்பது படத்தை நீங்கள் பார்க்கும் போது உங்களுக்கு என்னால் ஆன பரிசு.

சிறு குழந்தைகள் இதயம் பலவீனமானவர்கள் இந்த படத்தை பார்ப்பதை தவிர்க்கவும் நன்றி.

கதையின் பலம் : விறுவிறுப்பு

பலவீனம் : சற்றே மனதை உருக்குலைக்க செய்யும் காட்சிகள், அடல்ட் கன்டென்ட்ஸ்

மேலும் இது போன்ற வித்தியாசமான திரைக்கதை உள்ள திரைப்படங்களை எனக்கு பகிரவும் இந்த திரைப்பட விமர்சனம் எவ்வாறு இருந்தது என்பதை விமர்சிக்க விரும்புகிறேன் என்னுடைய அலைபேசி எண்களையும் பகிர்ந்து உள்ளேன் நன்றி.

சிரஞ்சீவி இராஜமோகன்
கும்பகோணம்
[email protected]
9789604577
7708002140