ரேகைகள்
கிழிந்த விரல்களால்
சோற்றைக் குழைத்து
குழைத்த சோற்றை
உருண்டை பிடித்துக்
குழந்தைக்கு
சோற்றை
ஊட்டிக்கொண்டிருக்கிறார் அப்பா
வாய் நீட்ட
வாங்கிய குழந்தையின்
தொண்டைக் குழியில்
அடைப்பட்டு நிற்கிறது ஒரு உருண்டை சோறு
நேற்று
இரவெல்லாம்
சேற்றையும் தன் வியர்வையும்
ஒன்றாக பிசைந்து சூளையில்
செங்கல் அறுத்த
அப்பாவின்
தேய்ந்த விரல்களில்
ஒரு விரலின்
முள்ளாகிய தடயம் ,
கவிஞர் ச.சக்தி ,
அழகு பெருமாள் குப்பம்,
பண்ருட்டி,
இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.
புக் டே இணையதளத்திற்கு தங்களது புத்தக விமர்சனம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து படைப்புகளையும், எங்களது [email protected] மெயில் அனுப்பிட வேண்டுகிறோம்.