ஹைக்கூ கவிதைகள்
1.
அடகு வைப்பு
அம்மாவின் தங்க ஆபரணங்கள்
மகனின் படிப்பு
2.
வீட்டின் முற்றம்
தினமும் மெதுவாய்ப் பெருக்குகிறாள்
வயசுப்பொண்ணு
3
அடிக்க அடிக்க
அதிரும் பறைஓலி
பண்ணையார்மரணம்
4
ஓய்ந்தபாடில்லை
இன்றளவும் கிராமங்களில்
சாதிச் சண்டைகள்
5
மாடவீதிகளில்
மெதுவாக நகர்கின்றது தேர்
இழுக்கும் பக்தர்கள்
6
விதவைக்கு
அப்பா சொத்தில் பாகம்
மல்லிகைத் தோட்டம்
7
மீன் வலை
கரையோரங்களில் காத்திருக்கின்றனர்
முதலாளிகள்
8
மூடிய ஆலைக்குள்
உள்ளிருப்புப்போராட்டம்
பசியில் தொழிலாளர்கள்
9
வீசின வலைக்குள்
சுறாமீன்கள்
மீனவன் மகிழ்ச்சி .
10
நாய் வளர்த்தோம்
பூனை வளர்த்தோம்
சொகுசு வீட்டில் மனிதநேயம் ?
11
சுற்றுச் சூழல் மாசு
கரும் புகையுடன் கனரகவாகனங்கள்
மக்கள்அவதி
12
வனங்கள்அழிப்பு
சுவாசத்திற்காக சுமக்க நேரிடுகிறது
பிராணவாயு.
13
இருண்ட கிராமம் வழியாகப்
பொருத்திடும் பணி
மின்கம்பிகள்.
14
அலைபேசியில் குறுஞ் செய்தி
வாசலுக்கு வரும் உணவுகள்
நவீன காலம் .
15
அருவி ஓரம்
வரிசையில் நின்றிடும் பரிசல்கள்
சனி ஞாயிறு சவாரிகள் .
16
தரிசு நிலம்
விளையாடுகின்றன
எலிகள் மகிழ்வு .
17
மார்கழிகோலங்கள்
வீட்டுவாசலைத்தேடி வரிசையில்வரும்
எறும்புகள்..
18
கடலோரத்தில்
இரவுப்பொழுதில் ஓடியாடிடும்
வலை நண்டுகள்.
19
நாற்பது வயசுப்பொன்னுக்கு
வரன் கிடைத்தது .
இரண்டாம் தாரம்
20
விவசாயம் இல்லை
சந்தைக்கு வந்து குவிந்திடுகின்றன
உழவு மாடுகள் ..
21
நாமக்கல்
பெயர் சொன்னால் நினைவில் வரும்
பிராய்லர் கோழிகள்.
22
திருப்பதி லட்டுவில்
கலப்பட நெய்
வீதி வலத்தில் வெங்கடாஜலபதி
23
ஆற்றங்கரை ஓரம்
வரிசையில் காத்திருக்கும்
கட்டுமரங்கள் .
24
அடர் மழை
பள்ளிக்கல்லுரிகளுக்கு விடுமுறை
சிறார்கள் மகிழ்ச்சி.
எழுதியவர்:-
✍🏻 R.S.பாலகுமார்
******************************************************************************
Click to Join Telegram Group Link : https://t.me/+lyAFK8ZE0iczZjE1Click to Join WhatsApp Channel Link : https://whatsapp.com/channel/0029VanQNeO4NVioUBbXer3q
இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.
புக் டே இணையதளத்திற்கு தங்களது நூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.
