ஜலீலா முஸம்மிலின் கவிதைகள்

———————-

அதுவரைக்கும் தோன்றவில்லை
அதுவரைக்கும் நினைக்கவில்லை
அந்தக்கணம் வரைக்கும் எதுவுமில்லை
அந்த நொடிவரையில் தேடவில்லை
அதுவரையில் உறைக்கவில்லை
அதுவரையில் தேவையாக இருக்கவில்லை

அப்படிக் கேட்காமல் விட்டிருக்கலாம்
அவ்வாறு திசைமாறி வினா வந்தது ஏன்
இயல்பில் வெளிவந்ததை  வீணென்றும் கூற முடியாது
வெறுமையிலும் அன்பின் தேடலை அறிவித்தது எது

அதன் பிறகே வலித்தது
அதன் பிறகே உறைத்தது
அதன் பிறகே ஆயிரம் கேள்விகள்
அதன் பிறகே பல்லாயிரம் கேவல்கள்
ஆயினும் அழவில்லை

நோயில் கிடந்தவளை நலம் பெற உருகும் உறவொன்று
இப்படி ஒரு கேள்வி கேட்டது

“அவர்களுமுனை நலம் விசாரித்தார்களா?”

அழத் தோன்றவில்லை
அழ வைத்தவர்களுக்காக அழத்தோன்றுமா என்ன?

Dr ஜலீலா முஸம்மில்
ஏறாவூர்
இலங்கை

Click to Join Telegram Group Link : https://t.me/+lyAFK8ZE0iczZjE1

Click to Join WhatsApp Channel Link : https://whatsapp.com/channel/0029VanQNeO4NVioUBbXer3q

இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.

புக் டே இணையதளத்திற்கு தங்களதுநூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து  படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.