ஆதி கால போதை பழக்கத்தை சொல்லும் பற்காரை

ஆதி கால போதை பழக்கத்தை சொல்லும் பற்காரை

– பேரா. சோ. மோகனா

பல்லின் பயன்கள்

மனிதப் பல்லின் பயன்பாடு என்ன தெரியுமா? பல் ஒருவரின் புன்னகையை வெளிப்படுத்த, வாயை அழகுபடுத்த, உணவை அரைத்துக்கொடுக்க, மொழியை அழகாகப் பேச, முகத்திற்கு வடிவம் கொடுத்து அழகாக்க பற்கள் உதவுகின்றன. இதெல்லாம் நமக்குத் தெரிந்த விஷயம். ஆனால் இப்போது பல்லில் படிந்துள்ள காரை மூலம் மனிதன் என்ன சாப்பிட்டான் ,என்ன போதைப் பொருட்கள பயன்படுத்தினான் என்பதைக் கண்டறிய முடியும் என சவால் விட்டுச் சொல்லுகின்றனர் தொல்லியல் மற்றும் மானுடவியல் அறிஞர்கள். அதுவும் 2500 ஆண்டுகளுக்கு முற்பட்ட மண்டையோட்டில் இருந்த பற்களில் படிந்துள்ள காரையிலிருந்து அந்த மனிதன் உண்ட உணவு, அவன் அருந்திய போதைபானம், போதைப் பொருட்கள ஆகியவற்றை அறியமுடியும் என்கின்றனர்; கண்டுபிடித்தும் உள்ளனர்.

போதைப்பொருள் பற்றிச் பேசும் பற்காரை (Tooth Tartar)

பற்காரை (Tooth Tartar) நீங்கள் எடுத்துக்கொண்ட போதைபானம் பற்றிச் சொல்லும் .ஆமாம் ஆமாம். பல்லில் உள்ள காரை மூலம் பழங்கால மக்களின் போதைப் பழக்கத்தைக் கண்டறிய முடியும்என்ற தகவலை பிரிட்கெட் அலெக்ஸ் (Bridget Alex) என்ற பெண் ஆய்வாளர் 2021ஆம் ஆண்டு, ஜனவரி மாதம் 7ஆம் நாள் , அன்று Science Advances என்ற அறிவியல் பத்திரிகையில் வெளியிட்டார்.

சுமார் 2500 ஆண்டுகளுக்கு முன்னர் வாழ்ந்த சீன மக்களின் கல்லறையில் இருந்த மண்டையோட்டின் பற்காரைகளை எடுத்து அதில் ஒட்டிக்கொண்டு இருக்கும் பற்காரையிலுள்ள பொருட்களை சுரண்டி எடுத்து வேதியல் ஆய்வு செய்ததின் மூலம், அந்த மனிதன் கஞ்சா பயன்படுத்தினார் மற்றும் புகைத்தாரா என்பதை விஞ்ஞானிகள் கண்டறிந்தனர் என்றால் ஆச்சரியம் தானே. .அந்த கதையை மற்றும் அதன் பின்னணியைப் பார்ப்போமா?

மேற்கு சீனாவின் மலைப் பீடபூமியில் கல்லறை

சீனாவின் பழங்கால மக்கள், சோக்டியானா என்ற இடத்தில் வாழ்ந்தார்கள். இது மேற்கு சீனாவின் , மலையிலுள்ள பீடபூமியில் உள்ளது. இவர்களை சோக்டியன் என்று அழைக்கிறார்கள். அங்குள்ள கல்லறையில் கிடைத்த எலும்புக்கூடுகள் மற்றும் மண்டையோடுகளை ஆய்வு செய்து பல தகவல்களை அறிந்தனர். சோக்டியன் மக்கள் கஞ்சா புகைத்தாரா அல்லது வைக்கிங் ஹென்பேன் அதிகமாகப் பிடித்தாரா என்பதைப் பற்றி நாம் இப்போது அறியலாம். அந்த காலத்தில் வாழ்ந்த மக்கள் என்ன போதைப் பொருள் பயன்படுத்தினர் என்பதை நாம் இப்போது அறிய முடியுமா? முடியும் என சவால் விட்டு சொல்லுகிறது அறிவியல்.

பற்காரை (Tooth Tartar) என்றால் என்ன ?

ஒரு மனிதன் சாப்பிடும் பொருட்களின் மணலைவிட சிறு சிறு துளிகளாக பற்களின் எனாமல் மேல் ஒட்டிக்கொள்ளும். நீங்கள் சரியாக பல் துலக்காவிட்டால், இந்த நுண்ணிய உணவுப்பொருட்களின் துணுக்குகள் வாயிலுள்ள அமிலத்துடன் கலந்து அதுவே நாளாவட்டத்தில் பற்காரை (Tooth Tartar) ஆகிவிடும். இது மிகவும் கடினமான பகுதியாகும். இதனை பற்காரை (Dental Tartar/Calculus) என்று சொல்கின்றனர்.. பற்களின் டார்ட்டரில் உள்ள பொருட்களை, உணவின் எச்சங்கள், நீங்கள் குடிக்கும் மதுவின் துணுக்குகள், மருந்தின் எச்சங்கள், மற்றும் எடுக்கும் போதைப் பொருட்களின் எச்சங்களை பகுப்பாய்வு செய்ய அறிவியல் உலகம் ஒரு புதிய முறையை கண்டறிந்துள்ளது. இதன் மூலம் அந்த பற்காரைப் பொருட்களில் உள்ள வேதிப்பொருட்களை நாம் அறிய முடியும்.

நூறாயிரம் ஆண்டுகளுக்கு முந்தைய எலும்புக்கூட்டில் உள்ள பற்காரையும், அவன் உண்ட போதைப் பொருளும்

19 ஆம் நூற்றாண்டின் எலும்புக்கூடுகளில் உள்ள போதைப்பொருள் தடயங்களைக் கண்டறிந்த முறை மூலம், மற்றும் சமீபத்தில் இறந்த 10 நபர்களின் நிலையான இரத்தப் பரிசோதனைகளை விட அதிகமான பொருட்கள் இதில் இருப்பதை – மனிதகுலத்தின் போதைப் பழக்கத்தைப் பற்றியும், அதுவும் கூட நூறாயிரக்கணக்கான ஆண்டுகளுக்கு முன்னோக்கி கண்டறிய முடியும் என அறிவியல் உலகம் சவால் விடுகிறது.அதன் ஒரு சவால்தான் இது. இது ஒரு “புதிய எல்லை” என்கிறார் வாஷிங்டன் மாநில பல்கலைக்கழகத்தின் தொல்பொருள் ஆய்வாளர் ஷானன் துஷிங்ஹாம். வட அமெரிக்காவில் பழங்கால புகையிலை பயன்பாட்டை ஆய்வு செய்யும் புல்மேனும் இதனையே கூறுகிறார்.

ஆதிகால மருந்துகள் சொல்லாததை, பற்காரை (Tooth Tartar) சொல்லுகிறது.

ஆதிகால மருந்துகள் மற்றும் மருந்துகளின் வரலாற்றை ஆய்வு செய்ய, பெரும்பாலான விஞ்ஞானிகள், மனிதர்கள் புகைபிடித்த குழாய்கள் மற்றும் குடிப்பழக்கங்களை மனநோய் மூலக்கூறுகளுக்காக தேடுகின்றனர். ஆனால் போதைப்பொருள் பூசப்பட்ட கலைப்பொருட்களின் பகுப்பாய்வு, கொள்கலன்களில் தேவையில்லாத மாயத்தோற்றமான காளான்கள் போன்ற பொருட்களைத் தவறவிடுகிறது. மற்றும் கலைப்பொருட்கள் யார் இதனால் மயங்கினார்கள், உளறினார்கள் என்பதை வெளிப்படுத்தவில்லை.

19ம் நூற்றாண்டில், கிராம மக்கள் கஞ்சா -நோய் போக்க பயன்படுத்துதல்

லைடன் பல்கலைக்கழகத்தில் முனைவர் பட்டம் பெற்ற தொல்பொருள் ஆய்வாளர் பிஜோர்ன் பியர் பார்தோல்டி, மருத்துவர் இல்லாத 19 ஆம் நூற்றாண்டின் டச்சு கிராமத்தில் உள்ள விவசாயிகள் வலி மற்றும் நோயைக் கட்டுப்படுத்த,இப்படி கஞ்சா கலந்த சுயமருந்து பயன்படுத்தி இருக்கலாம், என்று சந்தேகித்தார்.

ஒரு மில்லியன் ஆண்டுகள் வாழும் டார்ட்டர்

எனவே பற்காரையில் படிந்துள்ள ரகசியம் அறிய பிஜோர்ன் பியர் பார்தோல்டியும், அவரருடைய மேற்பார்வையாளர் அமண்டா ஹென்றியும் ஒரு புதிய தொழில் நுட்பத்திற்கு திரும்பினர். அதுதான் எலும்புக்கூட்டின், மண்டையோட்டில் பதிந்து இருக்கும் பற்களை, அதில் ஒட்டிக்கொண்டு இருக்கும் பல் கால்குலஸை/பற்காரையை ஆய்வு செய்தல் என்பதுதான். (பல் மருத்துவர் ஒவ்வொரு வருடமும் பல்லை சுத்தப்படுத்தும்போது, எடுக்கும் பொருள்தான், டார்ட்டர் என்னும் கடினமான தகடு). ஒரு நபர் வாழும் போது டார்ட்டர், உணவு, பானம் மற்றும் பிற பொருட்களைப் பிடித்து வைத்துக்கொள்கிறது. மேலும் அது புதைபடிவங்களில் 1மில்லியன் ஆண்டுகளுக்கு மேல் உயிர்வாழ முடியும்.

ஹென்றி மற்றும் பலர் கடந்த கால மக்களின் உணவுமுறைகளைப் புரிந்துகொள்வதற்காக பல ஆண்டுகளாக ஆய்வு செய்து வருகின்றனர். ஆனால் விவசாயிகள் பயன்படுத்தியதாக அவர்கள் சந்தேகிக்கும் ஓபியேட்ஸ், கஞ்சா மற்றும் பிற போதைப்பொருட்கள் சிக்கிய எச்சங்களை துல்லியமாகக் கண்டறியச் செய்ய நிலையான சோதனை எதுவும் இல்லை.

டென்மார்க் ஆய்வாளர்கள் தடயவியல் பயன்பாட்டை,டார்ட்டரிலும் பயன்படுத்துதல்..

தொல்பொருள் ஆராய்ச்சியாளர்கள் டென்மார்க்கில் உள்ள ஆர்ஹஸ் பல்கலைக்கழக ஆராய்ச்சியாளர்களை, இந்த எச்சங்களில் போதைப்பொருட்கள்ஒட்டியுள்ளதை அதிலுள்ள வேதிபோருட்களை எப்படி அறிவது என்பதற்காக அணுகினர். இதில் தடயவியல் பல் மருத்துவர் டோர்தே பின்ட்ஸ்லேவ் (Dorthe Bindslev,) உயிருள்ள அல்லது சமீபத்தில் இறந்தவர்களின் இரத்தம் அல்லது முடியில் உள்ள மருந்துகளைக் கண்டறியப் பயன்படுத்தப்படும் திணிவு நிறமாலை மாணியைப் (Mass Spectroscopy) மூலம் நிலையான முறைகளை மீண்டும் கண்டுபிடிக்க முடியுமா என்று முயற்சித்தனர்.

டார்ட்டரில் உள்ள வேதிப்பொருட்கள் கஞ்சா மற்றும் போதைப் பொருட்கள் அறிதல்

டோர்தே பின்ட்ஸ்லேவ் மற்றும் அவரது சகாக்கள் டார்ட்டரில் உள்ள முக்கிய கனிமமான ஹைட்ராக்ஸிபடைட்டைப் (Hydroxyapatite) பயன்படுத்தினர். இதுதான் டார்ட்டரில் உள்ள வேதிப்பொருள். மேலும் இத்துடன் வேண்டிய அளவு, சட்டப்பூர்வ மருந்துகளான காஃபின், நிகோடின் மற்றும் கன்னாபிடியோல் (cannabidiol,) மற்றும் ஆக்ஸிகோடோன், (oxycodone) கோகோயின் மற்றும் ஹெராயின் போன்ற வேதிப்பொருட்களையும் கலந்தனர். பின்னர் உயர் செயல்திறன் கொண்ட திணிவு நிறமாலைமானி, (mass spectroscopy) மூலம் கலவைகளை அனுப்பி, அதில் 67 மருந்துகள் மற்றும் மருந்து வளர்சிதை மாற்றப் பொருட்கள் அறிந்தனர். அவை எவ்வளவு இருக்கின்றன என்றும் அளந்தனர், இது அவற்றின் ஆற்றல் மற்றும் எடையின் அடிப்படையில் மூலக்கூறுகளை வேறுபடுத்தி வெவ்வேறு மூலக்கூறுகளை சரியாகக் கண்டறிந்தது.

டார்ட்டரில் போதைப்பொருள் இருப்பதை அறிதல்

பின்னர் அவர்கள் ஆர்ஹஸ் தடயவியல் மருத்துவத் துறையில் பிரேத பரிசோதனைக்கு உட்படுத்தப்பட்ட சந்தேகத்திற்குரிய போதைப்பொருள் பயனாளிகளின் 10 சடலங்களில் தங்கள் புதிய முறையைப் பயன்படுத்தி சோதித்தனர்.பின்னர் அதில் இரத்த அடிப்படையிலான மருந்து சோதனைகளின் முடிவுகளை ஒப்பிட்டனர். ஹெராயின், ஹெராயின் மெட்டாபொலைட் மற்றும் கோகோயின் உள்ளிட்ட 44 மருந்துகள் மற்றும் வளர்சிதை மாற்றங்களை புதிய நெறிமுறை மூலமாக அடையாளம் கண்டுள்ளது- இது தரமான இரத்த வேலைகளை விட சற்றே அதிகம்.

தரமான சோதனை, பற்காரையின் உட்பொருட்கள் ஆய

“”இது ஒரு நல்ல சரிபார்ப்பு ஆய்வு” இது எலும்புக்கூடுகளில் நீண்ட காலமாக இரத்தத்தை இழக்காமல் இருந்திருக்கும்” என்று டேவிஸின் கலிபோர்னியா பல்கலைக்கழகத்தின் தொல்பொருள் ஆராய்ச்சியாளர் ஜெல்மர் ஈர்கென்ஸ் கூறுகிறார்.

குற்றவியல் புலனாய்வுக்கும் உதவி

டார்ட்டர்/பற்காரை (Tooth Tartar)என்பது மருந்து உட்கொள்வதற்கான நீண்ட கால பதிவை வைத்திருப்பதால், குற்றவியல் புலனாய்வாளர்கள், மருந்துகள் இரத்த ஓட்டத்தை விட்டு வெளியேறிய பிறகு, போதைப்பொருளின் பயன்பாட்டை சோதிக்க வேண்டியிருக்கும் போது, ​​முடி மாதிரிகளுக்கு பதிலாக இந்த டார்ட்டர் சோதனையைச் செய்யலாம் என பரிந்துரைக்கின்றனர்.

போதை பயனாளிகளின் சரித்திரமும்.. பதிவிவு

போதைப்பொருள் பயனாளிகள் வரலாற்றை மீண்டும் எழுத இது உதவும், துஷிங்ஹாம் கூறுகிறார். ஆனால், மணல் அளவுள்ள போன்ற சிறிய மாதிரிகளைப் பயன்படுத்தும் முறைக்கு, வழக்கமான வேதியியல் அல்லது தொல்லியல் ஆய்வகங்களில் இல்லாத அதிக உணர்திறன் கொண்ட மாஸ் ஸ்பெக்ட்ரோமீட்டர் தேவைப்படுகிறது.

சில கலவைகள் காலப்போக்கில், கால்குலஸில் கூட சிதைந்து போகலாம். ஒருமுறை போதைப்பொருள், தூண்டுதல் மற்றும் மருந்துகளாகப் பயன்படுத்தப்படும் தாவரங்களையும் இந்த செயல்முறை தவறவிடும், என , துஷிங்ஹாம் கூறுகிறார்.

பற்காரையின் சுவாரசிய கண்டுப்பிடிப்புகள்

இருப்பினும், அவர் ஆராய்ச்சியைப் பாராட்டுகிறார்: “இந்த வகையான அடிப்படைத் தகவல் உண்மையில் புதிய மற்றும் சுவாரஸ்யமான திசைகளுக்கு நம்மை முன்னோக்கி தள்ளும்.”ஆர்ஹஸ் குழு ஏற்கனவே டச்சு நாட்டின் எலும்புக்கூடுகளின் டார்ட்டரில் நிகோடின் மற்றும் பிற மருந்துகளைக் கண்டறிந்துள்ளது, அதன் முடிவுகளை அவர்கள் வரும் ஆண்டில் வெளியிடுவார்கள் என்று நம்புகிறார்கள்.

பிண்ட்ஸ்லேவ் பண்டைய பற்களில் இந்த முறையை முயற்சிக்க ஆர்வமாக உள்ளார், அவர் மற்ற காரணங்களுக்காக பகுப்பாய்வு செய்தார், துறவிகள் ஆரம்பகால மருந்துகளை நிர்வகித்த வைக்கிங் தளங்கள் மற்றும் மடாலயங்களின் எச்சங்கள் உட்பட. பண்டைய போதைப்பொருள் பயன்பாடு பற்றிய ஆய்வுகள் வரும்போது, ​​​​டார்டருக்கு “எதிர்காலம் இருக்கும்” என்று அவர் கூறுகிறார்.

கருத்து உதவி: https://www.science.org/content/article/tooth-tartar-could-uncover-drug-habits-ancient-people

*****************

கட்டுரையாளர்: 

– பேரா. சோ. மோகனா

Click to Join Telegram Group Link : https://t.me/+lyAFK8ZE0iczZjE1

Click to Join WhatsApp Channel Link : https://whatsapp.com/channel/0029VanQNeO4NVioUBbXer3q

இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.

புக் டே இணையதளத்திற்கு தங்களது நூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து  படைப்புகளையும், எங்களது bookday24@gmail.com மெயில் அனுப்பிட வேண்டுகிறோம்.