உன் புன்னகை என்ன விலை?? உந்தன் பல்லே சொல்லும் விலை

உன் புன்னகை என்ன விலை?? உந்தன் பல்லே சொல்லும் விலை.!!

வியப்பூட்டும் உண்மைகள்

பல்லுக்கும் புன்னகைக்கும் உள்ள தொடர்பு!

பல் மற்றும் புன்னகை இரண்டும் ஒருவரின் முகப்பரப்பில் மிக முக்கியமானவை. ஒரு அழகான புன்னகைக்கு ஆரோக்கியமான, ஒழுங்கான பற்கள் அவசியம்.
பல் இல்லாமல் புன்னகை முடியுமா? இதென்ன புதுக்கதை. பல் இல்லாமலா புன்னகை. மணப்பெண் இல்லாமல் திருமணமா? அது போலத்தான் இதுவும். ஆரோக்கியமான,பளீரென வெண்மையாய பல் உள்ளவர்களுக்கு ,புன்னகை மிகவும் ரசிக்கப்படும்.

பல் இல்லாமல் புன்னகை செய்யும்போது, நம்மை வயதானவர்களாக காட்டும். சிலர் தங்களின் பற்கள் சரியாக இல்லாததால், புன்னகை செய்வதைத் தவிர்ப்பார்கள். அதனால்தான், பல் மருத்துவர்கள் “புன்னகை மேம்பாட்டு சிகிச்சை” (Smile Makeover) எனும் முறையை இப்போது மேற்கொள்கின்றனர்.

புன்னகையின் அழகு, தீர்மானிப்பது யார்?

சந்தேகமின்றி, பல்லார்தான்; பல்லின் அமைப்புதான். ஒழுங்காக அமைந்த பற்கள் நட்பு மற்றும் நம்பிக்கையை வெளிப்படுத்தும். மஞ்சள் அல்லது கெட்ட பல் இருந்தால், சிலர் வெட்கப்பட்டு புன்னகை செய்ய மாட்டார்கள்.தோழமை மற்றும் நலமுடைய தோற்றத்திற்கு பற்களின் வெளிச்சமும், நேர்த்தியும் முக்கியம்! எனவேதான் பலர் தங்கள் பற்களை ஒழுங்காக வைத்துக் கொள்வதற்கு “Braces” (இரும்புக் கட்டுகள்) அல்லது Teeth Whitening போன்ற முறைகளைத் தேர்வு செய்கின்றனர்.

நம் பற்களும், புன்னகையும்தான், ஒருவர் பார்த்த உடனேயே நம்மைப்பற்றிய உணர்வை பதிய வைக்கின்றன; இவைதான் மற்றவர்களை மிகவும் ஈர்க்கக்கூடிய பாகங்கள். பிரகாசமான, அழகான, ஆழமான புன்னகையை விட அதிக விலை உள்ளது, சிறப்பு மிகுந்தது, உலகில் எதுவும் இல்லை. ஒருவரைப் பார்க்கும்போது, 50% மக்கள் முதலில் பார்ப்பது புன்னகையை மட்டுமே. 60% பெரியவர்கள் தங்கள் புன்னகையால் மட்டுமே யாரையாவது ஈர்க்கிறார்கள். குழந்தைகளும் கூட சிரிக்கும் முகத்தையே விரும்புகின்றன. பெண் ஒரு நாளில் 62 முறை புன்னகைக்கிறாள்; ஆண் 8 முறை மட்டுமே. அதனால்தான் அந்த பற்கள் ஆரோக்கியமாக இருப்பது மிகவும் அவசியம்.

புன்னகை மற்றும் பல் மருத்துவ நலன்

அறிவியல் ஆராய்ச்சியின் படி புன்னகை செய்வது உடலுக்குள் உள்ள “என்டார்பின்” (Endorphin) எனும் மகிழ்ச்சி ஹார்மோனை அதிகரிக்கச் செய்யும். இது மன அழுத்தத்தை குறைத்து, மனநிலையை நல்லதாக ஒழுங்குபடுத்தும். ஒருவர் புன்னகை செய்யும்போது, அவர்கள் தன்னம்பிக்கையுடன் இருப்பதாக தோன்றுவார்கள். எனவே, “அழகான பல்” என்பது வெறும் தோற்றத்திற்காக மட்டுமல்ல.

அது மனநிலையையும் மேம்படுத்தும் செயலும் ஆகும். இது நம்மை நல்ல மனநிலையில் உணர வைக்கிறது. இதன் பொருள் நியூரான் சிக்னல்கள் மூளையின் புறணிப் பகுதியிலிருந்து மூளைத் தண்டுக்கு (மூளையின் பழமையான பகுதி) பயணிக்கின்றன. அங்கிருந்து, மண்டை ஓடு தசை, உங்கள் முகத்தின் சிரிக்கும் தசைகளை நோக்கி சமிக்ஞையை மேலும் கொண்டு செல்கிறது. நமது முகத்தின் சிரிக்கும் தசைகள் சுருங்கியதும், ஒரு நேர்மறையான பின்னூட்ட வளையம் உள்ளது, அது இப்போது மூளைக்குத் திரும்பிச் சென்று நமது மகிழ்ச்சி உணர்வை வலுப்படுத்துகிறது.

உலகம் முழுவதும் புன்னகை மற்றும் பல் தொடர்பான நம்பிக்கைகள்!

ஜப்பானில், சிலர் பற்களை “தவறாக” அமைத்துப் புன்னகை செய்வதை அழகாக கருதுவார்கள. அமெரிக்காவில், புன்னகையின் அழகு முக்கியம். அதனால்தான் பலர் “Teeth Whitening” செய்கின்றனர். இந்தியாவில், “சுத்தமான பல்” ஒரு நல்ல நபரின் அடையாளம் என கருதப்படுகிறது.

இவை எல்லாம் பல்லும், புன்னகையும் இணைந்திருப்பதை நிரூபிக்கின்றன!

நிச்சயமாக , பல்லும் புன்னகையும் ஒன்றுக்கொன்று தொடர்புடையவை!

ஆரோக்கியமான பல் = அழகான புன்னகை!

அழகான புன்னகை = மகிழ்ச்சி, நம்பிக்கை மற்றும் மனநலம்!

 நீங்கள் சிரிக்கும்போது நீங்கள் மிகவும் கவர்ச்சிகரமானவராகவும் இருக்கிறீர்கள். நீங்கள் சோர்வாக உணரும்போது, சிரிக்க மறக்காதீர்கள். அது உங்களை கொஞ்சம் நன்றாக உணர வைக்கும். மேலும் நீங்கள் இன்னும் கவர்ச்சியாக மாற விரும்பினால், அடிக்கடி சிரிக்க மறக்காதீர்கள்.

 சுத்தமான, வெள்ளை மற்றும் ஆரோக்கியமான பற்கள் உங்களை அடிக்கடி சிரிக்க வைக்கும். உங்கள் பல் ஆரோக்கியத்தைப் பராமரிப்பது உங்கள் மகிழ்ச்சிக்கு மிகவும் முக்கியமானது

 யுசி-சான் பிரான்சிஸ்கோ (மருத்துவப் பள்ளி) ஆராய்ச்சியாளர் நடத்திய ஆய்வில் புன்னகையில் 19 வகைகள் இருப்பது தெரியவநதுள்ளது. இவற்றில் இரண்டு பிரிவுககள் உண்டு. கண்ணியமான சமூகப் புன்னகை மற்றும் நேர்மையான உணர்வு புன்னகை

 புன்னகைக்கும்போது, முகத்தில் 5-53 தசைகள் வரை இயங்குகின்றன.

 புன்னகை உண்மையில் உங்கள் நோய் எதிர்ப்பு சக்தியையும் உடல் ஆரோக்கியத்தையும் அதிகரிக்கும், மேலும் இதனால் உங்களின் வாழ்நாள் 7ஆண்டுகள் வரை நீட்டிக்கும்.!

 புன்னகை தொற்றக்கூடியது. சிரிக்கும் மற்றவர்களைப் பார்க்கும்போது மக்கள் உண்மையில் அவர்களும் அறியாமலேயே சிரிக்கத் தொடங்குகிறார்கள்.

 பொதுவாக, பெண்கள் ஆண்களை விட அதிகமாக சிரிக்கிறார்கள், இருப்பினும் வேலை செய்யும் சூழல்களில், அவர்கள் அதே அளவு சிரிக்கிறார்கள்.
 குழந்தைகள் பிறந்த சில நிமிடங்களிலேயே சிரிக்கின்றனர்.

 புன்னகை உங்கள் இதயத் துடிப்பு அளவைக் குறைக்கிறது, உங்கள் நோய் எதிர்ப்பு சக்தியை மேம்படுத்துகிறது, உங்கள் சகிப்புத்தன்மையை மேம்படுத்துகிறது மற்றும் வலியைக் குறைக்கிறது.

 புன்னகை உங்கள் மூளையை மகிழ்ச்சியாக இருக்க தந்திரம் செய்கிறது.

 ஃபோர்ப்ஸின் கூற்றுப்படி, சராசரியாக ஒரு மகிழ்ச்சியான வயது வந்தவர் ஒரு நாளைக்கு 40-50 முறை சிரிக்கிறார்.

 ஒரு சாதாரண வயது வந்தவர் ஒரு நாளைக்கு சுமார் 15-20 முறை மட்டுமே சிரிக்கிறார்.

 குழந்தைகள் ஒரு நாளில் சுமார் 400 முறை புன்னகைகின்றனர்.

 ஆண்களை விட பெண்கள் அதிகமாக சிரிக்கிறார்கள் என்றும் காட்டுகிறது

புன்னகை & சிரிப்பு எப்படி உருவாகிறது? அறிவியல்

புன்னகை என்பது உடலின் மிகத் தனித்துவமான செயல்பாடுகளில் ஒன்றாகும். அது மூளையில் இருந்து தொடங்கி, முகமூடு தசைகளை இயக்கி, வெளியில் வெளிப்படுகிறது. புன்னகை ஓர் உணர்வின் வெளிப்பாடு மட்டுமல்ல. அது உடல், மனம் மற்றும் சமூக உறவுகளையும் பாதிக்கிறது!
மூளையில் இருந்து புன்னகை எப்படி உருவாகிறது?

ஒரு மனிதர் மகிழ்ச்சியான அனுபவம்/ நகைச்சுவையான விஷயம் கண்டால்,அவரது மூளையின் “லிம்பிக் அமைப்பு” (Limbic System) அந்த உணர்வை சுவைத்து அனுபவிக்க ஆரம்பிக்கும். இந்த செயல்பாட்டினால், மூளையின் அமிக்டாலா (Amygdala), ஹிப்போ캸ம்பஸ் (Hippocampus) மற்றும் ஹைப்போதாலமஸ் (Hypothalamus) போன்ற பகுதிகள் முக்கிய பங்காற்றுகின்றன.

இந்த அமைப்பு “புன்னகை செய்!” எனும் தாரக மந்திரத்தை முகத்தசைகளை நோக்கி அனுப்புகிறது.

உடனே முகத்தின் சில முக்கிய தசைகள் இயங்குகின்றன. குறிப்பாக, அதாவது, கன்னத்தில் உள்ள சிரிப்பு தசை (Zygomaticus Major).யின் சுவிட்ச் படக்கென ஆன் செய்யப்படுகிறது. உடனே நாம் பளீரென புன்னகையை வீசுகிறோம்.

புன்னகையின் உயிரியல் விளக்கம்

ஒரு மனிதர் புன்னகை செய்யும்போது, அவரின் நரம்புகளும் தசைகளும் இணைந்து செயல்படும். இதன் மூலம் என்டார்பின் (Endorphin), டோபமின் (Dopamine), மற்றும் செரடோனின் (Serotonin) போன்ற மகிழ்ச்சி ஹார்மோன்கள் அதிகமாக சுரக்கின்றன.

இது மன அழுத்தத்தை குறைத்து, மகிழ்ச்சியை அதிகரிக்கிறது. உயிரியல் ரீதியாக புன்னகை செய்யும்போது, உடலின் இரத்த ஓட்டம் சீராகிறது. இதயம் ஒழுங்காகத் துடித்து, நன்றாக செயல்படுகிறது. அதனால், “ஒரு போலியான புன்னகையும் கூட உண்மையான மகிழ்ச்சியை உருவாக்கலாம்” என்று ஆய்வுகள் நிரூபித்துள்ளன.

சிரிப்பு எப்படி உருவாகிறது?

சிரிப்பு (Laughter) என்பது ஒரு வலுவான புன்னகையின் மேம்பட்ட வடிவம் ஆகும்.

இது மூளையின் “முன்பக்க பிராண்டல் கார்டெக்ஸ்” (Prefrontal Cortex) மற்றும் மோட்டார் கார்டெக்ஸ் (Motor Cortex) ஆகிய பகுதிகளை செயலில் ஈடுபடுத்தும் தன்மை கொண்டது. சிரிக்கும்போது, மன அழுத்தத்தின் ஹார்மோன் ஆன கார்டிசால் (Cortisol) குறையும். மகிழ்ச்சி ஹார்மோன் என்டார்பின் (Endorphin) அதிகரிக்கும். அத்துடன், சிரிப்பு உடல் முழுவதும் ஒரு தசைப் பயிற்சியை ஏற்படுத்தும். அதனால் தான் சிரிக்கும்போது உடல் குலுங்குகிறது; வயிற்று வலிக்கிறது. அதனால், “சிரிப்பு ஒரு சிறந்த மருத்துவம்” என்றும் கூறுகிறார்கள்!

புன்னகை மற்றும் மகிழ்ச்சி – எதனால் உணர்கிறோம்?

புன்னகை செய்யும்போது “Vagus Nerve” என்னும் தலைக்குச் செல்லும் நரம்பு, செயல்பட்டு, மனநிலையை அமைதியாக்கும். இது உடல் மற்றும் மனதிற்கு ஓய்வளிக்கும்.அதே சமயம், மகிழ்ச்சி ஹார்மோன்கள் அதிகரிக்கும். மனதில் “Positive Feedback Loop” தன்மை உருவாகும். அதாவது, நீங்கள் புன்னகை செய்தால், உங்கள் மூளை “நீ மகிழ்ச்சியாக இருக்கிறாய்!” என்று நம்பி உணர்வுகளை மாற்றும். இதனால், மனநிலை நேர்மறையாக மாறும். மனஅழுத்தம் குறையும். எனவே எப்போதும் சிரியுங்கள் மக்களே. அதனால்தான், “மகிழ்ச்சி மிகச் சிறந்த சிகிச்சை” என்று மருத்துவர்கள் கூறுகிறார்கள்!

ஆய்வுகள் என்ன சொல்கின்றன?

“Facial Feedback Hypothesis” என்ற மனவியல் கருத்தின்படி, ஒரு மனிதர் புன்னகை செய்தால், அவருக்கு உண்மையான மகிழ்ச்சி ஏற்படும்.ஹார்வர்ட் பல்கலைக்கழகம் மற்றும் மயோ கிளினிக் ஆய்வுகளின்படி, ஒரு மனிதர் நாள்தோறும் 10-15 நிமிடம் புன்னகை செய்வதால், அவரது மனநிலை 50% மேம்படும். சிரிப்பு யோகா (Laughter Yoga) போன்ற ஆய்வுகள், சிரிப்பது இரத்த அழுத்தத்தை குறைத்து, இதய ஆரோக்கியத்தை மேம்படுத்துகிறது என நிரூபித்துள்ளன.

புன்னகை உங்கள் வாழ்க்கையை மாற்றும் முறை..

 மனஅழுத்தம் குறையும்.
 மகிழ்ச்சி அதிகரிக்கும்.
 உடல் ஆரோக்கியமாக இருக்கும.
 சமூக உறவுகள் வலுவாகும்.
 தன்னம்பிக்கை உயரும்

மகிழ்ச்சி, புன்னகை மற்றும் பல்லின் தொடர்பு – அறிவியல்

மகிழ்ச்சியும், புன்னகையும், பல்லும் மூன்றும் நெருக்கமான தொடர்புடையவை. மகிழ்ச்சி உண்டாகும்போது புன்னகை உருவாகும்; புன்னகையால் பல் வெளிப்படும்; பல்லின் ஆரோக்கியம் புன்னகையின் அழகை தீர்மானிக்கும். இவை மூன்றும் சங்கிலித் தொடர்போல ஒன்றுடன் ஒன்று தொடர் உறவு கொள்பவை.

மகிழ்ச்சி உருவாக்கம் – மூளையின் செயல் விளக்கம்

 மகிழ்ச்சி என்பது மூளையில் ஏற்படும் இரசாயன மாற்றங்களால் உண்டாகிறது.
 மகிழ்ச்சியான ஒரு சம்பவம் நடந்தால், மூளையில் சில முக்கிய பகுதிகள் செயல்படுகின்றன:
 ஹைப்போதாலமஸ் (Hypothalamus) – மனநிலையை கட்டுப்படுத்தும்
 அமிக்டாலா (Amygdala) – உணர்வுகளை புரிந்து கொள்ள உதவும்
 விருமன் மண்டலம் (Reward System) – மக்ழிச்சி தரும் அமைப்பு மகிழ்ச்சியை ஏற்படுத்தும்
 இந்த செயல்பாடுகளின் விளைவாக, மூளை மகிழ்ச்சி ஹார்மோன்களை வெளியிடுகிறது.அவை:
 டோபமின் (Dopamine) – மகிழ்ச்சியையும் தூண்டலையும் ஏற்படுத்தும்
 செரடோனின் (Serotonin) – அமைதியையும் திருப்தியையும் வழங்கும்
 என்டார்பின் (Endorphin) – இயற்கை வலி நிவாரணியாக செயல்படும்.
 இதனால், மகிழ்ச்சியான அனுபவம் கிடைத்தால், உடனே மனம் நிம்மதியடையும்; சந்தோஷம் தாண்டவமாடும்; புன்னகையும் துணைக்கு வரும்.
புன்னகை புன்னகை.புன்னகை. – மகிழ்ச்சி மற்றும் புன்னகையின் தொடர்பு
மகிழ்ச்சி ஏற்பட்டால், மூளை முகத்தசைகளை இயக்கி புன்னகையை உருவாக்கும்.

முக்கியமான முகத்தசைகள்:

 zygomaticus Major – கன்னங்களை உயர்த்தும்
 Orbicularis Oculi – கண்களின் அருகே சிரிப்பு கோடுகளை உருவாக்கும்
அனைத்து உண்மையான புன்னகைகளிலும், கண்களின் அருகே மெல்லிய சுருக்கம் காணப்படும். இது “Duchenne Smile” (மகிழ்ச்சியின் உண்மையான வெளிப்பாடு) என்று அழைக்கப்படுகிறது!

மூளை மகிழ்ச்சியை உணர்ந்தவுடன், உடல் இயங்கிவிடும் – இதுவே புன்னகை! பல்லின் பங்கும், புன்னகையுடன் அதன் இணைப்பு!

ஓர் அழகான, ஆரோக்கியமான புன்னகைக்கு நல்ல பல் முக்கியம்.

மஞ்சள் பல், உடைந்த பல், அல்லது தவறாக வளரும் பல் இருந்தால், சிலர் புன்னகையை தவிர்க்கலாம்.பல்லை அடிக்கடி மறைத்துவிடும் பழக்கம் இருந்தால், அது தன்னம்பிக்கையின்மையை காட்டும். ஈறு நோய்கள் (Gum Disease), பொத்துப் போன பல் போன்ற பிரச்சனைகள் இருந்தால், புன்னகை செய்யும் போது மனத் துன்பம் ஏற்படலாம்.

ஆதலால், பல்லின் ஆரோக்கியம் மிக முக்கியம்!

நல்ல பல் = அழகான புன்னகை = மகிழ்ச்சி அதிகரிக்கும்!

நல்ல புன்னகை = மனநிலைமேம்படும் மற்றும் சமூக உறவுகள் வலுவாகும்!

மகிழ்ச்சி அதிகம் ஏற்படும் இடங்கள்!

மகிழ்ச்சி எங்கே அதிகமாக ..

 பிரபலமான இடங்கள்:குடும்பம் மற்றும் நண்பர்களுடன் இருக்கும் போது – எமோஷனல் தொடர்பு அதிகமாகும்.
 பசுமை நிறைந்த இடங்களில் (பூங்கா, காட்டுப்பகுதி) – இயற்கை மகிழ்ச்சி ஹார்மோன்களை தூண்டும்.
 கலை & இசை அனுபவிக்கும் போது – மூளையில் டோபமின் அதிகரிக்கும்
நகைச்சுவை பார்க்கும்போது – சிரிப்பு மன அழுத்தத்தை குறைக்கும்
 எந்த இடத்திலும், மகிழ்ச்சியை உணர்வது உங்கள் மனநிலையைப் பொறுத்தது!
புன்னகை செய்வதால் மகிழ்ச்சி அதிகரிக்குமா? ஹூம்.ஹூம்.ஆமாம்.
 “Facial Feedback Hypothesis” எனும் அறிவியல் கருத்தின்படி,ஒருவர் கண்மூடித்தனமாக புன்னகை செய்தாலும்,மூளை “நான் மகிழ்ச்சியாக இருக்கிறேன்!” என நினைத்து, உண்மையான மகிழ்ச்சி ஏற்படுகிறது!
இதனால், மன அழுத்தம் குறையும் & உடல் ஆரோக்கியம் மேம்படும்.
 அதனால், கூடுதல் மகிழ்ச்சி பெற, எப்போதும் ஒரு சிறிய புன்னகையை வைத்திருங்கள்!
 மகிழ்ச்சி, புன்னகை மற்றும் பல் மூன்றும் ஒன்றாக இணைந்திருக்கின்றன!
 மகிழ்ச்சி வந்தால், புன்னகை வரும்புன்னகை வந்தால், பல் வெளிப்படும்

நல்ல பல் இருந்தால், புன்னகை அழகாக இருக்கும்.புன்னகை அழகாக இருந்தால், மகிழ்ச்சி மேலும் அதிகரிக்கும்!
அதனால்தான், பல் மருத்துவர்கள் “Smile Makeover” செய்து மகிழ்ச்சியை மேம்படுத்துகிறார்கள். மனம், உடல், மூளை ஆகியவை மனிதனின் அடிப்படை அம்சங்கள் ஆகும். இவற்றின் செயல்பாடுகள்,தொடர்புகளைப் பார்க்கலாமா?

மூளை

மனித மூளை நரம்பு மண்டலத்தின் தலைமைச் செயலகம் ஆகும்.. இது சிந்தனை, நினைவகம், உணர்ச்சி, இயக்கம் போன்ற பல செயல்பாடுகளை கட்டுப்படுத்துகிறது. மூளை பெருமூளை, சிறுமூளை, மூளைத்தண்டு போன்ற பகுதிகளைக் கொண்டுள்ளது. பெருமூளை சிந்தனை மற்றும் அறிவாற்றலுக்குப் பொறுப்பாகும்; சிறுமூளை உடலின் சமநிலை மற்றும் ஒருங்கிணைப்பை நிர்வகிக்கிறது; மூளைத்தண்டு அடிப்படை உடல் செயல்பாடுகளை (எ.கா., இதயத் துடிப்பு, மூச்சு விடுதல்) போன்றவைகளைக் கட்டுப்படுத்துகிறது.

மனம்

மனம் என்பது சிந்தனை, உணர்ச்சி, மன உறுதி, கற்பனை போன்ற அறிவு மற்றும் உணர்வுநிலை சார்ந்த அம்சங்களின் தொகுப்பாகும். மனம் எவ்வாறு இயங்குகிறது என்பது தொடர்பான பல கோட்பாடுகள் உள்ளன. பழமையான தத்துவஞானிகள் இதைப் பற்றி விரிவாக விவாதித்துள்ளனர்.

உடல்

உடல் என்பது மனிதனின் உடற்கூறுகளின் மொத்தமாகும். இதில் எலும்புகள், தசைகள், நரம்புகள், இரத்த நாளங்கள், உட்புற உறுப்புகள் போன்றவை அடங்கும். மூளை உடலின் அனைத்து செயல்பாடுகளையும் கட்டுப்படுத்துகிறது. உதாரணமாக, நரம்பு மண்டலம் மூளையிலிருந்து உடலின் பிற பகுதிகளுக்கு சமிக்ஞைகளை அனுப்புகிறது, இதனால் இயக்கம், உணர்வு, செரிமானம் போன்ற செயல்பாடுகள் நடைபெறுகின்றன.

மூளை, மனம், உடல் தொடர்பு

மூளை, மனம், உடல் ஆகியவை ஒன்றுடன் ஒன்று நெருங்கிய தொடர்பு கொண்டவை. மூளை நரம்பு சமிக்ஞைகள் மூலம் உடலை கட்டுப்படுத்துகிறது; மனம் மூளையின் செயல்பாடுகளின் வெளிப்பாடாகும்; உடல் மூளைக்கு தேவையான தகவல்களை வழங்குகிறது. இந்த மூன்று அம்சங்களின் ஒருங்கிணைப்பு மனிதனின் முழுமையான செயல்பாட்டை உறுதி செய்கிறது.

மனிதனின் நலனுக்கு, மூளை, மனம், உடல் ஆகியவற்றின் சமநிலை முக்கியமானது. அதனால், உடல் ஆரோக்கியத்தையும், மன ஆரோக்கியத்தையும் பராமரிப்பது அவசியம்.

உங்கள் புன்னகை எப்போது மிகவும் நேர்மறையாக இருக்கும்?

புன்னகை செய்யும்போது, உங்கள் மனநிலை நேர்மறையாக மாறுகிறது, மன அழுத்தம் குறைகிறது, மேலும் மகிழ்ச்சி மற்றும் நல்வாழ்வு உணர்வுகளை அனுபவிக்கிறீர்கள். புன்னகை மூளையில் இரசாயன எதிர்வினையைத் தூண்டுகிறது: புன்னகைக்கும் போது, மூளையில் டோபமைன், செரோடோனின் போன்ற மகிழ்ச்சி ஹார்மோன்கள் சுரக்கின்றன, இதனால் மனநிலை மேம்படுகிறது.

புன்னகை செய்யும்போது உங்கள் மனநிலை எப்படி மாறுகிறது?

இன்று நீங்கள் யாரிடமும் ஒரு பெரிய புன்னகையை பகிர்ந்து கொள்ளுங்கள. உங்களுக்கே தெரியாமல் நீங்கள் எப்போதும் அதிகம் புன்னகை செய்வீர்கள்

முதற்கணிப்பு:

மனம் என்பது சிந்தனை, உணர்ச்சி, மன உறுதி, கற்பனை போன்ற அறிவு மற்றும் உணர்வுநிலை சார்ந்த அம்சங்களின் தொகுப்பைக் குறிக்கிறது. இது ஒரு பொருளாக (பருப்பொருள்) அல்லாமல், பார்க்க முடியாத (அருவப்பொருள்) செயல்பாடாகும். மனம், மூளையின் செயல்பாடுகளின் வெளிப்பாடாகக் கருதப்படுகிறது; அதாவது, மனம் என்பது மூளையின் செயல்பாடுகளின் விளைவாகும்.

எழுதியவர்:-

பேரா. மோகனா

Click to Join Telegram Group Link : https://t.me/+lyAFK8ZE0iczZjE1

Click to Join WhatsApp Channel Link : https://whatsapp.com/channel/0029VanQNeO4NVioUBbXer3q

இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.

புக் டே இணையதளத்திற்கு தங்களது நூல் அறிமுகம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து  படைப்புகளையும், எங்களது [email protected] மெயில் அனுப்பிட வேண்டுகிறோம்.